عالم الحياة الزوجية - منتدى

ملكة على عرشي · 25-04-2009, 03:59

مشكلتي ازليه وهي ان تفكير وتفكير زوجي مو اوكي

يعني انا احب الطلعه والتمشي وهو بيتوتي اخر درجه احب يكون لي صداقات مره يعني اجتماعيه

وهو خبر خير من الدوام للبيت ومن البيت للدوام

وانا احب اسولف معاه وهو ما يتكلم الا للضروره يعني اقول عشرين كلمه يرد علي بكلمه

حاولت اغير منه ما قدرت مدري وش الحل حدي طفشت؟؟؟ظ

THE SKY COLORS · 25-04-2009, 04:55

هذي مشكله النساء الازليه
حبيبتي الرجال بطبعهم الهدووووووووووووووووء لابعد درجه
انتي سولفي على راسه لين ينفقع
بعدين الطلعه شيء اكيد مايحبها
حبيبتي مو مشكله طمني نفسك كل الرجال كذا .. بس الله يعينك عليه ..

ضيم السنين · 25-04-2009, 06:00

احتارو فيكم

لطلعو اشتكيتو

ولقعدو اشتكيتو

تركيبة رجلتس تسذا خلاص تعودي عليه بدون تذمر

مثل مارضيتي بزينه ارضي بشينه بعد

& دلع جوري & · 25-04-2009, 07:15

اذا من الدوام للبيت ومن البيت للدوام ...

هذا الامر طبيعي لانو يصير متعود عليه وهذا طبعه ومستحيل تقدرين تغيرينه

بس حـآولو انكم تطلعون سواء تتمشوون وتغيرون جووو

امـآ على سآلفه انه على طوول سـآكت لمحي له انه سكوته يمللك

Bonbon86 · 25-04-2009, 08:22

اشتبين أحسن؟؟
اذا الريال ما يحب الطلعات احس صعبه او انسي تغيرين فيه هالطبع بس اذا على الكلام شاركيه اهتماماته

-تكلمي في مواضيع تهمه ويكون فاهم فيها عشان يقدر يرد عليج ويتفلسف ويطلق العنان لنفسه
-لمن ينطق ( بما أنه نادر ما ينطق) بينيله أنج معجبه و منبهره برايه وطريقة كلامه وأن كلامه عجيب وميه ميه عشان يلقى متعته بالحديث معاج و ينطلق لسانه ويصير يتكلم أكثر منج
-على فكره لمن يتكلم لا تسوين نفسج فاهمه أحسن منه يعني ادعي الجهل اشويه
-بنفس الوقت بينيله ثقافتج
- لمن يقولج معلومه سوي نفسج أول مره تسمعينها منه وأن المعلومه اللي قالها اعجبتج بطريقه طبيعيه و مقنعه من غير مبالغه

عن تجربه لاحظت أن هالاسلوب فعااااااااااال يعني اللي ما ينطق ينطق
لدرجة عندي خوالي بأي حزه يجون عندي حتى لو الفجر وهاتلك يا فلسفه لي ثاني يوم الصبح نتكلم بالسياسه, الاقتصاد, الفلسفه, الدين, الشعر, عقارات وكل شي يطري على بالج احيانا يطنشون مكاتبهم وشغلهم عشان نكمل حديثنا ومع حريمهم مستحيل يفتحون مواضيع جذي تلقيني أنا البنت تعبت و اهم لا

عشان جذي خليه ساكت احسنلج

غلاب · 25-04-2009, 11:15

بعد التحيه للجميع .
ممكن سوال ليه انتي ماتطبعي مثله اي انه يصير طبعك مثل طبعه اذآ ماراح تقدري لانه مو طبعك واذآ لاتلوميه لان هذا طبعه اذا قدرتي تغيري بنفسك معناته ممكن تغيريه .

غلوويا · 25-04-2009, 11:20

هذي الامور كان المفروض تسأليه عنها قبل الزواج

و هل في توافق بين شخصيتك و شخصيته ؟؟

المهم الحين ما في اي رجعه في الكلام مثل ما يقولون الفاس طاح في الراس

حاولي انك تتعايشي مع هذا الامر حاولي انك تجيبي الطلعه لبيتك حاولي انك تحسسينه بأن الطلعه معك شي حلو

اعزمي ربيعاتك للبيت

و ان شاء الله طبعه بعد ما يشوف هذا الشي راح يتغير

ربي يحفظك

دلع بدلع · 25-04-2009, 11:34

معظم الرجال هيك اذا انتي مو قادره تغيريه تغيري انتي وطبعي بطبعه

صفحات لم تقرأ · 25-04-2009, 11:39

والله ماعرفنا لكم يامعشر النساء

الله يعينكم

شاكيرا بنت مناحي · 26-04-2009, 04:26

حلو مره أدا ماكان يحب الطلعه ........

بس أنه مايهرج واجد ملل مااقول اللى الله يعينك ................

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ما ادري ايش الحل طفشت؟؟؟؟