عالم الحياة الزوجية - منتدى

saly0 · 30-05-2009, 15:20

مساء الخير اخواتي كيفكم

اتاخرت عليكم شوي بقصتي بس انتوا عارفين كنت تعبانه والبيبي هادا شغل لحاله مغلبني بنام بلنهار

وبصحى بليل

المهم انتوا زي مانتوا عارفين انا خلصت الشهر التاسع وقعدت اسبوع بعديها لولدت انا قبل ما اولد بيومين

رحت عالدكتور وفحصني وقلي في توسع بس واحد سم ومعك ليوم الاحد اذا ما ولدتي بتيجي

عالمستشفى وبعطيك طلق اصطناعي وبولدك انا يئست طبعا وروحت ابكي وقلت لزوجي خلص انا ما راح

اولد واذا ولدت راح تكون ولادتي صعبه

المهم روحت اتغديت ورحت نمت بس صحيت لقيت في دم نازل فرحت كتير وقلت خلص راح اولد اليوم

وحضرت اغراضي واتصلت بزوجي واجى بسرعه ورحنا عالمستشفى بس انا ما كان معي وجعبس مغص ببطني

فحصوني وقالوا لسى التوسع واحد سم وما في ولاده روحي وبس يصير وجع او ينزل دم بترجعي

انا اتعقدت وقلت لو بدي اتوجع واتغرق دم ما راح اروح وعصبت كتير

المهم مر الخميس واجى يوم الجمعه وخلص والساعه 3 بليل صحيت اصرخ من الوجع فقلت هادا وجع عادي زي كل مره

بعدين صار الوجع كل ربع ساعه وبعدين كل عشر دقائق وانا مو فارقه معي كنت اتوجع وارجع انام بس الصبح

ما قدرت اتحمل الوجع صار كل 5 دقائق صحيت زوجي وطلعنا عالمستشفى وفحصوني قالوا التوسع 3سم

خلص ولاده ودخلوني عا غرفه تخطيط نبضات قلب الجنين وعشان يشوف الطلق كل اديه بيجي

وانا من الخوف راح الطلق صار يجي كل عشر دقائق فاجت الدكتوره وقالت شو وين الوجع وين الطلق

لسى ما زاد التوسع فقالت خلص طلعوها عا غرفه فوق واذا ما زاد التوسع بضلك لبكرا ونعطيكي طلق

اصطناعي

فانا قلت يالله شو هالحظ بدي اضل اتوجع لبكرا

المهم ضليت فوق ساعتيت ولسى نفس التوسع وبعدين صار يزيد الوجع صار كل 5 دقائق قلت احسن

وانا عايشه بعيد عن اهلي فاتصلت بماما وصرت ابكي وهي صارت تبكي معي وتدعيلي فانا قويت شويه

اجى الدكتور فحصني قلي صار التوسع 5سم نزلولها عا غرفه الولاده

ونزلت عا غرفه الولاده وصار الوجع كل دقيقه فقلتلها اعطيني ابره الضهر او مسكن مو قادره اتحمل الوجع

فراحت اعطتني ابره مسكن وقالت خدي حطي كمامه الاوكسجين عا تمك كل يصير وجع وضليت عالحال

هاي ساعتين

بعدين مع المسكن صرت حاسه اني بعالم تاني واسمع صدى اصوات الممرضات وسمعتها بتحكي

ماشاءاللله صار التوسع 9سم يلا حضروا الاغراض

فصار البيبي بده يطلع وهم يقولوا يلا ادفعي وانا اقلهم شو اسوي مو عارفه فقالت شيلي الكمامه عن تمك

فصحصحت شويه صرخت راح اموت قالوا يلا ادفعي عا 3 دفعات كان البيبي طالع

فقالوا مبروك جبتي ولد

فقلت الحمدلله وحسيت براحه كبيره لما شفت ابني عا صدري

لسى ما خلصت الولاده قعدوا يستنوا المشيمه تطلع وهاي ملزقه مو قابله تطلع ويحاولوا يطلعوها ما زبط وضلوا يستنوا ساعه ونص عالفاضي

فقالوا خلص لازم نعمل عمليه فصت ابكي قلت للدكتور كنت هاكله هم الولاده طلعلي اشي تاني فصاروا يطمنوني وقالوا عمليه بسيطه ما تخافي

وعملولي عمليه تنظيفات والحمدللله قمت بلسلامه وطلعت عا غرفتي انا وابني وكنت مبسوطه فيه كتير

طولت عليكم بقصتي بس انا بحب احكي يلتفصيل وانشالله كلكم تقوموا بلسلامه ولا وحده تتغلب متلي وتفرحوا باولادكم

ام قصي

الزنبقه · 30-05-2009, 15:42

الحمد لله على السلامه

مبرووك المولود ربي يخليه وتشوفيه معرس ان شاء الله

/أمل عمري/ · 30-05-2009, 15:46

الف مبروك وحمدلله ع سلامتكم.....

حلاوه قطن · 30-05-2009, 17:51

الف مبروك والحمد لله علي سلامتك

@ كوكو شانيل @ · 30-05-2009, 18:32

الف مبروك والحمدالله على السلامه

mo0on_14 · 30-05-2009, 22:39

حمدلله على سلامة
والف مبروووووووووووووووووك

& دلع جوري & · 30-05-2009, 23:59

ربي يطرح الخير والبركه في مولودك

والحمد لله ع السـلامه يالغـلا

أم نور القمر · 31-05-2009, 00:36

مبروووووووووك

والحمد الله على السلامة

عقبالي يارب اقوم بالسلامة

~~دنـــ القوووي فيها حكم ـــيا~~ · 31-05-2009, 00:48

مبرووووك الموووولووووووود

saly0 · 31-05-2009, 12:15

الله يبارك فيكم جميعا وعقبال كل الحوامل يقوموا بلسلامه

ويفرحوا باولادهم كتير مبسوطه بردودكم الحلوه كلكم ذوق

وبارك الله فيكم

الرمش الطويل · 31-05-2009, 12:43

يالله والله بجد الولاده متعبه ...الله يعينا أنشاءالله..

مبروك البيبي ويتربى بعزكم....

ميمي الامورة · 31-05-2009, 16:30

الف مليووووووووووووووووووووووووووون مبروووووووووووووووووووووووووووووك والحمدلله على السلامه ياقمر والله فرحتلك وعقبال ماتشوفيه عريس وتفرحي فيه وعقبال بافي الكروشات والمنتظرات للحمل يرزقهم ربي ويارب ترزقني بالولد الصالح اللهم امين

em tala · 31-05-2009, 19:50

الحمد لله على السلامه

ام هباوي · 01-06-2009, 07:04

الف الف مبروك عليك قدوم البيبي
وان شاء الله تشوفيه عريس يارب
والف الحمد لله على سلامتكم

روح عبودي · 01-06-2009, 07:27

الف الف مليون مبروك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصه ولادتي