عالم الحياة الزوجية - منتدى

ataad · 20-05-2009, 01:22

مرحبا شباااب شخباركم
انا انا اتابعكم من زمان من بعييد لبعيييد ... وهاى اول موضوع لى انزله فى المنتدى وبصراحه عجبتنى ردودكم واايد
شباب انا محتاجه رايكم فى موضوع مأرقنى وااايد ومو عارفه شاسوووى
يا بنات متقدم لى ولد خاله امى هو شاب خلوووق ومؤدب وبيتنا حابينه والكل يمدح فيييه وهو صديق العائله من زمااان .. وله مستقبل واى بنت اتمناااه ............. طيب بتقولون وين المشكله !!!

لمشكله أن هو أصغر منى بسنه

وانا حدى متردده .. ساعات اقول حرام اخسر شخص بهالمواصفات لمجرد انه اصغر منى بسنه ... وساعات اقووول لا يمكن بكره يعايرنى طبعا هو وأهله يعرفون بأعمارنا وهو شارييينى
بس والله انى حدى متردده وبينى وبينكم انا حدى معجبه بشخصيته واسلوب تعامله مع خواته
هو عمره 27 وانا 28

...
واللى متزوجه شخص اصغر منها تقولى هل عانت مشاكل ولا حياتها طبيعيه ؟؟

شآغـل الفتيآت · 20-05-2009, 01:27

وش التفكير ذا اكبر منه بسنه وما تبي تتزجي

خلي شخصيتك قويه هو الي جاك يخطبك مو انتي اذا صرتي تفكري بتفكير ذا

بعدين يجيك واحد اكبر منك بسنه وبتحسبيها بنفس الحسبه

اذا عاجبك خذيه وما عليك من كلام الناس والاعمار بيد الله رقمين ومسجله في بطاقه ؟؟؟؟ظ

وشتفرق ما تفرق الا عند ناقصين العقول

<<- مسوي يعرف يقنع ههههههههههه يحس انه قااسي

ataad · 20-05-2009, 01:35

تسلم على ردك الرائع ... والله الناس ما ترحم ..
بس ردك حلووو .. ويدل على شخصيه ناضجه

حلاوه قطن · 20-05-2009, 01:39

حبيبتي اتوكلي علي الله وخذيه
مدام هو انسان كويس ويخاف الله
لاتضيعيه من يدك

اخلاق 2009 · 20-05-2009, 01:41

هلا أختي لا تترددي إذا انسان على خلق ودين خذيه

انا ولله خطيبتي اكبر منى بكم شهر ومستانسن احلى وناسه ونا ما تقدم لها إلا ابيهاا

وكيد بعد خطيبك ما تقدم لك إلا وهو يبيك

والله يكتب لك الي فيه الخير ..

صفحات لم تقرأ · 20-05-2009, 01:49

إذا انتي مقتنعة فيها وش دخل العمر

استخيري والله يكتب لك إللي فيه الخير

ataad · 20-05-2009, 01:50

تسلموووون حبايبى على الرد الحلو والله اثلجتو صدرى طيب أخلاق 2009 ممكن سؤال
هل تحس ان فى فرق بينك وبين خطيبتك ؟؟ اعذرنى على هالسؤال

والله انى حابه استفيد قدر الامكان ما نزلت موضوعى الا وانا طالبه رايكم تسلموون لى

اخلاق 2009 · 20-05-2009, 01:53

لا والله يختي بالعكس احس اصغر مني هي بعد

اصلاً ما تقدمت لها إلا وانا حاببها وبيهاا ولا همني كم عمرهاا ولا في يوم فكرت في فارق

العمر ...

ولووو ان زوجتي خجول شوي بس انشاء الله راااح نتعود على بعض

ataad · 20-05-2009, 02:09

الله يوفقكم ياارب ويسر اموركم يا أخلاق
تسلم والله

أوراق بيضاء · 20-05-2009, 06:36

بنت عمتي ماااااااااااااااااااااخذه واحد اصغر منها وعايشه حياتها ومبسوطه وعمرها ماقالت انه يعايرني بالعكس شكلها اصغر منه بواجد توووووووووووكلي على الله الله يوفقك ويسعدك ويجمع بينكم بخير

smo ala7sas · 20-05-2009, 08:07

انا اشوف ان مافيها شي والرسول صلى الله عليه وسلم تزوج خديجه وهي اكبر منه بكم سنه
وانتو مابينكم فرق ونصيحه لا يروح منك مثل ماقلتي محافظ على دينه وخلوق واي بنت تتمناه
استخيري وتوكلي على الله ... بالتوفيق ان شاء الله .

اسيرة نفسها · 20-05-2009, 08:26

اممم شوفي دام هو من الاهل ! وشاريك .. بالعكس العمر مو عائق
واهم شي تصلين الاستخاره ..
وخلي العمر بعدين ..

الالماسه الحساسه · 20-05-2009, 08:36

استخيري ياعمري والله يكتبلك الي فيه الخير

فارق العمر مو مهم وكثير اعرفهم ومن اقرب الناس لي زوجاتهم اكبر منهم وعايشين بسعاده يالغاليه

وتممي الموضوع اذا كان فقط هذا هو السبب الله يهديك الفرق لايذكر ابدا 00

بلا لقافه · 20-05-2009, 09:11

عادي سنه لو قدامك طفلين واحد سنه وواحد سنتين

تشوفي فرق بينهم

ataad · 20-05-2009, 11:00

اللله يحفضكم والله بردتوا قلبى ... ما درى شاقولكم ولا كيف اشكركم ...
الله يعطيكم من نعيييمه يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)