عالم الحياة الزوجية - منتدى

جمال المراه روحها · 09-05-2009, 23:25

بسم الله الرحمن الرحيم
اببدا في الموضوع اللي كتبته بسبب مشكله تواجهني بسبب انني لم اجد الاصدقاء المناسبين
في البدايه كنت ساكن مع ثلاث شباب في شقه مرت بنا الايام لمده اسبوع بعدها تلفظ علي واحد منهم بقوله لحم الخنزير اكرم منك انا لم اتمالك اعاصبي بدرجه انني اخذت اغراضي وطلعت برى الشقه لكي اسكن لوحدي بعدها فسروها اني طالع من عندهم كلها على حساب اني ما ادفع لهم شي او اقط معهم والله اعلم بالنيات وبيني وبينكم انا ما ارتحت لهم لانهم لهم علاقات بالبنات وانا اكره هالشي وبعدها لقيت لي سكن لوحدي وصرت اداوم وكان معنا من ظمن اصدقاء العمل شخص بيني وبينهم يكلمني ويكلمهم استمر الوضع على ماهو عليه بدا هالشخص باستفزازي امامهم في العمل لكي يحرق اعصابي قلت له اكثر من مره ترى ما ابغى اخربها معك خلك في طريقك هالكلام ما يقنعني واصل على نهجه انا يوم فقدت الصبر شكيته لللاداره قلت هالادمي يضايقني بكلامه هو زعل علي ودق علي وقال انا اكرهك بسبب ان الموضوع وصل لوالده اللي موجود معنا في العمل انظم لهم هالشخص ضدي وقام بتشويه صورتي امام بقيه الزملاء في العمل عني الا ان اصبح اغلبهم يتكلم معي بدون نفس مرت الايام وفي احد هالايام اتفقوا جميع الاصدقاء في العمل على الخروج مبكرا قلت معهم انا موافق على الرغم من انهم كانوا ضمن المجموعه
فجاه قام هالشخص اللي ابوه موجود في العمل قال انا ابوي يبغاني قلنا خلاص ومشينا انا ما ارتحت له الا اذا يطلع معنا طبعا اللي كانوا معي كانوا يراقبوني لكي يتاكدوا اانني خرجت رجعت بعدهم لكي اتاكد انه خرج وسبحان الله لقيته في غرفه الغياب يحظر نفسه بعد ما وعد الشباب قدامي والله انه ما تكلم ولا بكلمه ومنزل وجهه للارض وبعدها قال المدير يالله كل واحد يشوف شغله هو على طول خرج ودق على الباقين ترى فلان حظر وسجلوكم كلكم غياب بسببه انا مدري وش اقوللكم لحظتها شعرت بالظلم منه وخرب سمعتي قدام خوياي ومشت الايام وكل ما اتى موظف جديد شوهوا سمعتي قدامه وينظم معهم حتى لو كان يسلم علي الا انه من الداخل معهم والله اني لمده سنه ونصف وانا عايش لوحدي افقدوني اغلب الاصدقاء وما اقول الا حسبي الله عليهم واللي ابغى اعرفه هل انا على حق ووش الشي اللي انا غلطان فيه ؟
بانتظار رايكم .

أحمدالشمري · 09-05-2009, 23:51

ياخي العزيزي اللـــــــــة يـوفقك وبعــض الاصدقاء ســوسة واحــسنلك الــعب لـواحدك تـرجع راضي

اقــولك بصــراحة انا كنت في مــوقع مـرموق وانــقلت الي مــكن ثاني واللــــة اول التــلفون مــايوقف ولادقيقة
اذكر مرة ان واحد من اصحاب المصلحة بانة اتصل فيني اكثر من اربعين مــسج واللة لم انساها الي الان
ولان انا لواحد والحمد للة انهم بانو علي الحقيقة قبل ميصر شي واقول ياليت لو لو وانتي احسن لك واطلب
من اللة العفو والعافية لان هذا الزمن قيل من الاصدقاء الي علي مصلحة ولك تحياتي

أنااا أنااا · 09-05-2009, 23:52

مرحبا أخوي

أنت ماغلطت أخوي بس الواضح انك حساس شوي ولا تتحمل أي مزح، مثل اللي قالك (لحم الخنزير أكرم منك)، أتوقع انه قالها باسلوب المزح ولا يقصد المعنى بالضبط، الشباب في الغالب مزحهم ثقيل شوي..

و من ناحية زملائك في العمل، انت ما أخطيت بالعكس أنت انظلمت، وبيجي يوم كل اللي معاك راح يعرفون انك مظلوم..

أنت لا تفكر بأي أحد ولا بكلامهم اذا أنت واثق من اللي سويته، وصير رسمي مع الكل و بتوشف الكل بيحسب لك حساب، شوف الشباب اللي فيهم خير وحاول تتفق معاهم و تجتمعون في مكان خارج العمل، لا ترتبط علاقاتك في نطاق العمل فقط، كون علاقات ثانيه أقوى مع قرايبك مثلا أو زملاء الدراسه..

الله يوفقك أخوي..

جمال المراه روحها · 09-05-2009, 23:57

احمد الشمري - الله يبيض وجهك كفيت ووفيت هالزمن كل شي فيه غريب واكرر البيت اللي يقول حتى الصديق اللي تثق فيه احذره لحامد زيد

اناا اناا - ماهو ناحيه حساس او من هالقبيل الفتره اللي مرت بيننا واول مره نقابل بعض ما توصل بالمزح الى هالدرجه اني امشيها له قلت في نفسي اذا هذي اولها وش تاليها وربك فوق والله اي مظلوم في اي شي حتى بالعلاقات الزوجيه انه بياخذ حقه في الدينا او الاخره ويكفيك ان الله حرم الظلم على نفسه واشكرك من الاعماق

Njo0oud · 10-05-2009, 00:09

مرحباااا ااخوي

انت لاغلطااان ولاشي

انت مااعلييك من احد اللي يبي يسلم عليك السلام لله والله يجزااه خير وللي مايبي ولاطقلك احسااب بسلاامته وربي بياااخذ حقك من االلي ظاالمك ان شالله

وانت خلك كااافي خييرك وشرك مااعليك من اي احد سو شغلك واطلع كثرة الاصدقااء هي اللي جييب المشااكل عليك صددقني

وانت خلك طيب وحلييييل مع الكل حتى لو وااحد يتكلم معااك من غير نفس تكلم معه عاادي وخل وجهك بشووش وربي هو اللي بيستحي ع وجهه وبيحترمك غصب

واللي مايعرفك مايثمنك وانا اختك

تقبل مرووري

سلطان الفنان · 10-05-2009, 00:11

وانا اخوك الاصحاب هالاشكال ما يعتبرون اصحاب
راح تلقى اصحاب احسن منهم وصدقيني مو عشان كم شخص
تعيش بحزن وتعب ان روح تعرف وشوف راح تلقى الكثير اللي يحبونك
واضح ان شخصيه طيبه ما تحب الشر وما تتفق مع ناس مثلهم
لا تعمم تجارب بسيطه على كل الناس بس انت انطوائ نوع ما
روح تعرف على رجال شرواك

جمال المراه روحها · 10-05-2009, 00:14

اقتباس:

المشاركة الأصلية كتبت بواسطة Njo0oud

مرحباااا ااخوي
انت لاغلطااان ولاشي
انت مااعلييك من احد اللي يبي يسلم عليك السلام لله والله يجزااه خير وللي مايبي ولاطقلك احسااب بسلاامته وربي بياااخذ حقك من االلي ظاالمك ان شالله
وانت خلك كااافي خييرك وشرك مااعليك من اي احد سو شغلك واطلع كثرة الاصدقااء هي اللي جييب المشااكل عليك صددقني
وانت خلك طيب وحلييييل مع الكل حتى لو وااحد يتكلم معااك من غير نفس تكلم معه عاادي وخل وجهك بشووش وربي هو اللي بيستحي ع وجهه وبيحترمك غصب
واللي مايعرفك مايثمنك وانا اختك
تقبل مرووري

قولي امين الله يعطيك العافيه ويرزقك على قد نيتك والله نصيحه من ذهب ما اسمع زيها الا من امي او ابوي

الله يوفقك ويرزقك الزوج الصالح اذا ما كنتي متزوجه واذا تزوجتي ان الله يسعدك ويسخر لك زوجك .

جمال المراه روحها · 10-05-2009, 00:16

اقتباس:

المشاركة الأصلية كتبت بواسطة سلطان الفنان

وانا اخوك الاصحاب هالاشكال ما يعتبرون اصحاب
راح تلقى اصحاب احسن منهم وصدقيني مو عشان كم شخص
تعيش بحزن وتعب ان روح تعرف وشوف راح تلقى الكثير اللي يحبونك
واضح ان شخصيه طيبه ما تحب الشر وما تتفق مع ناس مثلهم
لا تعمم تجارب بسيطه على كل الناس بس انت انطوائ نوع ما
روح تعرف على رجال شرواك

شرواك الطيب وملاحظات ابحطلها الف اعتبار والله يجزاك خير ويحفظك شاكر لك مرورك يالغالي

ضيم السنين · 10-05-2009, 00:46

انا مادري ليش تكتئبون وتضايقون من هالناس اللي مافيهم خير قلعتهم

ان جو حياهم الله وان راحو مع السلامه ماحد يدور عليهم

يعني هالنوعيه واضح ان لهم اطباع مثل طبع المبزره وماتقال الواحد جدي

اللي خلقهم خلق مليون غيرهم منت ملزوم ولا مجبور بهم بقريح

خاوي لك ناس من نفس النمونه ع مودك

ولا تشغل تفكيرك بهم مايستاهلون

Njo0oud · 10-05-2009, 00:52

اقتباس:

المشاركة الأصلية كتبت بواسطة جمال المراه روحها

قولي امين الله يعطيك العافيه ويرزقك على قد نيتك والله نصيحه من ذهب ما اسمع زيها الا من امي او ابوي
الله يوفقك ويرزقك الزوج الصالح اذا ما كنتي متزوجه واذا تزوجتي ان الله يسعدك ويسخر لك زوجك .

امييييييييييييييييييييييييييييييين من بؤك الى بااب السمااء يارب

أنسانه86 · 10-05-2009, 00:58

عااااااااااااادي ياخوي لاتضيق صدرك ولاشئ كثير نفس حالتك ومعظم زملاء العمل كذا الغيرة والحسد ماتخلي أحد أنت وسع صدرك ولاتتحسس وهاذي الحياه واذا تقدر تنقل لمكان ثاني افضل لك ...
والله وش اقولك ياخوي ثلاث وظايف أستقلت منها بسنه وحده وتخبر الوظايف كيف الواحد يلاقيها بصعوبه بس اللي جرب العمل بالمدارس الأهليه يعرف حجم المعاناه تحملنا نشتغل حتى بدون راتب بس بسبب الحسد والغيره يطللعك لازم وحده ويحرض عليك مجموعه ليمن يكرهونك حياتك والله بعد كل تجربه اطلع وانا فيني من الألأم مافيني لإني أكون تعلقت مره بالمكان وبناتي بس هذا حال الدنيا....وصدقني مايرمى الا الشجر المثمر..
وصدقني في كل مكان موجود هالشئ يمكن قد سمعت بقصة الشيخ الدكتور خالد الجبير مع الضباط الخمسه اللي كانوا يكيدون له وسالفه طويله المهم انه اصابه منهم هم كبير فلزم الأستغفار وسبحان الله بعد خمس سنين تشتتوا الخمسه واحد فصل واحد نقل وماادري وش صار فيهم المهم ربي جازاهم وابعد شرهم عنه..
والأصدقاء ان شاء الله ربي يوفقك بناس كفو خارج إيطار العمل...والله كنت ادعي الله دائماً ربي يرزقني بصديقه كفو رغم اني وفقت بصداقات راااقيه جداً ولله الحمد والمنه بس كنت ابي أنسانه تكون معي دايم وقريبة من نفسي وسبحان الله وانا في أولى كلية في المكان اللي تشوفه بتوقيعي تعرفت بقدر من الله على وحده انا كنت ادرس في أول قسم في كلية الآداب وهي في آخر قسم في كلية العلوم انا أول وهي ثالث شف بعدها عني كيف وسبحان الله كانت أجابة دعوتي البنت هاذي الآن اقرب أنسانه لقلبي معي بيومي كله مااخطو خطوه الا هي معي والله كل مستغرب كيف تعرفنا على بعض وماشاااااااااااااااء الله تبااااااااااااارك الرحمن اذكروا الله..
أدعى ربك والزم الأستغفار وصدقني الحيااااه حلووووووووووووه

وربي بيوفقك بإصدقاء أكفاء وعلى نياتهم يرزقون
وانتهت قصة حياتي اتمنى اكون دعمتك معنوياً لو شوي...

غلاب · 10-05-2009, 00:59

عزيزي اولا لابد ان يكون لك شخصيه قويه امام الجميع
وثانيا اعتقد انك انسان حساس للغايه وتزعل من اي حركه وهذا ممايساعد البعض علي التعمد لحرق اعصابك وتكون نهايتها الزعل . اذا تبي تعيش بهذي الدنياء لاتدقق بكل شي خليك رجل حليم والحليم هو الي يتماسك نفسه عند الغضب . اذا بتدقق وبتزعل من كل شي ماراح تعيش بهذي الدنيا تحياتي لك

وجـــدان غـــاليتك · 10-05-2009, 01:52

ما عليه يابن الأجاويد..صحيح الموقف الي تعرضت له مؤلم..وظلم..لكن على قولهم..يـــابخت من بات مظلوم ولا بات ظالم..
الدنيا دواره وراح يلقها وعند الله حقك مايضيع..أستمر على منتا عليه من الأخلاق..وترفع عن السفهاء..وهو الحمدالله الذي عفانا مما أبتلاه..أدعي ربك يأخذ حقك منه..ولا أدعيله يشفيه من المرض الي هو فيه..الله يصلح شأنكم..

كلي ملح ودمي سكر · 10-05-2009, 03:32

يا انك تعاملهم رسمي وتتجنبهم
او انك تكون افضل وتعمل بقول الله تعالى
وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34). ولا شك أن الخصلة التي هي أحسن من رد السيئة بمثلها إنما هي العفو والإحسان ، أو الإعراض وكف الأخذ والرد في موضوع الإساءة.

يـقـيـن · 10-05-2009, 03:45

نصيحه لوجه الله لاتصادق احد ولاتثق كثير
انا حالياَ مالي لاصديقه ولارفيقه تعبت ادور الصدق والاحترام ومالقيته
وفضلت ابقى لوحدي لاني انا الصادقه وماني مجبوره اتحمل مثل هالاشكال
نوعيه اصحابك قد جربتها والحمدلله افتكيت منهن وكرهت كل لحظه جمعتني معهن
ودايم ادعي ربي لاتجمعني فيهن بالدنيااا لان مجرد ماسمع طاري شئ اسمه صداقه
احس بحموضه بمعدتي
وكان الله بعونك وخلك رسمي ولاتعطي احد وجه واي احد يضايقك
حط عليه X وانت ماشي ولاحتى تناظر له ولاتخلي اي مخلوق بالدنيا يمون عليك غير اهلك
بجد الصداقه عمله نااااااااادره وربي يوفقك مع اللي تحبك وتسعدك ويهون عليك اللي تمر فيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

فقدت الاصدقاء لدرجه انعدامهم فهل انا على حق ؟