عالم الحياة الزوجية - منتدى

أغليك · 03-05-2009, 22:14

السلام عليكم...

مسائكم نرجسي يا أعضاء المنتدى الأفاضل...

أود ان اطرح مشكلتي لديكم وآمل ان أجد عندكم الرأي السديد الذي يعينني...

بإختصاااار

أنا متملكة من 3 اشهر وزوجي طوال المدة يتصل بي لكن لم ارد عليه تنفيذا لرغبة والدي..

الأن طفح الكيل لدى زوجي وبدأ يهددني أن حبه لي سيتغير..وأن ...وأن....

ارشدوني كيف ارضي الطرفييين والدي غالي عندي ولا أريد ان اجرح تربيتة لي بمجرد مكالمة ...

اتمنى فهمتوا قصدي ....أنتظركم

جرحي طاب · 03-05-2009, 22:22

هلا وغلا

اختي لازم تفهمين زوجك انه موبيدك وانا والدك هو اللي رافض

واذا مقتنع مالك الا بدس يعني بدون مايدري والدك

انتي مو مسوية لا حرام ولا عيب

صفحات لم تقرأ · 03-05-2009, 22:54

وعليكم السلام

كلمي أمك تقنع أبوك

والله يوفقك

غزاااال · 03-05-2009, 23:04

خلي زوجك نفسه يكلم ابوك ويطلب منه انه يكلمك ...... اذا ان ابوك من النوع اللي يتفهم الامور وما يخليها مشكله

واذا ان ابوك متعصب ما لك الا ترضين ابوك دامك عنده وزوجك لازم يتفهم وضعك وانك الحين في حكم اهلك لانك مقيمه عندهم وما بعد رحتي لبيت الزوج

والله يهدي الجميع

اسمع صدى صوتك · 04-05-2009, 02:05

السلام عليكم

طيب ليه ماتكلمينه وش يمنعك.....غريبه

وانا اشوف من حقه يزعل وبقوه

هذا ياقلبي زوجك ومستقبلك والا انتي مو واثقه من نفسك قدامه او تحبين تطبقين نظرية التنطيش او تبغينه ينبطق عليه اكشط واربح او انك لازلتي على نظام قبايل ابو جهل

على العموم

الله يوفقك

ودي واحترامي

ضيم السنين · 04-05-2009, 02:25

يعني اللحين كل البنات المتملكات يكلمون بعلم ابوهم؟

لا طبعا خبرتس تفكير الناس الاولين غير عشان تسذا يكلمون بدون مايدرون

لانه رجلتس ماتسوين شي غلط كلميه بدون علم احد

زعيم المحللين · 04-05-2009, 02:51

اقتباس:

المشاركة الأصلية كتبت بواسطة غزاااال

خلي زوجك نفسه يكلم ابوك ويطلب منه انه يكلمك ...... اذا ان ابوك من النوع اللي يتفهم الامور وما يخليها مشكله
واذا ان ابوك متعصب ما لك الا ترضين ابوك دامك عنده وزوجك لازم يتفهم وضعك وانك الحين في حكم اهلك لانك مقيمه عندهم وما بعد رحتي لبيت الزوج
والله يهدي الجميع

راي سديد ... اتفق معك ...

دمــــــــــــــتـــــــــــــــــم

Njo0oud · 04-05-2009, 03:15

غريبه والله

ماااتو اللي يمنعوون البنات مايكلمون ازووجهم باايام الملكه

يختي هذا زوووجك من حقه انه يكلمك شي طبييعي

يختي تفااهمي مع ابووك ولا قولي لا اي احد يقدر يتفااهم مع ابوك ويقنعه

والله يوفقك يارب ويسهل امرك يابعدي

لحظة وداع . · 04-05-2009, 09:56

الف الف مبروك يارب
يختي والله العظيم مشكله الاباااااااااااء مشكله يعني هو حرام اذا كلمتي زوجتك
انا مملك من سنه وشهرين وزوجتي والله ما اقدر اكلمها مرررررررره وسنه كامله ما سمعت صوتها الا مرتين او ثلاث بس

يعني والله ما ادري ولا اعرف عن حياتها وشخصيتها ولا ادري من اي انواع البنات هي

لاكن انصحك تكلمين زوجك علشان تتفاهمون ، ومو لازم ابوك يدري .

واتمني ان المكالمات ما تاخذ وقتك كثير علشان ابوك ما يشك ويقول عصيتي اوامره

يعني بالاسبوع مكالمه او مكالمتين تكون اخر الليل

يكون النقاش عن امور الزواج والمستقبل (( اي مستقبل والله حاله

))
بعضهم لا اذا كلم كانه باااااااااااالع له مسجل ما غير يهذررر

لا انتي كلمي مكالمات عاديه علشان تعرفين شخصيته بس

ومساله ان زوجك بدا حبه يتغير ويهدد ترا كلااااااااام فاضي والله يا يوم الزواج ينسي كل ذا الكلام اذا انتي حكمتي عقلك وسرتي اخلاق معاه (( الزوج مسوي شديد علي غفله

))
والله يديم المحبه بينكم يارب

يا أغلى من روحي علي · 04-05-2009, 10:01

أرضي زوجك

لازم يابنت الحلال تعرفون بعض ولا تبون ليلة الدخله مزهريات جالسين بالغرفه بدون اي صوت

توكلي على الله وكلميه وأشتري رضا زوجك وعلى فكرة رضا الله من رضا زوجك بعدين والديك وهذا ثابت بالكتاب والسنه.

عجايب الزمن · 04-05-2009, 12:40

أولاً لا بد تكوني صريحة مع زوجك وتقولين له إن أبوي مانعني أكلم
ثانياً كلمي زوجك بالخفية وبدون ما يدري أبوك
ثالثاً ممكن ترسلون رسايل Sms بين بعض إذا المكالمات فيها مانع

عذبية1 · 04-05-2009, 12:55

اقتباس:

المشاركة الأصلية كتبت بواسطة زعيم المحللين

راي سديد ... اتفق معك ...
دمــــــــــــــتـــــــــــــــــم

اتفق وياكم كلام سليـــــــــم

arosalbahar · 04-05-2009, 12:58

ماشاء الله الاخوه الاعضاء كفوا ووفوا
وانا بقولك طريقتين وانتي اختاري اذا انت حابه تكلميه وانا براي هذا اللي لازم لان ضروري تتعارفون اكثر وتتناقشوا وتتعرفوا على طريقة تفكير كل واحد منكم

والمكالمه هذه لها اكبر فائده بعدين لانها بتشيل كم حاجز من طريقكم وزوجك معه حق باللحاحه وانا ادري لي صديقات متملكين وبنفس الحاله اهلهم رافضين هالفكره لا والاحلى هم انفسهم مقتنعين انه عيب يكلموه المهم ما علينا بهالحاله انت لازم تكلميه من دون ابوكي ما يعرف ولازم تخبريه ان ابوكي رافض وانت مو لان راي ابوك ما يهمك وعادي انك تعصيه لا فهميه ان اللي خلاكي تكلميه اهميه المكالمه ولانه زوجك
والطريقة الثانيه انك تراسليه بالمسجات وكذا لا تكوني كلمتيه وتكوني تواصلتي مع زوجك
والله يوفقك يارب ..........بس على فكره متى الزواج يعني قريب ولا لسى مطول ؟
الله يسعدك اختي دنيا واخره

AHM22 · 04-05-2009, 13:19

عندك احد الحلول :

1- تتكلمي مع ابوك وتفهمينه الموقف
2- تكلمين زوجك وتقولي له انه ابوك رافض المكالمات وهذه طبعه كذا
3- زوجك يتفاهم مع ابوك لكن بدون هواش
4- تكلمين زوجك بالسر لكن بدون مقابلات من ورا اهلك

وربي يوفقك ويستر عليك

نسرين احمد · 04-05-2009, 15:34

اقتباس:

المشاركة الأصلية كتبت بواسطة عجايب الزمن

أولاً لا بد تكوني صريحة مع زوجك وتقولين له إن أبوي مانعني أكلم
ثانياً كلمي زوجك بالخفية وبدون ما يدري أبوك
ثالثاً ممكن ترسلون رسايل Sms بين بعض إذا المكالمات فيها مانع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أرضي مين...أبوي أم زوجي..؟