عالم الحياة الزوجية - منتدى

ام ماجد8 · 29-04-2009, 01:00

انا في حيرة من امري تقدم لخطبة إبنتي ولد خالتها شاب البنت رافضة الزواج خوفا من خالتها لأنها عصبية
مسيطرة وابوها راضي عن الولد يقول ان الأم ممكن تتغير بعدين مع الوقت وانا غير مرتاحة وخايفة ارده وتزعل اختي طبعا واندم

استخرت كثير مترددة اطلب رأيكم الله يريح بالكم

nawari · 29-04-2009, 01:08

اختي اسمعيها مني ام الرجل العصبيه والمسيطره مصييييييبه
وزواج الاقارب مصيبه اكبر...
اعتذروا انها تبي تكمل دراسه ولا ما تفكر في الزواج في الوقت الحالي....
انتي امها ومب مرتاحه " وقلب الام دليلها "
واستخيري ربك قبل لا ترفظونه عشان يكون في الرفض خيره
وموفقه في قرارك

>>{ok}<< · 29-04-2009, 01:17

هي تبي تتزوجه والا تبي تتزوج امه

اقول بلا دلع حريم وخله تاخذه غصب ولد خالته ابدا من غيره

سانتالوشيانو · 29-04-2009, 01:19

موقف بالفعل صعب
تجردي من كل أفكارك المسيقة
وضعي الإيجابيات والسلبيات أمامك
ثم خذي القرار بهدوء بمشورة زوجك ثم إبنتك
وليوفقكم الله

Pure Emotions · 29-04-2009, 01:37

هاذا نتيجة زواج الأقارب اللي تحبذونه دائما, اللي ممكن يفكك عائلات لأسباب تافهه , البنت رفضت الولد والولد رفض البنت, ايش هو دا,
البنت طبعا عندها حق لأن الزواج مو فتاة و شاب يتزوجوا بعض و بس هذي عيلتين تتزوج بعض, لأن كل شخص منهم سيقترن بعائلة الاخر مدى الحياه و يجب عليه او عليها برهما
فخالتها هذي ستصير في مقام أمها يجب ان تبرها و تكون بتحبها مو تاخد حماتها و هي مو مرتاحة معها, لا تجبريها الزواج مو غصب و يجب ان الزوجة و الزوج يكونوا متقبلين بعض و مرتاحين لعائلتهم من الطرفين و الأهل أيضا لهم الحق انهم يكونوا مرتاحين للزوجه او الزوج و عائلتهم
والله هاذي الزواجات هي اللي بتخرب الحياة الزوجيه فكل عائله ما تبي ترفض عشان الطرف الاخر لا ينضايق عشان من نفس العائله و بعدين اذا البنت او الشاب اتزوجوا واتطلقوا لا قدر الله فتحدث كوارث اصعب يين العيلتين
ثم ما بعرف ليش العائلات يضايقوا اذا رفضوا هاذا زواج قسمة و نصيب مو اجبار هو و يجب عليهم يكونوا متفهمين و ما يضايقوا كل واحد حر في اختياره,يارب عقولنا تتفتح و نتوقف عن تفكيرنا اللي جايبنا لورا و ليس له اي علاقة بالاسلام

nawari · 29-04-2009, 02:16

اقتباس:

المشاركة الأصلية كتبت بواسطة >>{ok}<<

هي تبي تتزوجه والا تبي تتزوج امه
اقول بلا دلع حريم وخله تاخذه غصب ولد خالته ابدا من غيره

والله من العربجه بعد....
وش اللي غصب؟؟؟؟؟؟؟؟؟؟؟؟؟؟؟؟
الله يعوضك بس ؟؟؟؟
استغرب للحين موجود هذا التفكير؟؟؟؟؟؟؟؟؟؟؟؟؟؟؟

رند@@@ · 29-04-2009, 02:25

عزيزتي أستخيري الله اولا
ثانيا...اتوقع انه غير صالح وبنتك أولى من خوفك على زعل اختك ياما امهات كانو سبب طلاق
أولادهم
اعتذري لها بأن البنت رافضه الزواج في الوقت الحاضر وانها لاااتريد زواااج الاقااارب
وصدقيني بتزعل يومين وبترجع ترضى ...
ولا انك ترضينها على حساب بنتك المسكينه
موفقه

أبو لين عبدالله · 29-04-2009, 02:32

أختي

عني انا وعائلتي
مانقرب الاقارب ابداً
ليس بسبب نقص فيهم
ولكن علشان تدوم علاقتنا
فحنا نتجنب الاقارب..!!

فما بالك لو كانت البنت
رافضه الولد..!!

لها الحق انها ترفض..ولاتكونين
مثل بعض الفئات هداهم الله
حين يجبرون البنت على ابن عمها
او ابن خالها او خالتها..!!
وعندها البنت تتزوج لأجلكم وتعيش
حياة كئيبه ...!!

قولي لها استخيري وعلميني رأيك بعد فترة
وان رفضت اخبري اختك ان البنت استخارت
لكن ماارتاحت برغم انها ماعندها مانع بولدك
(طبعاً هالكلام علشان ماتزعل اختك)

الله يرزقها ولد الحلال

realylive · 29-04-2009, 02:44

أنا أرى بأن لايكون عصبية أختك سبباً في امتناع أبنتك بالزواج ...
أتعرفين أن المرأة العصبية طيبة القلب ...
وطبعها السماح والإهتمام بالغير وحب من حولها ...
صدقيني ابنتك ولأنها فتاة شابة لاتعرف مايسرها ويزعلها ..
وحسبت أن أختك العصبية سوف تهدم بيتها وأن تضايقها مع ابنها ...
ولكن لو شرحتي لها أنها بعد الزواج سوف تعاملها بطريقة محترمة وأفهميها أن أختك طيبة القلب ولكن تريد تعامل خاص لكسب ودها وحبها وعدم الخوف منها لدرجة رفضها الزواج ..
بطريقتك قربي وجهات النظر بين ابنتك واختك بطريقة جميلة يعني اجعليهم دائماً في جلسة واحدة حتى ترى ابنتك الجانب الآخر من طيبة اختك والعفوية الظاهرة لتستأنس ابنتك كل ماتراه وتقتنع بالزواج من ابن اختك .
آسف على الآطالة ولكن اتمنى أن يتمم الزواج على خير
أخوك الصغير
realylive

كحلها سايل · 29-04-2009, 02:46

اقتباس:

المشاركة الأصلية كتبت بواسطة كامل الدسم

أختي
عني انا وعائلتي
مانقرب الاقارب ابداً
ليس بسبب نقص فيهم
ولكن علشان تدوم علاقتنا
فحنا نتجنب الاقارب..!!
فما بالك لو كانت البنت
رافضه الولد..!!
لها الحق انها ترفض..ولاتكونين
مثل بعض الفئات هداهم الله
حين يجبرون البنت على ابن عمها
او ابن خالها او خالتها..!!
وعندها البنت تتزوج لأجلكم وتعيش
حياة كئيبه ...!!
قولي لها استخيري وعلميني رأيك بعد فترة
وان رفضت اخبري اختك ان البنت استخارت
لكن ماارتاحت برغم انها ماعندها مانع بولدك
(طبعاً هالكلام علشان ماتزعل اختك)
الله يرزقها ولد الحلال

عين العقل .. كلام مشرفنا ..

وانا اقول دامك أوم و تستخدمين النت ؟ اعتقد عومرك بالثلاثينات ؟ او بنهايتهااا ؟
امممم يعني بنتك عومرها ؟ ماقبل العشرينات ..؟ صغنونه يعني ..؟
اذا تحليلي صح ..
اعطي بنتك الفرصه هي تقرر .. تبيه او ماتبيه .. حتى ما يجي يوم تلومك فيه ع عدم توافق هالزيجه ..
وربي يرزقها باللي احسن منه ..

بيـ مسافات ـننا · 29-04-2009, 03:15

هلا أم ماجد ..

اذا أختك مسيطرة على عائلتها تماماً بعذرها بنتك تخاف ..

وياما بيوت تتهدم بسبب الأم ..

وبنتك لها حريّة الاختيار .. واذا هي رافضة احترموا رغبتها ..

لانه اذا غصبتوها وماكانت سعيدة بحياتها راح تحطّ اللوم عليكم طول عمرها وماراح تنسى ..

وبعدين زواج الأقارب كلّه مشاكل ..

وما انصحك فيه ..

وبعدين لو اعلنتي لاختك انه مافيه نصيب بتزعل يوم يومين اسبوع ومصيرها ترضى لكن اذا تزوجت بنتك

وصارت مشاكل بتتدمر علاقتك فيها وبتخسرون بعض الى الأبد ..

وأولاً وأخيراً الزواج بالقبول والموافقة يعني رأي البنت هو الأساس ..

سندريلا زماني · 29-04-2009, 03:45

ياختي الزواج مو لعبه اذا البنت رافضه بسبب امه هي صادقه اذا صارت ام الزوج عصبيه بتنكد حياتها

وانتي اعتذري من اختك وقولي البنت رافضه ولا تحاولين ترصين على بنتك فتوافق عشانك بس

ضيم السنين · 29-04-2009, 03:50

اقتباس:

المشاركة الأصلية كتبت بواسطة >>{ok}<<

هي تبي تتزوجه والا تبي تتزوج امه
اقول بلا دلع حريم وخله تاخذه غصب ولد خالته ابدا من غيره

يا اللهي ماهاذا للحين في ناس تتكلم باللغة اغصبوها واغصبه

يستاهل البرد من ضيعك · 29-04-2009, 03:59

يا هوه الولد يبى البنت وهى بنت خلته والبنت ما قالت لا بس خايفه من خالتها عشان عصبيه
هذا دلع زايد
طيب هو الي بيتزوج مو امه

عذر غير مقبول نهائيا
اذا هى ما تبيه لسبب فيه هو هذا شي ثانى اما غير كذا

وش ذنبه الولد

Pure Emotions · 29-04-2009, 04:25

اقتباس:

يا هوه الولد يبى البنت وهى بنت خلته والبنت ما قالت لا بس خايفه من خالتها عشان عصبيه
هذا دلع زايد
طيب هو الي بيتزوج مو امه

عذر غير مقبول نهائيا
اذا هى ما تبيه لسبب فيه هو هذا شي ثانى اما غير كذا

وش ذنبه الولد

الزواج ارتباط عائلتين ببعض و الوضع هنا حساس اكثر لانهم اقارب , الزواج مو فقط ارتباط زوج و زوجة, احنا مو عايشين بزمن روميو و جولييت عشان كل واحد و واحده يعيشوا في عالم لوحدهم
هي ستحتك بأمه كثير حتى ان يفصل ما بينهم الموت , البنت عندها حق و عاقلة كمان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوا إبنتي