عالم الحياة الزوجية - منتدى

وجـــدان غـــاليتك · 04-05-2009, 09:38

{ بسم الله الرَّحْمَنِ الرَّحِيمِ }
يسعدلي صباح /مساء الحاضرين
كيفكم عسى أموركم تمام ..غبت عن المنتدى لمده ماشاركت معكم لكن كنت أتباع الجنجال والمشاكل كل يوم عن بعد وشوفكم ماشاء الله تدهرون في الردود وحل مشاكل الناس عساكم على القوه..أدري بتقولون وش الي جــابك الحين من صدى النســيان وش عندك أخلصي طيب خلاص بقول لا تنفخون

مـــيرشــوفو مدري أســـمعو ولا أقولكم يـــمدحون الثنتين..
العلم يـاالربع يلمتربعين ..أتصلت على وحده من صديقتي على الجوال الي مــايرن غير في السنه حسنه والله موكذاب ولا رن يوووووووو الله لا يوريكم كلن يسأل أمـــي وخواتي مين المتصل حتى الشغاله ودها تسأل ..والله لو سوتها(( لأدق خــشمها)) مابق الا هي ..وحده نــار ما تنقرب هههههههه تبون الصدق ما أحب أهذر في الجوال كثير أدري بتقولون والله من القحاطه لا والله بس أحس أذني تصيبها صــخونه لا كلمت كثير خبركم كل شي صايرغالي ونحاول نتبع أسلوب التوفير بي هلحجه هههههه..المهم البنت هذي كانت معي بتحفيظ القرأن
أنا كيفك يافلانه عساك بخير
هي:الحمدالله
هي :أنتي كيف وكيف أهلك؟ وخبارك ياقاطعه ؟
أنا:أهلي بخير ماعليهم...أما قاطعه ترى موبس أنت كل صديقاتي ماأتواصل معهم كثير
هي:أسمعي أبي أقولك شي
أنا :خيرأن شاء الله
هي:سويتها
أنا:وش سويتي
هي:سويت مصيبه تعرفت
أنـا :يادافع البلا طيب كيف عرفتيه؟
هي:سكايب الهم
أنا:طيب كيف؟؟
هي: وش أقولك مدري هذا أبتلاء من الله لي أو أحد داعي علي والله مدري هذا السكايب الله يقطعه كنت كل ما يخرب جهازي وسويله فرمته كان المهندس يرزه لي هو والماسنجر على سطح المكتب أنا ما كنت أعرف أنه ماسنجر في البدايه كنت أمسحه وعلى هلحال كل ماخرب جبته من عند المهندس الا وهو رازه لي ..المهم فتحته يوم وقعت أطز فيه لين أكتشفت أنه مسن سويتلي حساب وصرت كل يوم لا جلست على اللاب فتحته ولا جاني طلب أضافت هاوشت أطالب وحظرته لين يوم جاني واحد من أحددول الخليج طلب أضافه ما أضفته المهم بدت السواليف أنا وياه وكان أكبر مني بكثير ويقولي أنا أعزب وكذب نزله على وأقسام بالله العلي العظيم وهو كــــذب..
أنــا: شكل جبهته مكتوب عليها كذاب مثل ماهي مكتوبه بجبهته المسيح الدجال قــالو للكذب أحلف قال جاك الفرج..

هي:وأستمريت سواليف تجر سواليف أنا طبعآ الله لايعيده
وهو بسلوبه أوهمني برحه والأمان الكذب سوى نفسه ملاك مثل الي يطلعون في أفلام كرتون الي بجنحان وأنا ياغافل الا بلأحرى يــامتغافل لك الله..
أنا:الأخ متمرس يصبح ويمسي على لسكايب

هي:بديت أتعلق فيه وبديت أشوف في منامي رؤيا تحذرني من فعلي هذا وأني بلحرف الواحد ((أتـــركي فلان حالآ)) بس للأسف كنت أبكي ويارب عوضني خير وأجبرقلبي بس تجي ساعه الحديث معه ما أقوى أنزل البرامج بعد ما أحذفه وكلمه..أستمريت شهر على هلحال لين يوم تهوشت أنا وياه قالي ممكن أكلمك على جوال قلت لا شوف في أتصل فوق أتصل طبعآ ماصدق وكلمته..يــــــارب رحمتك أنا الي عمري ماكلمت رجال غريب كلمت مخلوق من البشر وأغــــضبت الخالق..صرت في حزب الشيطان مزبوط ..وأبشرك مـــاعاد في قيام لليل بعد ماكنت أقومه ..صرت أقضي في وقت الضحى الي فاتني من القيام...لاوبعد ماقلت أستمر على شات صار مايقنعني غير أسمع صوته
أنــا: هذي خطوات الشيطان الي يقولون عنها
هي:وحالي كل يوم يارب ساعدني بتركه وأبكي لين جاء اليوم ألي حسيت أمي سمعتني فتحت الباب على وكانت في حال دهشه وأنا من المكر حقي سويت نفسي عادي ما أرتبكت ولا شي وبكل وقاحه ..وش تبي يماأسأله عشان ماتشك..ويوم راحت قلتله فلانه أمي دخلت على قلي لا يكون سمعتكي قلت: لا قالي :أصحي أحد يحس فيك يـــاالله حسيت نفسي مثل الخفاش مثل الحرميه مثل مثل
أنــا: لا مثل الخنفس أحسن ههههههههه
هي: ماعرف وش أقولك كل كلمه شينه كنت أقولها لنفسي كنت أقوله يافلان تجين أضافات وهو متأكد أني ماعندي أحد ضايفته غيره يقولي على طول بلوك ياقلبي وأنا حاضر وهو جهات الأتصال عنده والله العظيم 200ضايفهم وكنت أقول لا يــابنت أنتي غير أضــحك على نفسي فـــرحانه بلكلام الرخيص الي كان يقوله من كلام الحب الأهبل ...آآآآآآآه بس الله يأخذ عمر أبليس لين جاء يوم الي ماصار يرد على رسايلي له وان رد كلمه كلمتين وسفهني هـــنا بس ..قلت يابنت لا متى المذله لا عاده الله من كلمتين تسمعينهم بالحرام تفرحين فيهم وتغضبين ربك حطيت قلبي وتعلقي فيه تحت رجلي ودعست عــليه وتركته عــــانيت لكن الحمدالله علاقتي بربي رجعت مثل أول وأحسن أدعيلي أن الله يستر علي ويثبتني
أنا:اللهم أنك كريم عفوآ فعفو عنها أسأل الله أن ييستر عليك فوق الأرض وتحت الأرض ويوم العرض..
هذا مثال حبيت أنقله لكل بنت حابه تترك الكذاب الي مسوي حمل وديع ومهي قادره ..

أتركيه: وان أخــــــتك وربي ما من وراهم غير المعاصي والذنوب والحسابه بتحسب أقصد الملائكه تحصى كل دقيقه قضتيها معه..لا ويقعد يزعل عليك ويتضايق لا تأخرتي ويتشحط ويتمحط فوق راسك ويـــالله ترضينه ويمكن مايرضى وحليها عاد مصدق عمره شي مهم والله لو أنه زوجك..تقلع بس
أتـــركيه:كل الي بينك وبينه علاقه بالحرام..

ويمكن تطوربالمستقبل بسم الهب أقصد الحب وتقعدين من جـــرف لدحداره ..ويـــاقلب لا تحزن
أتــــــركيه:لو فيه خير مارميه الطير
أتـــركيه:يضحك عليك يافلانه أحبك جعله بحب الشباب الي يملاء وجهه

(أتـــركيه):وخلي عنك الحلم القميل الي عايشه ولا تزوجتي حبي زوجك لصبح شي على سنة الله ورسوله ولا تزعلتو في بيتكم محدن دراى عنكم الا أذا كان ماركة سي أن أن فالله المستعان
(أتـــركيه):لاتهاوشتي معه تقعدين في رعب يارب مايكون سجلي ولا نشر صورتي ولاولا تقعدين تودين وتجيبين بلأفكار
(أتــركيه):تحرمين نفسك من الطلعات مع أهلك وتقابلين الشاشه تنتظرين دخوله الكريم وفيها مايدخل وتلقينه من مول لمول يفر يرقم
(أتــركيه):يضحك عليك يقولك أنتي بنت مؤدبه ومحترمه طيب دامني محترمه ليش ماتعرفني على أختك عشان نكون فيه حزب المحترمات سوى أتوقع لو قلتيها له غير يطبق السماعه بوجهك

أخــــــيرآ أتركيه ثم أتركيه ثم أتركيه

ومن ترك شي الله عوضه الله بأحسن منه ...

يطري علي · 04-05-2009, 11:04

الله يستر علينا ومشكور\ه

موضوع قيم ورائع

وجـــدان غـــاليتك · 04-05-2009, 11:29

مشكور أخوي يــطري علي..وأنتظر البقيه الباقيه من الأعضاء..وراى ماتلعقون ياحظي؟؟وحده لصقه جونسن غصب تعلقون ...هههه

قحطاااني ماااركه · 04-05-2009, 15:18

السلام عليكم ورحمة الله وبركاته

من جد والله بنات هالزمن يخوفون حتى الملتزمات يا ساتر ما صرنا نعرف الصالحة من الطالحه

دام الله سلمها وطلعت من مصيبتها هذا اهم شيء

جزاك الله خير على القصه الجميلة وعسى البنات يتعضون وياخذون العبره من القصه

سلمت يداك

كل التقدررر

ابو الغالية · 04-05-2009, 15:24

ودي اقرأ كلامك من الالف للياء لكن طويله
سأحاول المرة القادمة ان شاء الله

روآآبي · 04-05-2009, 15:35

مشكوره اختي وجدان ع القصه
مع اني استغربت من شغله ... الحين هي ماتعرف للمسن وفجأه عرفته وبدأت تجيها اظافات من كل حدب وصوب !!
طيب شلون تجيها الاظافات؟
بالغالب كثر الاظافات تجي على الايميل اللي بكل مكان متسدح وخاصة المنتديات والشاتات
<< اندمجت مع القصه

وجـــدان غـــاليتك · 04-05-2009, 15:38

يعطيك العافيه على المرور قحطاني ماركه صحيح أصبح هالزمن يخوف من الكل مثل ماقلت وكأن لا بد البنت تمر بتجربه الغرام والأنتقام هذي وأن حصل وستزلها الشيطان لمستنقع الحب الرخيص ..حتكون شــاطره أن قدرت تخرج بأقل عدد من الخسائر ..نسأل الله الثبات حتى الممات

وجـــدان غـــاليتك · 04-05-2009, 15:45

أبــوغاليه..ماعليه شد حيلك المره القدمه وخذ نفس عميق وطب أقرا القصه أنتظر تعليقك

سحايب:أنتي عـارفه أن السكايب مفتوح بأمكان أي أحد يعمل بحث سوى بنك نيم تبعك أوالعمر الي بيبه أو البلد ويطلع عنده كل المسجلين في هالبرنامج..ثم يستلمك أضـافه ..برنامج مفيد لكن للأسف سوء الأستخدام يؤدي الي مالا يحمد عقباه نسأل الله السلامه..

أرجوانة الشوق · 04-05-2009, 15:59

قصه حلوه ويالييت هالبنات يتعظن كل شي يصدقونه

ومسرع تطيح فهالحب مدري وشهالقلب الي من هب ودب دخل فيه

اكثر ماضحكت عليه يوم تقولين اتركيه ولاقولي له يعرفني على اخته عشان نصير حزب المحترومات

فديت روحك هذي قصه من ملاييييييييييييييييييييييييييييين القصص ولسه نشوف ونسمع متى نسمع ونستجيب

ونتعلم من اخطاء غيرتا متى؟؟؟؟؟؟؟؟؟؟؟؟

وجـــدان غـــاليتك · 04-05-2009, 16:14

مرور موفق شاكره لك أرجونة الشوق ..يليت مثل ماقلتي ولكن مثل مايقولون ..ومانيل المطالب يتمنى ولاكن تأخذ الدنيا غلبا..وش الدبره دام كل متغافله تبي تعيش لحظة سمعها للكلام الرخيص حتى لو على حساب دينها وراحة بـالها..

د/منتهي الصلاحية · 03-06-2009, 12:44

اهنيك على موضوعك وبصراحه حلو وقمه الروعه ...

وخويتك هاذى لا تخلينها تواصلي معها مدام انها اهدت لا يوسوس لها الشيطان وتعود واذا جاس طرف خبر انها عودت سيري عليها اومعطي شوشتها .....

وجـــدان غـــاليتك · 03-06-2009, 12:54

اقتباس:

المشاركة الأصلية كتبت بواسطة د/منتهي الصلاحية

اهنيك على موضوعك وبصراحه حلو وقمه الروعه ...

وخويتك هاذى لا تخلينها تواصلي معها مدام انها اهدت لا يوسوس لها الشيطان وتعود واذا جاس طرف خبر انها عودت سيري عليها اومعطي شوشتها .....

,,أسعدني مرورك,,والله يسترعلينا وعلى بنات المسلمين,,

يا أغلى من روحي علي · 03-06-2009, 14:36

وجدان لاخلا ولاعدم من أسلوبك الساحر وكلامك العذب بردودك ومواضيعك في جميع زوايا هالمنتدى.
بوركتي من فتاة ورحم الله والدينا ووالديك عن النار.
شكراً لك.

الالماسه الحساسه · 03-06-2009, 15:22

الله يهدي ويصلح الجميع الى الصواب ونور الهدايه 00

مشكوره وجدان غاليتك واكيد راح تقدري تعملي شيء ؟؟؟

موضوع رائع لااخذ العظه والعبره والله المستعان

شـ(م)ــاليه · 03-06-2009, 15:47

مشكوره اختي
يسلمووووووووووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

{ وَيَمْكُرُونَ وَيَمْكُرُ اللَّهُ }