عالم الحياة الزوجية - منتدى

نرجس احمد · 06-05-2009, 23:27

مرحبا انا متزوجة وبصراحة انا لااثق بزوجي ودائما اسئله عن كل شئ , وهذا يسبب لنا المشاكل الكثيرة وحياتنا مملة ليس فيها استقرار ,في البداية لم ارى منه شئ ولكن بعد ذلك تعلق بالنت واخذ يجلس على النت كثيرا شككت في امره اكثر وكلما دخلت عليه في الغرفة يغلق الصفحة التي كان فيها وكان يستغل روحتي بيت اهلي ونومي هناك فرصته لفتح الماسنجر والتكلم مع البنات وطبعا انا استطعت فتح الايميل وعرفت ذلك وعرفت ايضا انه يخبا هاتف جوال في السيارة ويكلمهم فيه واستمرت حياتنا زيادة في المشاكل واكتشفت ايضا علاقته ببنات من البلد ومن الخليج حياتي اصبحت مملة ولا اعرف اذا الان انا احبه والا ما احبه ابا تحملت الضرب والاهانة وشتم اهلي وسبهم ولكني لا اتحمل الخيانة انا الان افكر في اولادي وليس لي مكان اذهب له ارجوكم ساعدوني

realylive · 06-05-2009, 23:40

هاوديه ذكريه بكلام الله تعاليله بالهدوء والحوار العاقل وابعدي عن الإنفعالية حتى يسمع لكي لاتنهرين لاتصرخين في وجه بل بكلام هادىء ( هل تقبل يازوجي أن أكون علاقات مع رجال وشباب على النت ) هل تقبل يزوجي العزيز ؟
وماذا ينقصك أنت متزوج ولديك اطفال ؟ فهل أنا مقصرة ... افهمني حتى ألبي مطالبك !
أنا لا أمنعك من النت فهو نعمة فأستخدمه فيما يفيدك سجل في المنتديات الراقية التي تزيدك فكراً شارك سجل حضورك فأنت شخص متعلم فلا يكون هذا الجهاز سبباً في تعاستي معك !
ومن هذا الكلام العاقل سوف يستجيب لكي زوجك ويعود لرشده وصوابه والدرب السوي ..
أنصحك بالصبر وعدم تضخيم المسألة فهذه أصبحت مشكلة رائجة لدى الأزواج ...
أسمحيلي المرور
أخوك الصغير
realylive

الجزيرة الخالية · 06-05-2009, 23:55

[QUOTE=realylive;4810443][CENTER]أنصحك بالصبر وعدم تضخيم المسألة فهذه أصبحت مشكلة رائجة لدى الأزواج ...

المسالة ضخمه اصلا
وانت ماتتخيل حجم القهر اللي يصيب الزوجه ويؤدي الى اختلالها وتوترها

وانصحك عزيزتي بان تكون اعصابك هادئة ومثلجة لان زوجك تافه مايستحق انك تهتمين

بتصرفاته الغبيه ,, اتركيه في حاله اذا كان هذا يرضيه واهتمي بنفسك وواجباتك......

مع السلامة

يا أغلى من روحي علي · 07-05-2009, 00:08

ماذكرتي لنا أختي في الله كم لكم متزوجين وكم عندكم من ولد ماشاءالله لمحاولة مساعدتك؟

كلـ‗‗ـي جـ‗_ـرووح · 07-05-2009, 00:14

انا اقوووول عيشي حياااتك ولاتخربيين على نفسك

بالاخير اسالي نفسك سوال

بالليل مصيره وين يعني وين ينام ؟

راح تقنعين

خلي حضورك احلا من البنات اللي يكلمهم

مو تدورين على المشاكل راح يزييد وتخربين حياتك

يطري علي · 07-05-2009, 00:32

السلام عليكم

اختي الفاضله ..

اول شي لا تتركي زوجك !! ولا تغيبي عنه .. بالاخير انتي الخسرانه .. تحملي لخاطر عيالك .. وارجعي له ..

الحلول ..

اولا شي لا تدخلين احد في مشاكلكم .. نصيحه مني !! حاولي انتي تحلين المشكله من نفسك ولو مرة او مرتين او ثلاث او الف مره .. بدون تدخل ..

بقولك على شي لاني رجل واعرف طبع الرجال .. الرجل لا يذهب ولا يفكر في الخيانه الا اذا كان هناك نقص عاطفي .. كيف تعالجين هذا الامر ..

اجلسي معه .. واذا جلس على النت قدمي له الشاي وابتعدي عنه .. قولي له ها حبيبي متى تخلص من النت ترى انا مشتاقه لك واحب حضنك .. والله راح ينقد على نفسه ويطيح بحضنك ..

اذا خرج من البيت حاولي تتصلين عليه وتقولين له حبيبي تبي عشى ؟ يوعان ؟ تعال اكل عندي عيوني لك .. انت امر .. راح يرجع للبيت لو كان شبعان بس يبي يشوف انتي شنو محضره له !! ضبطي الاكل له ..

وقولي له حبيبي لما تاكل وتخلص بروح اضبط نفسي عشان اكشخ لك واليوم ابيك مشتاقه لك ..

طبعا انتي تروحين تضبطين شغلك وهالكشخه الحلوه لزوجك حبيبك ..

وبعدها دزي رساله له تعال يالغالي .. حاولي تعيشينه في جو ثاني .. خليه يموت فيك .. ويموت في حركاتك .. ولا يحب يفقدها منك ..

واذا صار اي قصور منك .. اعتذري منه وقولي يالغالي اسمحلي اليوم ماقدر على هالشي .. لكن والله اعوضك فيه .. والله يقدرني على اني اسعدك ..

تابعي اموره .. وشوي تغير ولا لاء .. اذا ما تغير .. حاولي تضبطين الجو له .. وجلسه رومنسيه .. بهدوء افتح موضوع له .. قولي حبيبي انا مقصره معاك !! ترى انا احبك .. وحبك لي مو لغيري .. وانا ابيك لي وحدك وابيك تملكني وحدي .. لا تخليني يالغالي ..

اذا شفت مني شي تكلم وقولي والله يقدرني على اني اغيره .. وابشر بالي يسعدك ..

والله راح يتغير ويحس على دمه .. واذا كذب وقال انا ما سويت شي ولا اعرف بنات .. قولي له ادري انك ماتخوني يالغالي بس احبك .. ولا تتركني ..

وعيشي معاه عشان خاطر عيالك .. واصبري عليه .. وحاولي يكون كل كلامك له بهدوء بدون هواش او كلام يجرح .. واذا شفتيه معصب بوسي راسه وقولي خلاص سكر الموضوع

يا اختي ترى الدنيا والله ماتسوى .. اسالي مجرب .. والله المراة بدون رجل ما تسوى والرجل بدون مراة ما يسوى .. ودائما تذكري كلام الله تعالى .. وكلام الرسول صلى الله عليه وسلم .. ولا تخلي الشيطان يدخل بينكم ..

مادام الحب موجود صدقيني كل شي يهون .. بس الطرفين يكوونو متفاهمين مع بعض ..

وعيشي حياتك بكل حب وهدوء بدون مشاكل .. ترى المشكله تجيب مشكله وتكبر ولا تنحل الا ما قدر الله ..

واتمنى لك حياة سعيده بظل زوجك واعيالك بعد الله ..

والله يستر عليك ويحفظك انتي وزوجك ويهديه يارب ويرجعه لكِ ويفرج همك ..

تحياتي لك .

وجـــدان غـــاليتك · 07-05-2009, 00:41

يحليلك تتحملين الضرب والأهانه حتى أهلك يتلحقهم وعادي ..بس أهم شي مايخون

..لا عاده الله من زوجه..أذا تبينه لا تقعدين تنبشين وراه يعني كشفتيه كلمتيه نصحتيه وهو لاحياة لمن تنادي خلاص مالك غير صــبرأيوب..وستمري معه بنصح برفق لين الله يتوب عليه..بس أتمنى أنك قبل ماتلقين حل للخيانه تلقين حل لضرب أبرك

كلي ملح ودمي سكر · 07-05-2009, 01:09

عليك بسهام الليل والدعاء واصبري
وحاولي تسوي نفسك مو فاهمة خيانتة واخطاءة
من الذكاء ان تدعي الغباء

في بعض الاحيان
واكثري من الاستغفار وحاولي تجذبينة لك
بالعناد والصراخ ماراح يجيب نتيجة

المحتار2010 · 07-05-2009, 12:06

بسم الله الرحمن الرحيم

وجهة نظري انك انتي السبب في انه يتكلم مع بنات ومايصدق تروحين بيت اهلك عشان ياخذ راحته ويتكلم

مع بنات وعنده جوال ثاني وهذا كله بسبب الشك والمراقبه الدائمه عليه وتسألينه عن كل شي هو زوجك ولي امرك

المفروض هو الي يراقبك ويسألك عن كل شي انتي مخليته مثل الطفل وين رحت وش سويت بتتكلم مع مين ليش

جوالك مشغول الله وعلم انت وش سويت بغيابي

الله يهديه انشالله بس انتي عدلي من طريقتك معاه ولاتدققين في اتفه الاشياء

وصدقيني راح يرجعلك

والحمد لله رب العالمين

همسة_حنان · 07-05-2009, 12:20

إشغــليـــه

سلطان الفنان · 07-05-2009, 15:31

لا حول ولا قوه الا بالله
يزعجني من لديه زوجه وكانه مراهق غير متزوج
تناقشي معاه بهدوء وحاولي التجديد في حياتك معاه لانك تقولي اصابها الملل
وانتي لا تقصرين من ناحية جمالك واهتمامك عساه يغض بصره عن الحرام
ثم الدعاء ان الله يوفقك في زواجك
واشغلي وقت فراغ زوج بالخير وشاركيه هالاوقات عشان يقرب منك اكثر

كلي ملح ودمي سكر · 07-05-2009, 17:14

00000000000

مجروح بلا جرح · 07-05-2009, 17:23

انتي السبب ياختي في اللي وصل له زوجك ..........

شكك فيه من البدايه وسؤاله عن كل صغيره وكبيرة يسويها ..... خلاه يهرب من الواقع اللي عايش فيه اللي كله مشاكل وووجع راس ... الى عالم النت ........... لقى في النت السبيل الوحيد والمتنفس من الواقع اللي كان يعيشه ........

وكان المفروض تتوقعي انه يتعرف على بنات ويكلمهم .................لانه حياتكم صارت كله مشاكل ....ويمكن حتى على الوجبه تتهاوشون ...............

اذا تبي الحل ................

اول حاجة حاولي ترجعي ثقتك في زوجك .......... ابعدي عن الشك فيه ( حتى لو كنتي تعرفي انه بعده يعرف بنات ) ..

حاولي تستخدمي عبارات حلوه معاه .....................

اعتذري منه عن الشك الي كنتي تشكي فيه ........... واذا سئلك عن السبب ( قولي له انا اسمع كثير عن الرجال اللي يخونوا حريمهم وانا خفت انك تتركني )

اهم حاجة لا توضحي له انك تعرفي ويش جالس يسوي .....

صدقيني اذا استمريتي على هالخطوات شوي شوي راح يراجع نفسه ويشوف انه غلطان في اللي يسويه ...

ولا تنسي اهم حاجه الدعاء في كل وقت انه يهدي زوجك الى الطريق الصحيح

تحياتي لك

دموع كيوبيد ! · 07-05-2009, 18:12

دامها وصلت ضرب وخيانه وشتم وسب للأهل ..
وش باقي أكثر من كذا .؟؟ إنه يذبحك ويحنطك .؟؟

تطلقي واللي خلقه خلق مليون غيره ..

ام ريما وعبودي · 07-05-2009, 19:09

حبيبتي الله يعينك والله شي يقهر ادعي الله كثير واذا طلعتي اي مشوار استودعي الله سمعه وبصره وفرجه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابغي احد يساعدني بليززززززززززززززززززززز