عالم الحياة الزوجية - منتدى

رمـــ قلب ـــاد · 18-05-2009, 21:59

اخوتي في منتداي الرائع

اتمنى أن يكون لديكم حل لمشكلة احدى قريباتي

فهي لديها ابن عمره قارب العشرين عاما

يعني انه على نهاية سن المراهقة

عانينا معه كثيرا من سوء تعامله مع امه وابوه

على انهما اخوانه الصغار

وعندما جلسنا لنتفاهم معه بشكل ودي وحوار

وسألناه عن السبب

قال..انا مو قادر ادخلها في عقلي مسألة ابو وأم

مو قادر استوعبها

احسهم مثل باقي البشر

حقوق والدين وهذا الكلام مو راضي يدخل عقلي

وفي نهاية كلامه قال ساعدوني لأستوعب هذا الامر!!

ما الحل في نظركم

كيف نتصرف معه

انتظركم بفارغ الصبر

mrARAB1 · 18-05-2009, 22:05

شوفي من زرع حصد و اهله اهملوا تربيته و لسه تذكروا بعد عشرين سنه. لا يصلح العطار ما افسد الزمن. الحل الوحيد من وجهت نضري انه يتم تقويت الوازع الديني عند الولد و هو تدريجين راح يتقي الله في ابوه و امه بس في المقابل لا يضغطوا عليه دينين كثير لكي لا يتحول التدين الى تطرف اعمئ. و على الاب و الام محاولت فتح صداقه مع الابن و يتكلموا معاه الى ان يفهم كل منهم الاخر

قمة بس مغمور · 18-05-2009, 22:09

انا قد مرت مشكلة تشبه هالمشكلة في واحد من اقاربي ...

واظن ان السبب في ذلك الافراط في اهتمامهم في وحبهم الشديد الين انعكس حال الولد من تبادل الحب والاهتمام الى العكس

اعتقد ان الخلل في معاملة الوالدين لو احسنوهايعني يكون في جد وفي حواجز بدون افراط في الاهتمام والخوف عليه اعتقد راح يتعدل مع الوقت وانا افضل من ناحيتي لو يعيش الولد عزوبية على الاقل شهرين عشان يعرف قدرهم

تحياتي ..

صفحات لم تقرأ · 18-05-2009, 22:14

الحل بسيط ..

أبوه ياخذ خيزران ويكسرها على ظهرها << والله إنه يعرف حقوق الوالدين

عجيب أمره ..!!

أتوقع المشكلة في التربية .. الوالدين دلعوه بزياده ..

الله لايبلانا والله يصلحه ويهديه ..

رمـــ قلب ـــاد · 18-05-2009, 22:18

اشكركم من قلبي على التفاعل الرائع

بس انا اعرف هذا الولد كيف تربى

هو مدلل والديه ولم يتعاملوا معه يوم الا ك
أصدقاء

احس ان رد قمة بس مغمور قريب جدا من حال الولد

اكرر شكري

وفي · 18-05-2009, 22:42

انا من رايي
ان يتدخل احد في نصحة
مثل امام المسجد
لانه لن يقتنع من كلام والدية
مع كثرة الدعاء

سلطان الفنان · 18-05-2009, 23:46

باين ان اهله دلعوه واجد
الولد اذا ما تربى من صغره راح يواجه مشاكل اذا كبر
خليه يستخدم الشده معاه اذا غلط
محتاج تربيه من جديد

وجـــدان غـــاليتك · 19-05-2009, 00:11

..سبحان الله موقادر تدخل مسألة الأب والأم في عقله ..صدق عمربن الخطاب يوم قال(أذهب أنت وأبنك لقد عقته قبل أن يعاقك)هذي هي نتيجه الدلال والأفراط لين يصير الولد ما عاد يحترم لا أب ولا أم ..المفروض مايشتكون لأنهم هم وصلوه لهذي النتيجه عقو ولدهم وربه على الدلال والحين يصيحون منه ..الله يعينهم على ما جنت أيديهم المفروض لا أفراط ولا تفريط في التربيه ..أسأل الله الكريم رب العرش العظيم أن يصلح شأنه ويشرح صدره ويجعله أبر الناس بولديه اللهم عاجل غير أجل امين ..أتمنى الأعضاء يفيدونك أكثر...تقبل مروري..

nona3asal · 19-05-2009, 00:52

اكيد دلعوه زياده بس مينفعش العنف معاه لانه مش عيل عليهم بالدعاء ويحاولوا معاه بهدوء ربنا يهديهلهم

رمـــ قلب ـــاد · 19-05-2009, 02:31

الله يجزى كل من رد الجنة بغير حساب

احب اقول ان الولد ما كان كذا

صحيح ما كان يظهر البر

بس كمان ما كان يتعامل بهذا العنف مع والديه

خلال سنة دراسته في الجامعة

تفكيره انقلب و تعامله تغير

الله يصلحه

وجـــدان غـــاليتك · 19-05-2009, 02:46

اقتباس:

المشاركة الأصلية كتبت بواسطة رمـــ قلب ـــاد

الله يجزى كل من رد الجنة بغير حساب

احب اقول ان الولد ما كان كذا

صحيح ما كان يظهر البر

بس كمان ما كان يتعامل بهذا العنف مع والديه

خلال سنة دراسته في الجامعة

تفكيره انقلب و تعامله تغير

الله يصلحه

..طيب والده مايعرف شي عن أصدقاءه بلجامعه هل هم صالحين طالحين ..يعني هو تربيته من أول موعلى أساس صحيح ..ومع دخلته الجامعه زاد البلاا ..الصاحب ساحب ..يحاولون يعرفون ولدهم مع مين يمشي لأن اليوم صار مايحترم أهله طيب..أخاف لا قدر الله يطلعلهم بشغله ثانيه بعد..الله يسترعليه وعلى ولديه ويرده للحق ويبر فيهم قبل فوات الأون ..أتمنى الأعضاء يفيدونك أكثر تقبل مروري..

قحطاااني ماااركه · 19-05-2009, 02:49

اقتباس:

المشاركة الأصلية كتبت بواسطة رمـــ قلب ـــاد

الله يجزى كل من رد الجنة بغير حساب
احب اقول ان الولد ما كان كذا
صحيح ما كان يظهر البر
بس كمان ما كان يتعامل بهذا العنف مع والديه
خلال سنة دراسته في الجامعة
تفكيره انقلب و تعامله تغير
الله يصلحه

من خلال متابعتي للردود وجدت ان المشكلة تربويه بالمقام الاول

الولد نشأ على الدلال وعدم إحترام الوالدين

بعد ما كبر وصار رجل ما عاد يحتاج والدينه انقلب ضدهم لأنه بالأصل لا يؤمن بشئ أسمه والدين ؟!!

يحتاج تثقيف ديني بشكل مكثف ويبن له عقاب العقوق وفوائد البر

خال تقديري

بيـ مسافات ـننا · 19-05-2009, 02:50

انشاللهـ لكل مشكلة حلّ بإذن الله ..

صحيح مشكلة الولد غريبه وجريئه بنفس الوقت .. لكن الشدّة ماراح تنفع بالعكس راح تزيد حالة الولد ..

من المفترض انه الأهل يجلسون مع ولدهم ويشرحون له بطريقة سهلة ليش الوالدين لازم نبرّ فيهم .. يجيبون

أمثلة من الصحابه وكيف كان برّهم بأهلهم ..

ويحددون يوم يطلعون الوالدين مع ولدهم لدار العجزه .. يدخلون مع بعض .. وهنا يكون دور الوالدين لازم يكون

قوي .. يعني يحاولون يأثرون بولدهم بشكل غير مباشر مثلاً : يحكي الأب مع رجل كبير بالسن ويحاول يعرف

قصة دخلوه للدار .. يناقشون الأخصائي الاجتماعي ويعرفون أغلب دخول الآباء للدار ليه ..؟

ويذكّر الأب ولده انه ممكن في يوم من الايام أولاده راح يدخلونه هنا لو مابرّ في والدينه .. لأن الدنيا سلف

ودين ..

برضو ممكن يخلي ولده يقابل أي شخص بعمر الولد فقد احد والديه وكيف حياته بدونهم .. سواءا من أطفال

دار الحضانه الاجتماعيه أو أولاد عاديين بس فقدوا احد والديهم ..

لاتلومون الولد .. صحيح هو غلطان لكن المراهقه فترة عصيبه جداً .. وممكن الانسان تجيه أفكار عجيبه

ومايقدر يتحكم فيها .. الأمثلة الحيّة بواقعنا زي هذي الزيارات ممكن توعينا وترجعنا لوعينا لأنه احنا بشر

ومهما كان نتأثر ..

والله يهديه انشالله ويصلح قلبه ..

شذاء · 19-05-2009, 03:03

الله يحفظهم هالمراهقين كل يوم يطلعون بطلعه غريبه.............
انا اعرف واحد كان هادي ومهتم بدراسته.......ولاراهق مثل بابقي الشباب.....فجاءة بعد اول سنه بالجامعه انقلب وصار ملتزم واطلق لحيته وصار يسوي حركات غريبه كانه مريض نفسي.....وشدد على امه وخواته وامه قويه ماخلته يسيطر عليهم..بس انها تعبت منه بسب الحركات اللي يسويها..تحرجها..لا وجاه حالة سكوت غريبه لانه من النوع اللي يسولف......اي صح وحول من قسمه الي كان مرة ممتاز الى شريعه......يعني ضيع دراسته وبدا من جديد.وبعد فتره رجع يطول الثوب وشال اللحيه.وانقلب ثرثار مايسكت لدرجة ان الكل يتضايق منه لان كلامه وافكاره غريبه مرة يقول بغازل ومره باتزوج ومره بسافر ومره بيزوج ابوه......وجاه اسراف في الفلوس بشكل كمو طبيعي...وامه سالت دكتور وقالها خلوه هذا توه يراهق ويبي يلفت نظركم واهتمامكم له........ويراهق الحين احسن مايراهق بعدين..........الله يكون في عون امه..........ادري طولت بس حبيت اذكر لك هالقصه لان الواحد اذاشاف اللي عند غيره تهون مصيبته.........

بحر وغروب · 19-05-2009, 03:11

سبحان الله الانسان مايعرف قيمه الشي الا اذا فقده ,,,
خلوه يفقد اهله شوي ,,,
يفقد اهتمامهم ,,
وجودهم ,,,
دلعهم ,,,
سؤالهم ,,,
وخلي اهله مايخلونه المحور الوحيد لحياتهم ,,
بس لفتره من الزمن ,,
يمكن يحن لهم ويعرف قيمتهم ,,,
وبرضــــــو خلوه يشوف هاليتامى
اللي يقطعون القلب ,,
وربي لو شافهم انه بيلين قلبه باذن الله
لان اليتامى هم اللي راح يخلونه يشكر ربه على هالنعمه اللي هو فيها
ويعرف ان الله حق ,,,,,
يـــــــارب تصلحه ,,
لي عوده

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل لديك خبرة في التعامل مع هذه الحالة..؟إذاً الحقوووها