عالم الحياة الزوجية - منتدى

أمل المستقبل · 08-05-2009, 21:20

مساء الخير والسعادة لكم جميعا
سأبدأ بسرد مشكلتي لكم مباشرة وأرجو أن أجد لديكم الحلول الملائمة لها , ومهما كان الشخص
على قدر من التفكير قد يقف عاجزا أمام مشكلة تواجهه ويكون بحاجة للمساعدة ,,,,
حقيقة أنا لدي إيميل وكانت تأتيني إضافات ولا أقبلها وبطبعي لا أحب التعارف حتى مع البنات سواء
في المنتديات أو غيره , وبالأمس جاءتني إضافة لكن الإضافة كانت باسم فتاة ومع أني لا أتعرف حتى
على الفتيات إلا أنها كانت باسم إحدى صديقاتي فقبلتها إعتقادا مني أنها صديقتي ولكن فوجئت بأنه شاب
يدعي أنه فتاة وعندما علمت بذلك أخبرته فورا أني سأحذف إيميله وطلبت منه عدم إضافتي مرة أخرى لكنه
قال واسمحوا لي التحدث بالعامية كي أقرب لكم الصورة وأنقل لكم كلامه نصا قال لي : معك الهكر السعودي
وشكلك ماتعرفيني ترى أنا حتى وزارة الداخلية يعرفوني وأنا والله إذا حذفتيني راح أخترق الآي بي وأجيب
عنوان بيتكم ورقم تليفونكم وراح أخليك تعيشين بهم ونكد وراح أوصل لبيتكم وأطق بابكم ويمكن حتى أوصل
لك وراح وراح وقعد يهدد كل هذا وأنا مستغربة قلت له طيب إنت تعرفني ؟؟؟ وإلا أحد مسلطك علي
قال لا والله لا أعرفك ولاشيء بس أنا اخترقت إيميل ولقيت إيميلك فيه وأضفتك عندي وأبغى أتعرف
عليك قلت له وأنا قلت لك آسفة ما أقبل إضافات ولا أحب أتعرف على أحد ولا أبغى أتعرف عليك ومع
السلامة لكنه قام يهددني ويقول باخترق إيميلك وجهازك وعنوان الآي بي ومدري إيش .....
المهم أنا حذفته من عندي بس من أمس وأنا أفكر في الموضوع ومستغربة اللي يصير وبنفس الوقت
خايفة ومحتارة , طبعا أنا جهازي مافيه شي ولا عمري حطيت صوري وأرقامي فيه أو أي شيء مهم
ونفس الشيء إيميلي مافيه أي شيء لكن مدري كيف بصراحة ماعمري توقعت يصير معي موقف زي
كذا ولما كنت أقرأ عن هالأشياء كنت أحسها خيالية وأقول وين عايشين من اللي بيسوي كذا وبيهدد
وحدة مايعرفها ويوم صار معي كذا صراحة انصدمت ولا عرفت وش أسوي ....
أبغى نصايحكم ووش المفروض إني أسوي ؟؟؟ أو إني اتجاهله طبعا أنا حذفته من عندي على طول
لكن هل فعلا بيسوي اللي قال له أو مجرد تخويف لي عشان أكلمه ويوم رفضت وحذفته بيروح يدور
له وحدة تصدقه وتخاف منه ؟؟؟ وهل أنسى الموضوع خلاص أو إنه المفروض إني أسوي شي بصراحة
مو عارفة كيف أتصرف ولا وش أسوي فأرجوكم لا تبخلون علي بالرد ....

عافك الوقت · 08-05-2009, 21:28

السلام عليم

انا اعتقد انه طيش شباب بعدين وش رااح يسوي

اكبر مافي خيله يركبه انتي مو خسرانه شي

انسي الموضوع والله تافه لاتشغلي بالك فيه

دمتِ بود

سلطان الفنان · 08-05-2009, 21:37

ما عليك منه طيب لو جيب عنوانك ورقم بيتكم على قولته وش يبي يسوي
اختي صدقيني ما عنده سالفه ولا عنده شي واحذفيه واهم شي لا تحطين صور لك
او اي شي تخافين عليه في جهازك وبس واذا على تهديده كلام فاضي وربي

(من جديد ) · 08-05-2009, 21:37

مايقدر يسوي شي
ماعليك منه

لو يقدر كان وراك اش يقدر يسوي
احذفي ايميله والغيه تماما
ول صار ودخل عليك اطفأي الجهاز بسرعة
ولو حكمت الغي الايميل ذا واعملي غيره وارسلي لصديقاتك الايميل الجديد افضل لك

ضيم السنين · 08-05-2009, 21:37

اجل حتى وزارة الداخليه تعرفو والله من القّلط ( النصب) اللي عندو

ماعندو غير الضعوي

اجل بس مجرد انو يخترق جهازتس يوصل بعد لبيتكم ياقدمه ذا مير زين ماقالتس ناظري من الطاقه تلقيني تحت بيتكم

تلقين حده يسوي ايميل ويخب واذى العالم هكر وهكر

كحلها سايل · 08-05-2009, 21:49

يعني الأخ مبسوط ان وزارة الداخليه يعرفونه ؟ .. هذا من سواد وجهه و افعاله ..
شوفي يا قلبي .. اللي يستغل معرفته بأمور الأختراق و سوالف الهاكرز و يهدد فيها خلق الله ..
اعتبره انسان مغفل .. و ربي يعينه ع بلوه .. بدل ما يستخدم معرفته بشي يخدم دينه ..
و يحط اهتمامه كله بمواقع الأنحطاط الخلقي .. و مواقع اللي يسيئون للأسلام .. و الى نبي الرحمه ... بأبي هو و أمي ..
ما أقول ..الا حسافه بس ايه والله حسافه ..جـالس يفرد عضلاته ع بنت لا حول لها و لا قوة .. والقهر انه يهدد و يتوعد ..
انا اقولك دام جهازك مابوه لا صورك لك .. ولا شيء .. لا تخافي وطنشي ..
ما تدرين يمكن فيه شخص تافه ورا كله هذا امسوي لك مقلب ..
و افضل انك تسوين لك ايميل ثآني .. حتى ترتاحين اكثر ..
من فتره بس ؟
صار لي ان بنت معاي بنفس الكلاس .. مالي معرفه فيها .. بس من باب انها زميله
قالت لي تبي تتواصل معاي ع المصن .. عطيتيها ايميلي و ضافتني ..
بعد كان يوم .. جاتني تقول يا فلانه .. تدرين اني اقدر اخترق ايميلك بسهوله ..؟
قلت لها وش تبي اسوي لك يعني ارقص لك عشانك تعرفين تخترقين ؟
بعدين استحلفك بالله لو انتي تخافين ربك فعلا هل ممكن تسوينها ..
واذا تبيني اسهلها لك .. بعطيك الباسورد .. لان جهازي مابوه شيء ممكن يفديك ؟

عاد هنا البنت صار وجهها كوكتيل من الفشله ..

أمل المستقبل · 08-05-2009, 21:50

ألف شكر لك ع التجاوب أنا أصلا حذفته على طول لكن بس كنت مستغربة

من اللي قاله لي وبالنسبة لجهازي مافيه أي شيء وإيميلي مافيه غير صديقاتي

وأنا قلت أكيد ماعنده سالفة بس قلت يعني مستغبيني للدرجة هذي على باله إذا قال لي كذا

خلاص بكلمه اممممممممممم عموما ألف شكر ولو صار أي مستجدات برجع أقولها لكم

Hector Ferrer · 08-05-2009, 22:02

وزااارة الداخلية.....ههههههههه......يخسي مايقدر يسوي شي..غيري ايميلك ولا تثقي باحد...

كلي ملح ودمي سكر · 08-05-2009, 22:09

ياقلبي ويعني اذا هو هكر ومالة شي عندك خلية يولي

واعلى مافي خيلة يركبة ها الذكر

مالة شي عندك ولا لك شي عندة خلية يبلط البحر

انسان فاضي وماعندة غير يوطوط
بالكيبورد وماراح يقدر يسوي شي هالجبان تافة لا تسوين لة سالفة
اطمني ياقلبي

mrARAB1 · 08-05-2009, 23:27

اذا عمل لك مشاكل ابلغي الهيائه و هم راح يتصرفوا. ابدا لا تسمحي لاحد يبتزك. و تاكدي ان جهازك فيه نضام حمايه انترنت سيكيورتي و الافضل انك لا تحتفي بصور شخصيه في الجهاز.

صدق الوفى · 08-05-2009, 23:33

هذا صيده سهل بما انه هنا اطمئني

اما اذا بالخارج ويمثل انه من دوله هذا على حسب موقفه يسحب

بخصوص الكلام اللي احتفظتي فيه حاول تحفظيه عندك

لان ممكن ايميلك مخترق عن طريق رساله بريد

فا يتابعك ويتابع الايميلات

او مخترق من صديقه لك

الحل البسيط والسهل

اذا دخل عندك وهدد

قولي له هذا السطر

(( انت تضع السكين على رقبتك وتهددني انا

اذا انت تبحث عني ابخلي الحكومه تبحث عنك ))

بعض الشباب ومع الاسف يتفرعن على ضعاف الناس

او يستغل الناس

هذا جرمه اشد

والله المستعان

Bader^^ · 09-05-2009, 01:32

اختي امل المستقبل..

مثل ما قالو الاخوان والاخوات اهم شي خلي جهازك وايميلك فاضي..

وامشي عدل يحتار عدوك فيك..

بالعقل لو الانسان ماشي صح وش ممكن الواحد يمسك عليه او يسوي له شي..

ريحي بالك ولا تفكري بس انتبهي من ايميلات غريبة او اللي فيها رموز غريبة ولا تفتحي شي ما تعرفيه..

وروقي وربي يحفظك..

الحين هو مبسوط عشان الداخلية تعرفه

يا حليله..

صفحات لم تقرأ · 09-05-2009, 01:44

لاتخافي منه كثر هرج على غير سنع

ماعنده سالفه وحتى لو حاول يخترق ايميلك أو جهازك غالباً يرسل باتش .. انتبهي تستقبلي ملفات ..

وعلى فكرة تقدري تبلغي إذا سرق ايميلك ..

موفقه ..

باحثه عن الحب · 09-05-2009, 06:33

ياحبيبتي ولا عليج بالكلام مالته جاي يسترجل عليج من ورة كيبورد بس نصيحه خاف انه يسرق ايميلج خلي كلمه سر بينج وبين صديقاتج اذا تكلمتي معاهم تكوليلهم كلمه السر هذة حتى يعرفون انه انتي الي بتكلميهم لانه اذا سرق ايميلك بيحاكيهم باعتبارك انتي

ابساْلك ليه انا · 09-05-2009, 09:29

هدا واحدغبي وتحدي لو يعرف ايش معني هكرهههههههههه بس لو خايفه غيري ايميلك عشان تتطمني اكتر الله يعيننا علي الاغبياء كترانين هدي اليومين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لا أعرف ماذا أفعل أرجوكم انصحوني ؟؟؟؟