عالم الحياة الزوجية - منتدى

unnamed · 22-05-2009, 22:58

السلام عليكم
ياشباب وياصبايا
هالايام الوالده تدور لي على زوجه المستقبل
وطبعا تعطيني مواصفات مجموعه بنات
حتى انه امس قالت لي فيه بنت فلان وقالت مواصفاتها
صراحه البنت كامله والكامل وجه الله
جمال - تعليم - دين - اخلاق - خفه دم - راقيه - كشخه - اهلها لهم وجاهتهم ومناصبهم
حتى اني قلت يالله اخطيبي لي اياها ثم سالتها الا وش اسمها هي
قالت ((( فلانه ))) ?!!
الاسم جدا جدا مو زين ويحوم الكبد
اسم قديم واتوقع مافيه بالسعوديه الا اربعه بهالاسم 3 عجائز والرابعه هي
وش السواة؟

نورالتقى · 22-05-2009, 23:04

اخوي هلا فيك
والف مبروك وبالتوفيق والله يتمم امرك على خير ويرزقك السعادة من حيث لاتدري
شوف اخوي انا من رأيي البنت مادام لايعيبها شيء فمافي اي مشكلة ولاتنسى مع العشرة معها في المستقبل ستتعود عليها وتصبح بينكما الألفة والمودة وايضا الحب والتفاهم
اخوي البنت لا بأسمها ولا شكلها مع ان الجمال الخارجي مطلوب إن الله جميل يحب الجمال
لكن الأهم الأخلاق والروح الحلوة الطيبة والمعاملة الحلوة المرحة والكلمة الساحرة التي لها وقع على النفس
توكل على الله يأخوي وأستخر الله قبل كل شيء
بس ممكن من باب الفضول واللقافة أعرف أسمها لو ما عندك مانع

تحياتي
أختك نور التقى

اسمع صدى صوتك · 22-05-2009, 23:09

السلام عليكم

ماهي مشكله الاسم يتغير

كلها تروح للاحوال وتغير اسمها وانت عاد سمها على كيفك

i'm yours · 22-05-2009, 23:15

هههههه ذكرتني باخويا الله يذكره بالخير ..

امي خطبتله وحده و رفض عشان اسمها مع انه الاسم مو بطال ..

بس مو معقوله البنت ما تتزوج عشان اسمها حرام ..

اتوكل على الله و استخير و بعدين ناديها باسم دل

يـقـيـن · 22-05-2009, 23:16

طيب غيره لهاا وين المشكله !
كانت وحده من زميلاتي بالجامعه اسمها ( عيده ) زوجها سماها (عبير ) يعني ماتركها فيها مواصفات حلووووهـ يعني انت وياها اختاروا اسم وغيره لهااا
ووحده ايضا رفضت رجل مع ان مافيه شئ يعيبه الا ان اسمه ( هزاع )

صفحات لم تقرأ · 22-05-2009, 23:17

وعليكم السلام

الاسم يتغير وين المشكلة ..

والله يكتب لك إللي فيه الخير

نجلاء22 · 22-05-2009, 23:25

ياه ذكرتني بمشكلتي قبل زواجي

معليش اخوي يمكن انت حساس بزياده

مااعتقد ان الاسم عائق طالما ان البنت زينه

وبعدين قل اسمها يمكن انت مايعجبك لكن غيرك يعجبه

والله اعرف بنات قمه بالجمال واسمائهم تلوع الكبد ومشالله متوفقين مع ازواجهم

Bonbon86 · 22-05-2009, 23:26

انزين قول اسمها يمكن نقدر نهونها عليك و نقنعك ههههههههههههه يا خوفي يطلع اسمها أحلى من اسمك

الحين خليت كل الزين اللي فيها وكل مواصفاتها و وقفت على الاسم

أنا اشوف ان الانسان اهو اللي يحلي الاسم مو الاسم اهو اللي يحليه
استخير و شوفها وتوكل على الله و ألف مبروووووك مقدما
ولا تنسى ان لكل اسم , اسم دلع يعني اذا صارت زوجتك نادها باسمها الدلع و لا أم فلان وانحلت المشكله

ضيم السنين · 22-05-2009, 23:28

الشخص هو اللي يحلي الاسم مو الاسم يحلي الشخص

حتى لو اسمها عمشا ولا صيته

مو عاجبك غيره لتزوجتها

(من جديد ) · 22-05-2009, 23:35

ههههههههههههههه
توه جياتني وحدة عجوز بالستين مغيرة اسمها لاسم فاشن
الشايب الي غيره لها

عقبالك

طريقي بالهوى يمك · 22-05-2009, 23:37

يا اخوي خل عنك الكلام هذا استخير الله وتزوج

** دلع ** · 22-05-2009, 23:38

غيره مافيه مشكله

هلا باالجرح · 23-05-2009, 00:26

تزوجها وقبل لا تسوي كرت العايلة غير اسمها وانحلت المشكلة

مدري احبه ؟؟ · 23-05-2009, 01:46

الاسم يتغير وياااااااااكثر اللي غيروا اسمائهم عقب الزواج

استخير وربي يتمم لك وييسر لك امورك لكن مواصفات البنت حلوه حرام تخسرها عشان شي له حل

موفق

بيـ مسافات ـننا · 23-05-2009, 01:51

غيّر اسمهاا ...!!

هذا حل بنظركمـ ..؟

طيب يمكن البنت ماتبي تغيّر اسمها .. طول عمرها انعرفت فيه .. يمكن اسمها يمثلّ لها ذكرى حلوه أو أي

شي مميّز بحياتها ..

تراه اسم مو قصّة شعر يغيره لها ..

اخوي .. البنت بأخلاقها مو في اسمها ..

لو البنت ناسبتك من ناحية الأخلاق و......الخ توكّل على ربي .. وبعدين اقترح عليها تغيّر اسمها و لو مابغت

براحتها .. هذا شي خاص فيها ..

بس انت لازم تاخذها مع اسمها وماتحط في بالك انه بتغيّره ..

لانك قبلت فيها لشخصها مو لاسمها

صح ..!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اسم زوجتي شين !!