عالم الحياة الزوجية - منتدى

لينا1111 · 10-05-2009, 19:55

السلام عليكم ورحمة الله وبركاته

اطرح لكم مشكلتي في عملي حيث انني اعمل أدارية في أحدى الثانويات وتعرفون كم من الجهد المطلوب

منا لتوجيه الطالبات ومراقبتهن في الممرات وخلف الأسوار ,,,,,,بصراحة تعب

احكي لكم قصة زميلتي في العمل ,,,لاحظوا قلت زميلتي وليس صديقتي ...لم اتخذها صديقة لتضارب

التفكير والمنطق بيننا,,,,,,

كانت ملاحضاتي عليها في باديء الأمر انها لاتزيل شعر يدينها مع انها متزوجة وكنت انا وياها في نقاش

ليش ماتشيلين شعر يدينك مشوه منظرها وبعدين لما يجي زوجك خميس وجمعة من السفر يشمئز منها

وكانت تقولي وش حارق رزك عاجبني كذا وانا حرة في جسمي ,,,,,كان شكلها مقرف واظافرها طويلة

وشعرها قصة (بووي),, بس هي مملوحة,,المهم وانا جالسة وياها في غرفة الأداريات قالت لي

لاعاد تلبسين البلوزة هاذي قلت ليش؟ عاجبتني ومقتنعة فيها,,,قلت افهمي قصدي وحدة من الطالبات

تقول لاعلد تلبس أبلى لينا البلوزة هاذي شكلها أغراء ضيقة وصدرها مفتوح ,,,انا مافهمت وش السالفة

وقلت متخلفات هالبنات ماعاد هو الرجاجيل اللي يفزون هالحين البنات ,,,,الحمدالله ,,,بصراحه انا غبية

المفروض اسألها من الطالبة الجريئة اللي تقول كلام زي هذا لأدارية,,,الله ماكتب اني اكشفها

كنت اتكلم انا وزميلتي الأخرى عن الشذوذ كيف منتشر الفترة هاذي علقت هي وقالت الوحدة افضلها

مع بنت ولا رجال انا وزميلتي احتجينا ,,,وع وع ,,وش بتلقى في البنت قلت والله انه احسن على الأقل

ماتبلش البنت وتحمل !!!!! كل هالمواقف استرجعتها بعد ماكتشفت انها شـــــــــــــــــــــــــاذة

كيف عرفت؟ احدى الطالبات تخرجت من الثانوية وكانت بنت اخت زميلتي الأخرى وكانت هذه الطالبة

علاقتها سيئة مع خالتها في المدرسة وكانت هذه الأدارية السبب في افساد العلاقة والتفريق بينهما

بعد التخرج جلست زميلتي مع ابنة اختها جلسة مصارحة حيث ان الطالبة في المستوى الثاني وقد

كتب لها الزواج ,,فقالت والله ياخالتي ترى فلانة السبب تقول انك تحكيين فيني وفي امي واخواتي في

غرغة الأداريات وبعدين ابلى ..... تجينا في البيت ولي علاقة معها !!!كيف لك علاقة معها

ومع غيري من الطالبات,,لما كنا في المبنى الأول كنت ادخل معها الغرفة ونقفل علينا وتبوسني وتضمني

اف,,,اف,,,اف صديقتي صعقت لمصارحة بنت اختها انت متأكدة ؟ قالت لها مو هي تقول ليش بنت

اختك مقفلة جوالها؟ لأني بعد الخطبة والملكة اكلم خطيبي وبعدين هي تبي مني من زمان الشيء العميق

وانا رافضة ,,,,,بس بنات غيري استجابوا لها,,,,,وانتم الله يخلف عليكم ماتدرووون عن شيء لاأنت ولا اللي

معك,,,,وزميلتي تقول اعتراف بنت اختها اضحك على نفسي لما كنت اقول لها حلو ريحة العود في غرفتك

قبل ماتنظم لنا في غرفتنا في المبنى الجديد,,,,أثاري الحرمة مسترجلة وحنا ماندري,,,,,,,,,,,

كيف اتصرف الأن انا اتحاشاها وكذلك زميلتي ضاق صدري حنا نراقب البنات وهي تخرب اخلاقهم

لما نجي نبلغ الأدارة نتخوف لأن فيها مسآءلة وماراح تصدق الأدارة لازم حاجة مقنعة,,,وبصراحة انا خايفة

توهقني في امور اخشاها اللي تسوي كذا مايهمها شيء,,,,هي لاحظت تجنبي للأحتكاك فيها بس

ماأقدر اواجهها واقول انت شاذة ,,,,مستحيل,,,فكرت انا وزميلتي نسوي كمين لها مع أحد الطالبات بس

ماأبي اقطع رزقها لأن وضعها المادي نص ,,,ونص,,, وش رآآآآآآآآآآآآآآآآآآآآآآيكم؟؟

لينا1111 · 10-05-2009, 22:19

كل هذولا اطلعوا على الموضوع وماحد رد ,,,,وش دعوة القصة مازالت وردوكم ضرورية يالحلويييين

صفحات لم تقرأ · 10-05-2009, 22:50

وعليكم السلام ورحمة الله وبركاته

"لعن الله المتشبهين من الرجال بالنساء والمتشبهات من النساء بالرجال"

ظاهرة الشذوذ منتشرة الله يكفينا ولايبلانا

زميلتك ماهي قد المسؤولية ولا عندها أمانة ..

حاولي تنصحيها وإذا مانفع "يئست منها".. مافي حل غير إنك تسوين لها كمين .

وبصراحة ينقطع رزقها ولا تروح أجيال ضحية أفكارها الخبيثة ..

والله يقويك

@ ^ ديمــــااا ^ @ · 10-05-2009, 23:15

وعليكم السلام
أعوذ بالله , الله يعافيها ولا يبلانا

لا تسكتين بلغي حتى لو كان وضعها المادي أردى من الردي

الطالبات أمانة عندكم , وأنتم المسئولين عنهن , لا يروحن ضحيتها

ما زادهم إلا السكوت

نبـ الروح ـض · 10-05-2009, 23:58

\\
لاحول ولاقوة الا بالله
لازم تتوقف عند حدها لانها ماراح تخرب على نفسها وعليكم بس
على البنات والمجتمع
ما اعرف اش ممكن تسوين لكن الله معاكم
\\

لينا1111 · 11-05-2009, 00:03

اشكر صفحات لم تقرأ وديما لتفاعلاكم أنا ودي ابلغ اليوم قبل بكرة بس من يصدق وخاصة انها ادارية وهي من النوع اللي شخصيتها قوية على الطالبات في نظر المديرة وماراح تصدق فيها

أبو موفق · 11-05-2009, 00:09

لا يا شبخة اوعي تقطعي برزقها
والله يخلف على أماناتكم

صفحات لم تقرأ · 11-05-2009, 00:11

إللي تسويه شي ماينسكت عليه

حاولي إنك تركزي على الطالبات إللي مع زميلتك يمكن مجبورين على هالشي فأكيد راح يشهدون ضدها ..

صفحات لم تقرأ · 11-05-2009, 00:15

اقتباس:

المشاركة الأصلية كتبت بواسطة أبو موفق

لا يا شبخة اوعي تقطعي برزقها
والله يخلف على أماناتكم

الأمانة تخلت عنها الجبال ..!!

ياأبو موفق لو كانت في هالموقف بنتك أو أختك لاسمح الله .. الله لايبلانا

وش موفقك ؟

صدق الوفى · 11-05-2009, 00:47

اف اف

قويه

انا عندي علم بوضع اليوم

هو اي فساد اليوم نعاني منه

لكن طرى ببالي سؤال خطير ابكتبه بقسم الجاد

بخصوص الحل

فورا حاولي تبعديها بأي طريقه كان

لان هذا منكر وليس رزق اعوذوا بالله

لكن انا عندي لك حل مثالي

بس ما اضمن موقفها

لان اليوم ومع الاسف المنكر معروف والمعروف منكر

الحل

تجتمعوا مع بعض في غرفه مغلقه

طبعا انتي ومعك وحده وهذه الوحش او الرجل

رغم اني صنعت دواء في المختبر عندي لكل مسترجله

فا تقولون لهذه المسترجله

اسمعي اما تنسحبي بصمت وإلا راح نبلغ عليك الاداره

وانتي كذا وفعلتي كذا والخ ...

انا اخشى انها تكون قويه

وتنكر والادارة تصدق

والله مدري وش اقول

اهااا

والله ولقيت الحل

ركزي معي

تحاولي تثقي باحد الطالبات ويفضل ان تكون من اقاربكم لجل تثقون فيها اكثر

ثم مثل الكمين اي تحرش

تبلغ احد مجهول المرشده مثلا وبالسر

والمرشده تبدا تفتح عقلها وتركز

ثم بعدها تبدا مرحلة التحقيق والكشف

وبعدها تتأدب وتطرد او اي عقاب

والله المستعان

Diro/060 · 11-05-2009, 01:49

اعوذ بالله هذه مريضة
الحمدلله الذي عافانا مما ابتلاها وفضلنا عل كثير من خلقه تفضيلا
الله يهديها

المسألة حساسة مرة
ولازم تتعالج بهدوووووء وروية
وانا مااحبذ انكم تعملوا كمين وتباغتوها ياليت تلاقوا الحل اللي مايضيع لكم حقكم ويستر عليها في نفس الوقت
ماادري ايش اقلك ممكن تكتبوا رسالة غير مباشرة لها وتحطوها ع مكتبها تكون بالكمبيوتر مكتوبة مو بخط اليد
فيها نصح وتذكير بالله وتكون مرة مؤثرة
رب بكلمة او ايه سبحان الله ربي يبصرها ويهديها والقلوب بيد الله سبحانه وتعالى:
قال تعالى ( إِنَّ الذين يُحِـبُـونَ أن تَشيعَ الفاحِشَـةُ في الذين آمَنُـواْ لَهُـم عَـذابٌ أليــمٌ في الدُنــيا والآخــرةِ واللهُ يَـعلَـمُ وأنتُم لا تَعلمُونَ ).
وقال تعالى ( ان الذين فتنو المؤمنين والمؤمنات ثم لم يتوبوا فلهم عذاب جهنم ولهم عذاب الحريق)
هذه الايات اللي اعرفها ونسقوا الرسالة بطريقتكم مع تكملتها
اهم شئ تكون بطريقة غير مباشرة يعني (اياك اعني واسمعي ياجارة) وهي اكيد بتفهم نفسها والله يهديها ويعينكم
وماادري لو مديرتكم من الناس اللي تتفهم المواضيع هذه وواثقة منها ممكن تخبريها ويكون سر بينكم بحيث انه لو (البوي)عملت بلبلة من الرسالة المديرة بتهديها وماتكبر الموضوع <<< ماادري اذا تنفع هذه النقطة
اهم شئ الزمي الدعاء والاستغفااار

وفي حل
انك تتصلي على واحد من الشيوخ المصلحين واكيد عن خبرة وفهم بيعطيك الحل
لأن زي ماقلت لك المسألة جدا حساسة وانا اقدر فيك انك متخوفة من حقك صراحة
بس مفروض ماتسكتي لأن هذا منكر وفساد حاولي تتصلي على شيخ افضل..

لينا1111 · 11-05-2009, 02:42

اشكر الحلوين على طرح الحلول اعجبني طرح صدق الوفى في اخبار المرشدة وخاصة ان المرشدة اللي بالمدرسة

ملتزمة على الأقل يطيح جزء من الهم والموضوع له تقريبا شهر من اكتشافنا له انا وزميلتي.....

ضيم السنين · 11-05-2009, 04:55

لو بلغتي مارح تستفدين شي ابد العكس يمكن انتي تنضرين وتروحين فيها

اللحين يعني انتي ودتس تبلغين وهي قدامتس مقابلتس دايم ومتعيجزه تنصحينها؟

ويعني ماتشيل شعر يدها خلاص سارت مسترجله مادري وش الرابط العجيب اللي بين يدها ا وبين الشذوذ

واذا سار شعرها بوي بعد مسترجله مو شرط ابد لاتحطين بذمتس شي

أنسانه86 · 11-05-2009, 07:53

وعليكم السلام ورحمة الله وبركاته:
هلابك حبيبتي
بصراحه الموضوع جداً كبير ولايستهان فيه لأسباب لا كما يستحقره البعض بل هذا فيه افساد جيل وهتك لأعراض الكثير من البنات لإن بإختصار لو كان شكوك الأخت في محلها فأنكارها واااااجب وسكوتها تأثم عليه والله أعلم فهذه المرأه تستخدم سلطتها بالحرام فتغرر بصغيرات السن وتدخلهم الى عالم الرذيله فهذا الأمر هو اول الطريق الى الأنحراف السلوكي لدى الفتيات اذا اعتادت الفتاه على ممارسة هذا المنكر تنتقل فيما بعد الى كبيره اكبر..والعياذ بالله..وهتك الأعراض ليس بالأمر البسيط خاصة الصغيرات اذا الدول الغربية الغير اسلاميه تنص قوانين صارمة على عقوبة التحرش في المدارس؟!!
فكيف بنا نحن المسلمون وهو محرم في ديننا؟؟ وخطير تفشيه في مجتمعنا ؟؟ ولو كل شخص عاين الأمر وقال لا لن اتكلم وسأستر على (المجرم) سبحان الله تتستر عليه انت وهو يفضح ويهتك بأعراض المسلمين؟؟

والله حرام كم بنوته للحين قتلت برائتها ان صحت الشكوك فيها؟؟؟

شوفي حبيبتي قبل لانتكلم اول شئ لازم تحري مصداقية الشكوك الي قلتيها لإن الموضوع كبيــــــــــــر لازم فيه بنات يشهدون عليها وما تكون وحده ولاثنتين لا لازم عدد لايستهان بكلامه ومايكون شله وحده لإن ترى ممكن يكونون مايحبونها وترى صار اليوم أسهل شئ عند الناس القذف
والأحتمال واد انه ممكن تكون اشاعات تشويهيه لا أكثر..

اذا تأكدتي انتبهي تأكدتي التساهل في نقل الأشاعات خاصة مايمس الأعراض امره خطير وحسابه عند الله عسير ...

وترى الغيره والحسد بين الموظفين ممكن تسوي هالشئ..

بقولك شئ خاص احد المدارس الأهليه التي استقلت منها كان سبب أستقالتي عند دوامنا اول يوم في الدراسه تفاجأنا بإستغنائهم عن خدمات خويتي بدون ذكر السبب فأخبرتنا احد المعلمات الثقات بإن احد الاداريات ماتبي خويتي هاذي في المدرسه وقالت انها بتخليهم يطلعونها لاسباب بقولها بالاخير وفعلاً سويت الي تبيه وعرفنا بعدين انهم مطلعين اشاعه بشعه على خويتي ان سلامها فيه نظر وامور الله حسيبهم عليها ..
الصحيح ان خويتي هاذي من أهل الأستقامه ولانزكيها على الله وحنونه جداً تسلم على الناس بحراره دائما وكل من يعرفها يحبها جداً ويستحيل ان يظن بها شر ابداً ولكنها متميزه ومبدعه في عملها وهذا الي خلى الاداريه تموت غيره لإن احتمال تنشال هي وتنحط خويتي لإن خويتي تقرب للمديره بعد..بس عرفت المشرفه كيف تلف رأس المديرة على خويتي وتشوه سمعتها غيره وحسد والله حسيبها وعلى فكره ماحد صدقها وتراها المشرفه هاذي ملتزمه مررررررررره لكن تعاملها مع الجميع بعيييييد عن الدين كل البعد والجميع لديها سئ تحطم الجميع لأجل نفسها فقط استقلت انا وصديقتي بيوم واحد وعدد من المعلمات بنفس الأسبوع وتبعنا الكثير خلال الفصل الدراسي وهذا ديدن جميع من يأتي للعمل بتلك المدرسة بسبب تلك المشرفه ..غفر الله لنا ولها..
^
^
هذا واقع الكثير من زملاء العمل فأنتبهي ماذكرته لك لأقرب الصوره اكثر..وترى قصة شعرها ماتثبت التهمه لاكثير يفضلون هالقصه يمكن تعاملها جاف فكروها وقاموا يطلعون عليها اشاعات..

وممكن تلاحظينها ترى ممكن تطيحين عليها وهي على منكرها وترى ماتقدرين تبلغين عنها وانتي مشفتيها بعينك ولو احد شاف هالشئ بعينه هو فقط اللي يقدر يبلغ او انك تبلغين وهم بعدين يقولون اقوالهم اذا تأكدتوا ممكن تتصلون على الهيئه وهم عندهم مختصين بيعرفون كيف يجيبون خبرها وبعدها شوفوا الهيئة وش يقولون لكم بخصوص الأشراف لازم يصير عنده خبر الا اذا تابت توبه صااااااادقه لإن اعراض الناس مو لعبه عندها حرام تقتل براءة هالصغيرات...

وانتبهي من النصح المباشر .....ترى الحرمه لو كانت كذا اخلاقها معناتها قوية عين ومايهمه احد وممكن تضرك..اذا انك بمدرسة اهليه اطلعي وسوي اللي قتلك بعد تأكدك واذا حكومية حاولي بالنقل ..واذا ماتقدرين خلي تكتيكك والايقاع فيها من بعيد لبيعيد..

الله يستر علينا وعلى بنات المسلمين والله يرزقك يااختي على قدر نيتك..

بسوووومه · 11-05-2009, 14:21

الله يعينك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زميلتي في العمل شـــــــاذة ...ماذا افعل؟