عالم الحياة الزوجية - منتدى

rose84 · 01-07-2009, 11:54

انا نزلت في 24/4 والابرة الي اخذتها ميشان التنزيل لازم بعديها يمرو تلاث شهور من دون حملل لانه مفعولها بيضل بالدم وان شاء الله انا راح اعيدها الشهر هاد يعني يمكن ابلش اخد ابر في 15/7 وهلأ باخد فوليك اسيد وفيتامينات
بصراحه الدكتور رائع جدا وفهمان كتير واسلوبة مريح وانا رح اعيدها عنده ان شاء الله بس انت ايش المشكلة الي عندك وكم الك متزوجه

rose84 · 01-07-2009, 11:59

انا من عمان

كفاي بدور · 01-07-2009, 12:14

أنا الي متزوجة 7 سنوات والمشكلة عند زوجي ما عنده حيوانات منوية وعملت 4 مرات انابيب كلهم في المدينة الطبية عند د موفق بركات بس نا انكتب لي نصيب وكانت آخر مرة هاد الشهر والحمد لله ما نجحت معي واليوم التاسع من الترجيع أجت الدورة فطرت عند نجيب ليوس ومتل ما حكيتي إنسان رائع جدا حكالي إنه صار عندي ضعف في المبايض وأعطاني كوميات أدوية بس ما شريت إشي منهم لأني شريت عسا وغذاء ملكي وحبوب لقاح وطلع النخيل وهيني باكل منهم

الله كريم

أنا من الزرقاء

rose84 · 01-07-2009, 12:23

وانا كمان حبيبتي المشكلة عند زوجي عندة العدد قليل والحركة كتير بطيئة بس لازم تاخدي الادوية الي كتبلك اياها حتى جسمك يستجيب للتنشيط المرة الجاي خديهم همه والعسل مو غلط

انا والله لما اتذكر عمليةه السحب ولما لبست الروب تبع العمليات ولما ودعت زوجي ودخلت على الغرفة ولما اعطاني البنج بخس الدنيا سودا بوجهي والمشكله انا مو كتير قوية ما بتحمل صدمات كتير مو عارفه اني هيك رح اتبهدل الحمدلله على كل حال

rose84 · 01-07-2009, 12:36

الوجه الحسن حبيبتي انت كيف ما الك متزوجه سنتين وزوجك بدة يتزوج عليكي ليه ما تتعالجو مو معقول هيك

rose84 · 01-07-2009, 12:38

اوعي ترضي يتزوج عليكي واتركيه وروحي عند اهلك اذا بيبيعك منشان الاولاد ما انت كمان انسانه وبدك كمان ولادك ولا الي بيصيرله ما بيصير لغيرة شو هاي الانانيه ما تكوني سلبيه وترضي اذا هوه بده يتزوج منشان الالولاد انت كمان احكيلو انت كمان اتركني منشان اتجوز واجيب اولاد

كفاي بدور · 01-07-2009, 12:43

روز لمين قاعدة لمين ردك اته ما تردي اذا جوزك بده يجوز عليك علمي صفى أنا وإياك هلأعلى الخط

rose84 · 01-07-2009, 12:46

لأ حبيبتي هاد الرد لبنت اسمها الوجه الحسن برضه هيه معانا

كفاي بدور · 01-07-2009, 12:49

بس الأدوية اللي أعطاني إياها كلها فيتامينات ومقويات وكل العناصر موجودة في العسل والغذاء الملكي وهاي أنا لحد الآن نفسيتي تعبانة وحاسة الدنيا مسكرة بوجي وما الي نفس أطلع برة البيت وتفكيري واقف الله بعين

كفاي بدور · 01-07-2009, 12:50

والله مش شايفها على فكرة أنا بقرأمن الطرف

كفاي بدور · 01-07-2009, 12:55

وانا بدور في النت قرأت عن العسل الماليزي بحكوا عنه روعة صح كل شي عالنت مش صحيح بس الغريق بتعلق بقشة والله و لفت نظري وصرت أفكر من وين بدي أحصل عليه ما أتوقع موجود عنا في البلد

rose84 · 01-07-2009, 14:45

مو عارفة بس احسن خليكي على العسل الي في الاردن بس يكون مضمون يعني عنجد غذاء ملكات مو كزب

rose84 · 01-07-2009, 14:47

كفاي بدور بدي اسئلك اذا السبب منزوجك ليه ما عم بيصير حمل معك والاجنه الي بترجعيها من اي درجة وكم جنين برجعلك الدكتور

كفاي بدور · 01-07-2009, 15:14

عادي أنا مش عارفة شو السبب عشان هيك بدي أعمل فحوصات إن شالله عالدورة الجاي في المرة الأولى رجعولي 2 والمرة التانية رجعولي 3 والمرة التالتة ما رجعولي شي لأنه جوزي ما طلع اشي وعملوا له سحب من الخصية وما طلع وهاي المرة رجعولي 2 وبيحكي الدكتور لما يرجعهم إنه متفائلي وهم بكونوا من الدرجة الممتازة على ذمة الدكتور طيب وانت ليه نزلت؟

كفاي بدور · 01-07-2009, 15:17

وحبيت أسألك شو الأدوية والمثبتات اللي أعطاك إياها د نجيب ليوس هو حكالي إحنا بنعطي مثبتات أقوى من المدينة الطبية وبثقبوا جدار الأجنة وعنده لاصق أجنة اللي بزيد من نسبة نجاح العملية وهاد الحكي مش موجود في المدينة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تجمع عمليات اطفال الانابيب والحقن المجهري والاستفسارات ؟