عالم الحياة الزوجية - منتدى

نوافــــ · 29-05-2009, 06:00

50 الف مهر <<< للزوجه ( فدوه وتستاهل )

10 الاف ذهب <<<< تاجر

15 الف قيمة أجار الإستراحة لأن الإستراحات مخصصة للزواجات والمناسبات <<< تاجر

10 آلاف عشاء الرجال مفاطيج والرجال مايبون الا مفاطيح 10 ذبايح تكفيهم <<< تاجر

15 الف عشاء النساء بوفيه مفتوح <<< تاجر

20 الف شهر العسل في ماليزيا <<< تجار

20 الف أجار الشقة لمدة سنة كاملة <<< تاجر

35 الف تأثيث الشقة <<< تاجر

عندي سوال مجرد سوال بسيط 175 الف ريال تصرف بليله وحده بسس ؟
طيب على اي اساس تصرف بهالشكل ؟
الرسول صلى الله عليه وسلم تزوج بـ400 درهم ..
وزوجات الرسول افضل من بناتنا بكثير ولا مجال للمقارنه ..
ابغى افهم بس شمعنى هالمصاريف انا ابغى الستر ولا ابغى الصرفيات والديون
واقط وجهي على فلان وعلان وتكفى سلفني وارد لك
وتكفى عطني باتزوج .... ليش اغلب الشباب ما يفكر ان كل الي مكتوب فوق
يرتبط باسم واحد فقط ( تاجر ) ..
ليش الشباب من اول ما يلاقي وظيفه براتب حلوا يقوم يحط على نفسه ديون ؟
وعلى اساس الزواج ليش بناتنا يساعدون الرجال على ارتكاب الديون
وحالتهم حاله ؟
ليش ما تصير نظرتنا ثاقبه للمواضيع بجميع اشكالها ؟
ليش نخلي تاجر العقار يحتكرنا بعقاره ومانقدر نتملك مسكنا الخاص ؟
وكل ما تصير خفسه بالاسهم قام راعي العقار ورفع الاجار ....
ليش حنا يالشباب مانقوم نفكر بعقلانيه شوي
احسبوا معي لو كان شخص راتبه 7 الاف ريال نقصوا منها مبلغ الزواج شهريا
راح يكلفه ما يقارب 2900 ريال نقصوها من 7 الاف = 4083 ريال
نقصوا منها بعد مبلغ الايجار حق الشقه الي بتسكن فيها سندريلا
4083 - 1666 = 2416 ريال <<< ولا راتب سكيورتي
طيب نقصوا منها مصاريف الشقه من كهربا ومويه
واغراض والخ الخ الخ نقول عشان نكون عادلين الف ريال
كم يساوي ؟ = 1416 ريال فقط لا غير
ولا حتى راتب القهوجي البنقالي الي عندي بالدوام
يستلم اكثر من كذا 1600 ريال شهريا
بس السوال ليش هالمعمه هذي كلها ؟
ليش مانفكر بعقلانيه ونعرف قيمه الفلوس الي معنا ؟
وعندي نظره اخرى ايجابيه للموضوع
تخيلوا معي لو شخص راتبه 7 الاف ريال وتزوج وعمره 25 سنه
وخلونا نتخيل انه دفع من راتبه 3 الاف ريال شهريا ولمده 8 سنوات
على انه يمتلك الشقه بعد هالمده ..
يعني ما يصير عمر هالشاب 33 سنه والا عنده مسكنه الخاص
طيب لا زال بعز شبابه ولا راح شي وبوقتها راح يكون راتبه
ارتفع وصار حلو وبعد الاقساط ما انتهت صار اقوى
طيب لو فكر الرجال انه ياخذ سياره كشخه وحلوه واقساط بعد
خلونا نتخيل سياره قيمتها 100 الف ريال كا مثال
يبغى له 1600 ريال شهريا من راتبه الي لا زلنا نفترض انه صار قوي
طيب بعد كذا اتوقع بيكون مرتاح ماديا ويقدر يسوي اشياء كثيره
وبالنهايه الزوجه هي المرتاحه مع زوجها الي قدر ياسس لها مسكن ولعيالها
وقدر يحط لها كلشي تبيه بعد مارتاح من الاجار وعلته
وقدر يخليها تعيش من احسن ما يكون ولا زالت بعز شبابها بالعشرينات واهوا دخل الـ33 سنه ؟
طيب تعالوا معي وخلونا نتخيل العكس بالديون ؟
صراحه مافيني احسب لانه اجزم ميه بالميه لو يصك عمره 50 سنه
ماسوا ولا نص الاشياء الي فوق
خلال وقت زمني قصير لانه بكل بساطه
بدا بامور الديون والسلف ومصاريف العيال الي شرفوا والى اخره

نـادر وجــودي · 29-05-2009, 07:34

أشكــرك علــى هالمــوضوع ..
أولا : أنـا استغـرب مـن تكـاليف الزواج عندكـم بالسعـودية .. احـس مبالغ فيهـا .. احنـا بالكويـت اقـل من تكاليفـكم بواجـد ..

وثانيـا : أنـا عـن نفسـي لو يجـي زوجـي ويأخذنـي بعبايـتي من بيـت أهلــي مـن غيـر عرس راضـيه ولا نبـدأ حيـاتنا ديـون

فـي ديـون .. لان بيسـتانس معـاي كم شهـر وبعديـن بيقعـد يلعـن السـاعة اللي عرفنـي فيهـا وبيحـط ايده علـى خده

وبيفكـر شلـون يسـدد ديـونه .. وبعـدين يا نـواف انـا احـس انا العـرس ماله داعـي بالمـره حفلـه بسيطه بيـن

الاهـل وخـلاص اذا هـو مو مقتـدر ..ليش احمـله فـوق طـاقته وبعـدين والله ان الشبـاب يكسـرون خاطـري

لمـا افكـر فيهم شلـون يتزوجون وسـط كـل هالغـلاء المعيـشي وانا عن نفسـي انـسانه اقتصـادية من النوع الاول

ومـا احب ينصـرف فلس الا بمحـله ..

أ .د. ابو عبدالله · 29-05-2009, 09:12

الله يعينا ياخوي مانقول الله كريم

نوافــــ · 29-05-2009, 13:34

اقتباس:

المشاركة الأصلية كتبت بواسطة نـادر وجــودي

أشكــرك علــى هالمــوضوع ..
أولا : أنـا استغـرب مـن تكـاليف الزواج عندكـم بالسعـودية .. احـس مبالغ فيهـا .. احنـا بالكويـت اقـل من تكاليفـكم بواجـد ..
وثانيـا : أنـا عـن نفسـي لو يجـي زوجـي ويأخذنـي بعبايـتي من بيـت أهلــي مـن غيـر عرس راضـيه ولا نبـدأ حيـاتنا ديـون
فـي ديـون .. لان بيسـتانس معـاي كم شهـر وبعديـن بيقعـد يلعـن السـاعة اللي عرفنـي فيهـا وبيحـط ايده علـى خده
وبيفكـر شلـون يسـدد ديـونه .. وبعـدين يا نـواف انـا احـس انا العـرس ماله داعـي بالمـره حفلـه بسيطه بيـن
الاهـل وخـلاص اذا هـو مو مقتـدر ..ليش احمـله فـوق طـاقته وبعـدين والله ان الشبـاب يكسـرون خاطـري
لمـا افكـر فيهم شلـون يتزوجون وسـط كـل هالغـلاء المعيـشي وانا عن نفسـي انـسانه اقتصـادية من النوع الاول
ومـا احب ينصـرف فلس الا بمحـله ..

اشكرك على مرورك وتعجبني المراه الاقتصاديه لان هالشي يدل على عقلانيتها
وانها تعرف توزن الامور مو مثل اغلب البنات مثلها الاعلى بالحياه
فلانه تزوجت بكذا انا لازم اتزوج بكذا والضحيه اهوا الشاب الي بيتزوج
والمشاكل الماديه الي تطيح على راسه ...
بخصوص زواجاتكم بالكويت يا نادر وجودي
انا احسها نفس السعوديه لاني سمعت انه اقل شي عندكم 6الاف دينار
بدون تكاليف الزواج الي توصل 10 الاف او 11 الف دينار ..
فمادري ياليت تنورينا بخصوص الزواج وتكاليفه عندكم اذا كنت غلطان

الماسه صاطعه · 29-05-2009, 13:41

صادق يا اخوي بس لازم بعد للبنت مهر عشانكم مو بس عشانها يعني البنت برايك تا خذ مهر وتفتح فيه مشروع ولا ايش؟؟؟؟؟ وانت عارف ان الدنيا صاره نار يعني لا زم بعد انها تجيك وهي كامله مكمله لك وهي اساسا لها حق باالمهر

انا معك في مسأله المهر العالي او التبذير بالقاعات الفخمه او السفر او او او انا ما أأييد هالشي العدل بكل شي حلو حتى ربي يبارك لك بزواجك حتى انا دايما اذا شفت هالناس الي متكلفين بالزواج بشكل مبالغ فيه الا حض كثير تنتهي زواجاتهم بالطلا ق هو مو شرط بس العدل بكل شي حلو والتبذير فيها عقوبه من الله

شكلي بكتب مو ضوع هههههههههههه بهالحكي تقبل مروري وشكرا على مو ضوعك

||كلي وفاء|| · 29-05-2009, 13:54

،،

والله للأن خارج تكاليف ليلة الفرح >> مائيتان وخمسة الاف ريال ولسا ما غلقت آثاث

يعني خليها على ربكـ

،،

نوافــــ · 29-05-2009, 15:17

اقتباس:

المشاركة الأصلية كتبت بواسطة الماسه صاطعه

صادق يا اخوي بس لازم بعد للبنت مهر عشانكم مو بس عشانها يعني البنت برايك تا خذ مهر وتفتح فيه مشروع ولا ايش؟؟؟؟؟ وانت عارف ان الدنيا صاره نار يعني لا زم بعد انها تجيك وهي كامله مكمله لك وهي اساسا لها حق باالمهر
انا معك في مسأله المهر العالي او التبذير بالقاعات الفخمه او السفر او او او انا ما أأييد هالشي العدل بكل شي حلو حتى ربي يبارك لك بزواجك حتى انا دايما اذا شفت هالناس الي متكلفين بالزواج بشكل مبالغ فيه الا حض كثير تنتهي زواجاتهم بالطلا ق هو مو شرط بس العدل بكل شي حلو والتبذير فيها عقوبه من الله
شكلي بكتب مو ضوع هههههههههههه بهالحكي تقبل مروري وشكرا على مو ضوعك

انا ماختلف معك البنت تستاهل 50 الف ريال او 40 الف ريال مانقول شي
وحتى 30 الف ريال تكفيها تتكشخ وتتضبط اذا عن انها تتزين لي وتتضبط لي
اتوقع 30 الف تكفي والي اقصده المبالغ الثانيه الي هي مختصه بالتجار
والناس انا مكلوف فيهم ؟

نوافــــ · 29-05-2009, 15:18

اقتباس:

المشاركة الأصلية كتبت بواسطة ||كلي وفاء||

،،
والله للأن خارج تكاليف ليلة الفرح >> مائيتان وخمسة الاف ريال ولسا ما غلقت آثاث
يعني خليها على ربكـ
،،

انت كل شهر تدفع هالمبلغ ؟

آخر وريقات التوت · 29-05-2009, 19:55

لا اله الا الله 175 الف بيوم واحد والله حرام

صدق يوم افكر فيها احس بتجيني جلطه مافيه زي البساطه واليسر لو كل بنت فكرت بسعدتها

وانها بتعيش مع زوجها بكل راحه كان خففت عليه شوي من المصاريف مو كل مطلبته شي قال انا عليه

ديون مقدر اوفيلك اللي تبين قال عليه الصلاة والسلام <اقلهن مهر اكثرهن بركه> لاكن وين اللي

تتبع الحديث ..الله يفرجها عليك ويفتحها بوجهك

تحيااااتي لك......

ويبقى الحب ! · 29-05-2009, 20:42

اسمحولي بس وين الرجال اللي بترضى وحده تتزوجه بتكاليف ميسره مايروح بعد بكره يدور غيرها لأنه ماخسر شي فيها
والا يحسسها بالدونيه بأنها غير عن البنات انها ماتسوى كثير ..
لا بصراحه انا مو مع ان الزواج يكون بشكل مبالغ فيه ولا مع انه يكون مختصر جدا هذي ليلة عمري وانا ابغى احس ان زوجي مستعد يدفع عشان فرحتي ,, وانا بعفيه من شهر العسل برا ومن المصاريف الزايده ,, وشكرا ..

ولد الخوالد · 29-05-2009, 20:50

يا حليلك من قال تأثيث شقة بـ 35 ألف ؟

أنااا أنااا · 29-05-2009, 21:11

أخوي نواف..

أنا أعرف بنات مقربات لي، وحده مهرها ثلاثين الف و أمها ساعدت زوج بنتها في المهر مع انه كان بعيد عنهم يعني مو من الأهل و الزواج كان عائلي، ولا سافرت لأي مدينه حتى داخل السعوديه والبيت ملك، وبعد سنه من الزواج صار يهينها و يتلفظ عليها وفي الأخير وصلت فيه انه يطلب المهر مقابل انه يطلقها << والله لو تعب عشانها و تحمل مصاريفها كان مافكر انه يعاملها بالمعامله هذي، حتى بطاقة شحن لجوالها ماكان يعطيها، يقول ماعنده شي وهو في كل اجازه مسافر مع الشله لخارج السعوديه..

وحده ثانيه كان مهرها أربعين ألف و هي اللي تحملت مصاريف الزواج كلها والبيت كان ملك، و الأن حياتها يرثى لها، عايشه على مكافأة الجامعه وجوالها مايسدده الا كل سته شهور 300 ريال، والله حتى السوق وفي المناسبات مايطلعها تتقضى، يقول ماعندي شي وبالصدفه شيكت على حسابه لقت مبلغ ضخم، لكن ماتقدر تواجهه..

أنا معك ان تكاليف الزواج لأزم تكون معقوله، لكن لا تحطون اللوم كله على البنت، الزوجه من حقها تستعد لزوجها و مايصير تدخل عليه و ناقص عليها لو شي بسيط..

الرجال الواعين يفكرون في الزواج و تكاليفه و حياتهم المستقبليه من قبل سن الزواج، أنا أخوي دخل الجامعه و قسم ممتاز جدا و الوظيفه الحين فوق الممتاز، وكل هذا يقول عشان اذا جاء وقت الزواج ما أكون محتاج لا لديون ولا أحد، كان يفكر في الزواج وهو في الثانويه لأنه يعرف مصاريف الزواج الثقيله..

و شخص قريب لي وظيفته أقل من عاديه و الحين يبي يتزوج ولا هو عارف ايش يسوي، ويقول لو كملت دراستي كان أحسن و لو توظفت الوظيفه الفلانيه كان أنا الحين متزوج وووو جلس يندم حظه..

مو معقوله يجي واحد بوظيفة حارس أمن ويبي يتزوج ويبي كل شي على كيفه، بالعقل من وين بيتحمل كل المصاريف، يجي بعدين بيقول غلا المهور وووو ، طيب انت شوف وظيفتك وبعدين تعال تكلم، بنت الناس مو مجبوره تعيش مع واحد يعيشها في مستوى اقل من حياتها عند أهلها، البنت تبي حياه افضل بكثييييييييير من حياتها عند اهلها..

أنا ماأدافع عن البنات ولا أنا ضد الشباب، لكن الكل مشترك في الشي هذا و الكل ورا عزوف الشباب عن الزواج و عنوسة البنات..

في الأخير أقول كل واحد يناسب عوائل من نفس المستوى المادي ومن نفس الطبقه ويحاول يحسن من وضعه..

أتمنى لك التوفيق و آسفه على الاطاله..

الــ ق ــلب · 29-05-2009, 21:22

الله يعين كل متزوج

ليش لا 1 · 29-05-2009, 22:15

يعطيييييييييييييييك الف عاااافية

جمال المراه روحها · 29-05-2009, 22:28

الصراحه اللي سبب هالغلاء وبكل صراحه حب المظاهر فقط لا غير ياخي اللي بتدفعه هذا كله ابحتفظ فيه لي ولامي ثم لزوجتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكاليف الزواج كامله !!!