عالم الحياة الزوجية - منتدى

wife no.2 · 20-04-2009, 21:58

السلام عليكم ...
اشكر كل من تفاعل معي في حل مشكلتي في موضوعي السابق و قدم لي النصائح و بين لي موضع تقصيري .
الحمد لله امس جاء زوجي و كنت رايقه و هادية و كنت اظاحكه و لافاتحته بالموضوع ابدا ...
وكنا زي السمن على العسل الحمد لله ......... يالله حسيت براحة نفسية و انشرح صدري يوم جاء عندي بعد هالغيبة .

لما الزوج يغيب شهر بالسفر اهون من انه يكون حاضر بالديرة و يبات عند بيته الثاني اسبوع . .
.................................................. ........................................

هالمرة سأطرح مشكلة ثانيه ممكن تواجها أي وحده مقبله على الزواج من متزوج .

زوجي تزوج قبلي موظفه ولازالت على وظيفتها ... عودته تصرف من راتبها على نفسها وبيتها و عيالها وتدفع فاتورة جوالها و اجرة السواق اللي يوديها للعمل و ماعودته على تحمل مسؤليات مادية كبيرة مما جعل زوجي يتعود على قلة الانفاق ...

فجيت انا الطالبة الجامعية اللي مكافئتها ماتنزل الا كل ثلاث او اربع شهور قليل ماتنزل شهريا ... فصار يساويني فيها ويخليني ادفع اجرة السواق و تكاليف الدراسة من المكافئة و احيانا فاتورة الجوال على اساس انه يبي يساوي بيننا و مايبي يظلم نفسه ...

انا ماهمتني الفلوس لو ياخذها كلها ماعندي مشكلة وهو مو بخيل ابدا لكنه تعود على نظام معين من تسع سنين ....

اذا طلبت منه مصروف للبيت مايعطيني الكثير لكن في فترة كنت الح علية و صار يعطيني بعدين سحبت المكافاة وصرت ما اطلبه شيء و بعد ماخلصت المكافاة رجعت اطلب منه فرجع لنفس حالته الاولى ....

الظاهر ان زوجته الاولى ما تطلبه شيء ومعتمدة على نفسها ماديا ....

فعلا ... زوجك على ماعودته زوجته الاولى ايتها الزوجة الثانية .

احب اعرف ارائكم بالموضوع ...
.................................................. ................................................
موضوع جانبي :.
احب انبه للمرة ثانية لكل زوجة اولى تقرا الموضوع ... ماترد وتقول ماحد قالك تاخذين متزوج ... الخ الخ
او تتلفظ بعبارات فيها اهانة للزوجة الثانية ... لانني سبق ان عرضت موضوع عن مشكلتي كزوجة ثانية فكانت اغلب الردود غير مفيدة وفيها شماته و اهانة .

اذكر مرة كنت اسولف مع زميلات لي بالكلية متزوجات ( كلاهما زوجة اولى )
فلما قلتلهم اني الزوجه الثانية قعدت و حدة تسب بزوجي و تتحسب علية و الثانية عصبت و انفعلت زيادة و صارت تكلمني باسلوب يفتقر للباقة و الادب و تحقق معي ... اللي يسمعها يقول اني ماخذه رجالها .

انا ماواحهت زوجته الاولى الا مرتين و ما بحياتي سمعت منها مسبه ولا وصلني كلام ولا ضرتني بشيء .. كافيه خيرها وشرها .

انا فرحت لما دريت ان زوجي محافظ على زوجته الاولى و ماطلقها ايام الملكة لانه يدل على انه رجل مسئول و مهتم باسرته و عياله و مثل ماحافظ عليها انشالله انه حيحافظ علي و على اسرتنا بالمستقبل .

وانا دايم ادعيلها ان الله يخليها لزوجي و لعيالها ولا ابية يطلقها ابدا لانني اعرف اني ماراح احن على عيالها مثل ماتحن عليهم هي ... واخاف اظلمهم ... و ما احب ان يتفرق شمل عائلتهم ويعاني اولادهم من تبعات الطلاق ...

في السنة الماضية اضطرت زوجته ان تنوم في المستشفى اسبوع بسبب ولادة قيصرية فجاب عياله عندي اسبوع كامل
كان ناوي يخليهم عندي عشرين يوم ... لكن امي قالت

لا لاتعودينه يجيب عياله عندك ماتدرين يمكن اذا تعودوا عليك و صارت مشكلة بينهم يطلقها و يرمي عيالها عليك)...
فقلتله ما ابيهم يقعدون عندي كثير لانهم مسؤلية انا ماتعودت عليها .. اربع اطفال مرة وحدة ( وقتها كنت متاخره بالانجاب و ماعندي اطفال)
حسيته تكدر شوي و صار يعاتبني و يقول افرضي لو صارلها شيء لا سمح الله وين اوديهم ... انتي اللي راح تكونين مسئولة عنهم ...
المهم ,, جابهم لي و كانوا متحمسين و صاروا يلعبون.... داخلين وطالعين مع عيال عمهم و هو يوصيني عليهم : لاينقص عليهم شيء ... انتبهيلهم ...
كنت مهمومه.... شايله همهم لانهم مسؤلية ... ولازم انتبهلهم .... لكني حبيتهم وونسوني و
صار زوجي يقول هاه كيف ؟... ماصار البيت اشرح ...
ايه والله ملوا علينا البيت وونسونا ....
ماودك اجيبهم بعدين يباتون عندنا ... من ودك اجيب ..
فلانة (بنته الكبيرة ) تونسني بسوالفها عبيطه بجد .
صحيح ونسوني لكن ما كنت اعرف اتعامل معاهم لاني ما اعرف شخصياتهم ولا اعرف الطريقة اللي تربوا فيها و ماعندي خبرة
كنت اذا شفتهم يتهاوشون اخليهم يشبعون من بعض ... فقالي زوجي : لاتخلينهم ... فرقيهم
ويله صرت افرق بينهم لكن بنته الوسطى عنيدة بشكل مو طبيعي و صعب التعامل معاها ..
كان اسبوع صعب عن جد ... اسبوع واحد تعبني اجل لو يقعدون عندي العمر كله وش راح اسوي!!!.
الله يخليها لزوجي ولعيالها ولي كمان امين يارب ....

ضيم السنين · 20-04-2009, 22:02

الله يفرج همتس ان شاء الله

حنونه11 · 20-04-2009, 22:28

الله يوفقك

فلسفة مشاعر · 20-04-2009, 23:19

الله يحفظك ويحفظها لزوجكم ((((((((((((كلام بجد روووووعه))))))))))

booooon · 21-04-2009, 00:23

الله يوفقك ويسعدك

ويكف شر ضرتك عنك

ويبعد عنكم الشياطين وأعين الحاسدين

ولا تهتمي بكلام الناس

ما عندي جواب لمشكلتك إلا الدعاء

وتقبلي مروري

**الملـــــكـــــة** · 21-04-2009, 02:28

بصراحه اسلوبك في الكلام رائع جدا .. واضح انك متربية وبنت اصل ..

الله يوفقك ويسعدك يارب ويخليك لزوجك ويخليه لك ...

اما مسألة المصروف اذا قال لك زوجك اصرفي من مكافئتك قولي انا ماني موظفه والمكافأه يالله تكفيني اشتري اشياء بسيطه ...

وبعدين أكيد بعد مااتخرج من الجامعة ماراح الاقي لي على طول عمل يعني انت اللي بتصرف علي .. وأخاف تتعود على الوضع ...

أول مره أشوف رجال متزوج ثنتين ويبغاهم كلهم يصرفون على انفسهم كأنه متزوج متعه ههههههههههههههه ..

بس تبغين الصدق يابخته فيكم انتي والأولى شكلكم كلكم حبوبات ..

دنيا الجراح · 21-04-2009, 02:45

هلا حبيبتي والله انا اعاني من نفس هالشئ كأنك تتكلمين عني لكن انا موطالبه موظفه وكل راتبي يروح مصاريف ومشتروات وايجار خليها على ربك ومعليك باللي يقول الثانيه صراقه ياما سمعتها وطنشت هذا شرع ربي ولو مو مرتاح ماكان تزوج سلااااااااااااام

mh1967mh · 21-04-2009, 03:15

الله يوفقك ويسعدك ويفرج همك ويعطيك على نياتك الحسنه وقلبك الصافي ان شاء الله

أيفان · 21-04-2009, 03:55

انا تزوجت ولد عمي كان عنده زوجه الاول يوم العقد طلق زوجته الاول وتزوجت بعد ماطلقها وحطو اني انا اسبب في دمار حياتها ورغم اني انا مغصوبه عليه جاب عياله وخالهم عايشين معى نفس البيت بس بهذلوني حجرني في غرفه وحده غرفة النوم والبيت لعياله كله وانا ضيفه عنده اسماعها عطالع ونازل وخدام له وعياله بعد سنه من المشاكل بين وبينه لحظ ابوي ماني مارتاحه وغير اكلام اللي يقوله عني اني مقصره في خدمته وانحف الجاني وتغيرة لون بشرتي وكان مانعني من زيارة اهلى .... زي كذا اخذني ابوي من بيته ...بس علقني 9 سنوات ....بعدها طلقني بعد ما شرطة عليه الزوجة الجديده انه يطلقني الله ياسعدها فكتني منه ..............
بس الحين مخطوبه لواحد ثاني عنده زوجه 4 اطفال بس يقولو نها شرانيه ......
سبوني الناس اني خطافه الرجال من حريمهم
والله اني طيبه واهلى طيبين
والله انى في حالي ...........
وخايفه يكون زى الاول ....خايفه اعيش نفس الماسة واضيع ساعدوني بنصيحه
هذا حظى يناس
حسبي الله ونعم الوكيل ..........
ومشكوره على انك فتحتى الموضوع

~Pure Heart~ · 21-04-2009, 04:20

لا حبيبتي من حقك انه يصرف عليك وماله دخل اذا الاولى كافية نفسهابنفسهاوماتطلب منه انتي ايش ذنبك
هو ملزوم يصرف عليك لو انك مليونيرة
ابدا لاتسكتين عن حق من حقوقك وشي وااااااااااااجب عليه

ربي يسعدكم دنيا وآخرة ويجمعكم دووووم على الخير

wife no.2 · 24-04-2009, 21:51

>>>>>>>

المعانق · 24-04-2009, 22:06

يا سلام عليك

اعجبني اسلوبك والله.. وبين عليك انك بنت احراارر..

لكن بيني له وشهي المكافأه ووضحيها له بأسلوب ..

والله يسعدك ياررب ولا يفرق بينكم ويرزقك الذريه الصالحه

عود روويان · 25-04-2009, 00:16

شوفي فديــــــــــــــتج ... لازم تقعديـــن ويااااااااااه وتناقشينه في كل متطلباااااااااتج ..(من غير مقارنه) يعني اللي مفروض تقولينه اولا : لا تحط في بالك اني زعلانه والا متضايقه علشان نقص الماده
ثانيا: الغلا والاحتياجات زادت .. مافي شي مثل اول

amnada · 25-04-2009, 03:35

الله يعطيك على قد نيتك الزينه

أنثى حكيمة · 25-04-2009, 03:40

الله يوفقك ويصلح لك زوجك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجة ثانية : زوجك على ماعودته زوجته الاولى