عالم الحياة الزوجية - منتدى

يغنـيني بنظره · 24-04-2009, 01:11

السلام عليكم

شووو الاخباااااار ان شاءالله طيبه

بدخل في الموضوع على طوووول انا بكمل وانا متزوجه سنتيين بعد 3شهور وعندي بنت عمرها 10 شهور وحامل في الشهر السابع

مشكلتي مع زوجي الصراحه ..... يقولون البنات انها مشكله غبيه بس عندي انا مو غبيه
ادري انه يحبني وواضح من نظراته مراااااااااااااات بس المصيبه احسه بعيييييييييييد عني
والطاااااااااامه الكبرى اني صدت في جواله يغاازل بنات عن طريق البلوتوث وماادري اذا وصل لمكالمااااااااات او انه طلع معااااااااااااهم ومره كنت مسافره معه ومع اهله السعوديه واشترى عطور نسائيه وقالي ان رفيقه موصيييه يشتريها ومشيتها بمزاااجي (ولحد احيين اعلق عليها وماسكت له )
والمره الثانيه جاته عطورات رجاليه وقالي رفيقه كان مسافر البحرين وجاب له هديه (بالله عليكم رفيقه)
وااحين تمشكلت مشكله كبييييييييره مع اهله (للعلم كنت ساكنه مع اهله في نفس البيت)المهم انهم هم الغلطانييين وهو يدري وصار لي قاعده عند هلي 3شهوور وكم اسبوع وهو تقريبا يطلع معي في الاسبووع مرتيين غير المكالماااااااات كل ساعتين غير المسجات وعاااااااادي يتصرف معي بالعكس يدللني ويدلعني ومشتااااااااق لي ويقول بيطلع لي شقه وانا مااقدر ارجع لبيت اهله ولو على طلااااقي وبعاااادي عنه

انا محتااااااااااااااااااااره بتقولون شوووو المطلووووووووووب

ابي اعرف شلون اتصرف معااااااااااه بموضوع مغازلته وموضوع انا في بيت وهو في بيت للعلم زوجي حالته الماديه على قده
بليييييييييييييييييييييز شوروا علي

وفي · 24-04-2009, 01:38

اختي
لديك ثلاث عواقب
1 حالة زوجك المادية ضعيفة
يعني مايستطيع فتح بيت
2 استحالة رجعتك لبيت اهله
3 البعد عنه
وهذي اهم نقطة
البعد يمكن يصعب التفاهم معه
وايضاً يجد فراغ ويساعده على
اخذ راحته ان كان على كلامك بانه يغازل

اما انك ترجعين وتتحملين اهله
بحيث تكوني معه على طول
او انك تصبري لين يفتح لك بيت
بس الى متى

بس حطي في بالك
ان بعدك عنه ماله نتيجة

ومن ناحية انه يغازل
تناقشي معاه بهدوء
وبلغة الحب
وذكريه بعقاب الله
وقولي هل ترضى علي بذلك
ومن الكلام المقنع

اولا يخرج النقاش عن الهدوء
كي تطلعي بنتيجة

واكثري من الدعاء
والا ستغفار
والله يقرج همك

عيون الشمس · 24-04-2009, 01:43

انا مع اخوي وفي بزمن الخيانه ما قصر

والله يسهل امورك

حياتي زوجي · 24-04-2009, 03:41

الله يفرج همك ويساعدك

رياح البحر · 24-04-2009, 03:50

حديث الاستاذ وفى زمن الخيانة مضبوط

red-rose 1 · 24-04-2009, 04:11

شكله مدلعك كتيييييييير

الله يوفقكم

Bonbon86 · 24-04-2009, 04:29

الله يعينك

ضيم السنين · 24-04-2009, 06:31

المشكله ان مافي مشكله اصلا

سكنك مع اهله اكيد من قبل لتتزوجين عندتس خبر انو بتسكنين معاهم ورضيتي ووافقتي به الشي

ورا اللحين معارضه

اما المغازل اغلب الرجاجيل تسذا شي طبيعي

ولا بعد معترفه ان حالتكم الماديه على قدكم اجل وشوله ماتتسنعين وتكونين مع رجلتس بالزينه والشينه

سلطان الفنان · 24-04-2009, 12:04

شوفي اذا كنتي زوجه صالحه لا تكلفي زوجك بشي يتعبه ويصعب عليه
وثاني شي اهله وش دخلهم انتي حطيت اهله في موقف الخصم من دون سبب
واذا كان رجل مغازلنجي حاولي تدلعينه وتعوضينه وتخبرينه انه رجال متزوج وعيب عليه يسوي حركات المراهقين
وخطوه بخطوه الى ما ترجعون الى حياتكم الحلوه

يغنـيني بنظره · 24-04-2009, 12:47

احم احم يالطيبييييييييييييييييين

ثاااااااااااااانكس على الردووود مشكلتي مع اهله (اشتلمت كلا العائلتييييين)كان ودي اعلمكم بس المشكله مو صغييره

وماااااااااعاد يصير ارجع اسكن معاهم مستحييييييييييل بيصير فيها مذااابح

وهم عندهم ملحق خارجي وقلت له نسكن فيه هو نفسه اللي رافض يقوول انا ابيك وابيهم وماابي يجي يوم تتهاوشووون ويخيرووني اهلي بينك وبينهم

ترى انا مو شريره بس ماارضى حد يغلط علي او على هلي وهو عاااارف هالشي ولا كااااااان طلقني من زماااااااااااااااااان

اتضحت الصوره للي هاجموووني

بنت العرب75 · 24-04-2009, 12:50

الله يهدي زوجك ويصلحة

حلاوه قطن · 06-05-2009, 03:24

الله يهديلك زوجك

وجـــدان غـــاليتك · 06-05-2009, 05:06

لا يصير رأسك يابس.. تعوذي من أبليس..حتى لو هم الغلطانين ..عاجبك وضعك هو بيت وأنتي بيت لاتخربين على عمرك ..مدام زوجك أحواله الماديه ضعيفه ..مالكم غير بيت أهله ..وخلي تعاملك مع أهله رسمي عشان تتجنين المشاكل..لين الله يرزقه وتأخذون بيت لحالك .. أجتمعو مع بعض وبعدين حلي مغازلته..لأن وضعه كذا بعيد عنك أمكن رأح يزيد في الغزل..الله يصلح شأنكم

المحتار2010 · 06-05-2009, 11:10

بسم الله الرحمن الرحيم

عندي وجهة نظر ولك حرية النظر فيها او لأ

تقولين انك ساكنه في بيت اهله يعني هل بشقه مستقله او لأ بنفس الشقه

لو كان بنفس الشقه فانتي من حقك انك تعيشين في شقه مستقله اما لوتبين رضى زوجك فراح تسمعين كلامه

حتى لو تعيشين في غرفه انتي مع اهله

ولو كنتي ساكنه بنفس العماره بس لكي شقه مستقله وتبين تنقلين فانتي مافيك خير واكيد انك طفشتيه من كثر

ماتقوليله متى تنقلني تراني قرفت عشان كذا تعتبر هذي ردة فعل لزوجك انا ما اقول انه زوجك صح لا بس انا بقلك نتيجة

فعلك طلع عنده ردة فعل هذا لو كان اصلا يعرف بنات او يكلمهم انتي بتقولين كلام بس كله تخمين ومن طبيعة المرأه انها

تكون شكاكه وهذا الشي الي يكرهه الرجل ومايبيه والمشكله انه طيب معاك ويرسلك رسايل وانتي تصدين عنه

والمرأه الي تقول تبي تطلق بسبب شقه او تخمينات وليست شي حقيقي يعني انتي ما مسكتي عليه شي

هذي زوجه مافيها خير في زوجات ينضربون من رجالهم وفي زوجات صابرين على رجالهم وهم مدمنين وخربانين

وفي زوجات صابرين على رجال مايخافون الله وظالمين وانتي تقولين ابيه ينقلني من شقة اهله وانك شاكه فيه انه

يعرف بنات بالنسبه لي هذا كلام غير مقبول ولا فيه اي شي من المنطق

واسف اذا كان كلامي قاسي بس هالحقيقه

والله يهديك ويصلحك ويرزق زوجك بي 5 مليون دولار قولي امين

والحمد لله رب العالمين

ساطي الخبر · 06-05-2009, 11:19

مالك الله الله ثم زوجك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا في بيت وزوجي في بيت