عالم الحياة الزوجية - منتدى

غير متواجد · 16-05-2009, 11:25

السلام عليكم يا احلى أعضاء

تعودت ان اطرح مشاكلي وهمومي هنا لأني اجد من يستطيع الوقوف معي وحل مشاكلي فشكراً لكم من القلب مقدماً

ندخل في الموضوع

احب خطيبتي ولكني أكره تصرفاتها وعدم تفهمها لي

تفاهمت معها ووضحت لها عيوبها بطريقة بعيده عن التجريح ولكن بدون فائدة

قبل لا أخطبها كنت احلم ببنت ذات جمال واخلاق , متعلمة ومثقفه , متفهمه للأمور , هادئة الأطباع , خجولة بدرجة معقولة فيها روح الأنوثة والدلع , ذوق , راقية بأفكارها

لقيت في خطيبتي : جمال وأخلاق , غير متعلمة وغير مثقفه وانصدمت من عقليتها , غير متفهمه , جريئة , انوثتها ودلعها وذوقها ورقيها مو ذاك الزود

مشكلة التعليم طلبت منها تكمل دراستها ورفضت

تفهمها للأمور تحسن شوي لكن ليس في كل مره

اللي مكرهني في طباعها انها جريئة

انوثتها ودلعها فيها تحسن بعد مانصحتها اختي

ذوقها بدت تتطور شوي

كيف اتفاهم معها وأخليها تغير هذي الطباع اللي مو عاجبتني فيها أبد

والله ياناس احبها وما ابي اخسرها لكن اذا بتستمر معي بطبعها ذا والله ماراح ارتاح معها

أتمنى منكم ايجاد الحلول المناسبة وشكراً

مجـرد رأي · 16-05-2009, 12:03

هلا فيك اخوي كم عمرها ?? وكم صار لكم مع بعض ??
وانت خاطبين او مملكين

لان العمر له دور اخوي

7kem · 16-05-2009, 12:03

كويس أنها تتدلع ....
أحسن شي الدلوعة ... لازم تقنع بالشي هذا ... وتعتبره شي حلو وتتعامل معه
هذا طبع البنت ... وهذا نصيبك ....
هد أعصابك ... عطها ... دلعها ... وصلها للي هي تبية ...
أعرف وش رغبه البنات وطموحهم في أزواجهم ...
خلك أحسن منهم وخلك أفضل مما هي تتصور ...
خلها تاخذ عنك إنطباع كويس
خلك كريم معها .... تكرمك ...
أن دفعت فأنت قاعد تدفع من جيبك لجيبك ... ماخسرت شي

ومن الناحية العاطفية ...صدقني البنت كثر ماتعطيها .....
والله تعطيك أكثر مما تتصور ... وجهلها ماراح يضرك ... أنت اللي راح تعلمها .... وهي راح تعتمد عليك ...
حسسها بأنوثتها .... راح تحسسك برجولتك وتطيعك بسبب إحساسها بأنوثتها ...
صر طيب .... تصير أطيب
دائما خيرها في أي شي ... خلها تختار بنفسها ..... ماتصدق وش هو مردود أسلوبك ... والله بتصير أمير ... والله أمير وأنت تختار اللي تبيه ... صدقني

اميره على نفسها · 16-05-2009, 12:05

اخى اسال الله العلى القدير ان يجمع بينكم على خير اخى اذا كنت تحبها بصراحة فيجب عليك ان تدافع عن حبك ولذلك يجب ان تناقشها فى كل ما يزعجك منها ورغب لها فى التعليم لان التعليم يساعد على اتساع افق الشخص وهذا الشئ فى صالحها حاول ان تجعلها تحس بالغيرة فاكثر ما يحرك المراة الغيرة مثلا اخواتى يحملن الشهادة الفلانية ايضا زوجات اصحابى ربما هذا الشى يغير فيها ساكنا ويجعلها تفكر مليا فى ارجوع الى التعليم اسال الله لك التوفيق

ابيض القلب · 16-05-2009, 13:45

لا تورط نفسك اكثر

انت ماحبيتها ولا هي حبتك

عط نفسك فرصه في البحث عن شريك تعيش معاه حياتك يحبك وتحبه

تشكرات يادنيا · 16-05-2009, 17:57

اقتباس:

المشاركة الأصلية كتبت بواسطة ابيض القلب

لا تورط نفسك اكثر
انت ماحبيتها ولا هي حبتك
عط نفسك فرصه في البحث عن شريك تعيش معاه حياتك يحبك وتحبه

والله مدري كيف تنصحون بالفرااااق ؟؟
اذا الشي ما يمس الدين والشرف والاطباع الشرسه جدا رجاااااااااااااااء لا احد ينصح بالفراق
هذا دمار بيوت وكسر نفوس خلوا نصايحكم بعيده عن هالشي
والله يعمر كل بيت يارب
اما بالنسبه للموضوع
كيف تقول ما عاد اطيقها وبداخل الموضوع تقول احبها
اللي يحب يصبر ويحلا بعينه كل شي الذوق تتعلمه والعلم مع وقفتك معها ولما تحببها فيك راح تكمل علشانك
وبعدين ما اظنك خطبتها وانت ما تعرف تعليمها وذوقها اقلها التعليم اكيد انك عارف وش حصيلتها من العلم الدراسي والذوق بعد اكيد اهلك شافوها وذوق الوحده يبان من اول مره
ولا السالفه سالفة ((الكمال)) بأعلى الصوووووووووووووت يا شباب الكمال والله مو موجود بغير رب العالمين
لا بد من النقص ويتفاوت هالنقص من شخص لشخص تغااااااااااااااااااضوا خذوا الحياه ببساطه اذا غلطت بكلمه اضحك وخذها بمزح اذا شي ما اعجبك بلبسها اشتر لها شي على ذوقك وخلها تلبسه
ومع الوقت وبعد الزواج ولما تطلعوا السوق مع بعض وتختار لها شوي شوي راح تتعود على ذوقك ما تشوف الاطفال اذا لبس امهم حلو يصير لبسهم حلو حتى بعد ما يكبرون ؟؟
ترى الزوجه نفس الشي بس يبي صبر وحب ((حب)) ((حب)) ضروري الحب اتاكد من مشاعرك اول واذا تحبها سو الكلام اللي قلتلك فوق وخذ اللي ناسبك من هالكلام
اما الجرأه ترى الرجااال هم السبب حيروووا البنات انا والله مع اني من بنات حواء لكني ارفض وبشده البنت الجريئه لدرجة اني ما اتكلم ولا اسولف معها بالجلسه لكن انت مع قربك منها راح تعرف نوع الجرأه
لان الحين نصايح الزواج دايم يرددون عالبنت خليك جريئه معاه واعطيه كل شي علشان تملكيه وترضيه وانا وحده من اللي جتها من هالنصيحه كثيييييييييير عند زواجي
الخص كلامي في كذا جمله
((اطرد الشيطان - احسن الظن -تاكد من مشاعرك واذا انه حب صدق تمتع فيه ومتعها فيه-عش حياتك واسعده-راعي مشاعرها-واهم شي خاف الله فيها وعاملها باللي يرضي رب العالمين-تغاضى عن الاشياء البسيطه واحمد ربك عللى انه توفر شي من رغباتك بزوجة المستقبل فيها غيرك ترى ما حصل شي))
وبالتوفيق يااااااااااااارب للجميع

نوافـــ · 16-05-2009, 21:28

اخوي مبين ان البنت نفسها ماهي واعيه ومبين عليها لا زالت بسن المراهقه
للمعلوميه ونصيحه لك اخذ لك بنت مناسبه لوضعك المادي لانها بتكون فاهمه
انت شنو قاعد تتكلم عنه لما تنصحها او تفاتحها باي موضوع لانها نفس المراحل
الي مريت فيها انت بالتفكير راح تكون مرت فيها اهي وايضا لا توهق نفسك
بشي انت مانت مرتاح له انا خايف بكرا اذا تزوجت تشوف طلباتها الي تكسر ظهرك
بدون مراعاه لطموحك واحلامك وخايف من انك تضطر للدين من الرجال فانصحك تعيد النظر
مره اخرى وافضل شي لاعاده النظر الاستخاره لله سبحانه وتعالى

** دلع ** · 16-05-2009, 21:48

الله المستعان

يستاهل البرد من ضيعك · 16-05-2009, 22:17

الي فهمته منك انك تحبها

بس انك ما تطيق بعض الصفات الى فيها

حاول انك تعدل الاشياء الى ما تبيها فيها

ومثل ما قالواا لك ما فيه شى كامل

حنين الفؤاد · 16-05-2009, 22:33

الزواج ياخوي مو لعبه

اصبر وتحمل وتأكد مو كل شي تبيه راح تلقاه

واكيد هي بعد فيك صفات ماهي عاجبتها

محد كامل احسك مكبر السالفه

وتدور اعذار عشان تهرب من المسئولية

الزواج اذا منت قده خل البنت في بيت اهلها معززه مكرمه

مو تاخذها كم يوم وتطلقها لاسمح الله بزعم انك منت طايقها

اصحى وفوق وانتبه لنفسك

وياشباب خافو الله في بنات النااااااااااااااس !!!!!!!!!!!!!

همس طفله · 17-05-2009, 06:26

بعد كلام اختي تشكرات يادنيا و حـــنــــيـــن الـــفــــــؤاد

مالي كلااام وفيتوا وكفيتوا والله

وتاكد مثل مافيها عيوب بعد انت يمكن هي شايفه فيك عيوب

مااحد كااااامل وانا اختك

واذا على التعليم صدقني اذا حسستها بحبك لها راح تسوي كل شي يسعدك

ربي يهدي سركم ويوفقكم ويسعدك

سلطان الفنان · 17-05-2009, 12:45

تحسسني انك تبي موديل معين ولا يتغير
اذا كان كذا تفكيرك اخوي صعب تلقى
حاول ان تتكيف مع صفاتها وان تغير الصفات اللي ما تعجبك بالعقل والحب
واللي تعجبك نميها وامدحها فيها
زوجه هالمقاس صعب جدا
التعليم مو بالشهادات بل بخبرة الحياه وتعليمنا اذا تقرى وتكتب كفايه
الدلع خبرها وفهمها ولكن هذي طبيعتها
الجرأة انت زوجها وهالشي يفرحك مو يزعلك واذا مو جريئه مع زوجها
تتجرأ على مين
شوف اخوي كل شي بالحب والصبر يصير تمام والنقد الدائم والمجهري
شي مكروه وانت ما نظرت لعيوبك ممكن انك تملك اكثر من عيوبها

يا أغلى من روحي علي · 17-05-2009, 13:12

اذا انت تحبها يبي لك سنه وزياده على أساس تمشيها على اللي تبي وتطبقه.

صبراً جميل والله المستعان.

fahad189 · 17-05-2009, 13:22

اقتباس:

المشاركة الأصلية كتبت بواسطة حنين الفؤاد

الزواج ياخوي مو لعبه
اصبر وتحمل وتأكد مو كل شي تبيه راح تلقاه
واكيد هي بعد فيك صفات ماهي عاجبتها
محد كامل احسك مكبر السالفه
وتدور اعذار عشان تهرب من المسئولية
الزواج اذا منت قده خل البنت في بيت اهلها معززه مكرمه
مو تاخذها كم يوم وتطلقها لاسمح الله بزعم انك منت طايقها
اصحى وفوق وانتبه لنفسك
وياشباب خافو الله في بنات النااااااااااااااس !!!!!!!!!!!!!

اتمنى منك ان تقراء نصيحة اختنا حنين ززززززين

ولاهو نقص في كلام اخوانا الباقين

ساحر القلوـوـوب · 17-05-2009, 13:38

اقتباس:

المشاركة الأصلية كتبت بواسطة حنين الفؤاد

الزواج اذا منت قده خل البنت في بيت اهلها معززه مكرمه
مو تاخذها كم يوم وتطلقها لاسمح الله بزعم انك منت طايقها
اصحى وفوق وانتبه لنفسك
وياشباب خافو الله في بنات النااااااااااااااس !!!!!!!!!!!!!

أخي قبل الزواج عليك التأكد من مشاعرك تجاه ( خطيبتك )

إن وجدت نفسك قادر على تحملها بمحاسنها وعيوبها

توكل على الله وأعزم .

وإن وجدت نفسك غير قادر فهنا يخشى على الفتاة من مغبة " الطلاق "

وتكون أنت السبب في ذالك ,,, لعلمك المسبق بعيوبها التي أنت تجدها مشكلة بالنسبة لك !

هذه فترة الحسم حتى لا نجد خسائر أكبر لا قدر الله ...

بعد الزواج .

ولا تنسى الدعاء لله والإستخارة

وفقك الله .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبتي ماعاد أطيقها وش أسوي معها !!!