عالم الحياة الزوجية - منتدى

ثلاثيني ومنفصل · 12-05-2009, 00:46

اذكر يوم اني صغير اني كنت فلتة زماني في مادتي الإملاء والتعبير ، يعني ما فيه كلمة ما اعرف اكتبها .. ومرت الايام... وراحت ايام وجت ايام ودخلت الجامعة ، وفي هذه الاثناء بديت اتعرف على شي يقال له " كيبورد " وانا من اول ما شفته يعلم الله اني ما حبيته ... لكن على راي المثل اش حادك يالمسمار قال المطرقة !
وبديت احس ان هالكيبورد جالس يخرب شي بس مدري وشهو هالشي مدري .... ومرت الايام (مره ثانيه ) وقدر الله عليّ وصرت راعي منتديات ( وهي بالمناسبة توازي من حيث الدلالة على الدشرة كلمة راعي قهاوي )... وبدت علاقتي في المدعو كيبورد تزيد وهو يخربني ويدشرني كل يوم اكثر من اللي قبله ... وفي يوم من الايام ......
اكتشفت الحقيقة المرّة .. ولا عاد دريت وين اودي وجهي من الناس ... هذه الحقيقة يا محفوظين البقا والسلامه تكمن في اني ضيعت كل قواعد " وقوائم" الإملاء !!!!
وخاصة هذين الحرفين التعيسين ( ظ ) و ( ض ) ولا تهون الهمزات
وصرت مع مرور الايام ما اكتب كلمة فيها حرف من هالحرفين الا لازم اتصل على اي واحد من اللي يحبون الستر واسأله ( هي بعصا والابدون ؟؟)
ولكن الموضوع زاد عن حده وصار كل من قابلني يواسيني ويقترح علي الحلول اشكال والوان ومن (ضمن) <== الله اعلم بحالها هذه الحلول :

- واحد يقول لي اذا جيت تكتب تخيل انك حجازي وانطقها بلهجة اهل الحجاز .. واذا نطقتها اقرب لحرف الدال (د) فهي الله لايعوق بشّر بدون عصا ... اما ان كانك نطقتها اقرب لحرف الزاي (ز) فلا فيها شك انها بعصا !!
ورغم وجاهة هذا الحل الا اني اصلاً ما اعرف اتكلم بلهجة اهل الحجاز .. وصار الحل اني كلما صرت اكتب اتصل على زميل لي من اهل مكه واقول له (اتحداك تقول " ظلام " عشر مرات ) وصرت اغير الكلمة في كل مرّه حسب الورطه!!!... لين الرجال بدا يشك في تصرفاتي ولا عاد يرد على مكالماتي

- وواحد يقول لي ما عليك منها اصلاً هذي اللي بدون عصا ما لها اي لزمه واسفها اذا جيت تكتب ولا تعبرها ... لانها حرف زايد ... ويضيف ان العرب ما استفادوا شي من وجود هذا الحرف في لغتهم الا التضييق على خلق الله !
- والثاني يقول ابشرك بيخترعون " كيبورد " توصله باسلاك في جبهتك ( زي حقة تخطيط القلب ) وتصير تقعد قدام الجهاز وما عليك الا تفكر في الكلام اللي تبغى تكتبه وهو يكتبه بنفسه وكفى الله المؤمنين شر القتال !

وصراحة اعجبني الحل الأخير لوجود الامكانيات فانا عندي جبهه من الممكن ان اركب فيها برج جوال .. يعني ما عندي مشكله من هالناحية ،، بس فيه مشكلتين في هالحل الاولى "انهم" مابعد اخترعوا هالجهاز .. والثانيه اني فكرت في بعض الناس من زود الانسانية اللي ماراح يشتغل معهم الجهاز ... لأنه يشترط انك تفكر قبل ما تكتب .. يعني تخيلت واحدن من العيال الله يذكره بالخير موصل الاسلاك في جبهته ومرتز قدام الجهاز اربع ساعات يبغى يكتب والجهاز يقول بينه وبين نفسه .. اللهم لك الحمد ..
هذه هي مشكلتي با ختصار ... واللي عنده حل لا يبخل علينا .. ترى الحال ما يسر

على الهامش .. ( اهداء لتلك الطاوله في ذلك المقهى ) ...

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا

غلا1234 · 12-05-2009, 01:09

هي العرائس لا تبـلى على قِـدَمٍ *** في كل آن ترى من حسنها شانـا
تهديـك كلَّ جديد من ولائـدهـا *** كفلقة البـدر ، بل فاقتْـه إحسانـا
وصوغُها لصحيح الفكـر يكسبـه *** فوق الوضوح بيانـاً جـلّ تبيانـا
والشعر أغرودة اللهفـان يرسلهـا *** نفثـاً يحرك في الأعماق أشجانـا
يلقيـه نبضاً يهيـم السامعـون به *** ويلهـب القـوم إحساساً ووجدانـا
يثيـر فيهـم غراس الخيـر يانعة *** ويدفـع القـوم للميـدان شجعانـا
والنثر نسجٌ حوى من سندسٍ ألَقـاً *** فيه السنـاء، ومن إسـتبرق زانـا
يعلو به مَن سمت في قلبـه فِكَـرُ *** جُلّى تساوق في الأثمـان عِقيانـا
لله درُّ لسـان الضـاد منـزلـة *** فيهـا الهـدى والندى والعلم ماكانا
لم اكن من عشاق هذة اللغة ولكن احببتها بل وعشقتها وهذا الفضل الى معلمتي
التي لا انساها تلك التي حببتني في الاعراب والشعر الفصيح وتخصصت بعد ذلك
في اللغة العربية
معلمتي لكي مني
كل الشكر والاحترام
استاذتي --لطيفة--
تلميذتك---------------------

ثلاثيني ومنفصل · 12-05-2009, 01:13

اقتباس:

المشاركة الأصلية كتبت بواسطة غلا1234

هي العرائس لا تبـلى على قِـدَمٍ *** في كل آن ترى من حسنها شانـا
تهديـك كلَّ جديد من ولائـدهـا *** كفلقة البـدر ، بل فاقتْـه إحسانـا
وصوغُها لصحيح الفكـر يكسبـه *** فوق الوضوح بيانـاً جـلّ تبيانـا
والشعر أغرودة اللهفـان يرسلهـا *** نفثـاً يحرك في الأعماق أشجانـا
يلقيـه نبضاً يهيـم السامعـون به *** ويلهـب القـوم إحساساً ووجدانـا
يثيـر فيهـم غراس الخيـر يانعة *** ويدفـع القـوم للميـدان شجعانـا
والنثر نسجٌ حوى من سندسٍ ألَقـاً *** فيه السنـاء، ومن إسـتبرق زانـا
يعلو به مَن سمت في قلبـه فِكَـرُ *** جُلّى تساوق في الأثمـان عِقيانـا
لله درُّ لسـان الضـاد منـزلـة *** فيهـا الهـدى والندى والعلم ماكانا
لم اكن من عشاق هذة اللغة ولكن احببتها بل وعشقتها وهذا الفضل الى معلمتي
التي لا انساها تلك التي حببتني في الاعراب والشعر الفصيح وتخصصت بعد ذلك
في اللغة العربية
معلمتي لكي مني
كل الشكر والاحترام
استاذتي --لطيفة--
تلميذتك---------------------

علمينا وين مدرسه لطيفه ولا رقم المدرسه كود تساعدنا

أنسانه86 · 12-05-2009, 01:19

اقتباس:

وواحد يقول لي ما عليك منها اصلاً هذي اللي بدون عصا ما لها اي لزمه واسفها اذا جيت تكتب ولا تعبرها ... لانها حرف زايد ... ويضيف ان العرب ما استفادوا شي من وجود هذا الحرف في لغتهم الا التضييق على خلق الله !

هههههههههههههههههههههه
اشكرك اشكرك اشكرك اخي فلقد أدخلت السرور على قلبي كلامتك وربما اضحكتني كثيراً وذكرتني بمعانتي وامور مضحكه اكثر..
الا بالمناسبه وش الصح؟؟بما انك على حسب وكالة يقولون خبير بحرفي الضاد والظاء

محاضره /محاظره
^
^
عسى ماتعقدت
هذي الكلمه يمكن من الأشياء الي ضحكتني كانوا دايم علماء قسمنا يختلفون عليها وتخرجت وهم ماأجمعوا على رأي للحين؟!!!
طبعاً انا من أنصار الفريق الأول!!
عاااااادي أخي كلنا نفس الحاله..والله اكثر شئ يضيق صدري بردودي الأخطاء الإملائية بس حنا بعصر السرعة صعب كل رده اكتبه ادقق مره وهمزات وشفت وماادري ايش خلاص أهم شئ الناس فاهمه مع ان كان عندي وسوسه بالأملاء والفصيح كنت داااايم احس مستحيل اتنازل عنه وانتقد الي يكتب بالعامي بس خلااااااص المبادئ تغيرت لإن الحياه تغيرت ...

غلا1234 · 12-05-2009, 01:26

استاذتي لطيفة هي ايضا كاتبة صحفية اكن لها كل الحب والاحترام

كم وقفت معي مواقف لا انساها ما حييت

هي معلمة في

جدة

غلا1234 · 12-05-2009, 01:29

الصح محاضرة

ثلاثيني ومنفصل · 12-05-2009, 01:32

اقتباس:

المشاركة الأصلية كتبت بواسطة أنسانه86

هههههههههههههههههههههه
اشكرك اشكرك اشكرك اخي فلقد أدخلت السرور على قلبي كلامتك وربما اضحكتني كثيراً وذكرتني بمعانتي وامور مضحكه اكثر..
الا بالمناسبه وش الصح؟؟بما انك على حسب وكالة يقولون خبير بحرفي الضاد والظاء
محاضره /محاظره
^
^
عسى ماتعقدت
هذي الكلمه يمكن من الأشياء الي ضحكتني كانوا دايم علماء قسمنا يختلفون عليها وتخرجت وهم ماأجمعوا على رأي للحين؟!!!
طبعاً انا من أنصار الفريق الأول!!
عاااااادي أخي كلنا نفس الحاله..والله اكثر شئ يضيق صدري بردودي الأخطاء الإملائية بس حنا بعصر السرعة صعب كل رده اكتبه ادقق مره وهمزات وشفت وماادري ايش خلاص أهم شئ الناس فاهمه مع ان كان عندي وسوسه بالأملاء والفصيح كنت داااايم احس مستحيل اتنازل عنه وانتقد الي يكتب بالعامي بس خلااااااص المبادئ تغيرت لإن الحياه تغيرت ...

امحق خبير .. لو خبير ماسدحت هالموضوع ..

أشوى انه ماهوب انا بلحالي اللي عنده هالمشكله ..

توقيعك ذكرني بكليتي ( البطحاء ) <<<< كلية الادآب بجامعه الملك سعود

..

حنونه* · 12-05-2009, 02:27

والله ياثلاثيني جبتها عالجرح الموضوع هذا حايس البشريه لكن على حسب معلوماتي المتواضعه شلون افرق بين (( ض )) و (( ظ )) أن الكلمه اللي تقدر تنطقها بالحرفين وماتلاقي فيها صعوبه في النطق
فهذي هي (( ض )) مثل كلمة الضالين
أما الكلمه اللي فيها (( ظ )) فمستحيل تقدر تنطق(( الضاد)) فيها مثل كلمة ظل يعني تطلع الكلمه صعبه
في النطق وشكلها غلط
جرب ياثلاثيني وشوف

ثلاثيني ومنفصل · 12-05-2009, 02:40

اقتباس:

المشاركة الأصلية كتبت بواسطة حنونه*

والله ياثلاثيني جبتها عالجرح الموضوع هذا حايس البشريه لكن على حسب معلوماتي المتواضعه شلون افرق بين (( ض )) و (( ظ )) أن الكلمه اللي تقدر تنطقها بالحرفين وماتلاقي فيها صعوبه في النطق
فهذي هي (( ض )) مثل كلمة الضالين
أما الكلمه اللي فيها (( ظ )) فمستحيل تقدر تنطق(( الضاد)) فيها مثل كلمة ظل يعني تطلع الكلمه صعبه
في النطق وشكلها غلط
جرب ياثلاثيني وشوف

مساهمه قيمه حنونه .. شكرا لك

غربة وطن!!! · 12-05-2009, 02:56

الحمد لله احس اني اخلااااااااق مررره مع حرف الضاد والظاء حتى الكل يسألني ((ترى من الله مو شطاره))
بس اللي قاهرني اذا صححت للناس الكلمات سواء عبر رسايل الجوال او المسن يزعلوووون ,وقايله لكم منذ مبطي ان جيل المولدين طلع!!!

*ماء السماء * · 12-05-2009, 04:30

لا تعب نفسك .....هذي خلقه _شد بلاده _ يعني مالك أمل ...

*ماء السماء * · 12-05-2009, 04:37

كسرت خاطري خذ هاذي القاعده ....
أي كلمه تبدأ بأحد هذه الحروف .."أ..ت...ذ...ز...ث...ص..ض...س..."
لا يوجد فيها حرف ظ أبدا....

* الـنـجـلاء * · 12-05-2009, 10:01

امممممممممممممممممممم"ماعندي حل"

بس الاسلوب كان ممتع .. ومرح .. اضحكني وشدني للقراءة للاخر
والحلول اللي اضافوها (فتنه وحنونه ) حلوه
الله يسعدك

ثلاثيني ومنفصل · 12-05-2009, 10:17

اقتباس:

المشاركة الأصلية كتبت بواسطة غربة وطن!!!

الحمد لله احس اني اخلااااااااق مررره مع حرف الضاد والظاء حتى الكل يسألني ((ترى من الله مو شطاره))
بس اللي قاهرني اذا صححت للناس الكلمات سواء عبر رسايل الجوال او المسن يزعلوووون ,وقايله لكم منذ مبطي ان جيل المولدين طلع!!!

كلمه اخلاق جايه عندك بمعنى غير عن اللي عند الناس كلها .. ياغربه بس كني فهمت ان معناها يعني ( تمام )

مشكوره لطلتك

اقتباس:

المشاركة الأصلية كتبت بواسطة %فتنه%

كسرت خاطري خذ هاذي القاعده ....
أي كلمه تبدأ بأحد هذه الحروف .."أ..ت...ذ...ز...ث...ص..ض...س..."
لا يوجد فيها حرف ظ أبدا....

والله طلعتي منتي سهله يافتنه وطريقتك قعدت اقلبها مناسبه والله بس مشوار .. ولو انها اهون من مكالمه صديقي راعي مكه .. بعدين ماعمري شفت ال ظ جاء بعد ذ .. ز .. ث .. ص .. س

مشكوره

اقتباس:

المشاركة الأصلية كتبت بواسطة * الـنـجـلاء *

امممممممممممممممممممم"ماعندي حل"

بس الاسلوب كان ممتع .. ومرح .. اضحكني وشدني للقراءة للاخر
والحلول اللي اضافوها (فتنه وحنونه ) حلوه
الله يسعدك

ويسعدك يارب ومشكوره على المرور

نجديه والهوى شرقي · 12-05-2009, 12:17

ماعندي مشكلة مع ض وظ بس من كثر مانشوف (ظحكت)(ظغطي) شكل عيوننا بتتعود ونكتب مثلهم
وفيه غلطة كبيرة وهو لفظ الجلاله الله ناس تكتبها (اللة)
اما أنا ناس نصحوني((( فتحي عيونك)) وانا عيوني مفتحه حتى لزقتهم بشطرطون من ذاك اليوم.
هذولا الناس تعرفهم يكتبون
ترى كثير بالالف الممدودة (ترا) وانا خبري مقصورة وشكيت بنفسي قلت ناس محترفين بتصيرين
اعرف منهم حتى مرة كتبت ترى بالالف الممدودة مثلهم بس نقدت على نفسي يعني مع الخيل ياشقرا
وبعد البحث والتحري لقيت صح علي الف مقصورة
وفيه شي محيرني وهو كتابة
يالله نروح.... مثلاً يعني معناها الاستنجاد بالله فالقيت ناس تكتبها ياله ناس تعرفهم او يلا ياليت احد يفيدنا
مرة ثانيةلاحد ينصحني (( فتحي عيونك))

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الووووو .. مرحبا .. ممكن مساعده