عالم الحياة الزوجية - منتدى

شفايف · 02-06-2009, 16:28

:frashafwa (7):

بسم الله الرحمن الرحيم ..

السلام عليكم و رحمة الله وبركاته ..

مره متضايقه و لا بعارفه وش اسوي

وحبيت تساعدوني في مشكلتي ..

من البدايه ..:

انا بنت عمري 20 سنه ولله الحمد

لمن كان عمري 17 .. خطبني واحد من قرايبنا من بعيد ..

وافقت عليه ع اساس انه شخص خلوق و مدين زي ما تكلموا عنه

مضت خطوبتي 6 شهور .. اكتشتف فيها انه انسااان مافيه اخلاق ..

حتى ابوي ما يحترمه .. و يطول صوته ع امي ..

ويقول اهلك معقدين < لان حنا عايله مطوعه= مدينه ..

رفعت عليه قضية طلاق لمن تطااااول بقوه

ولا رضى يطلقني .. و قلت بخلعه ..

قال بالاول ادفع له 500 الف بعدين يطلق ..

بالموت رضخ من بعد 7 الاف بالاضافه إلى المهر ..

ولله الحمد .. الله من علي و انقبلت بالجامعه ..

وحاولت انسى الي مضى .. واعيش حياة ازين من الي قبل

واتعلم من الي فااات

من بعد ما اطلقت بشهرين انخطبت بس ابوي ما رضى لان تو منفصله ..

وحتى بذو القعده الي راح بعد بس ما صار نصيب ..

المهم ..:

من كم شهر راحوا عندي ولد عمه ..

خذ ايميلي من وحده من خواته بحجة انه يبغى اصمم له استايل لمنتدى

لاني انا مصممه و اشتغل بالتصميم الاستايلات و ابيعهم ..

قلت يلا اضيفه و اشوف وش يبغى

>>> ابوي ما يرضى اكلم اي ولد حتى لو ولد عمتي ..

بس قلت ما بقول له .. لان الكلام بشغل .. وقلت لخالي عنه

وقال انا اعرفه ذا و انه واحد يعني زين ما عنده حركات

المهم صار عندي بالايميل ..

بعد شهر تقريبا من ضيفته جلس يكلمني عادي ..

وفجأه قال لي تتزوجيني ..

انا انصدمت ما توقعت اصلا انه يفكر يتزوجني

وخصوصا انه سنه و نص واهو يدور ع عروس و للحين مافي نصيب

سكت و حطيت فيس مستحي ..

وبعدين صرت اعامله عاادي .. ما كأنه قال شي ..

بس صارت طريقة كلامه غير ..

يعني كأن صج بتزوجه ..

المهم مالكم بالطويله :...

اهو قال لامه انه يبغاني مع اني مافيني المواصفات الي يبغاها

وصاروا يبحثون له عنها

البارح جات امه بيتنا الي اهي عمتي ..

قالت لامي انه ولدها يبغاني ..

وجلست تشرح لامي ضروفه ..

وانه ما عنده الا شهادة متوسط و شغلته بسيطه

و ما عنده سياره و يشرب زقاير .. و اشياااء كثيره ...

المهم انا ما يهمني ذا كله .. اهم شي اخلاقه << قلت لامي كذا

قالت لي امي : روحي عند عمتك تبغاك ..

من بعد ما طلعت ..

راحت بيتهم و اهو جنب بيتنا .. لبست عباتي و رحت ..

ولمن رحت .. خذتني الغرفه و سكرت الباب ..

مسكت يدي و قالت لي : ولدي قال لك يبغى يتزوجك من قبل ..

انا خندست راسي و قلت اي ..

قالت عمتي : ترضي تتزوجي واحد عنده اخلاق مو زينه زيه

يعني الواحد لبغى البنت يجي يخطبها من الباب

مو يشاور البنت قبل اهلها ..

انا استحيت و ضليت منزله راسي مو عارفه وش اقول

قامت تقول : انتي زي بنتي و انا ابغى لك الزين

اهو لو وحده من خواته صار لها كذا كان ما رضاها ..

واهو واحد عنده اخلاق مو زينه حتى الصلاة متهاون فيها

ويشرب زقاير و يسمع اغاني

ويعصب ع اتفه شي ..حتى انا امه ما يحترمني لعصب

انا اصلا ما ابغاااه .. قبل لا عمتي تقول كذا ..

لاني انا وحده حساسه و ماره بتجربه من قبل ..

وعارفه الواحد لمن اخلاقه مو زينه وش يسوي و شلون ما يحترم احد

واهو ولد عمتي ماره معه بمواقف .. يقط الكلمه الي تجرح و بس

ولا يراعي مشاعر الاخرين ..

قامت تقول : انا ابغاك تعطيه درس و ترفضيه من شان يتعلم انك مو جدار هبيط و يصعدك

يقول بنت خالي وحده مطلقه اكيد بتوافق علي ولا بتقول لا ..

المهم ضلت تتكلم عن ولدها ..

بعدين انا سكت وبس اقول لها ان شاء الله طيب ..اكيد ..

المهم قلت لها بعدين .. انا بروح بيتنا عندي مذاكره وشغل ..

قالت لي طيب جابت لي ماي لاني جلست اصيح و ارتعد بقوه و قرأة علي قرآن ..

و حضنتني بقووه ..وقالت لي خلي ذا سر بينا و لا تقولين لاحد عن الكلام الي قلته

بعدين رجعت البيت .. و استلمتني امي .. اسأله .. قلت لها بس تتكلم لي عنه ..

وبالموت صدقتني ..

المهم اليوم الظهر لمن جيت بروح الجامعه

كنا جالسين بالصاله انا و ابوي و امي ..

قامت تقول امي .. بنصير في مكان مطنزه >> كلمه تنقال بالحساوي معناها شماته ..

يوم ما حصل له حرمه جلس يبغاك لانك مطلقه ..يعني فضيل وعبرة حاال ..

انا سكت .. و جلس ابوي مدري وش يقول انا رحت غرفتي لبست ورحت الجامعه

وانا راجعه من الجامعه .. احس بحيره ما عندي احد اتكلم معه

ودي استشير احد جلست اصيح ..

..

بالموت قدرت اخفف رجفتي ..

ابغى افكر وش اسوي ..

خاايفه مره ابوي يدري اني كلمته بالمسن .. ويسوي لي سالفه

اصعب شب اذا طاحت البنت من عين ابوها وراحت الثقه هدر ..

مع انه مو واحد غريب و لا مره كلمته في شي مب زين

بس انه طلب يدي واستشارني قبل اي احد

حيل منقهره .. امي معصبه ولا تبغاني اخذه

وابوي لانه ولد اخته يقول بكيفها .. اهو مصيرها

وعمتي مدري وش تبغى مني تبغى تكلمني بس من دون ا حد يدري مدري وش بتقول ..

وانا بين نيران ::

نار امي وابوي .. ونار عمتي .. ونار ولدها الي يفكرني موافقه عليه ..

وقال لامه وبكل بجاحه انه يبغاني و انه كلمني و قال لي

طبعا امه زعلانه عليه ... وتبغى تكلمه بس اهو لعصب ما يحترم احد قالت ما بتقول له ..

وتبغاني انا ارفضه من شان اعلمه درس ..

كيف برايكم اصلح الموضوع

احس الغلط مني ليه اضيفه ما عمري ضفت ولد وبس ضفته صارت لي هالمشكله

ساعدوني برأي الله لا يهينكم

أختكم ..

:frashafwa (7):

بلاستكـــ · 02-06-2009, 16:57

اول شي .. إختيه هدي شوي وكل شي راح يتيسر ..

ثاني شي إعرفي إن إنتي بإيدج الموافقة مو أي أحد ثانـــــــي .. يعني لا إمج ولا أبوج

ولا حتى عمتج وولده يقدرون يغصبونج على شي ؟؟ فاهمتني ..

بقولج شغلة ..

إيبي ورقة وقلم .. وقسمي الورقة لقسمين ..

إكتبي في القسم الأول سلبياته والقسم الثاني إيجابياته وجوفي أي كفة بترجح ؟؟

بعدين حبيبتي إلي عرفته من كلام إن هو متهاون بالصلاة .. إتأكدي

من هالنقطة لأانها وايد خطيرة وراح إتأثر على تعاملج معاه ..

إختيه.. إنتبهي ترا إلي ما فيه خير لأهله أكيد مافي خير لحرمته وعياله بعدين ..

وآخيرا إستخيرا وأعملي بالأسباب .. والله يوفقج =)

نورالتقى · 02-06-2009, 17:01

اختي
هونيها وتهون بإذن الله تعالى
اولا الله يعوضك خير ويرزقك الرجل الصالح النقي التقي اللي يعوض قلبك عن كل مارأيتيه
ثانيا شوفي اختي الأن انتي المفروض تجلسي جلسة مع والديكي ابوكي وامك كل واحد فيهم على حدة يعني اول شيء تكلمي مع ابوكي واخبريه باللي صار بالتفصيل يعني أنتي مالك اي ذنب في اللي صار اضفتيه ظنا منكي انه يريد شغل في تصميم او شيء زي كدة لكن كانت نيته الزواج منك وكأنه متأكد انك راح توافقين عليه بسبب تجربتك السابقة
لايأختي انتي مو لعبة في يده يحركها وقت ما يبغى والحمدلله ان امه اللي هي عمتك كما أعتقد جلست معاكي وصارحتك عن ولدها وانتي اصلا كنتي عارفة عنه هالشيء هذا انه هو مو حق زواج بسبب اخلاقه
اجلسي مع ابوكي وامك وفهميهم اللي صار وعيشي حياتك طبيعي ولأكأنه شيء صار روحي للجامعة وبالنسبة لأيميلك اعملي واحد جديد لايعرفه ولد عمتك
الأمر يحتاج منكي الى شجاعة وقوة فلا تشتتي نفسك بين والديكي وبين هالشاب هذا
الجأي الى الله اولا وأخيرا وان شاء الله سيكون معاكي في هذه الأزمة البسيطة جدا في رأيي وانتي بإذن الله قادرة على ان تتجاوزيها
انتي مازلتي صغيرة في السن والحياة امامك فاتحة ذراعيها لكي فعيشي الحياة بكل مافيها ولاتفكري في الماضي بل فكري في مستقبل وركزي على التصميم لأنه هيفيدك بكرة في حياتك العملية
تمنياتي لكي بالتوفيق والسعادة وراحة البال
ان شاء الله اكون افدتك وريحتك بكلامي لك
تقبلي مروري
نور التقى:frashafwa (9):

unnamed · 02-06-2009, 17:18

والله ياختي مافهمت خلاصه الموضوع

انتي تبغينه يعني؟

تشكرات يادنيا · 02-06-2009, 17:30

الله يووووفقك حبيبتي
ما يحتااج تكدري خاطرك انتي عالبر
اول شي تسوينه احذفي ايميله من عندكـ
ودام ما غلطتي معاه ما راح يقدر يمسك عليك شي
ثاني شي اررررررررررفضيه دام امه وهي امه ما قدرت تلقى صفه وحده تمدحه فيها
لا تفكري توافقي علشان تجنب المشاكل بالعكس اذا وافقتي راح تطيحي بمشاكل على هالمواصفات اللي فيه
وبعدين الحمدلله ان ابوك ما فكر يجبرك عليه وقال هي تختار
لكن اهمممممممممم وآخر شي احب اقوله
كل ليله قبل ما تنامين اقري سورة (( يس )) وصلي ركعتين ادعي فيهم اللي تبغين وشوووفي الخير باذن الله
هدي الامور حبيبتي وثقي بنفسك دامك ما غلطتي
موووووووووووووفقه يا رب الله يسعد ويفتح بوجهك ابواب الخير والسعاااده يا رب

العمده · 02-06-2009, 17:36

يابنت ارفضيه وانتهى الموضوع
وحتى لو قال لابوك انه كلمك بالماسنجر اهون من ان تبقين مع انسان تافه طول العمر

مهاوي الشوق222 · 02-06-2009, 17:49

ارفضيه وبس

**ورد** · 02-06-2009, 17:58

صلى الإستخارة

فإن لها فوائد عظيمة

@. بادرة .@ · 02-06-2009, 18:00

ارفضيه انسان متهاون بصلاته لا يحترم أمه ماذا تترجين منه

الله يرزقك الزوج الصالح اللي يستحقك

شفايف · 02-06-2009, 18:02

تشكرون ع النصائح ..

بحاول اخفف بكي .. عيوني تورمت ..

وبعدين بصلي استخاره ..

الله يحقق الي ببالكم

موفقينـ..~

شفايف · 03-06-2009, 13:32

روز22 · 03-06-2009, 13:57

انتبهي استشيري كبير

مدري احبه ؟؟ · 03-06-2009, 14:28

ياعمري عليك باين عليك حساسه وقلبك رهييييييييف ...هدي ياحلوه البكاء مو حل بتدمرين نفسيتك

والموضوع مايستاهل ذا البكاء كله ...لأنه اولا واخيرا القرار بيدك ليش خايفه ,,,اذا تبين تتخذين قرار صح لاز م

تكون اعصابك هاديه عشان تفكري زين... وسؤال ,,,انتي لك رغبه توافقين ؟؟ اذا ماتبينه خلاص ليش تتعبي

نفسك بالتفكير دام القرار عندك موجود..... شوفي يالغلا ...ولد عمتك اول شي لازم تحذفي ايميله من عندك وما

تتكلمي معه على المسن ابدا ... واستخيري بكثره وانسي البكاء ....وشوفي اذا امه وهي امه وتقول عنه كذا

وانتي باين عليك انك تنهاري بسرعه من قوة حساسيتك ...انتي بتحددي اذا يناسبك او لا فكري زييييييييين ""

الله يوفقك ويكتب لك اللي فيه خير ""

شفايف · 04-06-2009, 01:41

تشكرون حبيباتي ع الرد

المشكله بدت اشوي تنحل ..

ادعوا لي بالتوفيق

لكم ودي ~

نورالتقى · 04-06-2009, 01:47

الحمدلله
كل مشكلة ولها حل
مافي شي مستحيل على رب العالمين
انتي خليكي على موقفك وانتبهي تتراجعي ابدا
الله يوفقك
تحياتي
نورالتقى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

المشكله معقده مره .. بليز ساعدوني ..:(