عالم الحياة الزوجية - منتدى

@RAYAN@ · 03-05-2009, 10:48

السلام عليكم
صباح ومساء الخير على الجميع
هاذي احداث قصه حقيقيه حدثت لي اتمنى من الجميع الاستفاده منها :
كعادتي الاسبوعيه امر الاستراحه يومين الى ثلاث ايام في الاسبوع ومريت ذاك اليوم بعد المغرب ولا هذا ابو مشاري جالس لحاله .............. نسرد لكم احداث القصه :

ابوريان اللي هو انا : السلام عليكم ابومشاري
ابومشاري : هلا وغلا ابوريان وعليكم السلام ............... الخ السلام بيننا ............ ابومشاري يا عبد الصمد جب شاهي لعمك ابوريان .
ابومشاري : ها بشر ابوريان وشلون العمار وين وصلت وش خلصت .
ابوريان : ابد والله كل شوي اسوي حاجه وماشي ان شاء الله وبنخلص حالنا حال الناس .
ابومشاري : بالتوفيق
ابوريان : وانت بشر عساك شريت لك فله جاهزه او ارض ؟
ابومشاري : اشتري طل وين اشتري وانا هالمره موب مخليتني اجمع .
ابوريان : ليه وانا اخوك اللي اعرفه راتبك بالمره زين وليه ما تجمع .
ابومشاري : ايه بس هالمره كل ما اجمع قرشين جت وقالت هي وعيالها نبي نسافر واخذ اللي جمعته واسافر انا وياها والعيال عشان فلانه اختها مسافره وفلانه بنت خالتها ويتغايرون .
ابوريان : بس اسمحلي يا ابومشاري انا ما اخلي الحبل على القارب واجي اقول المره موب مخليتني انا لو منك شريت فله جاهزه بقرض قوي وخلاص تصير مصاريفي محدوده .
ابومشاري: يا اخوي المشكله هالمره ما تفكر الا بنفسها وبفساتينها وطلعاتها وعيالها وش يلبسون والسفر
ابوريان : طيب وراح تستمر على هالوضع يا اخي الواحد ما يدري متى بيموت على الاقل مسوي شي لعياله
بيت ملك بكره ما يجي المستاجر ويقول لهم اطلعو برا .
ابومشاري : والله انك صادق بس الشكوى لله انا تعبت من هالمره ومن تفكيرها عجزت اتصرف معها .
ابوريان : والله الواحد في هالامور يا اخوي مهما كان لازم يصير حازم حتى لو الزوجه ما تطاوعه لان بالاخير هو ما يسوي هالشي الا لها ولعيالها .
ابومشاري : خلاص ابوريان لا تضيق صدري غير السالفه ....................................

اخواني واخوتي انا اعرف ابومشاري هو والنعم فيه بس استوحى لي من شخصيته انه ضعيف قدام زوجته ولا هو يعرف يتصرف ولا يعرف يحزم الامور .
نصيحتي لكل اخت اعيني زوجك على بناء مستقبلكم لا يغرك فلانه وعلانه ناظري مستقبلكم افضل من الامور اللي مالها سنع وبعد ما تامنون مستقبلكم لو تبون تروحون المريخ بسلامتكم .
تحيتي للجميع

* راشيل * · 03-05-2009, 11:22

مهما كان الواقع صعب له حل

صديقك مثله يوجد شريحة كبيرة جدا بين الناس

ومثل زوجته ايضا

لازم يكون في وعي اجتماعي لمثل هالامور اكبر

ربنا يوفقك ويعينه لحل مناسب

اختكم

راشيل

@RAYAN@ · 03-05-2009, 11:53

اقتباس:

المشاركة الأصلية كتبت بواسطة ماليكاي

مهما كان الواقع صعب له حل
صديقك مثله يوجد شريحة كبيرة جدا بين الناس
ومثل زوجته ايضا
لازم يكون في وعي اجتماعي لمثل هالامور اكبر
ربنا يوفقك ويعينه لحل مناسب
اختكم
راشيل

يعطيك العافيه شاكر مرورك

بنت المدير · 03-05-2009, 12:05

من جد ابو مشاري ضعيف شخصيه
بس هو الغلطان ليش يخلي الوضع يوصل الى هذا الحد
ليه مايعلمها ويفهمها ان اللي تسويه خطأ والحياة مو كلها سفر وسهر وفساتين ومدري ايش
حتى لو كان معه مال قارون وبيت وفله مايخليها تتصرف هذا التصرف
لازم يحط النقاط على الحروف ويغيراسلوبه بتعامله مع زوجته ويعلمها على التفكيرالمنطقي الصحيح
وان الحياة ماتدوم والاموال هذي ماتدوم لها واحتمال اي وقت تزول هذي الاموال وبعدها وش بيصير
راح تنظرله زوجته نظرة غلط وماراح تشوفه شي
اذا من الاول يعدل تصرفه ويعدل زوجته وتفكيرها
الرجال قوامون على النساء
عذرا ريان طولت عليك وعذرا على التعبير اللي مدري وشلون هو قايل
السموحه

عود روويان · 03-05-2009, 12:24

الله يستر علينا ولا يبلينا ان شاء الله

مكحله عيني بزوجي · 03-05-2009, 13:19

والله الزوجه لها دور كبير
بس بعض الرجاجيل تساعده زوجته ثن يروح يعرس ويحط كل وحده بدوووووووووور وانا اعرف كثير كذى

ريما المجنونا · 03-05-2009, 13:39

الله يسخر الازواااااج لبعضهم ويهديهم

@RAYAN@ · 03-05-2009, 14:10

اقتباس:

المشاركة الأصلية كتبت بواسطة بنت المدير

من جد ابو مشاري ضعيف شخصيه
بس هو الغلطان ليش يخلي الوضع يوصل الى هذا الحد
ليه مايعلمها ويفهمها ان اللي تسويه خطأ والحياة مو كلها سفر وسهر وفساتين ومدري ايش
حتى لو كان معه مال قارون وبيت وفله مايخليها تتصرف هذا التصرف
لازم يحط النقاط على الحروف ويغيراسلوبه بتعامله مع زوجته ويعلمها على التفكيرالمنطقي الصحيح
وان الحياة ماتدوم والاموال هذي ماتدوم لها واحتمال اي وقت تزول هذي الاموال وبعدها وش بيصير
راح تنظرله زوجته نظرة غلط وماراح تشوفه شي
اذا من الاول يعدل تصرفه ويعدل زوجته وتفكيرها
الرجال قوامون على النساء
عذرا ريان طولت عليك وعذرا على التعبير اللي مدري وشلون هو قايل
السموحه

والله كلامك درر وذكرتي شي مهم حتى لو عنده مال قارون ما تتصرف مثل ما تبيه

شكرا لك بنت المدير يعطيك العافيه

@RAYAN@ · 03-05-2009, 14:13

اقتباس:

المشاركة الأصلية كتبت بواسطة عود روويان

الله يستر علينا ولا يبلينا ان شاء الله

اللهم امين

شاكر مرورك

@RAYAN@ · 03-05-2009, 14:17

اقتباس:

المشاركة الأصلية كتبت بواسطة مكحله عيني بزوجي

والله الزوجه لها دور كبير
بس بعض الرجاجيل تساعده زوجته ثن يروح يعرس ويحط كل وحده بدوووووووووور وانا اعرف كثير كذى

يا اختي انا اتكلم بشي ثاني لا تفتحين علينا باب يلعب عليها ويتزوج ثانيه

@RAYAN@ · 03-05-2009, 14:24

اقتباس:

المشاركة الأصلية كتبت بواسطة ريما المجنونا

الله يسخر الازواااااج لبعضهم ويهديهم

اللهم امين يا ريما الصاحيه

سيده من نجد · 03-05-2009, 15:20

يوقفها ويفهمها

مو كل شي حاضر وطيب

وشكرا

زهورالطبيعه · 03-05-2009, 16:52

مرحبا أبو ريان ..
للأسف اغلب جلسات النساء {احنا سفرنا سوسراء _ويوم كنا في كنداء _وانتم وين بتسفرون في الصيف }
احس بتفهت الجلسه ولكن ...
وممكن أحد قرباتك أو امك تسالك وين بتسفرون في هذا الصيف ولو قلت مراح نسافر قالت لك ليش زوجك راتبه زين أو قالت لك زوجك البخيل و و و _وافلانه مو احسن منك وهي بتسافرلكذا وكذا ..
انا أحترم زوجي وبيتي ولي يامر فيه زوجي يبشر فيه ..لكن الصيف ميرحم يوم الكل يسافر ولا يبقى الا أنتي وعيالك بالديرة ولا الناس ترحم يوم يرمون كلمه على زوجك أو عليك وانك تشجعينه على البخل وسوفا تندمين بكرة ..ايش تسوي الزوجه المسكينه

بلسم الروح · 03-05-2009, 18:10

تحية معزة ومودة
المظاهر الخداعة و الزائفة دائما تدفع البعض للتقليد بدون التفكير في العواقب ...
سفر ... سيارة ... لبس ...
اسم شائع و بطن جائع ...
مشكلة كبرى غياب حسن الادارة الزوجية ...
وااافر مودتي

سعوديه من نجد العذيه · 03-05-2009, 19:31

صدق ان بعض الحريم هي سبب تدهور زوجها من الناحيه النفسيه والبدنيه والماديه ماتفكر الا بنفسها وبس وهاذا انا امراءه لاكن اعارض وبشده اسلوب المراء الي كذا== والله كثير نساء تهلك زوجها بالطلبات علشان مايتزوج عليها ==ياختي الي الله كاتبه بيصير رضينا اما ابينا واذا بتزوج الزوج والله راح يتزوج لو انه فقير = ومبروك اخ ابو ريان مقدما على المنزل الجديد وان شاء الله منزل السعد لك انت وام ريان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصه حقيقيه !!!!!!!!!!!!!!!