عالم الحياة الزوجية - منتدى

همس الحبايب · 02-05-2009, 07:09

صباحكم ورد احلى اعضاء.....
انا سبق وعرضت مشكلتي الي هي اني لي 3اسابيع مملكه والشيخ ماعبرني ولا حتى بمسج بس قبل 4ايام زارتني بنت عمته وقتلها انه ماشفت منه اي مبادره وقامت هي وامها الي هي تصير عمته دقت عليه وهاوشته ليه مو معبر زوجتك
اظاهر والي فهمته منهم انه مكسووووووووووووووووووووووووووف اومستحي المهم بهد ما كلمته عمته وفي نفس اليوم ارسلي مسج باليل مسج حب وقمت انا الدلخه كاني ماصدقت على الله ورديتله بمسج حب وبس واليوم الثاني هم بعد ارسلي مسج ثاني باليل ورديتله بمثله الااحلى من حقه ادري مطيوره واليوم الثالثه هم بعد راسلني بمسج واحد باليل ورديتله واليوم ارسلي مسج ورديتله ب2 للكن المشكله اني احس انه رسايلي معبره بالحب اكثر من رسايله وبخط اليد بعد ....وبعدين انا معروفه اني بنت عفويييييييييه حيل الي في قلبي على طرف لساني وانا احس اني احبه بس بحكم انه شخص غريب مالنا فيه معرفه مسبقه قبل الخطبه مادري اشلون يفكر فيني بس سوالي للشباب والبنات هل تنصحوني اكون مثل ماانا او اكون ثقيله وماارد عليه في بعض الاحيان ... انا خايفه يكون اخذ عني فكره اني ماصدقت مثلا او اني جريئه او اني مطيوره او اني ميته في دباديبه او اني خفيفه من هالكلام يعني فكيف اتعامل معاه وعلى فكره للحين ماشاااافني بعد العقدولا كلمني

روانـ · 02-05-2009, 07:14

لا بالعكس خليكي مثل ما انتي عفويه وعلى طبيعتك وكلامك من القلب والله يوفقك ويتمم لك

هويته كثر غلطاته · 02-05-2009, 08:26

والله كل رجال يبيله معامله غير الثاني

لكن خليج عفويه واجلسي يومين لاتدزين وشوفي هو يشتاق والا لا وبعدها ردي ارسلس مسج شوق بس بصراحه احسها بثاره يعني مسج مسج كاانم تلعبون خلاص خليه يكلم بس خليه هو اللي يبداء بطريقه غير مباشره

فجررر · 02-05-2009, 09:05

خليكي مثل ما أنتي عفووووية بس هذا الشي ما يمنع إنه لو أرسل مرة ثانية لا تردين ( علشان ما يتعود على أسلوبك ويشتاق ويتصل ويسولف معاك )

عبدالاله99 · 02-05-2009, 11:50

خليك وسط لا مطيوره على قولتك ولا جافيه
ويمكن بعض البنات يستغربون بأن الشباب يكونون حياويين لدرجه كبيره (دايماً ماخذين فكره عن التماسيح أنهم دفوش) لكن هذا يكون بسبب : أول علاقه له + طبيعه الشاب إذا كان حياوي .

SIRRI · 02-05-2009, 11:57

انا من رائي انك تطنشين يومين وهو رح يتصل عليك لانه رح يكون ملهوووف عليك ويبي يسمع صوتك جربي كلامي ورح تشوفين

مدري وش اسمي نفسي · 02-05-2009, 19:02

اسمعي يالغلا الناس تختلف وجهات نظرهم وطريقة تفكيرهم

يعني صعبه تحكمين عليه من تجارب غيرك

خليك بعفويتك وعيشي تجربتك صدقيني بتحسين بلذتها

عسل بوظبي · 02-05-2009, 19:08

يا قلبي انتي حرمته الحينه

يعني مافيه ايفكر فيج غلط ولا اتفكرين فيه غلط

خليج على طبيعتج , واذا اتحسين انه هالشي امريحنج , فالله ايوفقج

بس اذا بتمين اتلومين نفسج بعد كل فعل , فاحسن لج انج تمسكين عمرج

عشان ماتبهدلين نفسج بالتفكير !!

استغلي هالفرصه في التعرف عليه قد ماتقدرين , صدقيني انها ايام حلوه , وراح تذكرينها دايم

وكوني اكيده انج قادره على انج اتخبليبه واتخلينه متلهف على مكالمتج ^_*

الله ايوفقج ويسعدج

فتومي · 02-05-2009, 21:05

داك اهو يستحي يعني بالغصب قاعد يطرش مسجات واللي شجعه وخلاه يرد يطرش هو ردج عليه
فأبد لاتفكرين انج ماتردين عليه
لانه بيستحي وبيفكر انه غلط ومابيرد يطرش شي
وليش انتي مخليه العلاقه بس مسجات!
تكلمو ويا بعضكم
ومافي اي مانه اذا انتي بديتي بالاتصال! عادي لانج انتي زوجته الحين والحياة الزوجيه مافيها هالاشيا
مافيها الكبر او الثقل لهاالدرجه
اهو زجج وانتي من حقج انج تكلمينه وتتعرفين عليه
اتصلي مرة له في الليل
اذا طرش لج مسج انتي اتصلي
وييبي اي دليل لاتصالج مثلا انج كنتي تعبانه نفسيا اشوي وكان ودج تكلمين احد
فاذا بديتي انتي خلاص راح يصير بينكم عادي
ولاتفكرين انه بيفكر عنج اشيا غلط! لا لان انتي زوجته وبالعكس بيستانس
وبالتوفيق

اللمسة الحنونة · 02-05-2009, 21:27

موفقه باذن الله خليكي على طبيعتيك ولاتتغيري ولاشي

مجروح بلا جرح · 02-05-2009, 21:31

تبي نصيحتي ............ اول اعرفي شخصيته عدل ..........

ويش يحب وويش شكره .............. حاول يتمسكي نفسك شوي ولا تبيني له عفويتك الا لما تتطمني له اكثر واكثر....

لانه بعض الازواج مايحب الوحده تكون عفويه زياده عن اللزوم ...........

فلسفة مشاعر · 02-05-2009, 21:32

مدري بس انا يوم كنت مخطوبه كان جوالي مايسكت من مسجاته وانا مطنشه ع الاخر

بعدييييين بعد فترة يوم شفته بموت ويجيه مسج مني قمت ارسله ومو كل فتره بعد

بس انتي خليك على طبيعتك ومو كل مايرسل لك مسج تردينه له لا خليك اثقل شوووي

احلاكم انا · 02-05-2009, 21:41

خليك على طبيعتك وسوي اللي يريحك .....لاتربطين بقصه صارت لصديقتك والا اختك ولا غيره ترا الجال مو زي بعض يعني ادا وحده كان خطيبها مقطع جوالها رسايل واتصالات ويكملها بزيارات هدا مو دليل دا يحب واللي ارسل مايحب....

في رجال يحبون من قلب بس مايعرفون يعبرون ولا تنسين انه زيك اول تجربه يعني ملخبط ومو عارف يتصرف........
وبالنسبه للفرق بين رسايلك ورسايله هدا طبيعي لان الكلام الحلو شغلتنا يعني عادي

زوجي لما يرسل احيانا تكون الرساله بصيغه مدكره ماعنده وقت يحط تاء التأنيث واحيانا اخوكم فلان هههههههههههه

ريحي بالك ولا تشيلي هم...وفكري بحياتك الجديده برواقه.........

الله يوفقكم ويجمع بينكم على خير

نسائم ليل · 02-05-2009, 21:57

لا تردي مسج بمسج ......
وحاولي تنطشية كم يوم وبتشوفي إذا اتصل ولا لا .....
وصدقيني إحنا البنات ما نعرف شخصياتهم يعني يمكن يكون مكسوف أو ما عنده مسجات .....
لكن أحلى شيء كوني ثقيله وبطبيعتك .....
لكن نصيحه طول فترة الملكه لا تقولي له ليه ما تتصل ليه ماترسل ؟؟؟؟
صدقيني هذا السؤال مكروه لدى الرجال .....
انا بانسبة لي لما شفته مطنش بديت أطنش وارتحت جدا ... قبل كذا كنت أحرق في نفسي ....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يفرجها عليكم ضروري جاوبوني شباب وبنات