عالم الحياة الزوجية - منتدى

مقبله · 01-05-2009, 04:27

السلام عليكم ورحمة الله وبركاته

كيفكم ياااساده

اول شيء

انا اختكم جوري المقبله على الحياة الزوجيه .. واخترت هالاسم لحبي لهالمنتدى بالذات

وحبي له طلع من استفادتي منه ومن ردود الاعضاء هنا اللي كلها حكمه ووعي وصراحه

بجد لأن فيه منتديات بسس حشو كلام مزخرررف بسس

وبعض البنات الله يهديها ... بسس تقول لك اسماء اشياء ماركه لو هي مااستعملتها بس علشان نقول عنها واااو وكشخه

دائما .. الامانه بالرد والقول هي كل شيء مهما كان

لأن اثارها الطيبه لن تمحى ابدا

انا هنا

جيت ومعي بجعبتي اسئله

ابي كل من يمر يتفضل علي برأيه اللي ماجيت هنا الا وانا بجد في حاجته

من انا

انا جوري 25 سنه

انخطبت شهر 10 وقعدت 6 شهور وتملكت ..

كانت ملكتي بشهر 4 اللي طااف يعني قبل شهر

زواجي تقليدي مافيه شووفه مافيه مكالمات .. وعاادي مو مهم عندي المهم بعدين

وصلني خبر ان بالعطله ماااافيه زواج ( مرتبط بعمل ودورات )

يقول احتمال ب10 او بالاضحى

ماعلينا

المهم انه باقي تقريبا 6 شهور على الموعد المحتمل صح ؟

اسئلتي

هل شعووور ان العرس ماارح يتم طبيعي ؟

هل الخوف من الحسد والناس طبيعي ؟

هل لما اناظر لصورته اقول يالله هذا بيصير زوجي وعاادي هل جربتوا هالشعور ؟

طيب

من باب ثاني

باقي 5 شهور

متى ابدا اتجهزز واهتم وافكر و واخطط ولا لا لما يحددون بالضببط بالضببط التاريخ ؟

واخاف يحددونه قبل شهرين او اقل وورطه ساعتها وانا المهر معي من زماان مثلا

ابي رايكم في وضعي ابي تنصحوني وتوجهوني ..

بجد احسس حايسه

مرات نفسي ابدا ومرات اقول ليه مستعجله

مرات اقول الناس عطوني المهر علشان اخذ راحتي .. ومرات اقول لا اخاف يصير شيء

مدري

بجد بجد محتاجه لرايكم

الله يوفقكم

أنااا أنااا · 01-05-2009, 05:32

حبيبتي مقبله..
اول شي ألف مبروووك ياقلبي والله يوفقك و يتمم لك على خير..

ثانيا: شعور ان الزواج ماراح يتم أنا أشوف انه شعور أي وحده تنخطب، انا و أختي الآن متملكات و نفس الشعور نحسه، نخاف بكثره على أنفسنا من العين وخصوصا ان الحسد منتشر بكثره بيننا، أنا أكلم زوجي وأشوفه بالماسنجر عن طريق الكام وبيني و بين نفسي ماني متخيله انه بيكون زوجي، أختي نفس الشي لما تشوف صورة زوجها مع ان أختي ماشافته الا بيوم الملكه بس ولا تكلمه، البنت لما تنخطب راح تحس بأشياء غريبه، تخاف ان الزواج ماراح يتم وتخاف على نفسها من العين لأن الناس بتفتح عيونها على البنت كأنها مخلوق غريب..
من ناحية التجهيز بما ان المهر عندك لا تروحي تجهزي كل شي من الحين، أفضل لك كل ماتروحين السوق خذي أي شي ممكن ماتحصلينه بعدين أو شي عليه تخفيض وشيلي الوساويس من راسك وهو خوفك انك تجهزين ولا يتم الزواج، التجهيز يبي له وقت و أفضلك ماتضغطين على نفسك ولو تبدين تجهزين قبل الزواج بثلاث شهور أشوف انها كافيه المهم ان قبل الزواج بثلاث أسابيع تقريبا تكونين خلصتي عشان ترتاحين قبل الزواج ولا يبين عليك التعب و الارهاق..
اذا تحتاجين لجلسات للبشره والجسم روحي للعيادات وشوفي كم الوقت اللي ممكن تخلصين فيها جلسات العلاج، اسألي عن المشاغل، وفستان الزواج، و اذا بتسوين زفه اسألي عن الترتيبات، اشغلي نفسك الفتره هذي بأمور الزواج عشان ماتهوجسين في الأشياء اللي ممكن تأثر على نفسيتك..
ادعي ان الله يوفقك و يجمع بينكم على خير و أن يجعله الله قرة عين لك ويجعلك قرة عين له، أكثري من الدعاء و صدقيني راح ترتاحين نفسيا واسألي مجرب خصوصا أني مريت بظروف صعبه وقت الخطبه كانت راح تنهي موضوع زواجي، بس الحمدلله بالدعاء صار كل شي ماشي مثل ما أنا أبي..
الله يوفقك أختي ويسعدك ويهنيك معاه و ييسر أموركم يارب..
أعتبري عضوات المنتدى مثل أخواتك..
موفقه حبيبتي

لا تنسيني أنا و اختي من دعواتك أن الله يتمم زواجنا على خير...

أنااا أنااا · 01-05-2009, 05:43

سوري ياجوري أنا تحمست معك و كتبت اسمك مقبله ..

روانـ · 01-05-2009, 05:54

اسئلتي

هل شعووور ان العرس ماارح يتم طبيعي ؟
نعم طبيعي لانك لاتعلمي ما اللذي يبئه لك القدر ولكن تفآئلي بلخير

هل الخوف من الحسد والناس طبيعي ؟
الخوف بزياده شي مو طبيعي خلي ايمانك بالله قوي وتحصني وربي بيحميك

هل لما اناظر لصورته اقول يالله هذا بيصير زوجي وعاادي هل جربتوا هالشعور ؟
نعم مجربينه عادي

طيب

من باب ثاني

باقي 5 شهور

متى ابدا اتجهزز واهتم وافكر و واخطط ولا لا لما يحددون بالضببط بالضببط التاريخ ؟

قبلها ب 3 شهور

واخاف يحددونه قبل شهرين او اقل وورطه ساعتها وانا المهر معي من زماان مثلا

3 اشهر تكفيك
موفقه اختي

امــــرأة رومانسية · 01-05-2009, 05:58

انا مع اختي

ااناا ااناا كفت ووفت

نـودي · 01-05-2009, 06:04

السلام عليكم ورحمة الله وبركاته,,,

ألف مبروك يالغاليه والله يتمم عليك وعلي وعلى أنا وأختها وجميع البنوتات بالخير والتوفيق والسخره مابين قلوبنا وقلوب شركاء حياتنا بالتوفيق والسعاده وجعل كل واحد مايشوف أحد أحسن من شريك حياته أبدآ ويسوى ويستاهل عنده بالغلاوالحب والتوفيق.

أنا وأنتي نفس التحديد بالضبط أنا زواجي في شهر 10 أن ربي وفق وتم وأراد كل شي <<< لاحظي أني قلت أن ربي تم وفق وأراد , لأن إلا الآن نفس أحساسك أنا أحس أنه ممكن في إي لحظه ممكن ينلغي أو إي شي يصير مايتمه والله أعلم سبحآنه ولكن مالي إلا الدعاء بالتوفيق والسخره وأتمامه على خير إذا فيه الخير يارب.

هل شعووور ان العرس ماارح يتم طبيعي ؟

^
^
^
جاوبتك

هل الخوف من الحسد والناس طبيعي ؟

بلاشك هذا طبع أبن آدام يخاف على نفسه من كل شي ولا ليه نحرص ونقرأ الورد والأذكار حتى لانصاب من غيرنا فمابالك لو بالزواج فراح يكون خوفك على شي كبير وخاص فيك وتخافي على من الضياع ومبارك من الله سبحانه وتعالى,خصوصآ لا صار الرجال يمدح ومعروف وماعليه كلام من جميع النواحي.فحتى راح تحسي بإن الكثير يسئل عنه وراح وعن أحواله فتخافي أكثر بس عادي ولايهمك من أستعان بالله ماخاب.

هل لما اناظر لصورته اقول يالله هذا بيصير زوجي وعاادي هل جربتوا هالشعور ؟
إيه أنا إلى اليوم وأنا أناظر الصوره وأقول يالله هذا اللي بيعرفني بس من شوفه لما أكون مبسوطه ولما أكون زعلانه ولما أكون تعبانه وفي جميع أحوالي وأنا نفس الشي أن ربي وفق وتمم كل شي على خير وتوفيق منه.

طيب

من باب ثاني

باقي 5 شهور

متى ابدا اتجهزز واهتم وافكر و واخطط ولا لا لما يحددون بالضببط بالضببط التاريخ ؟

أنا زيك باقي لي 5 شهور , من ناحية الأهتمام بالجسم والشعر فإنصحك من الآن أهتمي في نفسك خصوصآ أنك بنوته فلابد أنك عندك إهتمامات مسبقه بس الآن عليك بتكثيفه.

من ناحية التجهيزات الكبيرة حاولي تخلصينها زي المطربه القاعه حجز مصمم الديكور للقاعه والأضاءه والضيافه فستان الزفه والزفه حاولي تخلصينها وتعربنينهم بعد حتى يروح عنك نص الهم لأن أن طاحوا عنك هالتجهيزات خلص شي كبير تحسين .

أما من ناحية تجهيزك أنتي فإنصحك خصوصآ أن مهرك بيدك فلاطولين المده ياحلوه كل ماطولت تحسين أنك مهمومه مره وراك شغل عيأ لاينتهي حاولي أنك تخصصين لك أسبوعين والله كفايه سافري فيهم لمدينه حلوه زي جده او دبي أو باريس إذا أنتي تسافري برى أسبوعين وقسمي كل شي في هالأسبوعين لأن راح يكون معك كل الأوقات لأنك أنتي مسافره تجهزي فماراح تحتاجين طلعه نزهه ولاشي.

وأهم شي كثري ملابس البيت أما الباقي فبلاش منه كثير , لأن راح تستمري تشتري وخصوصآ وقتك وقتي بالزواج مش حلو بين الشتاء والصيف.

فإكيد بعد ماتتزوجي راح تنزلي السوق وتجهزي نفسك للشتاء فلا تكثري ملابس حتى وراك نزله ثانيه للسوق بالتجهيزات.

وبنبهك على شغله مهمه حاولي توفري شي من مهرك على الاقل 5000 ريال تبعدينه عن عيونك عطيه أمك أو أبوك يخبونه عندهم حتى عقب يكون معاك مصروف لاسافرتي شهر العسل , لأن فشله تروحي مامعك ولاريال وعلى الأقل تكوني قدامه وحده معاك فلوس حتى لو رفض أنك تدفعي أو شي ولا تكوني قدامه تنتظري اللي يدفع لك , طبعآ أهلك ماراح يخلونك تسافري بدون فلوس بس حتى ولو الفلوس اللي معاك مش زي اللي معاه هو مع أنه عادي هو اللي راح يكون المسؤول عنك واللي بيحميك من بعد الله وكل شي بس كـ برستيج قدامه.

وغير هذا بقولك على شي حاولي من بداية حياتك الزوجيه أنك تعودينه على أنه هو المسؤول عنك بالحاجات الأساسيه في الحياة يعني لاتعودينه على أنك أنتي اللي تدفعي لنفسك كل شي لأن على قولة المثل (زوجك على ماتعودينه ولدك على ماتربينه)بعدها بيتعود على قل المسؤوليه وبتتشكين منها والسبب في البداية أنتي , وبكلامي هذا ماأقولك أمنعي فلوسك عنه لا يعني فلوسك لمصاريفك الخاصه والأشياء الثانويه في الحياة, وحاولي تكوني اليد اللي تمد المساعده له بوقت ضيقته وشدته لإحتاجك .

واخاف يحددونه قبل شهرين او اقل وورطه ساعتها وانا المهر معي من زماان مثلا

لاوالله ماله دااعي ياحلوه تجلسين فاضيه شوفي إن شاء الله من شهر 7 تبدأ الدسكاونت على جميع الماركات وهالأشياء فحددي لك فتره بشهر تخلصي نفسك وجهازك كامل حتى ترتاحي وآخر شهرين العطله تتفرعي لنفسك ومكالماتك معه لأن على ماأسمع من كثير من البنوتات يقولون مايخلونك تتنفسي من الأتصالات والله يعين هههههههه .

ابي رايكم في وضعي ابي تنصحوني وتوجهوني ..

أنا وربي نصحتك باللي أشوفه من وجهة نظري وأحسه هو اللي بيريحني, أتمنى أني أكون أفدتك ياحلوه بمالدي وإي خدمه أنا جاهزه ترانا خوات.

وحتى اتمنى أننا نتلاقى وحنا نجهز ههههههههههه.

*ملاحظه: إذا أنتي حابه أنا عندي قائمة مكتوب فيها كل التجهيز العروسه من إلى حتى عدد القطع اللي تشترينها محدده, إذا تبينها عطيني خبر حتى أنزلها لك أو ارسلها على الخاص لك.

بجد احسس حايسه

مرات نفسي ابدا ومرات اقول ليه مستعجله

مرات اقول الناس عطوني المهر علشان اخذ راحتي .. ومرات اقول لا اخاف يصير شيء

مدري

*نصيحه دينيه أخيره: خلي دوم على لسانك إذا شاء الله وبتوفيق الله وأستعيني به وأذكريه كثيرآ فذكراه لها أثر طيب على القلب.

بجد بجد محتاجه لرايكم

≈دمعـة مـلاگεïз · 01-05-2009, 06:07

اقتباس:

المشاركة الأصلية كتبت بواسطة أنااا أنااا

حبيبتي مقبله..
اول شي ألف مبروووك ياقلبي والله يوفقك و يتمم لك على خير..

ثانيا: شعور ان الزواج ماراح يتم أنا أشوف انه شعور أي وحده تنخطب، انا و أختي الآن متملكات و نفس الشعور نحسه، نخاف بكثره على أنفسنا من العين وخصوصا ان الحسد منتشر بكثره بيننا، أنا أكلم زوجي وأشوفه بالماسنجر عن طريق الكام وبيني و بين نفسي ماني متخيله انه بيكون زوجي، أختي نفس الشي لما تشوف صورة زوجها مع ان أختي ماشافته الا بيوم الملكه بس ولا تكلمه، البنت لما تنخطب راح تحس بأشياء غريبه، تخاف ان الزواج ماراح يتم وتخاف على نفسها من العين لأن الناس بتفتح عيونها على البنت كأنها مخلوق غريب..
من ناحية التجهيز بما ان المهر عندك لا تروحي تجهزي كل شي من الحين، أفضل لك كل ماتروحين السوق خذي أي شي ممكن ماتحصلينه بعدين أو شي عليه تخفيض وشيلي الوساويس من راسك وهو خوفك انك تجهزين ولا يتم الزواج، التجهيز يبي له وقت و أفضلك ماتضغطين على نفسك ولو تبدين تجهزين قبل الزواج بثلاث شهور أشوف انها كافيه المهم ان قبل الزواج بثلاث أسابيع تقريبا تكونين خلصتي عشان ترتاحين قبل الزواج ولا يبين عليك التعب و الارهاق..
اذا تحتاجين لجلسات للبشره والجسم روحي للعيادات وشوفي كم الوقت اللي ممكن تخلصين فيها جلسات العلاج، اسألي عن المشاغل، وفستان الزواج، و اذا بتسوين زفه اسألي عن الترتيبات، اشغلي نفسك الفتره هذي بأمور الزواج عشان ماتهوجسين في الأشياء اللي ممكن تأثر على نفسيتك..
ادعي ان الله يوفقك و يجمع بينكم على خير و أن يجعله الله قرة عين لك ويجعلك قرة عين له، أكثري من الدعاء و صدقيني راح ترتاحين نفسيا واسألي مجرب خصوصا أني مريت بظروف صعبه وقت الخطبه كانت راح تنهي موضوع زواجي، بس الحمدلله بالدعاء صار كل شي ماشي مثل ما أنا أبي..
الله يوفقك أختي ويسعدك ويهنيك معاه و ييسر أموركم يارب..
أعتبري عضوات المنتدى مثل أخواتك..
موفقه حبيبتي

لا تنسيني أنا و اختي من دعواتك أن الله يتمم زواجنا على خير...

الله يوفقــك و يتـمم لك على خيـــر يارب

عيش الزمن بظروفه.. · 01-05-2009, 08:10

والله الخوف من الحسد يدفع الانسان الى الا يتحدث بكل ما عنده لكل الناس
وخاصة من هم في سنه او عنده بنت او ولد في سنه لانه يدعوه للمقارنه والحسد والحقد
(بعض النفوس مريضة والله)
.....
.
ويلتزم الانسان بالاذكار والادعية الواردة في الصباح والمساء
والحمد لله الدين وضح لنا الشيء هذا لاجل الحماية من الشر وعواقب العين
والزوج سوف تتعودين عليه وتحبينه ان شاء الله باخلاقة والنظر لايجابياته
والله يوفقك

saad@ · 01-05-2009, 14:54

الاشياء الاولى ماافهم فيهاا

بس بالنسبة للتقضي انتظري الين التخفيضات واشتري وكل ماعجبك شي خذيه

وبالنسبة للذهب تابعيه واول ماالسعر يرخص شوي اشتري

موفقة

كلي ملح ودمي سكر · 02-05-2009, 00:18

الله يوفقك وكلي امرك لله وانتي بترضي بكل اللي يسير خيرة من الله

وجهزي نفس قبل الموعد بشهرين يكفيك الله يوفقك

مقبله · 02-05-2009, 00:28

يابعد قلبي ياانتم فديتكن وربي

عسى يارب كل من دخل هالموضوع ربي يوفقه ويرزقه من خزائنه التي لاتنضب

ويحقق له كل امااااااله يارب

لي عوده مع كل رد ابي اقراااهاااا كثييير واحفظها بمفكره >> وناااسه كلامكم حلوووو

هويته كثر غلطاته · 02-05-2009, 03:58

[
انا جوري
والنعم
25 سنه
العمر كله

انخطبت شهر 10 وقعدت 6 شهور وتملكت ..
كانت ملكتي بشهر 4 اللي طااف يعني قبل شهر
كللوووووووش الف الصلاه والسلام عليك ياحبيب الله محمد كللللللووووووش

زواجي تقليدي مافيه شووفه مافيه مكالمات .. وعاادي مو مهم عندي المهم بعدين
وصلني خبر ان بالعطله ماااافيه زواج ( مرتبط بعمل ودورات )
يقول احتمال ب10 او بالاضحى
ماعلينا
المهم انه باقي تقريبا 6 شهور على الموعد المحتمل صح ؟
اسئلتي
هل شعووور ان العرس ماارح يتم طبيعي ؟

يس طبيعي لان الشخص اذا يحب حاجه يخاف يفقدها
هل الخوف من الحسد والناس طبيعي ؟

افكورس
هل لما اناظر لصورته اقول يالله هذا بيصير زوجي وعاادي هل جربتوا هالشعور ؟
ايه عادي ومن ابسط حقوقج بعد

من باب ثاني
باقي 5 شهور
متى ابدا اتجهزز واهتم وافكر و واخطط ولا لا لما يحددون بالضببط بالضببط التاريخ ؟
انا من وجهة نظري من باجر انزلي لسوق لان بالعاده الزواج راح يكون بالصيف او العيد يعني الاسعار راح تكون فوق وراح تااخذين الاغراض بسرعه لكن احسن خذيها الحين على رواقه واقل من مهلج ودوري على اوقات تخفيض الماركات
واخاف يحددونه قبل شهرين او اقل وورطه ساعتها وانا المهر معي من زماان مثلا
ابي رايكم في وضعي ابي تنصحوني وتوجهوني ..
بجد احسس حايسه
مرات نفسي ابدا ومرات اقول ليه مستعجله
مرات اقول الناس عطوني المهر علشان اخذ راحتي .. ومرات اقول لا اخاف يصير شيء

هههههه توكلي على ربج وابدي واذا صار حاجه عاتي احتفظي فيه لذكرى والبسيه تعوذي من ابليس وشيلي هالوسواس من راسج
مدري
بجد بجد محتاجه لرايكم

عطيتج رأيي بسرعه ادعيلي =======>>فيس مبسوط وحاس انه انجز عمل
الله يوفقكم

[/QUOTE]

وياج يارب [/B][/CENTER][/SIZE][/COLOR]

لسعة شقآوه بدلع · 02-05-2009, 05:34

ياقلبي اللي قبلي ماقصروا
بالتوفيييييييييييق يالغلا
دعوآآآآتك

Njo0oud · 02-05-2009, 05:45

فرصه سعيييده يالجوووري

والف الف مبروك والله يوفقك ويسخرلك زووووجك قولي اميييييييييين

ياقلبي انتي تفاااائلي ووكلي امرك لرب العاااالمين وكل شي بيتسهل باذن الله

مااااشاااااللله الاعضاااء كفووو ووفووو الله يعطيهم العاااافيه

بس من راايي يعني بما انهم دااافعين المهر من بدري يعني يبونك تتقظين ع رااحتك وانا اقول اي شي تشوفينه حلووو بالسوووق اشتريه اخااف يحددون موعد قريب وانتي ماااسويت شي لان معروووف مقاااضي العروووس شهرين او 3 شهور مااتكفي فتقضي من الحيين وع رااحتك احسن من يجيييك خبه ولا تدرين وش تبدين

والله يوفقك ويسهلك امرك يارب

تقبل مروري غنااتي

الفارسة جود · 03-05-2009, 02:15

جـوري اسال الله الكريم رب العرش العظيم أن يسهـل أمرك ويثبتك

ويجعـل كل الامور تسير على ماتريدين ويجعل هذا الرجل قرة عين لك وتكوني قرة عين له

هذا مااستطيع قوله لأن من سبقوني كفو ووفو

الله يوفقــــــــــــــــــــــــك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

,’,’ دعـــوه صادقه لمن يرد علي ,’,’