عالم الحياة الزوجية - منتدى

الله يعوضني · 22-05-2009, 01:28

السلام عليكم ورحمة الله وبركاته

اخواتي انا قصتي طويله وفيها معاناه نفسيه كثيره

انا دورتي مو منتظمه يعني تتأخر شهور ولا تنزل الا بالحبوب المهم حاولت انظمها قبل الزواج مافي فايده

تزوجت وحاولت انظمها ولا انتظمت قالت الدكتوره لاز تحملين لأنها ماراح تنتظم وعطتني منشطات ولا حملت نزلت الدوره وسوولي جميع التحاليل وكلها سليمه حتى اشعة الصبغه سليمه والحمدلله .
وجلست كذا من دكتور الى دكتور ومن مستشفى الى مستشفى ومنشطات وابر ولا حملت لمدة خمس سنوات بعدين حولوني الى التخصصي بالقصيم وسوولي تحاليل ولزوجي بعد وبعدين بعد 3شهور قالو لازم تلقيح صناعي هذا عقم غير معروف الأسباب لأن التحاليل كلها سليمه وعطوني علاجات وابر ومنشطات وكل يوم تصوير وقالو مافيه الا بويضه وحده يعني مانقدر نسوي تلقيح صناعي نتعبكم على بويضه وحده ماتسوى روحو وخلوها على الله يمكن تلقح بالجماع العادي ويمكن لا وتعالو اذا جت الدوره رحت وانا والله متضايقه ولاكن مايأست من الله ودعيت الله انه يرزقني بالذريه الصالحه وجا يوم الدوره ولا جت وتأخرت وقعدت 5 ايام ولا شرفت والامها احس فيها . وكل ماقلت بروح احلل قالت اخت زوجي لا لا تروحين يمكن متأخره عادي لاكن في اليوم الخامس ماقدرت رحت ولا قلت لهم ودخلت على الدكتوره وقلتلها قصتي قالت نسوي تحليل وان شاء الله خير قلت لها خايفه قالت ماعليه توكلي على الله كتبت لي ورقة التحليل وطلعت عند زوجي وقلت يالله نسوي تحليل ودخلت المختبر وخذو العينه قلت متى النتيجه قالوا 10 دقائق قال زوجي تعالي اجلسي عندي مافيه احد في استراحة الرجال المهم ماامداني رحت الا طلعت الدكتوره بنفسها وقالت مبروك مبروك حامل قلت ها انا قالت ايه انتي وهي تسلم علي وتبارك لزوجي طبعا مااقدر اوصف الفرحه بعد خمس سنوات وردونا التخصصي مستحقرين البويضه الوحده لكن الله بكل خلقه عليم ورحنا للأخته وطارت من الفرح وهي تبكي وقالت انا قول لاتحللين اخاف مايصير حمل وتتضايقون لكن الحمدلله وامه بعد وخواته كلهم والناس واهلي امي وخواتي وخواني كلهم فرحانين ومابقى احد من العائله ماكلم الكل يبارك وثاني يوم وانا في المستفى منومه نزل معي دم واجدنمت في المستشفى اسبوع وطلعت وقالولي راحه تامه ارتحت وابشركم تمم الله حملي وجبت ولد ولله الحمدالحين عمره سنتين و9شهور
ادري طولت عليكم لكن حبيت انقل تجربتي لكن السالفه الأهم اللي ابي رايكم فيها وارجو الرد ممن تعرف او مر فيها او احد تعرفه هذا الشيء

السالفه هي اني حملت بعد ولدي بالكلوميد وكان كل شيء طبيعي لكن قدر الله انه يتوقف عنه النبض وهو في الشهر الثاني وسقطت وبعدها حاولت اني احمل ونفس الشيء منشطات وابر لمدة سنه ونص وحملت الحين كانت دورتي 23/3/1430
ورحت للدكتور قال كيس الحمل موجود وعمره 7 اسابيع لكن مو مبين جنين تعالي السبوع اللي بعده ورحت له وقال كبر الكيس صار 8 اسابيع لكن نفس الشيء مو مبين جنين ماقدر اكذب عليك ماراح يبين خلاص وحولني على المستشفى الحكومي قال عشان تسقطين وانا الحين في السبوع 8 والنصف ولم ينزل معي دم وتركت المثبت زي ماقال الدكتور الإستشاري .
سؤالي هو هل يبين الجنين او النبض في اللأسبوع التاسع ولا خلاص ؟وهل يكبر الكيس وهومافيه جنين ؟

ولا فيني وحم والله نفسي اجيب لولدي اخ او اخت

اتمنى الرد علي هذي اول مشاركه عشان
استشيركم
الله لايحرمني ولاكل وحده من الأطفال والله يرزقني ويتمم حملي وان شاء الله اسمع نبض جنيني يارب
اللهم اني استغفرك واتوب اليك

بنوته قمررررر · 22-05-2009, 11:21

ان شاء الله البنات يفيدوك
كل اللي اقدر اقول الله قادر على كل شئ

نجوم الظهر · 22-05-2009, 12:09

ياااااااربي يساعدك وتسمعي نبض جنينك ويتمملك حملك على خير ويجعلهم الذرية الصابحة يااااااربي,,

اخر الاحزان · 22-05-2009, 13:53

ماعندي خلفيه
الله يتمم حملك على خير وتسمعي نبض جنينك

ربي هب لي من لدنك ذرية طيبة انك سميع الدعاء

ام وليدو · 22-05-2009, 14:01

الله يتمم حملك يارب وتسمعين نبض جنينك

الله قادر على كل شئ

ليمونه حلوه · 22-05-2009, 15:20

اختي لا تستعجلين

وحده اعلرفها قالوا لها كيس بدون جنين واصبرت وماشاء الله جابت بنت مافيها شي

الجئي الى الله والحي بالدعاء

الله يطمن بالك وخبرينا وش يصير عليك

ميمي الامورة · 22-05-2009, 15:37

لا تستعجلين انصحك ابدا انا مابان نبض بنتي الافي الشهر الثالث وكنت خايفه مووت بس ادعي ربك والله يتمم لك على خير يارب وتفر حينا

تراتيل الصباح · 22-05-2009, 16:15

والله ياقلبي أتمنى لو عندي فكره مابخلت عليك بشي لكن ما أعرف شي أنتي الزمي الأستغفار والدعاء وما فيه شي على الكريم الرحيم وإن شاء الله ما أونساك من دعائي

وأهم شي روحي لمستشفى ثاني للتاكد من الأمر
ياااااااااارب إرحم حالي وأنس وحدتي من فضلك وكرمك

الله يعوضني · 22-05-2009, 17:09

شكرا لكل من رد علي والله يستجيب لدعائكم ويرزقني وإياكم بالذريه الصالحه في هذه الجمعه المباركه اااااامين يارب العالمين.

طفشاانه · 22-05-2009, 18:40

ان شاء الله ربي يخليه لك وتسمعي نبضه
ولو ماحصل اعرفي انها خيره من رب العالمين ماتدرين

الله يرزقني وياك

ღ.¸¸. أم فرح .¸¸.ღ · 22-05-2009, 21:52

ان شاء الله تسمعين نبض جنينك ويثبت حملك وتقومين بالسلامه
والله يحفظ لك ولدك ويرزقك بره

والله يرزقنا جميعاً الذريه الصالحه

حلاوه قطن · 23-05-2009, 17:08

الله يثبت حملك

حبيت احبك · 23-05-2009, 18:25

الله يتمم حملك

ريما المجنونا · 13-06-2009, 04:03

ماعندي خلفيه
الله يتمم حملك على خير وتسمعي نبض جنينك

ربي هب لي من لدنك ذرية طيبة انك سميع الدعاء

دنونه الطعمونه · 13-06-2009, 04:54

يارب يساعدك ويتمم حملك
لا تستعجلي
تاكدي من طبيب تاني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصتي وخايفه صدق ماسمع نبض جنيني