عالم الحياة الزوجية - منتدى

ام فتحى · 25-04-2009, 00:04

انا بحبك شديد فوق ماتتصور

وانا مابقول ليك كدا عشان استعطفك علي ولا ازل نفسى بس انا بعمل العلي عشان مافى يوم اجى اندم انى ماحاولت احافظ عليك

وماعملت حاجة انا حاعمل العلى والباقى على ربنا لو رايد اننا نستمر مع بعض حانستمر لو مامكتوب لينا والله مهما عملنا ماحننفع مع بعض ولا ربنا حيسهلا لينا

من اليوم ولحدى اخر يوم فى عمرى مافى زول حيعرف عن اى حاجة بتخصك لا خير لا شر

بس لو سمحتا التزم انت برضو بالكلام دا

حتقولى انا حر واكلم العاوزو واسوى العاوزو

هى ما مرجلة ولا قصة تكلم وانا مااكلم

بس هى قاعدة انت وضعتها

يبقى انت اول واحد تلتزم بيها صح

ماعاوزة تقول لى اى حاجة ولا تتكلم معاى فى حاجة مامشكلة بس ما اكون انا ماعارفة وغيرى عارف حاجة بتخصنا احنا

يعنى تكون عارفة انت وبس ولو عاوز تقول لى يبقى انا وانت وبس

ماعاوزنى اطلع حتة ولا اكلم فلان ولا فلانة جدا بس اجل الكلام دا لحدى ماابقى فى بيتك وتحت تصرفك

لانو فى حاجات بتتفرض على من امى او ابوى ومامعنى كلامى انى مابسمع كلامك بس مابقدر اقول لابوى لا

لكن لو انا فى بيتك مافى زول بفرض على حاجة ولا امى ولا ابوى ولو عاوز هما زاتهم تمنعنى منهم يبقى من حقك بس الان سامحنى مابقدر

لو قلت ليك حاجة وانت ماصدقتنى ماتكزبنى لو مامتاكد وبس لمجرد شك منك اطلع انا كزابة اثبت انى كزبتا وواجهنى وساعتها اتصرف زى مايعجبك مابعاتبك بس غير كدا يبقى ظلم وربنا مابرضى بالظلم رفقا بالقوارير

انا يا حبيبى ماضعيفة ولا ماعندى شخصية ولو انا كدا صدقنى ماكنتا حبيتنى ولا كان قدرنا نستمر لحدى هسى عارف دا انجاز بالنسبة لى اننا لسة مع بعض صح فى مشاكل كتيرة بينا بس لسة فى شعرة بينا الله اعلم تفضل وتقوى ولا تنقطع

حبيبى انا ايمكن غلطا عليك وكتير انا عارفة بس جد مابقصد ازعلك ولا اغضبك وربنا شاهد على كل لكمة بقولا ليك يحاسبنى عليها يوم الموقف العظيم واسفة جداجداجدا

انت برضو غلطتا على وكتير وشديد وافظع كلام بتقولو لى وعمرى ماشلتو فى قلبى منك وكلمة منك بترضينى وانت عارف دا كويس

حبيبى انت كنت صريح معاى وقلت لى وضعك واى حاجة عنك صغيرة وكبيرة انا حصل يوم اعترضا حصل كلامك اثر على حبى ليك بالعكس والله انا كل يوم كنت بحبك وبحترمك اكتر لا عمرى شكيت فيك ولا يوم كزبتك بسامحك مهما تعمل فينى لانى عارفة قلبك ابيض وانت طيب ومافى احن منك ولا اعظم منك كل يوم وكل صلاة بحمد الله عليك وبدعى ربنا يخليك لى ومايحرمنى منك

والله امى بتحمد الله انك بقيت من نصيبى وبتقولا لى كل يوم وبتقولى لو دقاك تقولى اسفة وتبوسى فوق راسو وتشيلى فى عيونك لانو راجل تمام ومافى زى اتنين والله يدى اخواتك راجل زيو

حبيبى انت لمن اقول ليك مابتثق فينى بتقول لى لو مابثق فيك مابقعد معاك دقيقة صح طيب بس عاوزة اطلب طلب خلى كلامك لى فى اى حاجة لحدى مانكون سوا فى بيت واحد لو ربنا اراد ان شاء الله ولو خالفت ليك كلمة واحدة دقنى احبسنى ان شاء الله تطلقنى مابقول كلمة لانى ساعتا بكون غلطانة واستاهل البجينى منك

بس خلى فى ثقة بينا ويوم تكتشف انى خنتا ثقتك انا مابقدر اوريك وشى تانى خلى انت حتسوى فينى شنو

والله ساعتا ابقى مابستاهل منك تتف فى وشى ولا تضربنى بالجزمة الابسا

حبيبى امى عمرها ماغلطت فى حقك بنص كلمة عشان تقول عنها كدا ولا امى نوع النسوان البحرشوا بناتهم على رجالم " هو كان قال ليها انتى اى حاجة تقولى لى امك امك "ولا بتتدخل اصلا والله بتغلطنى ليك دايما لو انا ماغلطانة بتقولى انتى مابتراعى ظروف الولد متغرب وشقيان وتعبان تواسى ولا تزيدى همومو وربنا يشهد عمرها ماقالت لى كلمة ولا حرشتنى عليك والله دايما بتوصينى انا عليك

ماتتصور فرحانة بيك كيف وفى اى مكان ولى اى زول بتقول كدا

حبيبى والله انا اسفة على اى حاجة حصلت ليك بسببى اى كلمة غلطتا عليك بيها او حاجة عملتها سامحنى عليها

ما انا البنت الببيع راجل واعظم راجل ولو لفيت الدنيا كلها مابلقى زول يحافظ عليا وبصوني زيو

والله لو عملتا كدا ابقى مابستاهلك وكنوز الدنيا مابتعوضنى ضفرك

المشاكل الحصلت بينا دى كلها انساها لانو زى ماقلت لى زمان مهما حصل بينا احنا الاتنين فى النهاية كلمة منك بجى اترمى فى حضنك وبننسى لكن كلام فيهو امى وقالت وماقالت والله حيعمل مشاكل كتيرة مافى داعى ليها ولو ابوى بس بالغلط سمع انو انت زعلان فى حاجة زى دى بتحصل مشكلة ولو وصلت لطلاق امى بتصل ابوى وبعرفو مع انها والله ماقالت حاجة وحاشاها الغلط امى ولو غلطت بتغلط فى الدنيا كلها ومابتغلط فيك انت

حتقول لى انا مالى بس هى لمن سافرت وجات المكان الانت فيهو انت الاحترمتها وعاملتها احسن معاملة وما امى البترد لزول عاملا كدا بالغلط

حتى لو انت شايف انها غلطت معليش حقك على وانسى الحصل مافى زول عارف وانا مابقول لزول لو بعد مية سنة بس انت انهى الموضوع دا . دى امى بس راعى دا وماعاوزاها تزعل وهى ماقالت حاجة ورب العباد ان شاء الله اموت ماقالت حاجة غلط فى حقك بس ماعاوزة الكلام دا يصلا نهاى ابوس يدك لو بتحترما زى امك زى مابتقول

اما موضوعنا احنا اخد وقتك وفكر زى مايعجبك وممكن عادى ننهى البينا صدقنى ما اخر ناس يحصل بينهم كدا وببساطة ممكن نقول مااتفقنا سوا ومافى مشاكل حتحصل بين الاهل والله هم بينا ولا من غيرنا اهل وقبل يجيبونا اهل ما احنا البنخرب علاقتم

وكان الله رايد نكون سوا حنكون سوا لو ابينا او وافقنا ولو مارايد برضو ماحيحصل

استخير امشى الحرم صلى ركعتين وعمر وفكر برواقة والله ربنا بهديك للصاح لو محلك كان مشيت والله راحة اول شى وبتفكر صاح وتتخز قرار ماحتندم عليهو نهاى طول حياتك مهما يكون

وادعى لى معاك ربنا يهدينى برضو ويقدم لينا الفيهو الخير لى وليك لو سوا لو بعيد من بعض

ياحبيبى مهما يكون انا بحترمك وطول عمرى بحترمك مهما كان ومهما حيكون واهلى كلهم من صغيرهم لكبيرهم بحبوك وبحترموك زى اخوهم الكبير صح ماكان بعرفوك بس لمن عرفوك كلهم حبوك والله والله والله امى اكتر وحدة وليل ونهار بتشكر فيك وتدعى ليك اتمنى ماتتاثر علاقتك بيها بكلام والله مابنفع ومابستاهل

واتمنى برضو تكون بتحترمنى وماتكرهنى انا مابحب زول يكون زعلان منى فما بالك انت لانك عندك معزة خاصة فى قلبى

وماتفتكر دا كلام عشان اثر على قرارك لا والله جد دا احساسى ليك

وانا برضو حافكر وحاستخير ربنا

ربنا يقدم الفيهو الخير لى وليك

ولو الرسالة دى ضايقتك فى حاجة برضو اسفة وامسحا وانسى انى رسلتها

واتصرف بالطريقة البتريحك وانا راضية بحكمك لو نصفتنى او ظلمتنى

هذه رسالة ارسلتها حبيبة لحبيبها بعد مشكلة حصلت بينهم اثناء تجهيزاتهم للزواج لو كنت مكانه ماذا سيكون ردك لها ؟؟؟؟؟؟؟؟؟

][*الحياة حلوة*][ · 25-04-2009, 00:14

<<الحين هذولا يتفاهمون كل ذا الكلام على رسالة ليه مايتقابلون ويخلصون

بس الصراحه مفهمتش حاجه بعدين مو كنها لهجتين بنفس الرسالة ولا صعايدة من طنطا مو فاهمه.....!!

عموما بقلها تعالي نتقابل في الكوفي ونخلص كل حاجه,,,,!! وبس

نجلاء22 · 25-04-2009, 00:50

آآآآآآآآآآآآآآآآآآآآآآآآآآآآآآى ماداير افهم شنو يازوووول

ضيم السنين · 25-04-2009, 00:58

مافيهم حيل يتزوجون ثمن هونو يمكن

ابساْلك ليه انا · 25-04-2009, 01:03

هدا كولوا مسج مشاء الله اجل لو بتقابلوا ايش حتقول دا كلام كتير اوي اوي بلمصري هههههههه

Bonbon86 · 25-04-2009, 01:10

سوووووووووووووووري أخت أم فتحي للأسف ما فهمت و لا شي غير كلمت زول = ريال : (

true heart · 25-04-2009, 01:26

...............؟؟؟؟؟؟؟؟؟؟؟؟؟؟؟؟؟؟؟؟؟

اميره على نفسها · 25-04-2009, 01:49

الشخصين هذولا سودانيين وغريبة ماتعبوا من طول كتابة الرسالة الله يهدى سرهم ام فتحى والله انا احب السودانيين لانهم اكثرهم صديقاتى مع اتى سعودية وجربت التعامل معهم والله قمة فى الاخلاق والتعامل الحسن واهم شئ كثرة خوفهم من االله واعذرينى ما فهمت من الرسالة الا انها رسالة معاتبة تقبلى مرورى

نايف الحسن · 25-04-2009, 04:22

اقتباس:

المشاركة الأصلية كتبت بواسطة نجلاء22

آآآآآآآآآآآآآآآآآآآآآآآآآآآآآآى ماداير افهم شنو يازوووول

هههههههههههههههههههههههههههه

خيانه عيني عينك · 25-04-2009, 04:28

هههههههههههههههههههه

ياحليل السودانيين

بس تعالي كم الرصيد اللي بيكفيهم ههههههههه

ياكثر حكيهم

ذكرآه · 25-04-2009, 05:36

ياليتك كل الناس سودانيين : (

اطيب قلوب قلوبهم ما شاء الله ...

لو اني مكان الرجال كان قلت:

داير نتجوز النهار دآآآآآآ يا حبيبة قلبي

يا حبي لها ونعم المرأه والله

0
0
0

غراميات عاشقه · 25-04-2009, 06:08

والله مدري بصراحه اش اقول في اشخاص اذا ماعقلت وتريقت على خلق الله ماترتاح يابشر قدروا احساس الناس
واحترموا اقلامهم ماعندكم رد لاتكبتوا فعلا هيا مجرد شاشه ولكن اقلامكم تدل على شخصياتكم
غاليتي نحن اشخاص راينا ماكتبتي ولكن لا نعرف اسباب المشكله التفصليه التي
بينكم نصيحه من اخت اتواجهو وكل شخص يقول الي بنفسه افضل من مليون مسج صدقيني كدا راح تشوف وتحلوا كل المشاكل من جميع وجهات النظر لكي كل احتراماتي

قحطاااني ماااركه · 25-04-2009, 08:08

ارجوا من الاعضاء التزام الادب وترك التعليقات
الجانبيه اللي ما تخدم الموضوع
.............

انا والله مو فاهم السالفه مضبوط ؟؟؟

ضيم السنين · 25-04-2009, 08:13

صاحبة الموضوع تنكت اصلا هالسالفه ماتخصها بس جايبتها ليش

ذكرآه · 25-04-2009, 08:30

اقتباس:

المشاركة الأصلية كتبت بواسطة ضيم السنين

صاحبة الموضوع تنكت اصلا هالسالفه ماتخصها بس جايبتها ليش

لا ما تنكت وهي صاحبة السالفه

شوفي مواضيعها تلقينها نفس الاسلوب ..ولو كانت مو لها لصديقتها مثلا

هي ما جابت شي ينكت بالموضوع وين لقيتي نكته فيه !!!

0
0
0

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماذا تفعل مع انسانة ترسل لك مثل هذه الرسالة ؟