عالم الحياة الزوجية - منتدى

][هناادي][ · 31-05-2009, 19:24

السلام عليكم ورحمة الله وبركاتة ...

انا عندي صديقة تملكت من اسبوعين تقريبا .. وامس اول مرة تطلع مع زوجها .. راحوا لمجمع ..

طبعا هي كانت تحسب انة راح يجلسها بمطعم او كوفي من المطاعم الموجودة بالمجمع >>> تخيلوا خلها

بالاستراحات الموجودة بالمجمع,,,,!!

ولما قالت لة كذا شكلنا مب عدل ... انا خطيبتك والناس رايحين جايين يتفرجون على اشكلنا كذا مب عدلة ..

خلينا نروح نجلس بمكان احسن ...

قالها وين تبيني اوديك مثلا ... لو جلسنا بمطعم او كوفي لازم نطلب شي وانت راح تستحين ماراح تاكلين او

تشربين شي قدامي .... (( وفعلا البنت تستحي انها تاكل مثلا او تشرب وهوا قدامها ))

بس بصراحة قصتها امس معاه ضحكتني وحزنتني في نفس الوقت ..

ما ادري هذا بخل منة او انة اول مرة يطلع فيها مع وحدة ...

ما ادري والله ..

unnamed · 31-05-2009, 20:29

الله يعين صديقتك

لكن دامهم متملكين

فالله يوفقهم

قد يكون بخل او يكون متلخبط

saad@ · 31-05-2009, 23:29

ههههههههه

ممكن بخل وممكن متلخبط

او امكن

مطفر!!!!!!

صفحات لم تقرأ · 31-05-2009, 23:38

وعليكم السلام ورحمة الله وبركاته

طيب هو وضح لها السبب ليه ماتصدقه ..!!

هلا باالجرح · 01-06-2009, 00:02

لا ما اتوقع بخل بس لو اختارو مطعم احسن من مجمع

][هناادي][ · 02-06-2009, 20:55

ثانكيو ...
ع كل من رد عموضوعي ..

بس اهو مب متلخبط ( حسب ما قالت لي ) بالعكس كان جرئ لدرجة انة مسك يدها ..
والمجمع كبير فية عدة مطاعم وكوفي ..... ومحلات ملابس ..!

عيون راشد · 02-06-2009, 21:44

مادري ماتوقع بخيل لو بخيل ماراح المجمع اصلا امكن طفران او ملخبط وياليت تطمنينا

Miss.Dania · 03-06-2009, 00:00

بصراحه جرئ مرررررررررررره
يعني حتى لو مامعه فلوس ومطفر على قولة الأخوان مايقدر يستلف من أحد قريب منه ولو 100 ريال
هي مره ثانيه لو بتطلع معاه تروح مطعم وهي تختاره بعد ويكون من المطاعم الفخمه مو عشان شي بس عشان تريح بالها وتتأكد لأن البخل صفه شينه بس احتمال يطلع حريص
بس مدري حسيت كلامه جرئ شوي وشلون يجلسون بالأستراحات كذا قدام الناس كانهم مراهقين
بصراحه التصرف مرفوض والتفسير غامض بعد ولا تحكم عليه من موقف واحد

≈دمعـة مـلاگεïз · 03-06-2009, 06:07

مــدري ياقلبي
الله يسسستـر المهم مايطلع بخيـل
لأن البخل مرض أعوذ بالله
الله يوفقهــا و يسعدهــا

ايميل · 03-06-2009, 10:53

لا أؤيد خروج الزوجة مع زوجها -طبعا بعد عقد القران(الملكة)- حتى يتم الدخول بها ...
فلا تدري ما قد يحصل أثناء هذه الفترة
صحيح هو زوجها الآن و يحق لها كل شيء
لكن قد يطلقها أو يتوفاه الله ،،، و قد جامعها ،،، و لن يصدقها أهلها ...و إن صدقوها فلن يصدقها الناس...
أما قبل عقد القران (الملكة) فإن ذلك حــــــــــــــــــــــــــــــــــــــــــرام

لذه حب :$ · 03-06-2009, 11:17

ههههههههههههههه

مسيكين رحمته يمكن مو عارف كيف يتصرف

الله يوفقهم

غزاااال · 03-06-2009, 19:54

شوفي حبيبتي خلي صديقتك تطلع معه مره ومرتين وخليها بعد تطلب منه حاجات يجيبها لها اذا والله انه سوى اللي تبيها بنفس زينه فهو ان شاءالله انه كريم
اما اذا انه تذمر وقام يأفف ويتعذر فتراااااااه بخيل وقعيطي بعد
وامثال هالرجال تركه احسن لان والله العظيم تبي تتعب بحياتها معه
وأساليني ..... ترا بخل الرجال يجيب المرض وياليته بخل مادي بس
الا بيكون في كل شي بخيل صدقيني قولي لها تسوي عليه تجارب وتشوف النتيجه
علشان ما تعض اصابع الندم بعدين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل خطيب صديقتي رجل بخيل ..!!