عالم الحياة الزوجية - منتدى

AHM22 · 25-04-2009, 08:37

السلام عليكم ورحمه الله وبركاته

نكمل سالفتنا معكم ويمكن تذكرون موضوعي اللي قبل (اللي كان مضمونه البنات فص ملح وذابوا)

يوم قلت لكم اني خطبت 6 بنات واللي مافي نصيب واللي ابوها مايبي يزوجها ولي عمرها صغير على الزواج والقائمه تطول ... (لان اولياء الامور هاليومين يبون بناتهم يعنسوا)

انا قلت لكم اني وكلت امري لله عز وجل وكللمنا خطابه لان اهلي مايعرفوا ناس كثير لانهم مو راعين طلعات ولا شاي ضحى خخخ ولا شي ياعند الاهل يالبيت ونادر للصديقات زيارة المهم

اتصلت الخطابه (الخطابه هذه تقرب لصديقه اختي طبعا)

قالت حصلت لكم بنت جميله ومستورة ومن عائله نعرفها من بعيد يعني ومحشومه وعمرها 20 وقريب بتدخل 21 سنه (انا عمري 21 وقي شهر 8 بدخل 22 وبمشي 23 ) قالت امي ها تبيها لان الخطابه قالت شاوروا الولد وخبروني عشان اكلم اهل البنت المهم قلت يا امي انا عجزت وماحصلت بنت بالثانويه تقول امي اصبر نبي لك بنت في حدود 19 سنه قلت لا امي كلمي الخطابه خليها تكلم اهل البنت ويمكن البنت تعجبنا ويمكن لا ,الزواج قسمه ونصيب .

هل عمر البنت كبير ولا عادي اشوفه انه حلو بس مدري متردد ابي رايكم افيدوني

.

nawari · 25-04-2009, 08:44

لا عادي بالنسيبه لي وش تبي بوحده بالثنويه .... (بزر)
هذا بالنسبه للعمر
استخر ربك اخوي قبل كل شي ..
مع اني احس انك مرره سعنون عالزواج !!!!!!!

Njo0oud · 25-04-2009, 08:48

بالنسبه لي احسها حلووه بعني قريبين لبعض ورااح ان شالله تفهمون بعض بالسهوله

انت وكل امرك لرب العااالمين اذا في البنت خيير الله يقدمها لك واذا فيها شر الله يبعدها عنك

وبالتوفيييييييق

nawari · 25-04-2009, 08:49

موفق في اي قرار انشالله

AHM22 · 25-04-2009, 09:03

Njo0oud

اشكرك اختي على الدعاء والنصيحه

nawari
شكرا اختي على الافادة والنصيحه , ولكن كلمتك سعنون على الزواج انا بقولك شي( هل الرجل اذا اراد ان يستر على نفسه تعتبر من العجله , وبستشهدلك بقول الرسول صلى الله عليه وسلم وعن عبد الله بن مسعود : كنا مع النبي شباباً لا نجد شيئا فقال لنا رسول الله : يا معشر الشباب، من استطاع الباءة فليتزوج فإنه أغضّ للبصر وأحصن للفرج ومن لم يستطع فعليه بالصوم فإنه له وجاء. رواه البخاري ومسلم وأصحاب السنن الخمسة جميعا والإمام أحمد.

والباءة : هي القدرة على الزواج وتحمل مسؤوليته وشكراا

قحطاااني ماااركه · 25-04-2009, 10:18

الأهم التوافق والإنسجام اما العمر
ليس مقياس لنجاح الزواج

الله يوفقك

AHM22 · 25-04-2009, 10:24

مشكور اخي قحطاني ماركه

ربي يسهل امري ان شاء الله ويرزقني زوجه صالحه

العمـــدة · 25-04-2009, 10:53

أخي العزيز ..
ياخي 6 بنات وماحصل نصيب !!!
ولكن ياأخي الزواج هو في البداية إتخاذ قرار
فإن لم تكن مقتنع بهذا العمر فمن الأولى الإنتظار إلى ان تجد التي تناسبك
وبعدين ياخوي ما أدري وش فرق 20 سنه عن 19 سنه والله وأنا أخوك ماتفرق
اللي يفرق معك الأخلاق والحكمة فقط
بس حبيت أقولك لاتخطي خطوة وحدة إلا وأنت مقتنع أشد الإقتناع
وأنا أنصحك بالتريث قليلاً وعدم الإستعجال بالزواج
وجهة نظر فقط ..
وإسمحلي على الإطالة ..

¶§»أســ§ــومــ§ــة«§¶ · 25-04-2009, 11:02

ماشاء الله
عمركم مناسب لبعض ماشاء الله

ربي يوفقكم ويسعدكم ويبارك لكم 19 صغيره

استخير هذا اهم شي

يسعدكم ربي

Bonbon86 · 25-04-2009, 11:13

أخوي خلك من موضوع الأرقام 19 و لا 20 المهم تكون مقتنع فيها و عاجبتك انشاءالله حتى لو أكبر منك
بالتوفيج الله يكتبلك اللي فيه الخير

& إحساس رجل & · 25-04-2009, 11:21

لا يردك سنه ولا سنتين تراها ماتفرق كثير اذا البنت متعلمه وفاهمه ومن عايله

الله يوفقك

AHM22 · 25-04-2009, 11:30

مشكورين يا اخواني ويارب اهلها يردون ويعطونا موعد عشان الاهل يشوفها ويلتقوا معها ويارب تكون عند حسن التطلع وتكون من نصيبي يارب

تـركي · 25-04-2009, 11:31

عادي جدا

وفيه منهم زوجاتهم اكبر منهم بسنة او اقل بسنة

عاادي جدا الاهم التوافق والله يوفقك

وتوك مشاء الله تبي تلحق على عمرك

مو مثل موضة هالايام الواحد مننا صاك الثلاثين ويقول توي افكر خلوني

بالتوفيق

غلوويا · 25-04-2009, 11:32

سنها كثير مناااسب

في هذا السن يعتبر انها كبرت و عدت مرحلة الخبال يعني بتكون اهدى من بنت بالثنويه

و انا اشوف ان كل ما كانت لك اقرب في العمر كل ما كان احسن

لأن التفكير راح يكون متقارب من بعض

و بعدين انت روح شوفها اذا عجبت صل استخاره و ان شاء الله ربي بيوفقك

ربي يحفظك

صفحات لم تقرأ · 25-04-2009, 11:41

أعماركم مناسبه

والله يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي احد يخفف عني لكن بصراحه وبدون مجامله؟