عالم الحياة الزوجية - منتدى

nawari · 24-04-2009, 06:31

السلام عليكم ورحمه الله وبركاته

عندنا مشكله في السعوديه اذا جا الواحد بيتكلم عن زوجته .. مايقول " زوجتي " يقول " الاهل "
مثلا : لا والله انا اليوم مرتبط مع الاهل ؟؟ و هو بيطلع معي ( بلحالي ) ؟؟ ولا : الاهل ماعجبهم المكان . وطبعن يقصدني انا واللي يكلمه فاهم انه يقصد زوجته ,, و للمعلوميه ماعنده عيال ..
طيب ليـــــــــــــــه ؟ اسم زوجتك وتستحي تقوله ؟؟ قلنا آآمين بلعناها ووراها كاس مويه
طيب "زوجتي" ليــــــــــه لا ؟؟

ياشنبات لا تبخلون علينا بالاجوبه من جد محيرني ................

red-rose 1 · 24-04-2009, 07:20

هههههههههههههههههه
انا مو سعوديه ولا اعاني من هذه المشكله بالعكس <<<<<<ملقوفه

::المهاجر:: · 24-04-2009, 07:46

حرام عليكم يالسعوديات

وربي خلاص طفشنا

كل يوم مطلب جديد لكم حتى في اتفه واسخف الامور

ليش تطالبون بالتغيير ؟! من اجل التغيير فقط؟!

يازينها يوم اقووول اهلي

وانا اخووك لاتزعلين مني هذه وجهة نظري

nawari · 24-04-2009, 08:57

وجهه نظر واحترمها ولا اقصد في كلامي اني ناقصكم شي يالسعوديين ولا فيكم مشاكل مافيه احد كامل وخالي من العيوب انا سعوديه ولا ودي تمنيت تصيبي يكون الاا سعودي الله يخليهم لنا والله رزقني سعودي ولله الحمد احب يديني وجه وقفا ...
المشكله انا اتظاااايق اذا سمعته يقولها طيب ليه مب " زوجتي " والله انها تجنن ولاحقين على مسمى " الاهل " انشالله .
انا بس ابيك توظحلي السبب .. ليه " الاهل" هل عيب اذا قال الرجال لخويه او للي يكلمه مثل انا طالع مع زوجتي ...
فاهم انا وش اقصد من السؤال ,, ليــــه؟؟ وهل باظغط على زوجي لو طلبت منه انه يقول زوجتي موش " الاهل " ؟؟؟؟
آسفه اذا وصلت المعلومه على انها مشكله عظيمه في السعوديين هي مشكله بالنسبه " لي " للتوظيح.. عشان كذا سالت المتزوجات الباقيات
اما عن السعودييين انا مع السعوده وبقوووووووووووووووووووووه مع احترامي لغير السعوديين
والموضوع سخيف زي ماتفضلت وقلت وسبق وذكرت هذا الشي في عنوان الموضوع
وهذا الي مزعجني انه سخييف بس ما تتصور كيف اتمنااه يقول " زوجتي " واتظاايق اذا قال " الاهل " بس احس موضوع سخيف اناقش زوجي فيه عشان كذا حطيته هنا قبل
ابي افهم ليه ..؟
ولك كل الشكر اخوي آسفه على سوء الفهم اللي حصل
اتمنا اني قدرت اوصل المعلومه صح هالمره

::المهاجر:: · 24-04-2009, 09:35

وانا اخوكـ

من المره الماضية انا فاهمكـ

لكن اللي نرفزني ما ادخل منتدى إلا والاقي مطالبات للنساء من الرجال ؟!

***

يمكن إنتي تشوفين بأنها حلوه إن قال زوجتي

وإحنا واحدنا مو يقصد إنزال من قدر اهله

يعني ممكن مشغول مع زوجتي واقول اهلي وممكن مشغول مع اختي واقول اهلي وممكن مشغول مع الوالده واقول اهلي

كلمة اهلي تكون مبهمة للطرف المقابل

طبعا الغالب بعد الزواج لو بتقول لشخص مشغول مع اهلي بيعرف انه زوجتك

لكن لو سألتيني عن نفسي انا بقولك بقول اهلي وماراح اقول زوجتي واوقات يمكن اشعر بإحراج (غيرة) او بانه مو من حق الشخص المقابل يعرف مين اقصد بالاهل

هذا طبعا كلام السعهـ على قولتهم لاني عزوبي لكن يمكن اطب في وحده {...} وبعدها اقول مشغول مع زوجتي

هههههههه

بس ممكن تحاولي تجربي مع زوجك وتسألينه وعلى ضوء النتيجة تطلبي منه يقولي زوجتي بدل اهلي او تقفلي الموضوع.

عموما اعجبني اطرائك للسعودي "مع وجود أخطاء لانه بشر"

والله ماتدرين قد ايش انبسطة لانه بصراحة أغلب المنتديات مافيه غير كيل المكيال بمكيالين لنا يامعشر الرجال ؟!

وتبقى المراءة السعودية تاج فوق رؤسنا

nawari · 24-04-2009, 10:45

اسعدني مرورك وطيحت جزء من اللي كان في راسي

ورزقك ربي بنت الحلال السنعه اللي تسللك لك واااجد

الشايب الخبير · 24-04-2009, 13:58

لا كانه ضايق صدرك تراهم احيانا يسمونهم العيال

يعني طالع مع عيالي ,, ولا بروح اودي عيالي

لكن هذي ما اشوف فيها نقصان للزوجه ابد

بل اعتقد انها اشمل ,, لأنه اذا قال الاهل يعني ان زوجته هي اهله وناسه وقامت محل ناس كثير من الاهل

اما اذا قال زوجتي فهي فقط الزوجه

فالمفروض ان الزوجه تستانس اذا حست انها ملت حيز كبير في حياته وسماها الاهل

وبعدين هذي دارجة عندنا وشى عليها كثير من الناس خصوصا في مجالس الرجال يشوفون ام كلمة الاهل اخف والطف من كلمة زوجتي ,, قد تكون فيها شموليه

بعدين انتي هالحين اذا بغيتي تنادين جدتك تقولين ياجدتي ,, مثل هايدي ؟؟ ولا تنادينها كما اعتدنا عليها كلنا امي فلانه

وانتي تنادينها امي وهي جدتك

يعني كلها مصطلحات تعودنا عليها فقط لاغير

تحياتي لك يا اهل زوجك خخخخخخخخ

عاشق اللمى · 24-04-2009, 15:12

والله انا مثلك استغرب من اللي يقولون اهلي وهو يقصد زوجته مع اني شاب سعودي بس اشوف انه مافيها شي ابدا اقول زوجتي... طالع مع زوجتي... زوجتي مريضة...(طبعا اخوكم للحين عزوبي بساقصد لمن اتزوج)

يعني مااقول مشغول مع أهلي الا اذا اقصد اني مشغول مع امي وخواتي واخواني مجتمعين ساعتها اقول... اهلي

لا وازيدك من الشعر بيت اذا كان اللي اكلمه واحد من اصحابي اللي امون عليه عادي اقول مشغول مع فلانة... واقول اسم زوجتي ولا فيها شي دام انه بيني وبينه ميانة

صراحة حنا الشعب السعودي عندنا عادات فيها مبالغة وحساسية كثير مثل هالموضوع اللي ذكرتيه لكن ان شالله انه كله يزول مع الوقت والزمن وازدياد التعليم والفهم الصحيح للدين

wife no.2 · 24-04-2009, 16:04

انا ماعندي مشكلة ...... واذا كان عنده احد وهو يكلمني بكلمني بصيغة الجمع
اظن هذا راجع لثقافة المجتمع السعودي
يمكن من زود الغيرة .... او شيء تربوا علية

بلسم الروح · 24-04-2009, 16:10

تحية معزة ومودة
مو بس الرجل السعودي أتصور نحن في كل الخليج حين نتكلم عن زوجاتنا و هم غائبون نصطلح عليهم بالأهل و أعتقد أنه ليس من باب الانتقاص منهم بل هو نوع من التفخيم لهم ...
و أعتقد أن منشئ التسيمة قرآني أو عربي بشكل عام ...
وااافر مودتي

اخو نوره · 24-04-2009, 16:16

با العكس كونه يقول الاهل هذا رفع من قيمة الزوجه يعني انها بنفس قيمة الاهل
با النسبه لي انا اسميهم اعيالي

E.L.E.G.A.N.T · 24-04-2009, 18:38

يا اختي الاهل ازين من كلمة العرب اجنا عندنا مايقول لازوجتي ولا الاهل يقول العرب وهو مابه الا مرته بس

لسه بخيره · 24-04-2009, 18:47

على فكره اطلاق كلمة الاهل على الزوجه ليس خاص بالسعوديه ولكن هى عادة العرب منقديم الزمان
وهى لاتنقص من حق الزوجه بل هى تعبير بليغ جدا وفيه رفعه لمكانة الزوجه

متغربين · 24-04-2009, 19:47

في مصر بنقول الجماعة بس انا شخصيا بحب ااقول اسم زوجتي عادي

لوعة الخاطر · 24-04-2009, 20:09

أحسها كلمه ماتزعل عاااادي وهالمصطلح في كل مكان في الخليج عموما وأنا زوجي مثل زوجك وساعات يقول بطلع مع البيت ههههههههههههههه >>>خرطها وخربها بيشيل البيت بكبرة وبيطلع معاه من مكان لمكان هههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال سخيييف يظايقني اوجهه للازواج ... والزوجات يظايقكم ولا لا ؟؟