عالم الحياة الزوجية - منتدى

أديب-القصيمي · 14-05-2009, 22:55

سوالف حريم حش بعد العرس ..
السلام عليكم..

كلام الحريم بعد ما يطلعوا من العرس
اركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات العبايات تلخبطت

الثالثه : يا ليتنا ما رحنا زواجهم

ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه:n:؟

الثالثه : لا والله ما شفتها 00انا ما شفت ولا شي في الزواج 00 طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته خلود؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس تضحك عليك يا هبلا 00تلقينه من محلات ابو عشره

وقــــــــــفه...... فاصل اعلاني ..الجوالات ادهرت شوي

الغريب والعجيب انهم واثناء حديثهم في السياره يقولون لبعضهم 00خلاص يا بنات بس 000ترى ما يجوز نتكلم على الناس0
تكــــــــــــــــــــــــمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها :d

الثانيه : وجع في شكلها هي وولدهها0 ..قاعده تقطع لي من اللحم الكبار اللي ما ينوكل وهي طايحه في اللحم الزين0

العشاء :

ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه ..شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00 صح والله 000ما يجوز 000بس شفتي 000 وشفتي 00 وشفتي

واخيرا وصلنا المنزل

00شوفو لي حبتين باندول ولا اقول

الكرتون كله الله لا يهينك ...

لا بعد الله لا يوريكم ..هذا حش يوم واحد ..

تحياتــــــــــــــــــي :

خآيفهـ · 14-05-2009, 23:01

هههههههههههه
مشاهد حلووة
يعطيك العاافيه

عود روويان · 14-05-2009, 23:04

حرام عليك ما وصلنا لهالدرجه

عبق الرحيق · 14-05-2009, 23:05

الكلام صحيح ميه بالميه
وش يسون إذا ماطلعو إلي في قلوبهم
يمكن تحدث كارثه

أديب-القصيمي · 14-05-2009, 23:08

اقتباس:

المشاركة الأصلية كتبت بواسطة خآيفهـ

هههههههههههه
مشاهد حلووة
يعطيك العاافيه

الله يعفيكي أسعدني مرورك بس وش منه خايفه

أديب-القصيمي · 14-05-2009, 23:09

اقتباس:

المشاركة الأصلية كتبت بواسطة عود روويان

حرام عليك ما وصلنا لهالدرجه

مدري بس عود وريان لكن سعدنا بمرورك والحريم بربرتهن واجد

taghy · 14-05-2009, 23:10

هههههههههه
والله صدقت اخوي اديب فعلا والله هذا الواقع بس حرام لانجمع مو الكل
تقبل مروري اختكtaghy

أديب-القصيمي · 14-05-2009, 23:12

اقتباس:

المشاركة الأصلية كتبت بواسطة عبق الرحيق

الكلام صحيح ميه بالميه
وش يسون إذا ماطلعو إلي في قلوبهم
يمكن تحدث كارثه

أسعدني مرورك

ضــي شاعـرهــا · 14-05-2009, 23:13

يااحول ارحمكم يالرجاال ماهمكم الا الحريم وش سون وش قااالن

لبيه · 14-05-2009, 23:14

ههههههههه الحش لابد منه صراحه الكذب خيبه ..

يمكن هاذي عروس أول قبل مااطلع على الدنيا ..

اولاً: الحين ممنوع اصطحاب الاطفال والبطاقات شخصيه ...

ثانياً: ماعاد فيه تقطيع لحم الناس الحين بوفيهات وشوك وسكاكين وصبابات للقهوه ..

عود روويان · 14-05-2009, 23:15

اقتباس:

المشاركة الأصلية كتبت بواسطة أديب-القصيمي

مدري بس عود وريان لكن سعدنا بمرورك والحريم بربرتهن واجد

لا الحين ودرن البربره ... عندهن موضه يديده طايحات فيها .. لو مرت وحده ما يداننها اتغامزن والا اشرت للي عندها ... بصــــمت من غير حش يعني

أديب-القصيمي · 14-05-2009, 23:15

اقتباس:

المشاركة الأصلية كتبت بواسطة taghy

هههههههههه
والله صدقت اخوي اديب فعلا والله هذا الواقع بس حرام لانجمع مو الكل
تقبل مروري اختكtaghy

لاء وزيدك من الشعربيت شف الكذب لاشرن الفساتين تشريه 200تصلل علي صديقتها والله تعب ونا دور بس شريت واحد 1400ريال

الله من الصدق خرط في خرط فاضي لكن اسعدني مرورك

لحظة عشق · 14-05-2009, 23:19

هههههههههههه ما اقول غير الله يكون فعون السواق بس...

أديب-القصيمي · 14-05-2009, 23:19

اقتباس:

المشاركة الأصلية كتبت بواسطة أمل المنتظر

ههههههههه الحش لابد منه صراحه الكذب خيبه ..
يمكن هاذي عروس أول قبل مااطلع على الدنيا ..
اولاً: الحين ممنوع اصطحاب الاطفال والبطاقات شخصيه ...
ثانياً: ماعاد فيه تقطيع لحم الناس الحين بوفيهات وشوك وسكاكين وصبابات للقهوه ..

أشكرك علي الصراحه يالغاليه

باليل أصالي حميات المحميس
وصبح أصالي كل قبا قحومي

القائل الشيخ تركي بن حميد رحمه الله

ضــي شاعـرهــا · 14-05-2009, 23:21

القصيمي من يعلمك بهالسوااالف اعترف اشووف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)