عالم الحياة الزوجية - منتدى

AHM22 · 14-05-2009, 15:11

السلام عليكم ورحمه الله وبركاته

اخواني انا سبقت وقلت لكم اني صديقي كلم اخته عشان اتقدم لها وقال لها على وضعي ان البنت صلحت راح يتقدموا اهلي لها و نملك عليها هالشهر والزواج السنه الجايه ., ردت وقالت انها ماتبي الملكه هالشهر تبي الملكه و الزواج السنه الجايه يعني بمنعى اني احجزها يا اخوان مايصير احجزها 5 او 6 اشهر وبعدين املك عليها صح كلامي يا اخوان و لا مايصير احجزها انا ما ضمن نفسي ولا اضمنها يمكن تغير رايها ويضيع وقتي في انتظار ولا استفيد شي هل انا على صواب ام لا, اوافق على كلامها بس احس كل انها متردده ومتخوفه وتقول ابي الملكه والزواج السنه الجايه مابي ملكه احين ردوا علي بسرعه بنفجر انا

nicememe · 14-05-2009, 15:25

اذا انت ارتحت لها وهي ارتاحت لك توكلوا على الله.. لكن اذا ما تعرف شكلها ولا صفاتها وهي ما تعرف عنك كثير.. فأقولك لا ما ينفع تحجز وانتو ما شفتو بعض.. اذا انت موافق عليها مبدأيا.. سوا نظرة شرعية.. واستخير واذا في نصيب خلاص اصبر كم شهر.. هاي مافيه تغييير راي طالما شفتو بعض..بيمشون بسرعه.. موفق ان شاء الله

ea24 · 14-05-2009, 15:57

أخى ...
إذا إنتو موافقين على بعض ومقتنعين
ببعض فمافى مشكلة من التأجيل
دام إنكم رايدين بعض .. أما إذا إنت
حاسس إن هذا تردد منها فسيبها
على راحتها إلين تأخد قرارها .. والتردد
والرجعة الحين أحسن كثييييييييييير
من بعدين .....
وربنا يوفقكم .. وتقبل مرورى .

مدري احبه ؟؟ · 14-05-2009, 16:27

انت شفتها ؟؟

يعني صار نظره شرعيه والا لسى ؟؟

[ آلنور ] · 14-05-2009, 16:50

نصييييييييحه لآ تحجزها ولا شي
قولها شرطي الملجه الحين .!
والله بتتحسف بعدين
مابتقدر تحس انها خطيبتك ولا بتاخذ راحتك وياها .!

مدري وش اسمي نفسي · 14-05-2009, 17:57

طيب نفس سؤال سميتي

انت شفتها نظره شرعيه ولا لا

وبعدين وش اسباب التأخير ؟

لي رجعه بعد ردك

AHM22 · 14-05-2009, 20:48

لا ماشفتها ولا هلي تقدموا لها انا قلت لاخوها يكلمها قبل لا اهلي يكلموا اهلها بحكم صداقتي معه العريقه

انا قلت له اليوم لو هي موافقه يكلموا اهلي اهلك تكون الملكه بشهر 8 بالعطله وعاد هذه اخر شي اقدر اسويه

مدري وش اسمي نفسي · 14-05-2009, 21:36

اخوي دام البنت وافقت مبدئيا مثل ماقلت بس المسأله مسألة تأخير ووقت

تقدم رسمي وشوفها نظره شرعيه وخلها تشوفك

سبحان الله انت ماتدري هالنظره وش كثر لها تأثير لك ولها كمان

يمكن البنت ترتاح لك وتوافق على موعد الملكه

بس قبل كل شي استخير وكثر استغفار

اعقلها وتوكل

والله يكتب لك الي فيه الخير ويتمم لك على خير

بالتوفيق وبشرنا

AHM22 · 15-05-2009, 14:19

والله مدري

مدري احبه ؟؟ · 15-05-2009, 15:09

انت لازم تشوفها والنظره تحدد اذا ارتحت او مارتحت وكمان هي تحدد احساسها

وماينفع تجلس كذا معلق لاتعرف شكلها او شعورك ناحيتها ،،،افرض صبرت 5 شهور وشفتها وماصار ارتياح منك او منها

يكون راح الوقت على الفاضي ،،انت لزم على النظره ان ارتحت لهاوهي ماصار منها اعتراض خلاص ذاك الوقت

اطلب الملكه مثل ماقلت شهر 8 حلو ""

انا من وجهة نظري لا تطول فترة الخطبه ما ترسيك على بر لكن الملكه حلوه

حاول والله يوفقك ويكتب لك اللي فيه خير ولا تنسى الاستخاره استمر عليها ""

موفق

AHM22 · 15-05-2009, 16:52

انا بنتظر هالاسبوع فقط اذا وافقت بتقدم لها رسمي بخلي امي تكلم امها ويحددوا الوقت ووقت الشوفه واذا ما وافقت الله يوفقها ويستر عليها

6الحضري6 · 15-05-2009, 17:11

البنت ما ودها تتخذ قرار وبعدين تندموا عليه انتم الاثنين
ودها تتعرفوا علي بعض اكثر تفهمها وتفهمك من خلال فترة الحطوبة
ويمكن تكون خايفة من الملكة لاسباب خاصة بها والدليل رغبتها في الملكة والدخلة في وقت واحد
لا تعكر صفوك
كل التوفيق

very love · 16-05-2009, 00:29

بعض البنات عليهم حركات ترفع الضغط وانا اؤيدك في حسم المسألة والزواج جد مو لعب انتظر واحجز الزواج خطبة وكتب كتاب اما اني احجزها هدا في عرف القبايل وليس في عرف الشرع.

мόόη Ļίģħт · 16-05-2009, 02:26

وش فيكم شبيتوا بالبنت

بالعكس رايها سليم

انت للحين ماشفتها وحددت الملكة .......

الامور تجي بالتدريج .. اول تشوفها بعد ما ترتاحون لبعض ممكن تناقشها او اهلها بمسألة الملكة

وتسمع رايهاا بالموضوع

سنة ملكة... طويله ... ممكن قبل الزواج باربع او ست شهور بالكثير تتم الملكة

منها مايصير ملل وتشتاقون للزواج اكثر

اذا باختلاف الراي من اولها بتعصب ......... الله يعينك ^.^ الزواج يبليه طولة بــــــــــــــــال

حياويهـ · 16-05-2009, 06:21

شوفها نظره شرعيه . وأول شيء أستخير وان كان لك خير بهالأمر راح يسهلها ربي عليك وأن كان مافيه خير
راح تتعقد عليك المسئله .
أخوي مافيه مثل الأستخاره وبعدها النظره الشرعيه والملكه والزواج .
الله يوفقك يارب .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

رفضت