عالم الحياة الزوجية - منتدى

الفارسة جود · 29-04-2009, 04:39

الســـلام عليكم ورحمة الله وبركاته

انتسبت لهذا المنتدى آملة أن أجد منكم مايطمئنني ويفسر لي هذا الموقف

انا مخطــوبة لرجـــل على خلق ودين ..
وارتحت له وارتاح لي ولله الحمد ..

لكن بعد فحص ماقبل الزواج ..

طلعت التحاليل ..
بالنسبة لي سليمة .. اما هـو فلدية الوباء الكبدي ..

وقال الطبيب أنه لايؤثر ولا يعرقل الزواج ولا يؤثر على الانجاب .. لكــن رفض أن يسلم خطيبي التحاليل

الا بموافقه ولي امر العروس (( اخي ربي يخليه ))

أنا متخوفه جداً .. أرجوكم افيدوني ..

مع العلم أنه سبق واخذت جرعات الوقاية من الوباء الكبدي من سنتين واكثـر ..

وهــل سمعتم بهذه الحالة من قبــل وكيف سارت الامور ..

لكل من مر من هنا وقرأ موضوعي ..

دعواتكم لي أن يتم الموضوع على خيــر.. وربي يسهل امري وامر خطيبي ويتم الزواج لأن بصراحه احس حاجه بتطلع من صدري .. ألم وحزن على هالخبــر ..

ادامكم الله

زهرة اللافندر · 29-04-2009, 05:09

الله يعينك وييسر لك

إذا في علاج للمرض أتوقع عادي مافي مشكلة

أسألي دكتور مختص أحسن

والله يرزقك الخير والصالح يارب

الفارسة جود · 29-04-2009, 05:24

الله يسعدك ويحقق لك مرادك دنيا وآخـره ..

لكــن اذا قدرتي تخدميني خدمة اخويه وتسألين أحد صار معه نفس الموقف ..؟

لك شكري وامتناني ودعواتي

THE SKY COLORS · 29-04-2009, 05:25

حبيبتي ماراح تلقين جواب هنا روحي مع اخوك لنفس الدكتور واستفسري منه عن كل شيء
اذا الكتور رفض يسلمه الا بولي امرك روحي واسالي ولا تدخلين على الرجال وانتي عميانه عن مرضه
الله يوفقك يارب ..

الفارسة جود · 29-04-2009, 05:49

الله يحبك وملايكته وجميع خلقه قولي آمين ..

انا خايفــه أروح للدكــتور : (
خصوصا انه مع اخوي بااروح ,, يعني العلاقات رسميه بقووووووووووووووه ..

لذلك ابغا اتطمن قبل لاادخل ع الدكتور والا يمكن تجيني سكته لو رحت وصدمني بكلام مايرضيني .. من الحيا من اخوي والصدمة .. من الخبر ..

ياااااااااااااااااااااااااااارب جيب العواقب سليمه ...

ياحي ياقيوم ..

قولوا آمين

بيـ مسافات ـننا · 29-04-2009, 05:56

تفاءلي انشالله خير ..

الله يتمم لكم على خير يارب ..

بس اعتقد انه حسب درجة المرض ..

لأنه فيه الكبد الوبائي a - b - c

فضروري تناقشين الدكتور ..

بس أنا شخصياً اعرف واحد قريبي معه الكبد الوبائي c وزوجته تاخذ التطعيمات وحملت وجابت بنوته

صغيرونه وسليمه الحمدالله ..

أتوقع الخطر اذا كنتي انتي اللي حاملة الفيروس بسم الله عليك .. لانه وقتها اذا حملتي وجبتي طفل يكون

مريض بنفس المرض ..

@خجل@ · 29-04-2009, 06:01

سبحان الله انا نفس حالتك وخايفه كثير
ومالي دقايق منزله موضوع في العياده اتسأل فيها ؟!!
حبي
مدام قال الطبيب
أنه لايؤثر ولا يعرقل الزواج ولا يؤثر على الانجاب
ليش خايفه ؟!!
تكفين طمنينا ... عشان أنا بعد أبي اطمن لأن وضعي مثلك .

الله يسهل أمركم على خيييييير

لك شكري

saleh_1991 · 29-04-2009, 06:03

اقتباس:

المشاركة الأصلية كتبت بواسطة الفارسة جود

الســـلام عليكم ورحمة الله وبركاته
انتسبت لهذا المنتدى آملة أن أجد منكم مايطمئنني ويفسر لي هذا الموقف
انا مخطــوبة لرجـــل على خلق ودين ..
وارتحت له وارتاح لي ولله الحمد ..
لكن بعد فحص ماقبل الزواج ..
طلعت التحاليل ..
بالنسبة لي سليمة .. اما هـو فلدية الوباء الكبدي ..
وقال الطبيب أنه لايؤثر ولا يعرقل الزواج ولا يؤثر على الانجاب .. لكــن رفض أن يسلم خطيبي التحاليل
الا بموافقه ولي امر العروس (( اخي ربي يخليه ))
أنا متخوفه جداً .. أرجوكم افيدوني ..
مع العلم أنه سبق واخذت جرعات الوقاية من الوباء الكبدي من سنتين واكثـر ..
وهــل سمعتم بهذه الحالة من قبــل وكيف سارت الامور ..
لكل من مر من هنا وقرأ موضوعي ..
دعواتكم لي أن يتم الموضوع على خيــر.. وربي يسهل امري وامر خطيبي ويتم الزواج لأن بصراحه احس حاجه بتطلع من صدري .. ألم وحزن على هالخبــر ..
ادامكم الله

أختي الكريمة دام الدكتور ذكر إنه مافيه مخاطر بينكم وعلى الإنجاب في المستقبل فتوكلي على الله وإذا حبيتي يطمئن قلبك أفضل لك روحي مع أخوك للدكتور وخذي الكلام منه شخصيا والخطر في الأمراض الوراثية والوبائية يبدأ إذا كان الزوجان حاملين لنفس المرض مما يؤدي لإنتقاله إلى الأبناء لاقدر الله .

الفارسة جود · 29-04-2009, 06:06

بيننا مسافات ..

هــو الوباء الكبدي الموجود فيه سي ..هذا مافهمناه من كلام اخو خطيبي ..

انا الحمدلله أخذ جرعات من قبل

كان عددها ثلاث .. بس هل تنفع مع هالحاله او لا ..

وربي يسعدك بديت اتطمن 1% : )

وان شاء الله راح اتصل باي دكتور بس تفتح العيادات ..

شكراً من هنا لبكره ..

الله يحقق لك مرادك دنيا وآخره

الفارسة جود · 29-04-2009, 06:09

أختي خجل ..

ابشــري والله أول مااحصل اي معلومه راح ادونها هنــا ..

وحاسه بشعورك ..

حرقه بالقلب ودمعه ع الخد خصوصاً اذا صار مثل هالانســان ..

الله يكتب الخيـر لنا ولك وللجميع

بيـ مسافات ـننا · 29-04-2009, 06:13

شوفي ماتكفي اللي اخذتيهم قبل سنتين ..

انا اعرف انه 3 جرعات تاخذينهم ..

بس لازم ترجعين مره ثانيه وتاخذين الجرعات ..

نسيت المعلومه اللي اعرفها بس الظاهر كل 5 سنوات تتطعمّين ..

فيه معلومة ثانيه قرأتها انه ماينتقل عن طريق العلاقة الخاصة بين الزوجين .. بس ممكن ينتقل عن طريق

الدم ..

بس اذا انتي ماخذه التطعيمات انشالله تكونين بأمان وما يأثر عليك ولا على الاطفال انشالله ..

وسعي صدرك واتطمني .. الحين الطبّ اتطوّر مو زي أول .. يعني هالتطعيمات حلّت هالأزمه ..

الفارسة جود · 29-04-2009, 06:16

أخي صلاح

شكراً لك على هذا التواجد العطــر

وأن شاء الله يكون كلامك هو المتبـع .. يارب

دمت بسعادة

moon الشقيه · 29-04-2009, 06:18

السلام عليك ...والله ان ودي اساعدك اختي بس اني ما اعرف شي عن ها المرض لاكن اعرف وحده قريبتي من بعيد كانت تحب واحد وهو يحبها ومخطوبين لبعض بس هو كان مريض نفس المرض وقالولهم مايسير يتزوجون لان اضنه معدي مع انها ضلت سنين تنتظره بس في الاخير انفصلوا لان اهلها عارضوا بشد بس انتي لا تيأسي واسالي واستفسري زين عن الموظوع وياليت ترجعي تطمنيني عليك ...........الله يوفقك ويكتبلك الخير

الفارسة جود · 29-04-2009, 06:19

بيننا مسافات يابعدي انتي ..

انا اخذت كل الجرعات الثلاث

الاولى وجلست شهرين بعدين الثانيه وجلست ست شهور بعدين الثالثه

والله لايحرمني من اخوتكم .. واساله كما جمعنا بهذا المكان ان يجمعنا في جنات الفردوس .. ووالدينا واحبتنا

دمتي بخير ودام لك ماتحبين

الفارسة جود · 29-04-2009, 06:22

الشقية ..

منوره الموضوع ..

بس الدكتور قال انه مايعرقل الزواج .. وطلب حضور ولي الامـر عشان هو يطلع التحليل بنفسه ..

يعني يمكن النوع يختلف .. لأن هالمرض الله يكافينا ويكافيكم الشر أنواع ..

الله يعوض قريبتك خير ويعوضه خيره
والله أحس فحص قبل الزواج كســر قلوب كثيــرة ..

الله ينفع به ويجعله سبب لسعادة كل الناس ..

دمتي برضا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أفيدوني ربي يخليكم