عالم الحياة الزوجية - منتدى

وجـــدان غـــاليتك · 06-05-2009, 08:25

يسعدلي صباح\ومساء الحاضرين..

اليوم كاعادتي فتحت متصفي كالعادة حتى أسير على المنتدى يعني أشوف أذا في أي مشكل جنجال .. أحاول أنطل وجهي برأي وأتمنى يكون مفيدوأذابي صفحت قوقل تنط بوجهي شدني خبرفي الجريده..قريته قعدت ساعه مطيره عيوني بشاشه..قلت أجيبه لكم وبي رأيكم يعني لو كنتو أنتو محل البنات المفصولات وشلون رأح تتصرفون؟؟وأيضآ لو كنتو مكان المعلمه وش رأح يكون موقفكم؟؟أتركم مع الخبر للي ما أطلع عليه..

مديرة المدرسة: المعتديات هددن بالعودة والانتقام..

أربع طالبات «مفصولات» بقيادة عمتهن يقتحمن مدرسة ثانوية ويعتدين على معلمة بالضرب!

الرياض - سحر الرملاوي:
شهدت المدرسة 53 الثانوية بحي العريجاء غربي الرياض يوما مرعبا أمس الثلاثاء وذلك عندما اقتحمت اربع من الطالبات المفصولات المدرسة بقيادة عمتهن بهدف الانتقام من احدى المعلمات اللاتي يعتقدن انها السبب وراء فصلهن من المدرسة.
وبدأت الواقعة عند التاسعة صباحا عندما فوجئت الطالبات في عدة فصول من المدرسة التي يبلغ عدد طالباتها ٩٠٠ طالبة بالمعتديات يقتحمن الفصول ويبدأن بضرب واهانة كل من يعترض سبيلهن بحثاً عن معلمة بعينها.
وما أن عثرن عليها حتى أوسعنها ضرباً أمام الطالبات في جو من الفوضى قل أن تشهد المدارس له مثيلا وعندما بلغ الامر الادارة سارعت المديرة في محاولة احتواء الموقف مع المساعدات في حين عمت الفوضى المدرسة ولجأت المعلمات الى غرفتهن واغلقن على انفسهن الباب خوفا من الهجوم غير المتوقع، وقالت المديرة فضة المالكي ان الواقعة تمت ما بين التاسعة والحادية عشرة صباحا وأنها قامت باستدعاء الشرطة وهيئة الأمر بالمعروف وأولياء امور الطالبات المعتديات ومساعد مدير الامن والسلامة في ادارة التعليم فهد القحطاني للمساعدة في احتواء الموقف، واضافت المالكي أن المعتديات هن طالبات تم فصلهن من المدرسة قبل ثلاثة أسابيع وصدر بحقهن قرار من ادارة التعليم بعدم اعادتهن الى هذه المدرسة أو أي مدرسة أخرى غرب الرياض.. وقال شهود عيان ان خمس سيارات شرطة تجمعت امام باب المدرسة الرئيسي لكنهم لم يقرروا الدخول الى المدرسة الا بعد حضور امهات الطالبات حتى يتم ضبط الطالبات المعتديات بشكل نظامي خاصة وأن المديرة نجحت بمساعدة المساعدات في استدراجهن الى فناء المدرسة الامامي واغلقت المدرسة في وجوههن تاركة اياهن في الفناء حتى تم القبض عليهن بحضور امهاتهن.. إلى ذلك عمدت مديرة المدرسة الى مطالبة ادارة التربية والتعليم بايجاد آلية حماية داخل المدرسة لضمان عدم تكرار الواقعة وقالت ل «الرياض» انها طالبت ادارة الامن والسلامة بتأمين المدرسة بحارسات أمن مؤهلات خاصة بعد أن تم تهديدهن من قبل المعتديات بالعودة مجددا والانتقام من الادارة ومنسوبات المدرسة مرة أخرى..
وفي اتصال مع زوج احدى المعلمات قال بأنه تلقى اتصالا من زوجته عند التاسعة صباحا تبلغه فيه بما يحدث داخل المدرسة وتطالبه بسرعة التصرف وقال الزوج انه اتصل بالشرطة التي ابلغته أنهم لا يستطيعون دخول المدرسة حتى يقوموا باستدعاء سجانات ليقمن بعملية الضبط.. وقال الزوج انه سمع صيحات الفزع واستغاثات المعلمات والطالبات على خلفية المحادثة مع زوجته وانه سارع بالذهاب الى موقع المدرسة غير انه ظل في الخارج في انتظار الحل حتى جاءت امهات الطالبات المعتديات وتمكنت الشرطة من الدخول والقبض عليهن..
من جانبها اكدت المديرة فضة المالكي على أن المعلمة التي استهدفت في هذه الحادثة قد تلقت الاسعافات اللازمة وانها بخير جسديا الا انها محطمة نفسيا بسبب الاهانة التي لحقت بها امام الطالبات كما قالت بأنها استدعت الوحدة الصحية القريبة من المدرسة لحصر الاصابات وبفضل الله لم تكن الاصابات جسيمة.
«الرياض» حاولت الوقوف على الاجراءات التي اتخذتها شرطة طويق التي تتبع لها المدرسة ازاء المعتديات لكن المتحدث هناك قال بأنها مجرد معركة صغيرة بين طالبتين وان الامر برمته لا يعود لجهاز الشرطة حسب تعليمات وزارة الداخلية وانما هو شأن تعليمي تحله ادارة التعليم.
و تطرح هذه الواقعة مشكلة الامن داخل مدارس البنات في ظل تصاعد وتيرة العنف فيها والسؤال الذي يطرح نفسه هو ماذا تفعل مديرة المدرسة اذا وقعت حادثة عنف في مدرستها اذا لم يكن لديها قوة مدربة ومؤهلة على احتواء الموقف حتى تتمكن الشرطة او ادارة التعليم من التدخل.

حنون رومنسي · 06-05-2009, 08:39

لاحول الله

المحتار2010 · 06-05-2009, 08:45

الله يهديهم

وفعلا لازم يكون هناك حمايه للمعلمين وللمعلمات من الطلاب والطالبات اصحاب التصرفات الهوجاء

رياح البحر · 06-05-2009, 09:14

الاخت وجدان -- تحياتى لكى -- هذا الموضع يحتاج وقفه -- هؤلاء الطالبات فصلن من المدرسه اما لتجاوز مدة الغياب او لسوء السلوك -- ايا كان نوع الفصل --- ادارة المدرسة اخطأت فى عدم تكليف عنصر امن من العاملين بالمدرسه على الباب يسجل من يدخل ويخرج من والى المرسه وفى حاله طلب ولى امر او زائر يوجه من خلال هذا العنصر الى مكتب مدير المدرسه --ولا يجوز لاى فرد الذهاب الى الفصول --ماعدا زوار المدرسية من الموجهين ومجلس اباء المدرسه او ما يسمى الان مجلس الامناء -- والشرطه ايضا اخطأت لانها انتظرت بالخارج كان يجب بمجرد ابلغها القبض على المعتدى مهما كانت صفته لان التأخير قد يؤدى الى حدوث جريمه -- وهناك خطأمن وزارة التربيه والتعليم وهو عدم تعيين امن مدنى بالمدارس وعدم وجود مدرسين رجال --ماذا تفعل ادارة المدرسه اذا دخل الى المدرسة بعض الشباب المتهور --- اماالطلبات وعمتهم فقد انتهكو حرمه المدرسة لان المدرسة تعد الاقرب للمكان المقدس ودخولهم الى المدرسة والاعتداء على مربية تطبق القرارات والقوانين قد مست هيبة الدولة -- ولذ هذا الامر يتطلب الردع ويحتاج الى دراسه عميقة واعادة النظر فى المنظومة التعليميه ويحتاج الى نقاش وتوعية لولى امر الطلاب --- على كل حال السعودية بلد الامن والامان والقيم والمثل وهذه الحادثة اعدها امر عرضى نادر الحدوس فى هذا البلد الامن المستقر -- وارجو ان تأخذ السعودية بما يتم تطبيقه بمصر

أنسانه86 · 06-05-2009, 10:11

يااااااااي اعجبني العنوان حلووووووووو

مع اني محرفته ل انا وخوياتي فديتهم على بنات عمي >>>جاحدتهم ياحبي لهم

احم احم
نرجع لمحور الحديث والذي يلامس شئ من معانتا الخاصه نحن معاشر المعلمات المعذبات

في وطننا الغااااالي>>>> انتبهوا قلت الغالي يعني احبه
موضوع حراسة المدرارس هذه ثغرة واحده من مليون ثغرة في تعليم البنات وياكثر المصاااااااااااااااايب الي تصير واكاد ايقن ان حقيقة الخبر الي ذكرتيه تختلف تماماً عن الحقيقة اكيد الي صار اكبر بس مثل عويدهم يقللون منه ويستعرضون اسماء اصحاب المناصب الأبطال المغاوير وبطولاتهم النادره مع انهم ماجابوا خبر للمدرسه يمكن يمكن اتصلوا هاوشوا شوي تعبوا اصواتهم ياعمري عليهم
انتي عارفه مدرسة اختي قبل فتره دخلت ام طالبه معها سكين ودخلت فصل اختي الام وبنتها معهم سكاكين ويهددون البنات ان ولا وحده تزعل بنتهم بسبب مزحه سخييييييفه مزحتها وحده مع بنتهم

وكفخوا المعلمات

والطالبات انهيارات والأدارة والمعلمات راحوا فيها

والشرطة مابعد وصلوا
بس زين ابشركم مااحد انطعن ولاشئ بالله وين حنا قاعدين بشكاغوا ولا بالسعودية..ومدرسة بنات اختي دخل عليهم رجل عذراً عذراً عاري تماماً (مصاب بعقله) عافاه الله طبعاً خبل فيهم بالله تخيلوا بنوتات صعنونات والمعلمات شافوا هالمنظر

الي مادري وش اقول اتحدى اذا مو كلهم طقتهم حاله نفسيه طبعاً حراس المدارس عندنا شيبان قد بلغوا من العمر عتياً أطال اله في اعمارهم بطاعته بس بعيد عن مدارس البنات وحراس المدارس الأهليه هنووووود
والله والله ان مصايب مدارس البنات شئ على كيفكم للأسق كنت قد عملت مرشدة طلابية في مدرستين وانتم تعرفون مصايب المدرسه عند المرشدة الضعيفه اييييييييه اييييييييييييه من اين أبدأ ياقصيد عبارتي ومتى اكفكف بعدها عبراتي

>>> مادري وش دخل البيت في الكلام بس احب اقوله والله لو اقولكم وش التعاميم الي تجي ونوقع عليها والي يطبق في الواقع ايش تدرون ان كله كلااام في كلااااااااام القوانين والتعاميم شي بعيييييييييييد عن الية التنفيذ تصيييييير مصايب وكلها مصيرها التكتم والتعتيم والتستر وكل عبارات اخفاء الحقائق طيب والمصايب ليش مانعالجها افضل احسن ماتكبر وتتفشى في المجتمع اقول يامرشدة انثبري وخلك بين سجلاتك زينيها بس ولاتنسين البطولات الصاروخية تألفينها وتحطينها بالسجلات

عشان تبيضين وجهينا قدام الأشراف بس رجاااااااااااااااااااء مالك دخل بلا اصلاح بلا كلاااااااااااااام فااااااااااااااااضي التعليم كله راااااااايح فيها يعني انتي تبين تصلحين ولو لو حاول أحد عبيد الله ان يصلح شئ ولا على الأقل يطبق هالتعاميم ياويله ويلاااااااااه ياكثر الي بيشمرون عن ماادري ايش الظاهر اكمامهم ويهاجمونه بكل مااوتوا من قوه..

فهمتوا شي...
حتى انا مافهمت

الشاهد ان تعليمنا كله يبله لفته قويه واشياااااااااااء كثييييييييره لازم تتصلح واخص بكلمة تعليمنا تعليم البنات الموقر وعشان مااطلع عن الموضوع كثييييييييييير عن جد نتمنى حراسه امنيه على مدارس البنات ترى والله واااجد محتاجين وظااااااااايف وماشاء الله عليهم (ابضايات) بعضلات قويه يمديهم يصيرون حارسة آمن ونبي رجال بعد يحرسونا برى>>> ماصرنا بنات
والله اننا اغلى من الالماس حرام عليهم حنا اعراضهم بقولك شي شنيع حصلي قبل كم شهر

كانت علي المناوبه ومتكيه بمكتبي وخويتي معي وكنا نتجاذب اطراف الحديث لإن كل البنوتات راحوا بيوتهم بس حنا السواق تأخر شوي فطلعت اسوي جوله تفقدية على المدرسة وخويتي تصلي طبعاً مافي الا انا وخويتي بالمبنى كله شوي وانا امشى الا اسمع صوت واحد يغني ياسلاااااااام منطرب الاخو

بعد مادري وش فكرت فيه وقته بس مامداني اخمن شي الا انا قدام شباب واقفه سافرة عن شعري وبدون عبايه بوسط المدرسة هم انحاشوا وطلعوا وانا رحت ركض لمكتبي اخذت شيلتي وتغطيت بها حتى مامداني اخذ النقاب ورحت اقفل الباب تخيلي طلع الباب الخلفي مفتوح على الآخر والناس تتمشى وتدخل المدرسة واصلاً وانا اتجول في المدرسة كانوا شافيني وانا ماادري بس ربي ستر والحارس البنقالي اللوح

مايستاهل والله بينا ذكريات ياكثر ماتهاوشنا معه متكي وناسي الباب مفتوح طبعاً الحمدلله ان ربي ستر ولا صار شي والبنات كانوا تيسروا والمواقف والله كثييييييييييييييير خاصة المعلمات المناوبات يوم تقعد بالمدرسة لحالها لوقت متأخر والله ياكثر البلاوي الي يتعرضون لها بسبب انعدام الحراااااااااااااااسه...اخيراً >>هاذي المره العاشره اكتبها بس هالمره ان شاء الله انها الأخيره الصدقيه ياادارة تعليم البنات حسوا فينا لو مره

كنها نشيده ذي ..>>>>>>مادروا عنك والله بس حلو الإنسان يتخيل ويحلم شوي

واشكرك يااختي الفاضله انك خلتيني افضفض شوي واطلع اللي في خاطري على هالوزارة التعبانه مع اني مزاعلتهم حالياً ومستقيله وقاعده هنا عندكم بين المشاكل لإني خلاص تعود عقلي في الصباح احل مشااااكل..>>>عسى احد منهم يشوف ردي واكسر خاطره ويترجاني اتوظف حكومي بالأحلاااااااااام السعيده
هذا والله أعلم[/SIZE]

قحطاااني ماااركه · 06-05-2009, 10:44

يا ساتر وش ذا العلم ... للأسف طاحت هيبة المعلم وفقد احترامه

أيم زمان لا شفنا المدرس بالشارع قمنا ننفض من الخوف واليوم صارا ملطشه ؟؟؟

قم للمعلم وفه التبجيلا ............... كاد المعلم ان يكون رسولا

يعطيك العافيه

فـــارس الشرقية · 06-05-2009, 10:59

والله في بنات يالطيف .. يحكي لي واحد من اصحابي انه اهله كانوا رايحين الظهران مول الا وبنته الكبير تشوف هوشة بنات ؟؟ حسب وصفها ظنيت ان بروس لي كان يظارب فان دام

ياساتر ايش هذا يا بنات ليش صرتوا متوحشات

اذا رأيت انياب الليث بارزة ولا تظنن ان الليث يبتسم

يطري علي · 06-05-2009, 11:01

لا حول ولا قوة الا بالله

وجـــدان غـــاليتك · 06-05-2009, 11:02

يسعدني مرور كل من ترك تعليق وأنتظر المزيد..من الكل في موضوع ما أعتقد أنه جديد بحد ذاته لأن المعلمين هيبتهم أصبحت مفقودة منذو مبطي..وأيضآ الطلاب أصبحت حقوقهم مهضومه..المعلم يشكي من الطالب ..والطالب يشكي ويبكي من المعلم وكلن بقول الحق معي؟؟..بس تصدقون عنصر الأكشن في هذا الحادثه؟؟الــــــــعمه اندر تيكر؟؟ماقصرت تربت يدأها

المفروض تهدي البنات موتزيدهم الله لا يبلانا بس

أنسانه86 · 06-05-2009, 11:03

اقتباس:

المشاركة الأصلية كتبت بواسطة قحطاااني ماااركه

يا ساتر وش ذا العلم ... للأسف طاحت هيبة المعلم وفقد احترامه
أيم زمان لا شفنا المدرس بالشارع قمنا ننفض من الخوف واليوم صارا ملطشه ؟؟؟
قم للمعلم وفه التبجيلا ............... كاد المعلم ان يكون رسولا
يعطيك العافيه

هيضت مشاعري والله

ذكرتني بأول يوم تدريس في حياتي وأول مره دخلت فصل اخبر كل خطوه مشيتها كانوا مسوين فوضى وجيت وانا في خاطري اقول ياويلهم الله يعينهم بفتح الحين عليهم الباب توقعت بيتروعون وكل وحده بتنقز مكانها ويعم الهدوء ارجاء الفصل ولكن ماحصل لم يكن بالحسبااااااااااان

فتحت البااااب والا كلهم ينقزون ويخموني ايش هذا انا معلمه وجع اول مره يشوفوني مامداهم يحبوني

طبعاً اي احد معلمه اداريه الي تكون بس تدخل عليهم ينقزون يخمونها طبعاً اجمعهنا انا وخوياتي ان كل هالجيل يعاني من فراغ عااااااطفي جاااااامد ماادري حنا ماكان عندنا مشاعر ولا مشاعرنا كانت ماخذه اجازه للحين ماتوصلت للسبب

وعرفت فيما بعد ان هذا ديدنهم اصلاً الحصه كلها تنكييييت وخلااااص انا عجبني الوضع حبيت والله استهبالهم فديتهم

كنت بالشهر الأول وانا اشرح ماادخل بينهم ولا اقرب من الطالبه يوم تجاوب لإن هاذي الحركه كانت تخوفني وتموتني خوف بعد وانا طالبه مااحب المعلمه تقرب

طبعاً مع الأيام صرت ماشاء الله لمشيت بينهم الي تنقز تخمني والي تصلح شعري والي تكي علي او تحط راسها بكل اريحيه وحنا بالحلقه يمونون حبيباتي والله

ايييييييييييييييه
قم للمعلم منكتاً.

.............. كاد المعلم ان يكون مسخرة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أنــاوأخوي على ولد عمي..وأناولد عمي على الغريب؟