عالم الحياة الزوجية - منتدى

كلي معك · 20-05-2009, 09:46

السلام عليكم..

ابطرح عليكم مشكلتي واتمنى تساعدوني وتعطوني الحل المناسب لمشكلتي او مشاكلي..

ابدأ بالموضوع ..

بدت مشكلتي من 4 سنين تقريبا من عرفت ان ولد عمتي بيتقدم لي ويخطبني وانا رافضه تماما هذا الولد لسؤء اخلاقه ولرفضي الشديد جدا لفكرة و موضوع الزواج تقدرون تقولون جاتني صدمه وعقده من كل اللي حولي واولهم ابوي وامي ومشاكلهم اللي ماتنتهي..

المهم مرت ايام وجات ايام وانا بصراع ومشاكل مع ابوي ورفضي للولد وهو مقتنع فيه ويحبه بجنون من قبل موضوع الخطبه واللي زاد بعد الخطبه واللي صدمني اكثر واكثر اجبار ابوي لي باني اتزوجه وكان هالشي بعيد عن بالي وعمري ماتوقعت انه بيجبرني عالزواج بذات

قرب موعد الملكه وانا في رفض مستمر واقناع مستمر لكن بدون اي فايده
الكل كان يهنيني وفرحان لي ويحسدني على حب الولد لي وانا ماعمري حسيت بهالحب ..حاولت اتقبله بس ماقدرت

ملكنا اكتشفت حبه بنفسي لكن ماقدرت احبه بديت اتقبل انه هو زوجي وانا عندي قناعه دام اني تزوجت خلاص لزم اتحمل زوجي واتعده واسعد نفسي معه ويكون كل اللي بيننا بيننا وبس مهما كان اللي بقلبي له

المهم استمرينا على هالحال شهرين حسيت فيها اني ظلمته كثير طول فتره الـ 4 سنين كانت حياتي معه بجد حلوة حسيت ان اختيار اهلي لي صح وفي محله

لكن مسرع ماانقلب الحال... اول كان كل كم ساعه يكلمني يسأل عني اذا غبت عنه او تأخرت عليه يخاف علي ويقلب الدنيا مكالمات لكل اهلي بس يبي يطمن علي وكل كم يوم وهو عندي رغم تحفظ ابوي لكثره هالموضوع بس على كل هالاهتمام كنت استعرب منه عمري ماسمعت منه كلمة حب وحده الغريب ان هالكلام صار بين الاصدقاء والصديقات وعفوي كنت استغرب حبه بتصرفاته وبكلامه لا

بس الحين صار تمر ايام وليالي ولا يفكر يكلمني او يسأل عني ابد حتى لو كلمته مايرد علي ويطنشني وصار لي الحين اكثر من شهرين ماشفته لدرجه حتى اخوي اللي عمره 4 سنوات صار يسألني عنه يقول ليه ماييجي عندنا الكل يسألني عنه وانا ماعندي اي جواب او تبرير لكل تصرفات زوجي
كل من قابلني يسألني عن اخباره عن علاقتي معه وانا ماعندي غير جواب واحد...
ماادري عنه!! مااعرف عنه اي شي !!

والحين بنكمل 3 شهور على هالحال وش سبب تغييره ماادري؟!
لاتقولولي تكلمي معه كل ما غاب عني فتره ورجع احاول اسأله واتناقشمعه بهدوء وبعصبيه يعني بكل الحالات حاولت اعرف الاسباب لكنه يتهرب واذا حديته يتكلم يتعذر ويقفل ولا يرجع يكلمني .

ابوي صار كل ماشافني قدامه سألني عنه كلمك والا لا ؟؟ باليوم 1000 مره
وامي اللي انا محتاجه نصيحتها لانها امي ماعمرها فكرت تسألني عن حياتي مع زوجي اذا كنت مرتاحه والا لا!!!
بس هالشي مو غريب عليها هي دائما بعيده عني..

انا خايفه وافكر بحياتنا كيف بتكون اذا هذي اولها كيف تاليها ؟؟؟

في النهايه ابوي بعد مازوجني باللي يبيه يفكر يطلقني منه !!
بصراحه انا ماعندي مشكله اني اتطلق يعني اتطلق منه الحين ولا اتطلق بعد مايكون عندي كم ولد..

اعذروني طولت عليكم .. بس ابغى رايكم ونصيحتكم.

تحيااتي..

نـونو · 20-05-2009, 11:22

ياقلبـــي والله حاسه فيييييييك لأن أصلا معاناتك نفس معاناتي

أنا متملكه وفي يوم الملكة جلست مع خطيبي وكان واضح انه يحبني او على الاقل معجب فيني

وكنت متوقعه انه بعدها راح يكلمني ويسأل عني...بس للأسف ولا مره كلمني ولا حتى رسالة

ويقولون ايام الملكة حلوة...للأسف انا محرومه منها..لا اتصال ولا سؤال ولا حتى رسالة يتيمه...

مع انه بالملكة كنا مرتاحين لبعض بس مدري وش قصته مايسأل علي......

وكل من شافني يسألني كلمك؟؟؟ وش أخباره؟؟؟؟

وماعندي الا جواب واحد( مدري عنه)

كل المخطوبين اللي حولي يكلمون بعض ويسألون عن بعض الا انا حالي حال اي جماد.......

كرهته وكرهت اسلوبه هذا اللي ماله تفسير والحين انا افكر بالطلاق لأن كل شي ممكن تتحمله

الانثى الا( الاهمـــــــال).......

عشان كذا مقدر أقولك وش الحل ولا انصحك لأني نفس معاناتك وماني لاقيه حل.....

أنا يمكن أتطلق لأني مااقدر أتحمل انسان بهالعقلية...والله يعيني ويعينك .....

كلي معك · 20-05-2009, 11:53

من جد الكل يقول احلى ايام ايام الخطبه والملكه عيشيها ولا تضيقي نفسك ولاتهتمي لكن..

الله يقدملنا اللي فيه الخير يانونو

ام البنات · 20-05-2009, 12:11

ماادري وش اقولك
بس احس انك سابقه للاحداث
المشكلة ان هذي الفترة حرجة مااحد يقدر يعطيك نصايح
مالك الا الصبر
وعلى فكرة ان مريت بكذا بعد الملكة
كان بدايتها متحمس ويزورنا بعدين قطعني مرة وحده ماشفته الا يوم الدخلة وتخيلوا الضحكة لين ضروسه وانا ودي اذبحة ويوم سالته قال حسيتها سخافة

نـونو · 20-05-2009, 12:21

اقتباس:

المشاركة الأصلية كتبت بواسطة حلا بتوك

ماادري وش اقولك
بس احس انك سابقه للاحداث
المشكلة ان هذي الفترة حرجة مااحد يقدر يعطيك نصايح
مالك الا الصبر
وعلى فكرة ان مريت بكذا بعد الملكة
كان بدايتها متحمس ويزورنا بعدين قطعني مرة وحده ماشفته الا يوم الدخلة وتخيلوا الضحكة لين ضروسه وانا ودي اذبحة ويوم سالته قال حسيتها سخافة

هههههههههههههههههههههههههههههههههههههههههههههههههه ههههههههههههههههههههههه

<<<<<ميتـــــــــــــه ضــــــــحك>

كلي معك · 20-05-2009, 12:23

حلا تبوك تبغي الصراحه انا مااستبعد انه يسوي زي زوجك
لان فيه بروووووود مو طبيعي

تحيااتي..

صفحات لم تقرأ · 20-05-2009, 12:25

وعليكم السلام

يمكن عرف إنه زودها شوي من ناحية الزيارات بس هذا مو مبرر إنه يقطع 3 شهور

طيب أبوك ليه مايكلمه ويشوف وش عنده عسى المانع خير إن شاء الله

والله يوفقك ويكتب لك إللي فيه الخير

شاكيرا بنت مناحي · 20-05-2009, 18:02

متابعه

مختررق مؤدب · 20-05-2009, 23:17

اختي والله العظيم ودي انصحك هي مغاامرره وممكن تفشل وترووحين في خبررر كاناا

لكن اتطلقي اليووم وانا اخطبك بكرره بسررررعه واحد مجنووون هههههههههههههههههه

امزززززح احب المزززززح مااقدرر افيدك بشي ماللك الا الصبررر ويش ودلكله ممكن يكوون!!!!!!!!!

على العموووم انا الليله مااقدرر اقوول شي لان عين فالجهااز وعين في غيره

الاخواان انشالله مايقصروو معك احضاااااااااااااااااااااااااان بتفيدك خبرره بهالموااااضيع............

كلي معك · 21-05-2009, 01:10

مشكورين يا صفحات و احضان ومخترق على مزحك ومروووورك
يارب القى الحل المناسب عنكم ..

تحياااتي..

يتيم الحب في الدوحة · 21-05-2009, 12:36

اهي وحدة من اثنين اما يكون حس بانك تكرهينة وحب يادبك بطريقتة ويلوعك مثل مالوعيته اربع اسنين او
انه خلاص مايبك ومو عارف يتخلص منك الا بهاي الطريقة

ااسف على جراتي

كلي معك · 21-05-2009, 16:21

هلا يا يتيم الحب بصراحه انا حطيت كل الاحتمالين
الاول تأكدت انه لا ... اما الثاني فهو جايز

شكرا لمشاركتي لمشكلتي
تحيااتي..

دلع بدلع · 21-05-2009, 16:27

الله يعينك ويفرج همك صلي الاستخاره والله يوفقك

ام البنات · 21-05-2009, 21:16

ياناس لاتخفون الحرمة
صدقيني بعد الزواج راح تعرفين سخافة هذا الموضوع
على فكرة كم باقي على الدخلة؟
اعزمممممممممممممممممممممممممممممممينا

كلي معك · 22-05-2009, 03:51

دلع بدلع جزاك الله خير..
حلا تبوك ابشري واول المعزومين بس اذا عدت هالفتره على خير
رغم ان اللي اشوفه ان لحال من سيء لأسواء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

رأيكم يهمني..!!