عالم الحياة الزوجية - منتدى

sun shin · 15-05-2009, 05:30

السلام عليكم ورحمه الله وبركاته
بصراحه انا عضوه جديده وهذا اول موضوع لي
تصفحت المنتدى قبل تسجيلي وجدت فيه الفائده والراي السديد
لذلك حبيت اطرح مشكلتي لعل وعسى الاقي عندكم الجواب الشافي
مشكلتي هي التالي:
قبل فتره 6 شهور تقريبا تقدم لخطبتي شخص اتصلو اهله وجاؤ للنظره الشرعيه وجاء معهم الخاطب
دخلت على اهله ثم هو نظره شرعيه اعجبتهم وانا ايضا ارتحت للعائله
مشت الامور تمام لكن اتصل بعدهم خطاب اخرين علما ان الاول كان مدخن وانا كنت رافضه للمدخنين
ولكن استقبلتهم بحكم العمر المهم تقدم لخطبتي اشخاص اخرين استقبلناهم والاول قلنا لهم ابوها رافض التدخين وفعلا والدي لايحب المدخنين
تقدم الثاني وجاؤ اهله وهو ليروني نظره شرعيه
وتمت الموافقه منهم ومنا مع ان الخاطب الاول لم ييأسو طلبو رقم والدي ليقنعوه بأمر التدخين وان الشاب سوف يتركه
المهم ان الثاني استمرينا نحن واياهم قرابه الثلاثه اشهر جرى خلالها تحليل الفحص قبل الزواج
كنت متردده ولكن اقناع الاهل ان هذا الشخص افضل من الاول وانه غير مدخن هو الذي اضطرني للموافقه واجراء التحليل
رغم اني لم ارتاح للشخص
المهم بعد اجراء التحليل طلبو تحديد موعد للشبكه والملكه وانا كنت اؤجل الموضوع
اتصلو عائله ثالثه استقبلناهم رغم اننا لم نرد الاول كانو اهلي يقولون خلينا نشوف ه1ول اول مانقدر نرد الثاني يمكن الثالث هذه مايوافق تضطرين تاخذين الثاني
استقبلناهم لكن قبل اتصلت على شيخ وسألتهعن حكم استقبال خاطب ثالث رغم عدم رد الاول
قال لي اذا الاول مايعرف عن الثاني شي يجوز يعني شوفو الانسب لكم
مشيت على كلام الشيخ استقبلناهم ووافقو
بعدها ردينا الشخص الى حللت معه
لكن قبل لايجي الشخص الثالث هو واهله حلمت حلم
فسرته عند شيخ قالي حلمك يدل على علم قريب سيحدث وان الزوج الى بتاخذيه يمكن ماراح تحبينه في البدايه لكن لعل الله يؤدم بينكما
المهم
تمت الملكه
وتملكت على الشخص الثالث اخر المتقدمين
ولكن .. المشكله تبدأ هنا
الخاطب الثاني لما رديناهم زعلوكثير وتكلمو كلام ماله داعي
الصراحه انا خفت فكرت كثير وحسيت اني اخطأت ورتكبت شي محرم وخايفه من العقوبه
خفت انهم يدعون علي ان الله مايوفقني في زواجي لاننا رديناهم يعني
المهم اقولكم تملكت على الثالث
لكن ماارتحت والله حالتي سيئه جدا مااعرف سبحان الله حسيت نفسي مسيره ماني قادره اقول لا او نعم
الان انا ماابغى هذا الزواج
ارجوكم انصحوني
مع العلم ان لي تقريبا اسبوع زوجي ماطلب رقمي من اخواني علشان يكلمني يعني
الى اعرفه ان الزوج اذا تملك ياخذ رقم زوجته علشان يكلمون بعض يتعرفون على بعض اكثر
مااعرف وش اسوي يااخواني
هل انتظر لما يكلمني او ارسل له رساله تبلغه اني ارفض الزواج وابغى افسخ العقد؟؟
دلوني وارشدوني
والله حالتي سيئه
ماابغى اصير بعداد المطلقات وانا توني ماتزوجت؟؟
وانتو عارفين نظره المجتمع كيف
يعني ابغى افسخ العقد فسخ بدون طلاق
مع العلم اني مكرهه على الزواج بطريقه نفسيه
يعني منكلام اهلي انتي كبيره بكره بتاخذين مطلق او معدد
ماراح احد ينفعكومن هالكلام
قد اجد عندكم الراي السديد وتساعدوني ارجوكم
اختكم
sun shin

همس طفله · 15-05-2009, 06:10

وانا اختك استخيري

وربي ماعندي حل بس اللي اقدر اسوي

اني ادعي لك ربي يسعدك ويوفقك ويعطيك على نيتك

وربي معاك ان شاء الله

أوراق بيضاء · 15-05-2009, 06:57

يااااااااااااااااختي اللي صار صارلا تجللسين تفكرين كثير توكلي على الله واستخيري وادعي كثير وبالنسبه انه ماطلب رقمك علشان يكلمك والله ياقلبي بعضهم مايفضل يكلمها الا قبل الزواج بفتره بسيطه والله يوفقك ويسعدك ويجمع بينكم بخييييييير

Njo0oud · 15-05-2009, 07:35

ياااقلبي الله يعيييينك

اذا انتي مانتي مرتااااحه للشخص افسخي ملكتك منه قبل لايطيييح الفاااس ع الراااس وربي

وانا احس من كلاامك ابد انك مو مرتاااحتله

نصيييييييييييييييييحه مني

اذا انتي مارتحتي للزوااج من هالشخص افسخي الملكه وماااعليك من احد ع الاقل انتي بنت احسن من تكووونين مطلقه صدقيني

بعديين حررام معطين النااس الثااانين كلمه وحللتوو وكل شي اووكي وبعدين رفضتيه عشاان الثاالث

اوشلوون خليتي الثااالث يشووفك شووفه شرعيه وانتي عن قريب بتصيرين ع ذمت الثاااني ماايجووز وربي مااالومهم لو يزعلوون

انا احس انك مااالك راااي شخصي

يعني تمشيييين برااااي اهلك كثيير ولاتشووفين وين مصلحتك فييه

اذا انتي مانتي مرتااااحه استخيري والله يفرجها عليك يارب العاالمين

وبالتوفييييييييق يالغلا <قلبي دااعيلك

نبـ الروح ـض · 15-05-2009, 07:53

\\
كيف كذى الان كل الثلاثه شافوك بوقت متقارب
نصيحه لك ولاخواتك
لو مارضيتوا بخاطب ارفضوه على طول من غير ماتركنون على الرف
وبعدين الشوفه من البدايه غريبه !!
المهم الحين انتي تملكتي
استخرتي ؟؟؟
لايهمك الاحلام ولا التفاسير
لانك لو استخرتي ربي بيسهل لك امر حتى لو ماكنتي مقتنعه ربي بيسهل لك اللي يرضيك
باذنه ان شاء الله
الله يكتب لك الخيره
\\
في حفظ الله

sun shin · 15-05-2009, 09:49

مشكورين كثير على اهتمامكم بالموضوع والرد عليه

بالنسبه للاستخاره استخرت كثير كثير

اقولكم مااعرف وش الى صار مع الثالث مرت الامور بسرعه كأني مسيره يعني ماقدرت اقول شي سبحان الله

الا لما صارت الملكه حسيت اني قمت من حلم او غفله وفكرت وحسيت اني ماني مرتاحه

نبض الروح احنا رفضنا الاول قبل لايجي الثاني

لكن استمرينا مع الثاني لما جاء الثالث

عارفه ان الى صار غلط ومعترفه

وحاسه الى صار لي عقوبه يعني لاني رديت الثاني واحنا حللنا

ماعاد لي رغبه بالزواج

نفسيتي مدمره

لكن ابي اعرف هل ممكن افسخ العقد ؟؟ بدون طلاق يعني؟؟

ومن ناحيه الحكم الشرعي يجوز؟؟

ارسلت لمشايخ على الايميل لكن الله يهديهم ماردو على

عرفت الان ان الراحه هي الاساس بالزواج

لامال ولاغيره

اهم شي تكون الوحده مرتاحه

مشكورين مره ثانيه والله يعطيكم العافيه

MSsْْ~5 CHANAIL · 15-05-2009, 12:44

يابعد الدنيا انتي .. خووووفك جداا طبيعي لا تخافين .... شي جداا عاادي والشخص الي قالك عليه الشيخ هو ذا انك ماراح تحبينه اول شي وبعدين يؤم بينكم .. بعدين انتي مثلي حسااسه شوووي وموسوسه ... وغير كذا ارسي لك على بر لا تتشتتين هذا يجي وهذا يجي اقتنعي بواحد وخلااص لا ترددين بينهم .. اسال الله العظيم رب العرش العضيم ان يرزقك من لا يرى غيرك ويؤم بينكم ويجعلكم احباءه ويجمع بينكم بخير ..

MSsْْ~5 CHANAIL · 15-05-2009, 12:46

غير كذا مو شرط يكلمتس .. يعني انه ماعبرك والا مااهتم والا ان فيه بلا .. هو بعد مسكين مايعرف وش رده الععل ولا متلخبط مثلتس .. انا اخواني كذا مااخذ الرقم الا قبل اسبوع من العرس ..مع انه حنون وطيب جداا بس عليه دفاااشه اف تطفش .. ربي يوفقتس

مدري احبه ؟؟ · 15-05-2009, 15:30

الله يعينك اذا تبين الجد قصتك اغرب خطوبه سمعت عنها لكن هذا نصيبك ""

انتي اللي فيك تأنيب ضمير على الثاني وحسيتي انك ظلمتيه بسبب الثالث لذلك اللي فيك مو عدم راحه من خطيبك

بل اللي معذبك احساسك بالذنب والظلم بدليل انك تقولي خفتي يدعوا عليك ماتتوفقي بزواجك ""

لكن ياحلوه لاتشيلي هم ولا تخلي فكرة الانفصال تسيطر على تفكيرك انتي

تذكري تفسير حلمك (بالبدايه مابتحبيه لكن سيؤدم بينكم باذن الله )

خلاص ارتاحي ولا تفكري باللي صار من قبل وانظري لمستقبلك وحياتك ""

اما عدم مكالمة خطيبك وعدم طلبه لرقمك ياقلبي افكار الشباب اشكال الوان

بعضهم يخجل يطلب الرقم ويكلم وبعضهم يحدد لنفسه فتره معينه لين يحس نفسه مستعد انه يتصل

وبعضهم مايحب يكلم ابد واكثرهم يبي الاتصال قبل الزواج بفتره قصيره ""

يعني ريحي بالك واستمري على الاستخاره ولا تتسرعي وتستعجلي بفكرة الانفصال

ماتدري اش راح يصير اذا كلمك وصار بينكم تواصل يمكن تحبيه ويصير كل دنيتك

انتي هونيها وتهون ""

الله يكتب لك اللي فيه خير يالغلا ""

"زياد" · 15-05-2009, 15:59

ايش هذي اللعبة!؟!

يجي واحد يكمل ويخطب ويسوي فحص وتلعبون عليه!.!
بصراحه اكيد بيزعلون معناها انتم مالك احترام للعوايل

لكن اللي بقوله لك اذا كان الخاطب الثاني لايدخن واخلاقه كويسه

فليه تروحين لثالث!؟! هل هم سلع او بيع وشراء لكي تنظرين للافضل!

استخيري ربك وعلى طول لاتجلسي تلعبين بالناس

sun shin · 15-05-2009, 18:14

يعطيكم العافيه

لكن زياد احنا ماوفقنا عليه بنيه تركه يعني كانت الامور بتمشي تمام لكن انا ماكنت مرتاحه او بالاحرىمو مقتنعه

لكن قلت يمكن هذا شي طبيعي اني ماارتاح يمكن الاهل ادرى لكن والله انو مااعرف قلت لكم لما خلص التحليل وقالو متى الشبكه بديت اؤجل الموضوع واتردد اكثر

مع اني خلال الفتره كلها ماتركت الاستخاره

كنت خايفه ومتتردده

خلال تاجيل تقدم الثالث

والشيخ قالي هنالك امور تحدث حتى لو كنا مانريدها

واعتقد هذا الى صار وحتى الموضوع اقولكم مااعرف وش صار كاننه مر بسرعه بدون ان اقدر اتكلم فيه

الحين ارجوكم

الى عنده خلفيه عن موضوع فسخ العقد؟

يصير في حالتي فسخ؟؟؟

او لابد من الطلاق؟؟

وشاكره للكل تعليقهم

نبـ الروح ـض · 15-05-2009, 18:40

\\
اختي بما انك تملكتي لو فسختي العقد معناه طلاق
هذى اللي اعرفه
وبما انك استخرتي تطمني
واتوكلي على الله وسوي اللي ربي كاتبه
ما ادري كيف اوصلها بس الاستخاره نهايتها الرضى
\\
الله يوفقك

صفحات لم تقرأ · 15-05-2009, 19:03

وعليكم السلام ورحمة الله وبركاته

إذا استخرتي ومااقتنعت فيه لاتوافقي من بدايتها ,, مالها داعي المرمطه

وأعتقد إن فسخ العقد يعتبر طلاق

والله يكتب لك إللي فيه الخير

sun shin · 15-05-2009, 19:42

اخوي نبض الروح

انا قرأت ان المرأه ممكن تفسخ عقد الزواج بدون طلاق في حالات

انا استخرت صحيح والله ماخليت يوم الا استخير وادعي

ووقتها ماحسيت بشي

بعد الملكه ظهر الاحساس

اقولكم للحين مااعرف وشلون صار الموضوع بسرعه كأني صحيت من غفله بعد الملكه

ولكني تأخرت

اشكر لكم كلماتكم ونصائحكم

تــولا · 15-05-2009, 19:57

الصراحة مو فاهمة للحين وش مشكلة زوجك الحالي -الخطيب الثالث- عشان تبغين تتطلقين منه؟

كلمتيه؟ شفتيه؟ تناقشتوا... ما يجي كذا من الباب للطاقة تقولين بأتطلق
اصبري وشوفي وش يطلع معاك.. حتى لو فسختي العقد تعتبرين مطلقة.. يسمونها مطلقة قبل الدخول بها.. اعطي نفسك والرجال فرصة قبل لا تقررين..
لا يحس بالرفض منك بعدين ياخذ موقف.. تأني شوي واستخيري..
اعتقد إنك مو واثقة من قرارك بسبب الرجة اللي صارت لك.. أجل 3 خطاطيب بنفس الوقت..
أعيدي التفكير في وضعك وخذي وقتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجو مساعدتي في مشكلتي