عالم الحياة الزوجية - منتدى

باربي الخليج · 22-05-2009, 05:48

صباح الخير للجميع ..

مشكلتي ومافيها اني ضايق صدري وحاسه اني انتهيت ... ماقدرت أنام لانه تعبانه ... جد تعبت ..
مااقدر اصارح زوجي فيها ولا أحد ..
ياليتني قاسية مشاعر ولاأحس ..ياليتني حجر مثل قلوبهم.. ياليتني عديمة الاحترام قدامهم علشان مااتضايق..
ليش الانسان الطيب والهادئ صار بدون شخصيه!! أو غبي على حسب تفكيرهم .. عيبي في هذي الدنيا
اني ماأحب اجرح أحد .. ماأحب أزعل أحد .. وهذي نقطة ضعفي ..
انا انسانه لي مبادئي وأخلاقي هي مفتاح الحياة بالنسبة لي.. من عرفني من قريب ومن بعيد يعرفني من أنا ولا أحتاج وصف لأخلاقياتي .. من صغري تمنيت عندما أكبر اتزوج انسان يستحقني وتخيلت كثيرا بأن تكون
أمه كباقي الأمهات .. حنونه ، طيبه القلب, كريمه ..
تزوجت في سن ال19 وتحققت امنيتي بزوج يستحقني فعلا , واعتبرت اهله مثل أهلي .. مرت السنين وكنت بالغربه .. لم أجد اي اعتبار لي عند أم زوجي.. سكتت وقلت يمكن تتغير .. حاولت كثير كثير اني ارفع الحاجز اللي بيني وبينها .. لم تتغير .. لاتحبني تكرهني نعم تكرهني ... لن أكتب لكم التفاصيل . تعبت من صدها لي وأنا احدثها .. أكلمها لاتكلمني الا بكلمة او كلمتين.. أزورهم مرة او مرتين بالاسبوع ومن أرجع نفسيتي تعبانه ..لانها تتجاهلني وكاني مجرده من المشاعر والاحساس.. هي لاتحس لاتتالم قلبها حجر
ياليتها تحس فيني .. اليوم جالسين كلنا جت وجلست قدامي وعطتني ظهرها!! ولاتحركت من مكانها ..
قلت يمكن ماتقصد شي .. بس بداخلي أتألم .. وربي كرهت نفسي صرت أشوف نفسي قبيحه من كثر
الحقران .. المشكلة مو بس اهي حتى أخوان زوجي الكبار صاروا مثلها ومعاملتها مع زوجة أخو زوجي مثل
العسل يمكن بحكم القرابه اللي بينهم .. تكلمها وتضحك معها ..عمرها ماضحكت معي ولاسولفت ..لما اجي اسولف معها تقوم من المكان أو تقطع الموضوع .. مدري اهي تخاف مني!! معندها اي ثقه فيني!!
مع اني مو حقة مشاكل واهي تعرف طبعي الهادي.. اهي دايماتكلم اخواتها بالتيلفون ولما اجي انا تغفل السماعه عالطول.. اختها تكون مرة عمي وربي تغيرت علي 180 درجه صارت مثل طبع اختها.. ماتكلمني ولما تشوفني ماكنها تشوف .. واختها هذي اشوفها عند اهلي يعني نفسيتي خلاص انهارت منهم وربي
ودي أموت ولاأشوف احد يتجاهلني أو يعاملني وكاني مو موجوده .. افكر اني اقطع العلاقه أكثر بس مو قادره لانه هالشي بضايق زوجي واهو متعلق فيهم وأهو مايروح الا معي.. والله محتاره وش اسوي معها اصدها مثل ماتسوي .. المعامله الطيبه مانفعت .. الهدايا مانفعت.. ابي حل

تحياتي

تاج الورد · 22-05-2009, 06:24

ياقلبي وش عليك منهم كل ماحسستي احد انك محتاجه له يطنشك استغني عنهم ولاتكوني طيبه فيه ناس ماينفع معهم الا القوي الطيب يحسوه اهبل بس مومعناته تضريهم ولاتحاولي تتقربي منهم كذا بينفروا منك ولاتكوني سلبيه خليك ايجابيه اضحكي وفرفشي خلي عندك شخصيه وجراه لاتخلي احد يتحكم فيك اهم شي زوجك 0

حياتي زوجي · 22-05-2009, 11:53

ابغى اوصلك معلومة انه ليس من الواجب زيارة امه ولاتعتبرمن صلة الرحم

واذا تعلموا يقدورون الواحد ويحترمونه يستاهل الواحد يزورهم

روح ماما · 22-05-2009, 12:14

بصراحه معطيه الناس اكبر من حجمهم بلي مايحفظهم وش يهمك غير زوجك من جد خليك انسانه واثقه من نفسك وعامليهم
مثل مايعاملونك..

mrARAB1 · 22-05-2009, 13:26

و انتي مزعله نفسك و حارقه نفسك. يا ستي اهم حاجه زوجك بيحبك. البقيه في ستين. اهم حاجه انك لا تغلطي على احد. و في المقابل لا تتنازلي عن كرامتك. الفرق بين طيبت القلب و ضعف الشخصيه شعره.
و قوت الشخصيه ليس لها بالطيبه او الحنان. و قوت الشخصيه مش مناها انك تكوني قوي عين او قاسيت قلب مثل الحجر. قوت الشخصيه انك تتمسكي بالحق و الشياء الصحيح. و لا تظلمي نفسك بهدر كرامتك و لا تظلمي غيرك بالتكبر او التبجح. هم غير مهتمين فيك طنشي و لا تعبريهم. ياقلبي من رادك ريده و من طلب بعدك زيده. خلي علاقتك بهم رسميه و محترمه و لا تزوريهم الا لو عزم عليك. او مناسبات رسميه فقط

غموض ~ · 22-05-2009, 13:28

الـسـلام عـليكم أختي في الله ..
إذا كـانت معـاملتهـا سيئه وأنتي تجين لهـا دايم ..
فهذا خطـأ ..
أولا : قولي لزوجك أنك تبين تحضرين يوم فـ الأسبوع فقط ..
طبعـا أكيد بقول ليه ؟ قـولي له أن أتضـاايق ومـااأقدر أتحمـل وأنـا أبغىا أروح لهـم معززه مكـرمه مو كـأني مرة ولدهـم قولي له ودي أعرف كيف أكسب أمكـ ؟ .. أنتم كيف تعاملكم ؟ أسئليه عن مفتااح شخصيتهـاا .. أسئليه عن الناس اللي تكرهم كيف تتعـامل معهم و كذآ ..
لاتوقفين زيـارتكـ بالعـكس خليهاا زي أمكـ بـ تكسبينهـا أعرفي نقطة ضعفهـا ..
سميهـا خالتي ..
ساعديها دايم .. قولي لزوجكـ مره تسافر ويااكم وأخدميهـا كأنهـا أمكـ و مـاتشوفك ألاامبتسمه ..
وسأليهـا بلطف إذا كـان فيه شي مضـاايقهـاا ..
شوفي لكـن مـاأجزم لك تتغير 180 درجـه .. لكن بتتغير تدريجيـاا ..
والله يوفقك ويسعدك يـاارب ..

قلبي كله حنان · 22-05-2009, 13:33

الله يكتب لكي اللي فيه الخير

crâzy яoмâитic · 22-05-2009, 13:48

الله يصبرك يا اختي

بس اهم شي انك تحاولي تكوني عندك ثقة في النفس وتحاول ما تكوني حساسة معهم

والله يكون في عونك

قحطاااني ماااركه · 22-05-2009, 13:57

الله المستعان ...

بالاعكس انتي انسانه اخلاقك كريمه ومعدنك أصيل

دامك تراعين مشاعر الآخرين انا استغرب من معاملتهم لك

بس يمكن احد نقل لهم كلام مو زين عنك ؟؟؟

بالاخير اعملي اللي يرضي ربك ولا تنتظرين احد يشكرك

وعليك بالاستغفار والدعاء والله يوفقك بالدنيا والاخره

صفحات لم تقرأ · 22-05-2009, 13:59

إذا مافي تحسن من ناحيتها حاولي تخففي الزيارات ..

والله يكون في عونك

الرومانسي 111 · 22-05-2009, 14:16

مراحب باربي

شي يحير

بس حلو انسان مثلك يمتلك هالعقلية وهالسمو الاخلاقي لدرجة ماتحبين احد يزعل منك

بس صدقيني انتي مانتهيتي بالعكس تكبرين بعين زوجك اذا هو يشوف الوضع بعين العدل ،،،،،،، وحتى لوماكبرتي بعينه

دام حياتك حلوه ومستقره معاه وهو الـــــــــــــــــــــزم ماعليك

الباقي حاولي تعرفين الاسباب بطرق حلوه وغير مباشره

قدرتي تمام ماقدرتي انصحك حياتك مع زوجك

ولو ماقدرتي مو ملزومه فيهم ،،،،،،،،،،،،، قللي من الزيارات ،،،،،،،،،،،،،،، لو شفتي نو لوكلمتي زوجك بيضايقه هالشي بلاش منها .

وتأكدي انك باذن الله مأجورة ( قول الرسول صلى الله عليه وسلم : ليس الواصل بالمكافيء)

دوام الاستغفار يجلب الارزاق ،،،،،،،، ويبعدنا عن الكذب والنفاق ،،،،،،، ويفرج الكربات باذن الواحد الرزاق

دامت حياتك

سلطان الفنان · 22-05-2009, 15:03

اختي اللي يهمك اولا واخيرا زوجك والباقي فروع بعد زوجك
انتي انسانه حساسه وكل شي ما يوخذ بالحساسيه
لو تجاهلوك حاول ان تكوني رسميه معهم في التعامل
ومرة واحده في الاسبوع ان شاء الله تعدي بسلام
حافظي على اخلاقك العاليه ولا تحسبي لاحد حساب
من عافنا عفناه ولو كان غالي
بس خلك قويه شوي يعني لو احد غلط عليك
وقفيه عند حده في بعض الناس اذا شافوا
ضعفك تمادوا

i'm yours · 22-05-2009, 16:21

اختي ..

الاهم هو زوجك .. لا تدخلي مشاكل الاهل بينكم ..

قومي بزيارتهم مره كل اسبوع و ان طلب زوجك منك ان تزوريهم مرتين في الاسبوع لا ترفضي

و قولي له انك ذاهبه لأجله ..لا تحتكي مع اهله و لا تكثري في الكلام معهم

و ادعي الله ان يهديهم و ان يسخر لك قلب زوجك

اسال الله في هذه الجمعه المباركة ان يفرج الله همك و همي و هم المسلمين

ALI HAK · 22-05-2009, 16:51

اني ماأحب اجرح أحد .. ماأحب أزعل أحد .. وهذي نقطة ضعفي ..

أختي العزيزة :

هذه المقولة الي قلتيها ليست أبدا بنقطة ضعف .. هذه الصفات هي الصفات المرغوبة في الدين الإسلامي .. وصاحبها يتمتع بأخلاق عالية جدا ..

الدين المعاملة ومن المراتب العليا في الأخلاق أن تحسني لمن أساء لكي
أي إذا كان حماتك كما تقولين تتجاهلك فالأهم من حيث الهدف في هذه الدنيا و تأدية الواجب .. هو صلة الرحم مهما كانت الظروف .. يعني ابعدي من راسك فكرة انك تقاطعيهم وتخسري المراتب العليا من أخلاقك

دعي في أهدافك الدنيوية من أجل الأخرة هدف بلوغ كمال الأفعال والأخلاق في المعاملات

بعدين ايش سالفت أخوان زوجك يعاملونك نفس المعاملة .. ايش انتي تزوجتي العائلة كلها ..؟
انتي الي يهمك زوجك وبس .. أبعد حدود صلة الرحم هم على الأكثر قد يكون أم الزوج
أما معاملة أخوان الزوج غير مهمة أبدا

السلام وتبادل القليل من الكلام معهم يعتبر هو الحد الأكثر من المطلوب في تأدية الواجب

اهتمي بعائلتك انتي يعني زوجك وابنائك ومثل ما يقول المثل .. من عرف نفسه ما همه قول الناس
سلام

ALI HAK · 22-05-2009, 16:56

بعدين ملاحظة أخرى .. لا تعقدي نفسك في أمور قوة الشخصية وما إلى ذلك .. ترى كل شخص له مقياس معين لـ الشخصية والمقياس الأساسي هو ما سطره الدين الإسلامي لنا بحسن المعاملة والتحلي بالأخلاق العالية .. زيارتك مرتين لحماتك في الأسبوع يعتبر صارحة كثير .. ومثل ما قلتلك يا أختي حافظي على معاملتك ومالك خص في أخوان زوجك وبالتوفيق إن شاء الله ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني أنا في حيرة