عالم الحياة الزوجية - منتدى

العنــــــــــود · 01-06-2009, 00:43

مرحبااااااااااااااااااا كيفكم؟؟؟
بدخل في الموضوع ع طول انا عروس لسا متزوجه من 7 شهور بس ومشغوله جدا بدراستي الا درجه احيانا مقدر اشوف فيها زوجي الموهم مالكم بطويله بعد زواجي بشهرين راح زوجي دوره ولحد الان ما رجع بعد 3 اسابيع بيرجع انشالله يعني ماكنت اشوفه الا بالويك اند بس انا بصراحه مالحقت اتتعرف ع زوجي قبل الزواج ملكتي كانت قصيره بس شهر لا ورمضان بعد وكانت اغلبها زعلانه عليه لاني من الاساس ماكنت ابغاه بس جدتي رنة ع راسي وانا كنت ابي اطفشه مني الموهم تزوجنا وحبيته بشكل جنوني الا اموت فيه وهو عندي يسوا الناس بس المشكله اني عجازه مررررره ولا عمري فرحته بشي او ليله من هاليالي لاني فيني شوية عربجه

وما اعرف اسير نعومه ولو صرت شويه واضحك ع نفسي مدري مو واثقه من نفسي احس اني بصير ماصله حلو ... ثانيا داااااااااااايم زعلانه ع كل شي مدري ليش ما اقتنع بالي عندي ابي زي فلانه وعلانه كذاااا انا انسانه غير قنوعه واحس ما اخذت حقي من الدنياااا اقول ليش فلانه عندها وانا لا ليش زوجها كذا وانا لا؟؟ ليش ما خذه حموله وعائله كبير حتى لو كان زوجها عادي ا لا ملحط بعد وانا ما اخذت الاسم مع ان اسم عائلتي من اكبرعوائل السعوديه ومن هالكلام انا عارفه انه غلط بس ابي اقتنع واريح نفسي وزجي نظر عيني معاي دايم اتشكى لصديقاتي ومدري مين وما انظر للجانب الحلو الي في زوجي حلو الكلام خلاص ابي حل يخلي زوجي يحبني زياده واسير حرمه مثل هالعالم بدل النفسيه الخايسه والمريضه الي عندي والاهم المشكله الي مو مريحتني مع زوجي هو انو شديد ع اللبس بشكل مقرف لا تلبسين قصير مره لا يكون التوب كت لا يصير مش عارفه ايش وانا بصراحه مو متعوده على هالقلق بحجة يغار علي وينرفز لما اقوله بلا تخلف بس واهجد الموهم ابيه يعقل وما عاد يتدخل بلبسي وش اسوي معاه خاصة انو هو مش ملتزم ولا دين ولا شي مدري ليش الاستنذال هذاابي حل ... هيلب مي بليز وسوووووووووري ع الاطاله ترا اكتب لك هالموضوع وعندي بعد شوي اختبار انجليزي بالاداره او مدري العكس دعواتكم لاني بجيب العيد <<<< خبركم عاد معاي التوفل طويلة العمر
ايه صح اهم مشكله اني حساسه بالزياده الا عومه وكل شوي زعلانه ابي اغير هالطبع لو باباتي ازعل عليه واقاطعه نفسيه عدم <<< مو صاحيه هالبنت

وشكرا مقدما

نايف الحسن · 01-06-2009, 00:51

مرحبا دلوعه
اللي اقدر اقوله لك حافظي على زوجك
زوجك يغار عليك لانه يحبك والغيرة مالها دخل بالالتزام
الرجل اذا حب يحب بقوة بس اذا صدمتيه بجفاءك صعب ترجعينه زي اول
انتي بنعمه بس شايفه نفسك شوي على ايش مادري
ان القلوب اذ تنافر ودها .. مثل الزجاج كسرها لا يجبر
سوري على الاسلوب القاسي بس تستاهلين لانك متعوده على الدلع ,,

فيزيائية · 01-06-2009, 01:05

من جد مانت صاحية انتبهي لنفسك ايش فايدة تعليمك
ماهو ضروري تسوين ليله من اياهم اصلا زوجك بعيد عنك وكفاية تغيير انه يجي بعد غيبه
المهم تكوني نظيفة ورايقة وشبعانه نوم وطبعا متشيكة
خليك استايل في اسلوبك ككل ايش بالله فايدة اللغة والتعليم اجل
الله يسعدك والله الاختبار مأثر عليك بالتوفيق

عسل دافي · 01-06-2009, 01:10

الله يخليكم لبعض والغلط حاولي تصلحيه دام انك عارفه اخطائك

وربنا يسعدكم

السمو 555 · 01-06-2009, 01:12

ار ضي بزوجك وحاولي تحافضي عليه

وخليكي من التقليد الاعمى فلانه وعلانه

هذا نصيبك وكتبه الله لك

لا يجي يوم ويتزوج عليك ولا ينفع الندم

لهلوبه4 · 01-06-2009, 01:17

حبيبتي أولا خليك جاده مع نفسك يعني أبدي وبقوه من
اليوم قولي لنفسك أن إنسانه غير أنا العنود الجديده الفاهمه الناضجه الواعيه أنت تحبين زوجك وتبغين
حياتك تصير أحسن وهذا كافي لتقتنعي بلزوم التغير للأفضل
ماعندك قناعه باللي عندك الحل دائما دائما أنظري لمن هو أقل منك وغير كذا لازم تعرفين حبيبتي أن الدنيا
ماكملت ولاصفت لأي من البشر , وأحمدي ربك باستمرار على كل نعمه (ولإن شكرتم لأزيدنكم)
زوجك بعد ماتتغيرين في نفسك أولا وفي شخصيتك عندها فقط راح تقدرين تسعدينه وتتعاملين معه مثل مايحب المهم أبدأي مع نفسك
وأحترمي زوجك وقدري غيرته لاتقولين بلا تخلف ترى مو حلوه في حقه أبدا خلي أسلوبك معه هو بالذات غير
كلللش هذا زوجك وحبيبك وترى مو ضروري يصير ملتزم عشان يقول لك لاتلبسين كذا والا كذا هذا طبيعي
من الفطره السليمه ومن كمال الرجوله أنه يغار عليك فضلا عن حبه لك!!
وكبري عقلك مو على كل شئ تزعلين ؟ صدقيني كذا تصغرين في عين زوجك ومع الأيام مايأثر زعلك من
رضاك حتى ولو كان زعلك في محله!!
الله يهديك لنفسك ولزوجك ويسعدك في حياتك ويعينك على الخير والصواب...
أختك لهلوبه

زينه الكويت · 01-06-2009, 01:19

أختي أهتمي شوي بزوجج أنتي تحبينه لاتضيعينه بين إيدج والله
مثل قول الشعر ..مصيرك مع الأيام تحتاج للتذكار وترجع تدورني ولا عاد تلقاااني ..
الصراحه أتخيل أن زوجج يقول هالشعر هذا وأعقلي يا بنت النااااس صيري مره عاقله أهتمي فيه
ترى بيدور من تهتم فيه غيرج

ام البنات · 01-06-2009, 01:25

[/B]

اقتباس:

المشاركة الأصلية كتبت بواسطة نايف الحسن

مرحبا دلوعه
اللي اقدر اقوله لك حافظي على زوجك
زوجك يغار عليك لانه يحبك والغيرة مالها دخل بالالتزام
الرجل اذا حب يحب بقوة بس اذا صدمتيه بجفاءك صعب ترجعينه زي اول
انتي بنعمه بس شايفه نفسك شوي على ايش مادري
ان القلوب اذ تنافر ودها .. مثل الزجاج كسرها لا يجبر
سوري على الاسلوب القاسي بس تستاهلين لانك متعوده على الدلع ,,

ههههههههههههههههههههههههه
قوووووووووووووووووووووويه
من راي تعقلين ترى الدنيا ميب على الكيف

العنــــــــــود · 01-06-2009, 01:27

الله يجزاكم خير ويسلمكم يا رب معاليش ترا انا من جد احس مو واثقه من نفسي وشايفه نفسي مدري على ايش عارفه هالشي يا حبي لكم كلكم وبالاخص لهلوبه ذكرتيني بكلام خالتي دايم تصفقني باقرب شي لها اذا قلت كذا والله دايم ادعي ربي يرزقني القناعه الحمد الله على كل شي ومشكورين يا حلوين انا مشكلتي دايم اناضر الي عند غيري وما احس انو عندي شي نفسي اقتنع بحياتي ونفسي وزوجي وكل شي خايفه من عقاب رب العالمين الي رزقني ياخذه مني انا اموت فيه ولا اقدر اعيش من غيره بس نفسي اغير طبعي وما اكون انانيه وجافه مع زوجي اخ لو افتك من الزعل والعصبيه وشوفة النفس كان انا بالف خير .... ياما خسرت غالين بها السبب

العنــــــــــود · 01-06-2009, 01:28

بالعكي اخت حلا تبوك اسلوب الاخنايف حلو وانا استاهل لاني عارفه اني غلطانه ويبي لي تكسير راس بعد

العنــــــــــود · 01-06-2009, 01:33

والله يا نا انا استحي من نفسي ومن ربي ومنه اذا كان يمدحني ويقولي كلام حلو ويقولي انتي اسمك احلى اسماء البنات وعائلتكم حلوه ومن هالكلام للمعلوميه اسمي مو العنود << بس احب هالاسم
وانا اشوف نفسي واجلس اقول ايهواله ياليتك تغير اسمك من جد احس اني بزر وما استاهله بس انا والله ما كتبت هالكلام الا اني عارفه اني غلطانه وابي نصيحه انا اقول يمكن لان ماما متوفيه من زمان يعني انا ما اعرفها فصرت قاسيه كذاوعربجيه مدري وين الخلل فيني ؟؟؟؟ ابي نصيحه تكون كف تصحيني من لسخافه والتفاهه الي انا فيها ابي احافظ على بيتي وزوجي والله

pIGEON · 01-06-2009, 01:35

يا الخبلة حاولي تكسبي زوجك زوووجك مافي مثلة في هذا الزمن الا ناااادر جدا والقليل اذا صار زوجك يغار عليك معناتة انة يحبك فا حافظي علية با الااستماع الى كلامة ولا تعاندية ابدا ولا تقولي انه معقد ال عاااااااقل بمعنى الكلمه ول تخلين عنادك ودلعك غرووووورك عليه يسبب فجوة بينكم ويسبب الكرة لاسمح اللهولاتخلين فرصة ومجال لغيرك انها تاخذه منك بسهولة بسبب الي تسوينه نصيحه مني ابسطي زوجك ودلعيية مرررة خلية ما يناظر قددامة الا انتي وبس وهذ عاد بشطارتك يا حلوة وبما انه جاي قريب سوي لة حركاااات حلوة وليلة رمنسيه بهذي المناسبة صدقيني ماراح ينساها ويزيد في حبك اكثثثثثر اسالي مجرب ولا تسالي طبييب وخاصه انكم لسى عرسان جدد وهذا راح يساعدك وموفقين ان شاء الله

صفحات لم تقرأ · 01-06-2009, 01:55

عجيب أمرك !!

إذا هو يخاف ويغار عليك صار متخلف ..

لازم تحترمي زوجك وتسمعي كلامه ..

ولاتقارني بين الناس خليك قنوعة وارضي بإللي كاتبه لك الله عز وجل

والله يوفقكم ويسعدكم ..

ام البنات · 01-06-2009, 12:37

شوفي يالعنود

هذي حياتك وانتي اختاري السعادة او الحزن

الحريم كلها تبحث عن الاشياء الي ترضي رجيلها

وانتي العكس فليش الغيرة

ترا كل العضوات غيرانين منك

انبسطت كذا

الله يوفقك ويجمع بينكم بخير

nounatiti · 01-06-2009, 15:08

بما أنك عرفت خطأك حاولي تصحيحه ,الزواج مسؤولية حافظي على زوجك لأن الصبر له حدود ,ممكن تندمي في يوم إذا تخلى عنك أو قصد امرأة غيرك ,ربي يهديك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع زوجي مع اني لسا عروس...