عالم الحياة الزوجية - منتدى

نهاية عشقي المجنون · 10-05-2009, 04:53

بسم الله الرحمن الرحيم

اتمنى تقرون قصتي حرف حرف اول مره ابوح لاحد باللي في خاطري
بس بليز ماابي انتقادات لاني عارفه اني غلطانه وراكبني الغلط من راسي لرجولي..

اتمنى اللي يقرأ موضوعي يعتبره موضوعه لاني بجد محتاجه النصيحه.. ادري بتقولون (اذا بليتم فاستروا) بس وربي ابي نصحيه مو شي ثاني بليز لاتبخلون علي واعتبروني اختكم

انا عمري 23 سنه تخرجت العام الماضي من الجامعه من عائله محافظه<<ابوي كان يخاف علي من الهوا الطاير ومن كثر خوفه وحرصه انا بديت امل وازهق!! كل شي ممنووووووووووع بحج انه خايف علي
يدقق على صاحباتي مع مين طالعه ومين تكون والطلعه من البيت ساعه محدده !! حتى طلعتي للجامعه مااتأخر دقيقه ولااقدم دقيقه!!<<نظام عسكري!
قبل 5 سنوات اول مادخلت الجامعه تعرفت على شخص بالصدفه كان اكبر مني بكثير عمره 32 سنه!<كان لعب وبس لانو كان وقت اجازه وقلت من ارجع للبيت وتبدأ الدراسه راح ارجع زي ماانا<<على فكره انا متفوقه
بس مع الايام تعلقت فيه بجنووووووووووووون بشكل ماتتصورونه
حسيته بجد ابوي وامي واخوي وصديقي وولدي يمكن تقولون تبالغ بس وربي كان شي مو طبيعي كان يسهر الليل عشان يصحيني اذاكر كان بمجرد يسمع شي ناقصني يطيييييير ويجيبه لي سواء كان كتب او غيره
كان يصحيني للصلاه ويقول لاتسمعين اغاني وحريص لدرجه ماتتصورونها بس بنفس الوقت متفهم جدددددا كنت احترمه كثير وهو نفس الشي
تعلمت منه اشياء كثيييييييييييير فوق ماتتخيلون!
استمرينا مكالمات وطلعنا كذا مره مع بعض<<استمرينا على هالحال 5 سنوات وكانت احلى ايام عمري وقف معي في مواقف اهلي مايوقفون معي فيها وكنت اثق فيه ثقه عمياءءء! زاد معدلي بالجامعه لدرجة اني تخرجت بأمتياز .. كان يهمه امري من جميع النواااااااااحي
قبل سنه اضطر انه ينتقل منطقه ثانيه بعيده <<مع انه ماكان بنفس منطقتي بس هالمنطقه اللي انتقل لها ابعد بكثييييييير من منطقته!
ادي بتقولون ليه ماتقدم لك.. للاسف هو متزوج بس ماكان عايش مع زوجته بنفس البيت فيه مشاكل وطول الخمس سنين هو ببيت وهي في بيت بين كل فتره يلتقون
لما انتقل العام الماضي اخذ زوجته معه (فقررت ابعد) بس والله ماقدرت .. احس اني اموووت بالساعه الفين مرررره صدقوني شي مررررره صعب انك تعيش 5 سنوات تنام – تصحى – تاكل – تشرب – على صوته
في ضيقتك وفي فرحك وبهمك وسعادتك يكون اول الناس معاك.. باختصااااار
< كان يعرف تفاصيلي
يانااااس صدقوني حبيبي كان غير عن كل البشر وعلى فكره انا واثقه انه يحبني ويموووت فيني بتقولو كيف بقولكم اختبرته مليووووون مره ونجح اثبت لي انه مايشوف بالدنيا غيري!<<مافكر يستغلني مع انه كان يقدر
كنت اشوفه من سنه لسنه! عمره ماقال ابي اشوفك او الح علي!
بس للاسف.......
تغيـــــــــــــــــــــــــــر كثيـــــــــــــــر!!!!

تحول من انسان يعطيني امل بالحياه الى انسان كئيب
دايم متضايق ! لما اكلمه طول الوقت ساكت وشارد
معقوله يكون مل مني؟؟؟!!!! دائما متضايق ومتكدر صرت اتعب نفسيا اذا كلمته! ماعاد يعطيني الحب والاهتمام!
معقوله علاقته مع زوجته صارت احسن ولها السبب كرهني؟؟!! <<انا تكلمت معاه بهالموضوع وقلت اطلع من حياتك ((وربي انها قويه علي ومااتحمل بس الا جرح الكرامه))<<وبيني وبينكم حسيت بااحساس زوجته ماودي اظلمها<<يعلم الله ان هاالسالفه معذبتني سالفة خيانته لزوجته!
بس والله قلبي مو بيدي ماااااااااقددددررر!!
يعلم الله اني بصلاتي وسجودي وبكل وقت ادعي ربي ان الله يقسي قلبي عليه وينسيني اياه ويعوضني عنه بالحلال
انا عارفه ان اللي سويته غلط كبير! وخايفه ربي يعاقبني

بس تدرون؟؟!
ربي استجاب دعائي! وبدا يطلع من قلبي بشكل غريب (سبحان الله)<<ماكنت اتوقع اني اقدر اعيش من دونه ابد! كنت اعتقد لو تركني راح اموووت!
تغيرت عليه بشكل غرررريب
صار عادي عندي جدا راح او جاء ماتفرق! ماعاد احس بقلبي يدق لما اسمع صوته !
وابتــــــــعدت عنه!
الحمدلله ياااااااااااارب...<<بس مو قادره افارقه اوكي ماعاد احبه زي اول بس وربي مااتخيل حياتي من دونه ابد ..<< الحين اكمه من فتره لفتره

بس انا ندماااااااااااانه .. بيذبحني الندم على اللي سويته!!
احسه ذنب كبييييييييييير!!
ادري عصيت ربي وخنت امي وابوي اغلى مالي بهالدنيا.. والله اني تعبانه من داخل كل مافكرت اني تماديت وعطيت نفسي هواها<<الله يلعنك ياابليس
بس جد انا تبت!! قبل اسبوع جاء الى عندي<<على فكره المنطقه اللي هو فيها تبعد اكثر من 1000 كم وربي يترجاني يشوف وجهي بس من الشباك وانا مو راضيه<<بس بعد ايش!
ابي رايكم بكل صراحه ادري ماراح يعجبكم الموضوع بس صدقوني مالي بعد الله الا انتو!

ادعوا لي الله يثبتني ويصرفني عنه وعن جميع المعاصي.. ويعوضني عنه بالحلال ..
اللهم اااااااامين..

صفحات لم تقرأ · 10-05-2009, 05:06

الله لايبلانا ..

اتركيه .. أنتي عارفه إن علاقتكـ معه ماوراها زواج .. ليه استمريت معه !!

أحسن شي إنكـ عرفتي خطأكـ .. ولازم تصحيحي خطأكـ بتركه ..

المهم .. اذكري الله ولاتنسي قراءة القرآن ..

والله يغفر لكـ ويثبتكـ على طاعته ويرزقكـ بالزوج الصالح ..

ضيم السنين · 10-05-2009, 05:18

اقتباس:

المشاركة الأصلية كتبت بواسطة نهاية عشقي المجنون

يسهر الليل عشان يصحيني اذاكر كان بمجرد يسمع شي ناقصني يطيييييير ويجيبه لي سواء كان كتب او غيره..

ظنتي هذا هو اللي خلاتس تموتين عليه .. الطيران

الله يهديتس بس

وعاد للحين تكلمينه شلون تقولين تبتي ولا بس تبتي انو مايشوف وجهتس ؟

خجل انثى^_^ · 10-05-2009, 05:21

اختى الحمد لله انك صحيتى وعرفتى خطاك وهذا اهم شئ ..
طبعا انتى طرحتى مشكلتك وفى نفس الوقت طرحتى حلها
الى تحتاجينه فعلا انك ماتبعدين عن ربك
الله يهديك ويثبتك

عافك الوقت · 10-05-2009, 05:22

السلام عليكم
قال تعالى:قُلْ يَا عِبَادِيَ الَّذِينَ أَسْرَفُو ا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ
إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ
وعن أنس بن مالك رضي الل ه عنه عن النبي صلى الله عليه وسلم قال:
كل ابن آدم خطاء، وخير الخطائين التوابون..
اخيتي يبدو انك تسلكي الطريق الصحيح
اكثري من الاستغفار والدعاء وصلاة الليل
لابد ان تقطعي العلاقه معه نهائيا بلا تردد

حــــــــيرانه · 10-05-2009, 05:26

الله يعينك يابنت الحلال .... مهمه كان بنظرك يستاهل

اتركيه .. مافي اي ااساس يخليكي تتمسكي فيه .. الله يهديك يارب

وجـــدان غـــاليتك · 10-05-2009, 05:28

حبيبتي..حلك بيدك..أنتي طلبتي العون من الله سبحانه..وربي أستجاب دعائك..وصرفه عنك..الحين ..بعد مابديت ترجعين مثل أول..طبعآ ..أبليس ماعجبه وضعك..فبدأ يوسوس أبليس فراق و البنت شبهه مفترقه هي وياه أما تنقطع نهائيآ هذا الحال الي مارأح يعجبني ..كل الي أنتي تعانين منه وسوس من الشيطان لأنه شاف أنتصار وسيطرتك على نفسك الأماره بالسوء فقال خلاص خلي الذنب من وقت لوقت أقصد المكالمات..تراك أنتي ربحتي في جولتك الأوله كملي أنتصارك وبعد وش تبين فيه قالب وجهه عليك وتحاكينه..صحيح لا قالو فوق شينه قـوات عينه..ألجي الى الله ومثل ما دحر أبليس الأنس والجن عنك في المره الأوله رأح يدحره في المره الثانيه..قدمي السبب..وثبتي على قرارك..الله يصلح شأنكم

بسمة رجى · 10-05-2009, 05:30

حبيبتي لازم يسوي كذا علشان يعلقك فيه هذه جركاتهم كلها مثل بعض لاكن أنصحك انك تتركيه بكل قناعة واصرار وادعي ربنا يعوضك بالزوج الصالح وراح يطير بك من الحب والفرح مو يطير يجبلك أشياء سهلة وبسيطة علشان تتعلقي فيه واعذريني

نهاية عشقي المجنون · 10-05-2009, 05:30

اقتباس:

المشاركة الأصلية كتبت بواسطة ضيم السنين

ظنتي هذا هو اللي خلاتس تموتين عليه .. الطيران
الله يهديتس بس
وعاد للحين تكلمينه شلون تقولين تبتي ولا بس تبتي انو مايشوف وجهتس ؟

اولا مو مهالشي اللي خلاني احبه

لاني حبيته قبل اشوفه!! وجلست 6 شهور اكلمه بدون مااشوفه او يشوفني
وعمر هالاشياء اللي قلتي عنها ماتزرع المحبه

وبعدين انا صحيح تبت بس مو قادره والله انقطع نهائي عنه !!

بس شوي شوي راح اقدر ان شاء الله

خزامى الرياض · 10-05-2009, 05:36

الله يثبتك ويزيدك بطاعته اختي ..
انتبهي تراه يمكن ميولك له انك حاسه أنه فيه حنان الاب .. لان الحب الصادق ما يجي بالخفيه .. اذا أنتي متعلقه فيه وحاسه انه يبيك مالك الا حلين ان كانك تبينه قوليله تقدم وتعال من الباب ..
والا أتكلي على الله وغيري أرقام جوالك .. وزيدي علاقاتك الاجتماعيه عشان ما يصير عندك وقت فراغ .. وتقربي من ربك أكثر قوي أيمانك .. لا تخسرين ثقتك بأهلك لانها غاليه .. دام الشي راح أعتبريه زله .. واكثري من الاستغفار .. أن الله غفور رحيم .. ولاتهملين كلام الله يوم يقول لكنه شديد العقاب ..

ضيم السنين · 10-05-2009, 05:39

اقتباس:

المشاركة الأصلية كتبت بواسطة نهاية عشقي المجنون

اولا مو مهالشي اللي خلاني احبه
لاني حبيته قبل اشوفه!! وجلست 6 شهور اكلمه بدون مااشوفه او يشوفني
وعمر هالاشياء اللي قلتي عنها ماتزرع المحبه
وبعدين انا صحيح تبت بس مو قادره والله انقطع نهائي عنه !!
بس شوي شوي راح اقدر ان شاء الله

مو انا قلت لاني مادري عنكم انتي اللي كتبتيه
الله بيعينتس ان شاء الله دام النيه طيبه

نهاية عشقي المجنون · 10-05-2009, 05:40

اقتباس:

المشاركة الأصلية كتبت بواسطة وجـــدان غـــاليتك

حبيبتي..حلك بيدك..أنتي طلبتي العون من الله سبحانه..وربي أستجاب دعائك..وصرفه عنك..الحين ..بعد مابديت ترجعين مثل أول..طبعآ ..أبليس ماعجبه وضعك..فبدأ يوسوس أبليس فراق و البنت شبهه مفترقه هي وياه أما تنقطع نهائيآ هذا الحال الي مارأح يعجبني ..كل الي أنتي تعانين منه وسوس من الشيطان لأنه شاف أنتصار وسيطرتك على نفسك الأماره بالسوء فقال خلاص خلي الذنب من وقت لوقت أقصد المكالمات..تراك أنتي ربحتي في جولتك الأوله كملي أنتصارك وبعد وش تبين فيه قالب وجهه عليك وتحاكينه..صحيح لا قالو فوق شينه قـوات عينه..ألجي الى الله ومثل ما دحر أبليس الأنس والجن عنك في المره الأوله رأح يدحره في المره الثانيه..قدمي السبب..وثبتي على قرارك..الله يصلح شأنكم

اولا اهنييييييك من كل قلبي على اسلوبك الراقي .. شكرا

((صحيح لا قالو فوق شينه قـوات عينه))<<في هذي وربي صدقتي.. جبتيها ع الجرح!!

احس انك اكثر وحده فهمتيني

وربي اتمنى من كل قلبي هالشي بس ان شاءالله اقدر

لاتحرموني دعواتكم

شكرا مره ثانيه وجدان غاليتك

غرام99 · 10-05-2009, 05:42

قولي امين اسال الله العظيم رب العرش الكريم ان يصرفك عنه ويصرفه عنك وان يكرهك به من دون اذى

اللهم اهدها وافتح على قلبها وعوضها بالحلال ياحي ياقيوم

شوفي ياقلبي خوفي قطع هالمسافات مو بس يشوفك من الشبااااااااااك لا خوفي يغويكم ابليس وتسون شئ اكبر
وهو يروح بحال سبيله مثله مثل غيره الانذال ماراح يعض اصابع الندم الا انت يالغلا

حياااااااااااااااتي تذكري من ترك شئ لله عوضه الله خير منه

اتركيه عشان الله يجيب لك واحد بالحلال يكون هو دنيتك كله

وانا اختك انتبهي انتبهي انتبهي هذه خطوات شيطانيه

ياما بنات عضوا اصابع الندم لكن لافات الفوت ماينفع الصوت

حبيبتي تذكري عقاب الله بالاخره
وتخيلي اليوم اللي يبي يدري به ابوك وش يبي يكون موقفك ييييييييييييييييييييمممممممممممممممه ياربي سترك

الله يكتب لك الخير ومافيه

غرام99 · 10-05-2009, 05:49

هذا لقبك ياحلوه

نهاية عشقي المجنون

ان دل على شئ دل على قرارك الطيب راح تنهينه صح

نهاية عشقي المجنون · 10-05-2009, 05:58

اقتباس:

المشاركة الأصلية كتبت بواسطة غرام99

هذا لقبك ياحلوه
نهاية عشقي المجنون
ان دل على شئ دل على قرارك الطيب راح تنهينه صح

يسلمك ربي حبيبتي

شكرا تسلمين على اسلوبك الرائع

دعواتك الله يعوضني عنه باللي احسن منه بالحلال

شكررااااا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وخنتـــــــكـ..!!