عالم الحياة الزوجية - منتدى

ReemOoOo · 04-06-2009, 07:20

السلام عليكم ورحمة الله وبركاته
احب اطرح لكم مشكلتي وابي منكم المساعده وتعطوني حلول لو بسيطه لاني بصراحه تعبت
وانا افكر دخلت بدوامه
انا في فترة الملكه الحين زواجي باقي عنه شهرين وخطيبي لحد الان مو فاهمه عليه اتعبني واتعب نفسيتي
تخيلوا بالبدايه ماكنت اعرف عنه ولا شي لحد اربع شهور من فترة الملكه
لا مكالمات ولا مقابلات ولا ولا شي انا كنت راضيه وساكته
بس بعد اربع شهور من الملكه وفجأه صار يرسل وطلب يكلم قلت لنفسي فرصه وجات عندك يابنت انتهزيها
مادري هو انا اخطيت او اتسرعت ؟؟!! المهم المكالمات كانت مره بالاسبوع ورسايل على الخفيف
بس اللي مجنني الحين رجع وغاب وانا اخذت تجي وتروح معي الافكار وماعرف ايش اسوي واتصلت عليه وزين رد فاجأني ببرودة اعصابه ومشاعره مادري هو مايحس ..!! وصارحته وقلت له ان هالاسلوب مايعجبني قام يتعذر بشغله و.....و..... ونفس الحكايه الحين غايب صار له فتررره قلت هالمره بستخدم معاه اسلوب
التطنيييييييييش بس مو نافع معاه شي ولا ناوي يتحرك وانا مو عارفه ايش اسوي التوتر والقلق ذبحني
وخصوصا انو موعد الزواج قرب عيشني بشك وخوف مو حاسه بامان
وربي محتاره مو عارفه كيف اتصرف معاه
بليييييييييز ساعدوني باللي يفيديني لاتبخلوا علي
آآآســفــهـ على الاطالهـ

نورالتقى · 04-06-2009, 07:36

هلا اختي
والله اللي اشوفه انا في هالمنتدى اغلب مشاكل المخطوبين والمتلكين على بعض هي مشكلة البرود والامبالاة للطرف الأخر صار هالشيء مشكلة العصر
وانا واحدة من البنات اللي كانت وبصراحة مازلت اعاني نفس المشكلة مع خطيبي ولكن الحمدلله تأقلمت وعودت نفسي اعامله بالمثل مع ان هالشيء يمكن بيزعج شوي ولكن الحياة الزوجيه يأختي لابد من التنازل والتضحية خصوصا من طرفنا احنا يعني احنا اللي مطلوب منا ان نضحي ونتازل شوي من اجل مركب الحياة تمشي وتوصل لبر الامان
المرأة بطبيعتها جبلت على العاطفة وحب الأهتمام من الجنس الأخر ولكن كل واجد على حسب تفكيره وشخصيته
قد يكون خطيبك من النوع الكتووووووووووم جدا وقد تكون فعلا شخصيته غامضة وقد يكون لايريد ان يدخل معاكي في كلام مهما كان نوعه الا بعد ان تدخلوا معا عش الزوجيه وقد يكون وقد يكون
وفي الأغلب تجدي اعذراه موجودة مسبقا يعني اكيد هيقولك على سبيل المثال والله انشغلت اليوم والله كنت نايم والله معزوم
وهكذا
شيء طبيعي انك تحسي بالنفور منه خصوصا وانتي مازلتي معاه في بداية الطريق ومع انك صارحتيه بهالشيء اللي يزعجك منه ولكن محلك سر لايبالي
نصيحتي لكي انك لاتركزي ابدا على هذه النقطة في شخصيته ان سأل واهتم فخير وبركة وان لم يسأل بادري انتي بالسؤال بادي بالأهتمام اشغليه بمحبتك وحنانك ولطفك وصدقيني راح تأثر فيه بشكل كبير في مستقبلكم معا بأذن الله
إن كان من النوع الصامت اي القليل الكلام خليه يتكلم ويخرج عن صمته بأسلوبك انتي يعني حاوريه بأهتماماته وهوايته والأشياء اللي يحبها حتى وان كانت تافهة في نظرك
ركزي على ايجابايته مثلا طيبته معاكي وهكذا وان شاء الله في المستقبل راح يتبدل ويتغير للأحسن
اتمنى اكون افدتك بكلماتي
الله يسعدك ويوفقك يارب
كوني سعيدة
نورالتقى

ReemOoOo · 04-06-2009, 07:47

فعلا هو شخص غامض وكتووم بس هو طيب وحنون

والمشكله الي متعبتني ومجننتني بروده وعدم اهتمامه

مشكوره اختي على نصائحك وجزاك الله الف خير

نورالتقى · 04-06-2009, 07:52

إذن يأختي
تركيبته كدة سبحان الله في ناس وفي اشخاص معينين بالطريقة هذه المهم انك تعرفي كيف تكسبيه وكيف تكسبي قلبه وعقله طالما هو زوجك يعني المرأة لها اسلوب خاص بها اسلوب التشويق اسلوب الدهاء والمكر
ان كيدهن عظيم فأنتي استخدمي كل الأساليب الممكنة لديكي في سبيل انك تحصلي على سعادة وراحة بال في المستقبل
وفقك الله واسعدك رب العالمين

العمده · 04-06-2009, 08:03

يمكن بعد الزواج يتغير اصبري عليه

مسؤول غررررررررررررم · 04-06-2009, 08:52

والله مشكلة برررررررررررررررررود ناقصين برود احنا
P.S. Peole ,You should see it! windows screen savers saver free at secreen-saver4u.info

صفحات لم تقرأ · 04-06-2009, 08:55

وعليكم السلام ورحمة الله وبركاته

بادري بالإتصال عليه والسؤال عنه .. يمكن خطيبك خجول

الله يعينك

مسؤول غررررررررررررم · 04-06-2009, 09:37

الله يعينك عليه البرود هذا مشكلة مع انشغال الناس وهمومهم كوني انت السباقة
P.S. Peole ,You should see it! windows screen savers eelco saver at secreen-saver4u.info

THE SKY COLORS · 04-06-2009, 10:00

وش فيكم ياناس يمكن صدق مشغول
يمكن طالب يدرس وعنده اختبارات
موظف في شركه وماعنده وقت
يمكن مايحب المكالمات ومن النوع اللي مايحب يطول بالتلفون
التمسي له الف عذر ..

k-z-m · 04-06-2009, 11:05

اتمنئ يااختي الكريمه اعاده النضر في خطيبك والسوال عنه وممكن يكون مجبور عل الزواج 0 وممكن يكون ش شششششششششششششششششششششششششاد جنسيا واتمنئ كلامي يطلع غلاط ولكن يجب ان تتحركي لكي لاتنصدمي بعد الزواج ويكون بارد جنسي000000000 واتمنئ لكي حياه سعيده

كيفي عنيده · 04-06-2009, 15:51

زوجك من النوع الخجول ويحب البنت الجريئه جرئيه عليك بحدود المعقول .. مثل عينات زوجي ..
ولاتتوتري بعد الزواج حيتغير بس كل هذا خجل .. لا تشيلي هم افرحي وانبسطي صدقيني بعد الزواج حتتفاجئي فيه وحتكوني مرتاحه ومبسوطه معاه .. بس بادري انتي بالاتصالات والاهتمام وشوفي كيف يتغير عليك ..

الله يطمن بالك ويريحك ابعدي عن التفكير والوساوس وتعوذي من ابليس .

التايف · 04-06-2009, 16:50

سبحان الله عكس قصتي تماما

خطيبتي ما تتصل علي و لاشي مسجات اذا مرررررره اشتاقت و مو دايم

انا اللي ادق عليها و اسال عن اخبارها

زوجك يحتاج مساعده منك و كلام هادي و تفاهم بعقل

التمسب له العذر و صارحيه و بتلقين له اعذار

الله يوفقكم و يجمعكم على خير و موده

نايف الحسن · 04-06-2009, 17:38

عادي جدا
بعض الرجال ما يحب المكالمات مع انه عاطفي مرررة وحنون
لاتستعجلين عليه
خلي عواطفه واحاسيسة تنفجر بعد الزواج
مادري البنات ليه مستعجلين على الرجال قبل الزواج والدخله
وراكم العمر كله ان شاء الله
اركدي وخليه براحته
بس بعد الزواج امسكيه بتلابيبه
قولي تذكر يوم ماترد علي اوررررررررررررررريك الحين
الله يسعدكم ,,

ReemOoOo · 05-06-2009, 02:05

مشكوورين على ردودكم وتجاوبكم معاي

بس الي انا خايفه منه انو نستمر على هالحال حتى بعد الزواج

الدنيا فرص · 05-06-2009, 09:13

الله يعينك ..
لا صدقيني ماراح تستمرون على هالحال ..
اكيد الامور راح تتغير ..
بالتوفيق . ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبي بااارد مايحس