عالم الحياة الزوجية - منتدى

هويته كثر غلطاته · 30-04-2009, 23:23

[CENTER]السلام عليكم ورحمة الله وبركاته
شخباركم ان شاء الله تمام
راح ادش بالموضوع بدون مقدمات وبليز موبي احد يلوموني لان خلاص الفاس طاح بالراس وانا ادري اني اخطيت واعترف بهالشي لكن شسوي
ايه ونسيت اقول بليز سامحوني على الاسلوب اللي راح اتكلم فيه لاني بطلع اللي بقلبي وماعرف اصف الحكي وارتب الكلام يعني بقول كل اللي بخاطري بشكل عفوي يمكن احصل عندكم حل====>>ماتحسين انج طولتي السالفه وهي قصيره دشي بالموضوع بسرعه ورانا اشغال
ياناس انا قدر الله علي وحبيت مو حبيت الاعشقت وتولعت وهمت و و و واحس حياتي تغيرت 180 درجه صرت دوم سرحانه ونفسيتي زفت كله افكر فيه ودايم ابجي من الحركات البايخه اللي يسويها وياي لاني اشي بقلبي واسكت موبي افاتحه وازعله لدرجة من كثر الكبت وزني بدل ماكان 51 صار 47وكله من كثر مااكل بعمري واحرق دمي واعصابي بسبته وهو ياحظي نظامه ((هذا اللي شايف نفسه ماشي ولا معبرني)) انا انقهر وازعل واحترق وهو احس انه مو مقدر هالشي كله يقول اعذريني انا مشغول وانا وانا معقوله طول هالوقت مشغول حتى اوباما برغم شغله يسحب زوجته وبناته بكل مكان ويهتم فيهم ويلعبهم يعني الشغل مب عذر هو يقول شاريني ويبيني زوجه وام عيال انا قبل حاطه براسي مابتزوج الا لما اوصل الثلاثين وقلت بدور اعذار لحد موصل هالعمر واتزوج اول واحد يطق الباب والا الخطابات على قفى من يشيل عشان اهلي لاني حاطه براسي انه واجب ولازم اسويه مو حب فيه بس تسكيت لاهلي وكنت دايم ضد فكرة الزواج لاني اعتبر انه قرف وقلة حياء وغثاء وع وع وع لحد ماتعرفت عليه وانقلبت افكاري كلها صرت مره سنعه اقول البنيه مالها الا بيت زوجها وابوعيالها وبالرغم ان مالنا الا شهرين قال خلينا نتزوج قلت شحقه العجله قال انا تعودت بااموري اكون سريع لان شغلي عودني على هالشي والامور المصيريه اخذ فيها قرارات بسرعه وانا في بالي اقول يعني ماستغرب عليك باجر تقول طالق طالق طالق هو شكله حاس في اللي بالي لانه قالي ترى مو دايم اسوي هالشي لان لو كنت سريع دايم كان طلقت زوجتي الله يرحمها لاني ماكنت مرتاح وياها لكن من باب العشره صبر عليها قلتله خلاص نخلي العرس بعد ست سنوات قال نو قلت انزين اربع قال معصيه قالت خلاص واللي نزل غلاتك سنتين قال انا ماعندي مشكله املك الموهم اني ماتزوجه زواج زواج يعني ابي اصير قربه واحس اني ملكه وهو ملكي لكن بدون زواج كامل مودري شلون اشرح الموهم مالكم في الطويله انا باقي مستويين واخلص الجامعه يعني تقريبا سنه واخلص ان شاء الله غير ذي طبعا اللي الحين ندرسها والاسبوع اللي طاف كنا عند خالتي وقالت بنت خالتي لو يجي اخي ويخطبج الحين بتوافقين والا لا انا صرت اسوي وجلست تكرر السالفه وطبعا ولد خالتي من يوم واحنا اصغار مخططين انا نتزوج بعض طبعا هم يعني الامهات مو احنا لكن حصلت ظروف من الله وانا ع بالي الموضوع شالوه من راسهم واصلا ولد خالتي ماعده الا بحسبة اخوي لكن اخاف لو يتقدم وارفضه يزعلون بيت خالتي وتنقطع العلاقه لان اختي على اساس انها تتزوج ولدهم الكبير وماكتب الله واحس علاقتنا مو مثل اول بالرغم انا متواصلين مع بعض واخاف لو اخذ غير ولدهم تنقطع العلاقه نهائي وانا موبي اكون السبب وبنفس الوقت موبي ولدهم لا وبعد زين الحلايا قبل امس كان عندنا جاي يسلم على امي انا استغربت وبيني وبينكم قلت اكيد اخته محرشته وقايله روح اكيد بتقلون شنو فيها بقولكم الا فيها اولا الولد خجول ومستحيل يجي من ديره لديره عشان يسلم على امي اذا المكالمه مايكلم شلون الزياره المفاجئه وتحديدا هالوقت لا ويقول اني افكر اتزوج ومودري شنو وه بس واول ماقعدت من النوم جتني اختي قالت تخيلي منو اللي جانا اليوم قلت منو يعني قالت فلان وكلم امي عن الخطبه بعدين قالت لا لا امزح ومره تقول مودري الموهم ماعطتني خبر ثابت وامي من النوعيه اللي تسكت بهالسوالف تعلمنا بكل حاجه الا سالفة الخطبه والزواج ندري من الناس اللي براء
والخطيب الثاني ولد عمي <<سندرلا على غفه>> هذا عاد لو يجي بس يكلم ابوي بيقول لو هي مبااااع ماعشتك كيف لا وهو ولد اخوه الغالي وسميه وفوق هذا مافيه عيب هو للحين ماجاء يخطب رسمي والحمد لله بس امه كم مره تلمح اااااه يالقهر لا ومره يسئلون عن ولدها قالت ماعليه بخير ينطر العروسه تخلص دراستها وتناظر فيني انا بيني وبينكم كان خاطري بهاك الوقت اكش عليها واقولها الحين الولد ماشكى لج وقال ابي من بنات عمي وهي من الحين تخطط ياكرهي للقافة الحريم يعني السالفه لو ارفض ولد خالتي او ولد عمي مو سالفة موبي اتزوج الحين لا وانتي الصاجه سالفة ماتبينهم وراح ابداء سين وجيم وراح تبداء المقارنات وخصوصا انهم يقلون على الاقل هم بنفس عمرج مابينكم حاجه عاد انا مع احترامي ماحب الصغار خصوصا اللي من 27 وتحب احسهم واوا امممممم بليز لحد يااخذ بخاطره لكن لكل واحد طبيعته انا مايعجبني اللي اللي بالثلاثينات احس اني اخق عندهم يمكن ابلع 29 و28 كزوج حاليا لكن ابو 23 و24 وهالطقه بثاره بجد عاد من بعد ماعرفت ان ابو الشباب عمره 30 قلت بعذري والله وبيني وبينه عشر سنوات بس مو كثير والله حلوه
نرد لمحور حديثنا وهو الحبيب الغالي هذا اللي لو حطوا رجال الكون كله بكفه وهو بكفه اختاره وه بس ياكبر حبه وغلاه بقلبي الله لايحرمني منه ويسخره ي ويجمع بينا بالحلال ويهديه انه بالرغم حبي له احسه مو معبرني احيان اقول يمكن الرجال مايبيني ومايبي يجرحني وكم مره قلتها له قال لا انا ابيج واحيان اقول يمكن طبيعة شغله قست قلبه لان امس كنت بمنتدى ووحده تشكي من خطيبها تقول قاسي واتوقع بحكم عمله وزوجها يشتغل بالامن واحيان اقول يمكن لكل سن طريقة تعبير للحب هو عمره ثلاثين ويمكن يحب الحب الهادي اللي شوي شوي انا واعوذ بالله من كلمة انا الشهر الجاي راح ادش العشرين واصير عشرينيه وه يابختي ونسيت اقول هو طبعا ارمل وعنده 3 بنات لكن برغم ظروفه ذي كلها راضيه فيه بالرغم اني احيان اخاف اكون تسرعت وتغير حياتي عنده بحكم اني اخر العنقود فالبيت كله مدللني وكلمتي مسموعه عند الكل واخاف اروح عنده واشيل المسؤليه واتوهق انا ماهمني اني اتطلق المهم ابي اعيش وياه لو شهر ابي اكون اكون قربه يالبيه ويالى قربه=====>> خاقتن بقوه هالبنيه
ولجذي مودري اهلي بيوافقون والا يقلون مو مناسب ومن هالكلام ويخيروني بين ولد خالتي وولد عمي اوما لو تصير وربي لانجن عاد انا كرهي زواج الاقارب مااطيقه وع وع وع
ادري الحين بتقلون طيب شنو المشكله بقولكم والله مودري انا احس اني ضايعه وافكاري مشتته حتى لو تلاحظون كلامي اللي كاتبته عباس على دباس ويارب لو واحد بس يفهمه لكن لايجي واحد والا وحده ويقول اتركيه والا يقول هذا حب مراهقه لاني اتمناه زوج لي بالرغم اني طريقة التعارف كانت من البدايه خاطئه ومو شرط قاعدة مابني عاى خطىء فهو خطىء دائما صحيحا لان لكل قاعده شواذ ويمكن نكون احنا شواذ وغير ذي اخوه متزوج وعياله بالثانوي وماخذ زوجته عن طريق علاق و عندي عيال عمي كم واحد متزوج عن طريق علاقه وحب قبل الزواج وللحين مبسوطين وفيه بعد اخوي الحين خاطب وهم عن طريق علاقه لا وماشاء الله عليهم دايم يكلمون بعض وحاط حرفها بسيارته وبتعليقة مفاتيحه وعلى بوكه مب انا ياحظي انا مااحسدهم بس اتمنى ربع حياتهم لاني من اللي اسمعه واشوفه اللي يحبون بعض يتمنون يسمعون اصوات بعض ويشوفون بعض و و لدرجة اني اذا قال جب خبله افرح فيها اقول العوض ولا القطيعه الموووهم اسمع صوتك ياروح ماما((لاتفهمون غلط كلمة جب على وزن لبيه وسم عند الحبايب هههههههه)) و لكن انا حبيبي وربي حتى المكالمات بالحسره وانا موبي افرض عمري عليه اكثر من جذي صحيح اني عاشقته وميته فيه لثماله لكن انا عندي كرامه وادميه واحس حتى لو انطميت وشلت بقلبي ايه وبعد من الامور اللي قهرني فيها مره دشيت عليه بمسن ثاني وتكلمت وياه وسئلني من وين جبت ايميله الموهم بعد ماصرفته وجلسنا نسولف وقلت انا حبيبي تركني وجبت بعض مواصفته ومعاملته وياي وقلت حبيبي يسويها وقال هذا مب رجال ومايستاهلج وانسيه والزم ماعليج كرامته قلت زين واللي خربها اكثر جلس يسولف عن نفسه وماقال اني ارمل قال انا احب بنت عمي واهلنا منعونا وانا اموت فيها ومودري شنو انا هني وربي تمنيت الارض تنشق وتبلعني والله يالدنيا صارت صغيره بعيني بعد مخلص قلتله مشكور يافلان طيب دامك تحبها شحقه تعلقني وياك انا فلانه رد وقال انا مو قصدي انا بس اختلقت هالقصه عشان اخف على البنيه اللي هي انا لا والله لاتكون الدكتور طارق الحبيب على غفله بالرغم من قبل قلتله لاتستقبل اضافه من احد ماتعرفه وقال طيب لا وبعد كنت داشه باايميل بنيه يعني معروف مو لقب ويقول مودري ع بالي ولد وعاد انا بلعت السالفه وقلت ((تناسي يابنت))وكلنا نخطي بالرغم انه جرحني لا وبين ما احنا نسولف في السالفه قال فلانه ممكن تقعديني الساعه 7 لان وراي دوام نعنبوا دارك الحين فوق شينك قواة عينك تقطع السالفه وبكل استهتار تقول قعديني لهدرجة طايحه من عينك ((يقطع الحب شو بيذل)) وللمره الثانيه بنفس الحين احط على عمري وقول ابشر وقعدته احس اني مسحوره فعايلي مايسويها انسان عاقل وعنده كرامه هو صحيح قلبه طيب وحنون ماانكر هالشي لكن انا ابي اكثر ابي اي وقت احصله مابي حب بالقطاره اذا السالفه اشباع عاطفه اهلي مو مقصرين وزياده ولو ابي كلام حب ورومنسيه وحبيب وحبيبه وخنبقه كان دوريته عند غيره لكن انا شي من غيره موبيه لو انه مودري شنو وقلتله هالكلام طبعا اخر مره كلمني قبل امس وامس دز مس اخر الليل وقال دوبني قاعد من النوم وبروح لدوام وعليها وادري لو بجلس شهر والا سنه كامله ماكلمته ماراح يدورني اي حب هذا بالله عليكم لا وفوق ذي يحط الشينه علي يقول انتي القاطعه شحقه ماقلتي وينه
الحين ياناس الله يخليكم ابي نصيحه من قلب لاني احس اني متعلقه ولايجي احد ويقول غلطانه لانج تعرفتي عليه من البدايه والا يقولي الزواج عن طريق الحب فاشل انا اعرف ذي كله واسمعه لكن ابيكم تدلني على الطريق الصحيح وتدلوني لاني مودري شسوي عقلي وتفكيري وحواسي كلها ستوب لان علاقتنا متناقضه بكل حاجه وسوري لاني طولت عليكم والكلام حووووست اوم اوووووومه [/CENTER]

اتابع الردود والنصائح وياليت كل واحد يحط نفسه مكاني قبل مايرد من بعيد سي يو

عود روويان · 30-04-2009, 23:34

والله ما قدرت افهم شو الموضوووووووووووع ... اعميتيني الله يهديج بالالوان .. والكلام الي تقولينه ساعه تغنين وساعه تشكين

هويته كثر غلطاته · 30-04-2009, 23:45

اقتباس:

المشاركة الأصلية كتبت بواسطة عود روويان

والله ما قدرت افهم شو الموضوووووووووووع ... اعميتيني الله يهديج بالالوان .. والكلام الي تقولينه ساعه تغنين وساعه تشكين

امممممممممممم حاولت احطها لون واحد مب راضيه يسلمو على المرور وبيني وبينج مشاركتي طويله ومابيقراها الا واحد او وحده عندهم طولة بال لكن شسوي انا ماصدقت اطلع اللي بقلبي ماتشوفين الكلام اغلبه خبال فديتج والله مشكوره ع المرور

هويته كثر غلطاته · 30-04-2009, 23:45

اقتباس:

المشاركة الأصلية كتبت بواسطة عود روويان

والله ما قدرت افهم شو الموضوووووووووووع ... اعميتيني الله يهديج بالالوان .. والكلام الي تقولينه ساعه تغنين وساعه تشكين

امممممممممممم حاولت احطها لون واحد مب راضيه يسلمو على المرور وبيني وبينج مشاركتي طويله ومابيقراها الا واحد او وحده عندهم طولة بال لكن شسوي انا ماصدقت اطلع اللي بقلبي ماتشوفين الكلام اغلبه خبال فديتج والله مشكوره ع المرور

الشهــري · 30-04-2009, 23:46

بلا كثرت كلام ولا خرابيط خذي ولد خالتك وهل عريضه طرحتيها امسحيها من راسك كلام فاضي . تحياتي وتقديري.

أرجوانة الشوق · 30-04-2009, 23:46

تبين الجد انا ماغير اضحك على كلامك عسل والله عسل ماعنده ذوق يوم يسوي بك كذا

خفيفة دم بسم الله عليك بس تبين الجد حبيبتي الافضل تبعدين عنه لاسباب كثيره انتي توك بنوته

وفطفوطه وهو متزوج وعنده ثلاث بنات كيف بتتحملين مسؤليتهم امشي بالمثل الي يقول

الي يبينا نبيه والي مايبينا مانبيه هو حركاته ترفع الضغط بصراحه

ولاتستعجلين بفكرة انك تاخذينه ولاتقولين مابي اقارب بالعكس والله الخيره فيما اختاره الله

ماتدرين يمكن هالي ماعمرك حبيتيه بيوم وليله تموتين فيه الحب بيد الله

س فكري بكل نواحي الموضوع والحل يالغاليه بيدك انتي انتي ابخص فيه

ومن وجهة نظري احسكم مو مناسبين مره وبصراحه يالغاليه صعبه تربين ثلاث بنات

وانتي توك صغيره ماراح تقدرين تتحملين مسؤاليه بطريقه مباشره بدون خطوات مدروسه

هويته كثر غلطاته · 01-05-2009, 00:38

اقتباس:

المشاركة الأصلية كتبت بواسطة الشهــري

بلا كثرت كلام ولا خرابيط خذي ولد خالتك وهل عريضه طرحتيها امسحيها من راسك كلام فاضي . تحياتي وتقديري.

ابشر طال عمرك

الشهــري · 01-05-2009, 00:46

اقتباس:

المشاركة الأصلية كتبت بواسطة هويته كثر غلطاته

ابشر طال عمرك

تسلمي يالغلاء عقلك كبير بس من ريي انك تصرف النظر عنه لنه بين عليه لاعاب كل التقدير والاحترام.

هويته كثر غلطاته · 01-05-2009, 01:03

اقتباس:

المشاركة الأصلية كتبت بواسطة أرجوانة الشوق

تبين الجد انا ماغير اضحك على كلامك عسل والله عسل ماعنده ذوق يوم يسوي بك كذا
خفيفة دم بسم الله عليك بس تبين الجد حبيبتي الافضل تبعدين عنه لاسباب كثيره انتي توك بنوته
وفطفوطه وهو متزوج وعنده ثلاث بنات كيف بتتحملين مسؤليتهم امشي بالمثل الي يقول
الي يبينا نبيه والي مايبينا مانبيه هو حركاته ترفع الضغط بصراحه
ولاتستعجلين بفكرة انك تاخذينه ولاتقولين مابي اقارب بالعكس والله الخيره فيما اختاره الله
ماتدرين يمكن هالي ماعمرك حبيتيه بيوم وليله تموتين فيه الحب بيد الله
س فكري بكل نواحي الموضوع والحل يالغاليه بيدك انتي انتي ابخص فيه
ومن وجهة نظري احسكم مو مناسبين مره وبصراحه يالغاليه صعبه تربين ثلاث بنات
وانتي توك صغيره ماراح تقدرين تتحملين مسؤاليه بطريقه مباشره بدون خطوات مدروسه

وه فديتج يابعد ناسي

لكن خربتيها بفطفوطه الحين كل هالانوثه والنضج وتقولين فطفوطه يوم ميلادي 6_6 يعني كلها شهر واصبح الفتاة العشرينيه=====>> بشري امج

يالغاليه انا محتاره مودري يبيني والا مايبيني احس اذا سمعت كلامه لي احس انه يبيني من اعماق اعماق اعماق شراين قلبه وركزي على اعماق وشراين لانه معوب عليها وذا رحت عنه احس انه عاتي مودري يسوي ثقل والا ينبسط لانه يعرف غلاته بقلبي والله مودري شسميها لان الرجال ماينعرفلهم الله ياخذهم طوووط طوووط ((ماقالت حاجه))

وبالنسبه لفارق العمر احسه مب واجد كلها عشر سنوات لا راحت ولا ردت بالعكس يمكن يفهمني اكثر

واذا على مسؤلية البنات بيني وبينج انا بكبري ماتحملت مسؤلية عمري وراميتها على غيري الله لايخليني منهم وبناته بنجتمع ونلعب مع بعض كل يوم ونوسع صدور بعض ورزقنا على الله ياخوفي لايكون هم يشيلون مسؤليتي هههههه ويبتلشون فيني بعدين ياقلبووو نضرب عصفورين بحجر واحد اربي بناته عشان ماحمل واذوق موت الولاده والامها النفسيه والعضويه وغير ذي الجسم يخترب ويصير مرتفعات ومنخفضات وهضاب وسهول خليها على ربج لا عاد لا يقلون لي ماما وناسه وربي كشخه تحسين انج صج عنصر فعال في المجتمع السعودي خاصه والعربي عامه وتحاولين ترتقين بالنهضه العمرانيه والسكانيه والبيلوجيه=====>>ليتهم امرحوا

انا والله من زمان خاطري يكون لي خوات او اخوان صغار من قرادة حظي صرت اخر قطره ودايم احن على امي اقول نجيب صغيرون من الدار وتقول

وبالنسبه لزواج الاقارب انا يابنت الحلال مايدش مزاجي احسه ملاغه ومافيه شي جديد انا ابي عائله جديده وعادات وتقاليد جديد ابي حياتي تصير اكشن لا والطامه اذا تزوجتي قريب وعيالكم نفس الطخمه ((عائله صينيه على غفله))

هويته كثر غلطاته · 01-05-2009, 01:06

جزاكم الله الف الف خير

هويته كثر غلطاته · 01-05-2009, 01:09

اقتباس:

المشاركة الأصلية كتبت بواسطة الشهــري

تسلمي يالغلاء عقلك كبير بس من ريي انك تصرف النظر عنه لنه بين عليه لاعاب كل التقدير والاحترام.

يسلمك ربي اخوي

لاتخوفني الله يهداك تراني على طريف

شاكره مرورك

الشهــري · 01-05-2009, 01:16

اقتباس:

المشاركة الأصلية كتبت بواسطة هويته كثر غلطاته

يسلمك ربي اخوي
لاتخوفني الله يهداك تراني على طريف

شاكره مرورك

اختي الغالية هذا نصيحه فقط ماتخوف . وبعدين الف مبروك على قرب عيد ميلادك بعد عمراً طيول الغالية. تحياتي.

هويته كثر غلطاته · 01-05-2009, 01:30

اقتباس:

المشاركة الأصلية كتبت بواسطة الشهــري

اختي الغالية هذا نصيحه فقط ماتخوف . وبعدين الف مبروك على قرب عيد ميلادك بعد عمراً طيول الغالية. تحياتي.

الله يبارك فيك

وماقول الا الله يجمع بينا بالحلال ويسخرنا لبعض

الشهــري · 01-05-2009, 01:32

اقتباس:

المشاركة الأصلية كتبت بواسطة هويته كثر غلطاته

الله يبارك فيك
وماقول الا الله يجمع بينا بالحلال ويسخرنا لبعض

آمين يارب تستاهلين كل خير الغالية.

سلطان الفنان · 01-05-2009, 01:51

علاقه غير مشروعه
مدري مين محلل هالعلاقات باسم الحب
خليك قريبه من الله اختي وراح تحسي بالفرق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لاهو ولد عم....ولاهو ولد خال