عالم الحياة الزوجية - منتدى

ذي النون · 11-05-2009, 12:07

السلام عليكم

معلش الصبايا تتحملني

هيك تغيير جو مش اكثر لا تزعلون

البنت هي امنا واختنا وجارتنا وحبيبتنا وخطيبتنا ومرتنا ..

حتى السرلنكية تبعتنا بنت

يعني اكيد بنحترمكم وبنحبكم .. بس لازم احكي الي بقلبي ..
واكتب اكتر تلات شغلات فيكم يا بنات:

1:

لأ مش معقول ! ... سمرة وبشرتك شاحبه وكل وجهك حب شباب .. ولابسه لينسيز أزرق؟؟؟!!!!!
ايش هالزوق الي عليكي ..

زي الي بشتري بيت ابيض , وكل حيطانه بيض ... ما عدا الصالون بدهنو فسفوري ..

يا صبايا في اشي اسمو (تلبيق) ..

مو كل وحدة بلبقلها اللنسيز .. ومش كل وحدة حطت لينسيز ازرق او اخضر معناته صارت حلوة
بالنسبة الي بشوف دايما العيون شو ما كان لونها بتكون احلى من اللينسيز ..

مش اني ضد الموضة .. بس انه والله مو حلو بطلع عليكي اللينسيز

لأ ولما تيجي تنصحها وتقلها هالحكي , أو لما هي تسألك (حلو علي اللينسيز الازرق ) , وحكتلها لا والله مش كتير ... بتزعل وبتعتبرك جرحت مشاعرها ..

وبتيجي تاني يوم لابسه لينسيز اخضر ( قال يعني انو الازرق مش حلو عليها , الاخضر بطلع احلى ) .. وبتسألك نفس السؤال

ويا ويلك لو حكتلها مش حلو عليكي .. والله ممكن يصير معها انهيار عصبي , او حالة نفسيه مستديمة بتقعدها بالبيت باقي عمرها بدون ما تطلع ..

وكلو كوم ولما تقعد تحلف مليون يمين انه عيونها هيك لونهم وهاد مش لينسيز .. مع انو لسه مبارح شفت لون عيونها صفر .. واليوم ازرق .. كيف صار هيك؟؟

لأ والي بفكر انها بتكون مرتاحة وهي لابسة لينسيز , بكون غلطان ..
بتلاقيها على طول بتدمع وعيونها بحرقوها ..

( بس مش مشكلة , كل هاد بهون بسبيل انها تطلع احلى )

انا برأيي :

كل اشي طبيعي احلى , خصوصا العيون دايما الله بخلقهم مناسبين لشكل البنت ..
بس الي حابه تعمل تغير بعيونها بدون قصص الينسيز ..

طالع جديد موضة اللينسيز الأحمر .. ومنو كمان بتفرجي العين الحمرة لكل الي قدامك .. ههههههههههه

و ما بتكلف كتير .. راس مالها كمية صغيرة جدا من شامبو صانسيلك او بيبي ماجيك .. وحطيه على رموشك , وغمضي عينك وفتحيها بسرعه , اربع خمس مرات لحد ما تحسي بحرقة بعيونك من الشامبو ..
وهيك بتحول لونهم لأحمر .. بدون ما تكلفك العملية سعر اللينسيز ..

وهيك برضو لما بسألوكي عن لون عيونك طبيعي ولا لينسيز .. بتحلفيلهم يمين بعين قوية انهم طبيعين هيك ومش لينسيز ..

2 :

بالعيد طالع اعيد على صحابي واسلم عليهم , وطبعا وبما انه مامعي سيارة فنزلت عالشارع اوقف تكسي
اول مرة بكون بدي تكسي و بلاقي بنفس الشارع اكتر من عشرة ..

بس ولا واحد فيهم بوقفلي

قررت اركز الشوي , و اشوف شو القصة معقول انا بأشّر لتكسي محمل معه ناس؟ دققت بنظري وتمعّنت منيح

اكتشفت انه انا قدام بنات مش تكاسي ..

انو شو قصة اللون الاصفر بالعيد يا صبايا ؟ ... شو يعني طلعت موضة الاصفر يعني لازم كل البنات يلبسو اصفر؟

زي بلوزة ( I love shopping in Tokyo ) بصراحة اول ما شفتها كانت لابستها بنت بالجامعه , وكانت حلوة .. تاني يوم بتطلع حواليي كل بنات الجامعة لابسين زيها

والي بدها تغير وتعمل حالها متميزة عن غيرها بتلبس بلوزة ( I love shopping in London ) .. قال يعني غيرت

بس العتب مش عليهم بس .. العتب على الصناعات السورية والصينية ,

الي بتقلد كل اشي بنزل .. يعني ياحرام اول وحدة لبستها كانت شاريتها من stready بمبلغ وقدره ..

بعد بيومين كل البنات اشترو نفس شكل البلوزة بأربع ليرات

(و هدية كريم اساس مع كل بلوزة) هههههههههه , ومافي وحدة تنازلت تلبس غيرها ..

( بس مش مشكلة , كل هاد بهون بسبيل انها تطلع احلى )

انا برأيي :

جمال المرأة هو بتميزها .. يعني تميزي عن غيرك .. بتكوني احلى ..

مشان هيك روحي يا بنت افتحي خزانة امك و ألبسيلك بلوزة من السبعينات مزركشه ومكشكشة ..

هدول البلايز الي بتكون نص كم ولونها احمر و body من تحت وعريضة من فوق ..

ومعها قبة خنق كمان

انتي هيك لو لبستيها هاي البلوزة بتحسي حالك الوحيدة بالعالم الي لابستيها ..
وهيك بتضمني انو ماحدا يقلدك , وتضلي احلى وحدة بنظر العالم ..

2:

آآآآآآآآآه من عجينة البيكنغ-باودر ولا الاسمنت والطحين الي بحطوها على وجههم ..

لأ اسمو بودرة صح؟

الجمال هو بتقاطيع الوجه .. مش بأنو البنت تكون سمرة او بيضة.. فاتحه او غامقه
مشان هيك الي بتحاول تفتح لون بشرتها بالي بتحطه على وجهها بقلها والله مو حلو
لأ وقال مشان تزبط شكلها اكتر , بتحط احمر على خدودها

يعني بودة بيضااااااا على خدود حمر وشوية حمرة .. بصير شكلك زي التمثال تبع ماكدونالدز

مع احترامي الشديد الكم .. انا مش ضد المكياج , بالعكس لازم البنت تطلع بأحلى شكل الها ..
بس مش بالطريقة هاي .. ولا بكمية البودرة هاي ..

بتزكر موقف صار , كان الدكتور يوزع علامات الامتحان .. وبحكي اسم كل طالب وعلامته ..

قاعدة جنبي علبة بودرة حاطه بنت على وجهها ..... قصدي بنت حاطة علبة بودرة على وجهها

حكا الدكتور اسمها وطلعت علامتها ( 12 من 30 ) ..

فالبنت من الصدمة ضربت حالها كف (لطمت) .. اول ما ضربت حالها كف انتشرت الغبرة بكل مكان ..

وعبتني بودرة وانا صرت اقح (اسعل) و انقطع نفسي , وحسيت الدنيا ضباب .. ولدقيقة شكيت انو الدنيا رح تشتي (تمطر) بالقاعة ..

و صار بدي تنفس اصطناعي وشوي وبقلب عالارض على ضهري وبفعفط زي الصرصور الي ماكل 3 رشات بيف باف .. وحاتي حالة ..

يعني والله لو واحد غيري معو ربو او مشاكل بالنفس , كان راح فيها
كل هاد مشان ضربت حالها كف وتطايرت البودرة من خدها ..

وشوفو المصايب كيف بفصل الشتا والدنيا بتشتي , كيف بتسحل البودرة من وجه البنت , ولو كانت بلوزتها سودا بتتعبها بقع بيضا من البودرة الساحلة من وجهها

( بس مش مشكلة , كل هاد بهون بسبيل انها تطلع احلى)

انا برأيي :

بما انك حابة يروح لون وجهك ويصير فاتح , بقترح عليكي تشتري سطل (جلن) دهان املشن ابيض , و انقعي وجهك فيه لمدة 5 ثواني ..

بأذن الله بطلع وجهك ابيض ومخطوف لونه ومش مبين اشي الا البياض ..

او انزلي على مكان جيبي 4 عمال وشوال اسمنت ايبض و 5 ليتر مي ..

وخليهم يجبلو (يخلطو) المكونات كلها مع بعض .. وصيري لزقي على وجهك منه تلزيق , وانا بوعدك انه اول ما تحطيه على وجهك عمره ما رح يسحل مع الشتا او يطلع منه غبره ..
يعني رح يضل وجهك ابيض لحد ما تشتري مبرد او ورق قزاز وتحتي بشرتك حت فيهم لحد ما يروح
..
ما رح اكمل حكي عن الكعب العالي الي والبنت ماشية فيه بكون لازمها تكون حاملة قشاطة او عصاي طويلة للتوازن .. مشان ما توقع لا يمين ولا شمال ..

ولا حاب احكي عن تمشيط الرموش ,

ومش ناقص غير تعطي رموشك وش تمليس أو تقصيه كيرلي ..

ولا رح احكي عن الاضافر الطوال كتير ,

الي ما بخليها لا تاكل ولا تشرب منيح , وحتى طباعة عالكيبورد صعبة .. بتلاقيها كل 4 احرف جنب بعض بتكبسهم مع بعض بالغلط من اضافرها الطوال

ولا رح احكي عن الحلق الي بتحطه على ادانها , والاصل هو ثرية لازم تتعلق عالسقف ..

ولا رح احكي ولا احكي ولا احكي..

لأنو لو بدي اكتب كل اشي بدي 20 جزء , مش بس جزء واحد

( بس مو مشكلة , كل هاد بهون بسبيل انه البنت تطلع احلى .. )

لا تزعلون فقط للفرفشه

وإن شاء الله ما ابيحذفوه هالمشرفين ما عندهم مزح هههههههههه

سلامي لكم

نسكافيه 6 · 11-05-2009, 12:47

مشكوووره على الطرح
بس الناس اذواااق والستايل والموده تغيرت عن قبل...الحين كلشى غريب حلوو وفاشن

اللمسة الحنونة · 11-05-2009, 14:07

مشكوووووره على طرحك للموضوع بس كل مين وله طريته وله ذوقه والناس اذواق مع تحياتي

ذي النون · 11-05-2009, 22:18

اقتباس:

المشاركة الأصلية كتبت بواسطة اللمسة الحنونة

مشكوووووره على طرحك للموضوع بس كل مين وله طريته وله ذوقه والناس اذواق مع تحياتي

السلام عليكم

كلامك أكيد الموضوع كله م باب الهزار والفرفشه مس أكتر

دمت بخير يا لمسه

المنسية · 05-06-2009, 02:47

هههههههههههههههههههههههههههههههه الله يقطع شيطانك ذي النون بجد ضحكتيني الله يسعدك يارب
صح الناس اذووق بس لازم يراعون ان هالشي يناسبهم مو يضحك الناس عليهم
وهالمقطع فطسني ضحك بجد الله يعينها هالبنت خخخخ
بتزكر موقف صار , كان الدكتور يوزع علامات الامتحان .. وبحكي اسم كل طالب وعلامته ..

قاعدة جنبي علبة بودرة حاطه بنت على وجهها ..... قصدي بنت حاطة علبة بودرة على وجهها

حكا الدكتور اسمها وطلعت علامتها ( 12 من 30 ) ..

فالبنت من الصدمة ضربت حالها كف (لطمت) .. اول ما ضربت حالها كف انتشرت الغبرة بكل مكان ..

وعبتني بودرة وانا صرت اقح (اسعل) و انقطع نفسي , وحسيت الدنيا ضباب .. ولدقيقة شكيت انو الدنيا رح تشتي (تمطر) بالقاعة ..

و صار بدي تنفس اصطناعي وشوي وبقلب عالارض على ضهري وبفعفط زي الصرصور الي ماكل 3 رشات بيف باف .. وحاتي حالة ..

يعني والله لو واحد غيري معو ربو او مشاكل بالنفس , كان راح فيها
كل هاد مشان ضربت حالها كف وتطايرت البودرة من خدها ..

الله يعطيك العافيه على هالطرح عزيزتي

ذي النون · 05-06-2009, 11:51

اقتباس:

المشاركة الأصلية كتبت بواسطة المنسية

هههههههههههههههههههههههههههههههه الله يقطع شيطانك ذي النون بجد ضحكتيني الله يسعدك يارب
صح الناس اذووق بس لازم يراعون ان هالشي يناسبهم مو يضحك الناس عليهم
وهالمقطع فطسني ضحك بجد الله يعينها هالبنت خخخخ
بتزكر موقف صار , كان الدكتور يوزع علامات الامتحان .. وبحكي اسم كل طالب وعلامته ..

قاعدة جنبي علبة بودرة حاطه بنت على وجهها ..... قصدي بنت حاطة علبة بودرة على وجهها

حكا الدكتور اسمها وطلعت علامتها ( 12 من 30 ) ..

فالبنت من الصدمة ضربت حالها كف (لطمت) .. اول ما ضربت حالها كف انتشرت الغبرة بكل مكان ..

وعبتني بودرة وانا صرت اقح (اسعل) و انقطع نفسي , وحسيت الدنيا ضباب .. ولدقيقة شكيت انو الدنيا رح تشتي (تمطر) بالقاعة ..

و صار بدي تنفس اصطناعي وشوي وبقلب عالارض على ضهري وبفعفط زي الصرصور الي ماكل 3 رشات بيف باف .. وحاتي حالة ..

يعني والله لو واحد غيري معو ربو او مشاكل بالنفس , كان راح فيها
كل هاد مشان ضربت حالها كف وتطايرت البودرة من خدها ..

الله يعطيك العافيه على هالطرح عزيزتي

السلام عليكم ورحمة الله وبركاته
مشكوره اختي اسعدني مرورك

ميموزة · 05-06-2009, 12:43

هههههههههههه ذي النون الله يسعدك ضحكتني بتشبيهاتك
ع العموم زي ما قالوا البنات الناس اذواق و لو لا اختلاف الاذواق لبارت السلع

ابيض القلب · 05-06-2009, 13:15

هههههههههههههههههههههههههههههههههههههههههههههههههه ههههههههههههههههههههههههههههههههههههههه

يعطيك العافيه بس عن جد انت لازم تصير رفيقي من اليوم ورايح هههههههههههههههههههه

taghy · 05-06-2009, 13:49

هههههههههههههههههههههههههه
من جد ضحكتني من قلب يعطيك العافيه اخي ذي النون اكثر حاجه عاجبتني هذه

( بس مش مشكلة , كل هاد بهون بسبيل انها تطلع احلى)

العمده · 05-06-2009, 13:51

يعطيك العافيه

ذي النون · 05-06-2009, 14:24

السلام عليكم ورحمة الله وبركاته
هههههههه لا تاخدن على حالكن
وأكيد أأأأأأأأذواق كل شئ
يالله من باب الفرفشه اتحملوا
ولو انه كلامي أكيد صح

أسعدني مروركم

zomaright · 21-06-2009, 11:10

مجهود قيم جدا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معلش الصبايا تتحملني ............!!!