عالم الحياة الزوجية - منتدى

أ .د. ابو عبدالله · 04-06-2009, 08:19

نجي لقضيتنا ومحور حديثنا

( ياولدي بنحجز لك بنت فلان )

( يابنتي ترى ولد فلان حاجزك )

( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد

ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع

هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن

مين يسمع ..خلاص البنت محجوزة لفلان

قصص تبكي القلوب .. وأحلام تضيع في قرار

أمال وأمنيات تتبخر ..

بصراحة انا احس ان الحجز فيه ظلم للبنت

خصوصا ان الولد لو كبر وغير رايه ماهيتأثر

لكن البنت حساسة وهتتأثر

وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته

وحجوزها له ..

لكن البنت هي اللي هتتأثر اكثر

يخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

أتمنى التفاعل

ضيم السنين · 04-06-2009, 08:27

مافي شي اسمو عاادات وتقاليد بسالفة الحجز
بس احيانا ترابط العائله مع بعضها يخليهم يزوجون بعضهم البنت لولد عمها ... والعكس
يعني من زود الحب .. طبعا هذا تفكير الكبار

بعضهم يرضى بالواقع حتى وان كان مو مقتنع .. وبعضهم لا يرفضون وتصير مشاكل بين العوائل

بس هالحتسي منذو قرون .. اعتقد اللحين القرايب ماعاد يبون بعضهم

يعني تلاشت هالعاده .. وان وجدت بتصير من النوادر

مدري وش اسمي نفسي · 04-06-2009, 11:28

صدقت وكلامك صحيح وللاسف موجود للحين

البنت لولد عمها والعكس صحيح

بس للاسف كثير من هالمواقف ماتنجح ونتظلم البنت بشكل اكبر من الولد

وهذا ماينفي ان الولد بأوقات ينغصب عالبنت والعكس كمان صحيح

انا اعتقد انها عادات وتقاليد ولا في الدين مافي شي غصب وخااااصة الزواج

صعب ان البنت تبني امالها مع ولد عمها بواقفع الحجز ولما يكبرون تتحطم ان ولد عمها يعتبرها مثل اخته وتنتهي السالفه وهي مشاعرها بالطقاق

قضيه صعبه تختلف باختلاف عقليات الناس وعاداتهم وتقاليدهم

تصدقون اعرف وحده عمرها 25 محجوزه لولد عمها عمره12سنه !!

يقولون ماتتزوجين لين يكبر

اذا كبر نشوره يبيك ولا لا تخيلووووووووووووو

معقوله في ناس بها التفكير اعوذ بالله والحمدلله الذي عافانا مما ابتلاهم فيه

اسفه عالاطاله بس انا اشوفها قضيه صعب حلها

التايف · 05-06-2009, 18:49

اذا كان فيه تراضي بنهم ليش لا
حتى البنت تكون مرتاحه اكثر لان الجو ما تغير عليها كثير
تبقى ذي ثقافة مجتمع
انا خاطب بنت عمي و ولد عمي خاطب اختي و زواجنا في الصيف
و الله كلنا مستانسين الحمدلله
طبعا كل ذا بدون اجبار
الله ييسر الامور

شموخ000 · 05-06-2009, 20:23

حلو ان البنت او الولد يتزوجون من اقاربهم بس مايكون بالغصب
الله لايبلانا اشييين شي انهم يجبرون احد بالزواج

شقراوي وفتخر · 05-06-2009, 20:42

تخلف
وعادات تظلم الطرفين

.

ليش لا 1 · 05-06-2009, 21:03

تخلف لاكن بالاخير نؤمن بالقدر
والزواااج مثل المنية وين نصيبك بيوديك

دانـــــــــــــــة · 06-06-2009, 03:03

للأسف هذه العاده مازالت في كثير من المجتمعات والعوائل إذا كان الشي برضى الطرفين دون ماتكون هناك مشاكل حلو لكن المشكلة اذا كان بدون رضى الزوج او الزوجه هذا الشئ يسبب مشاكل وتصير حياتهم روتينيه
وهذا الشي صاااااااااير بواقعي وللأسف ضاعوا فيه بنااااااااات كثير وأنا اعرفهم شخصيااااا لأنها لو تزوج ولد عمها وتركهاااا لزوم ترضى بزوج متزوج وتصير الزوجة الثانية وهي توها صغيرة
مثلا الحين اقرب مثال قريبتي عمرها تقريبا 12 سنه انحجزت لواحد ولايدرون هل البنت موافقه او لا أهم شي عندهم البنت تتزوج من القبيلة وخلااااااااااااااااااااص صالح ام طالح
الله يستر على الجميع تقبل مروري

دمعة على خدي · 06-06-2009, 03:19

اشكرك اخوي على هالموضوع

بالفعل هالشي انتشر بين العوايل و للاسف زي ما قلت نهايته مو مضمونه اما ان يتزوجوا و يكون هم قابلين بعض او يكون الولد مغصوب و في النهايه يطلق او البنت تغصب نفسها على العيشه اللي اختارها لها الاهل عن طريق الحجز...

الله يكفينا شر هالشي

و بالنسبة لسؤالك

اقتباس:

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

لو كنت انا اتمناه و عاجبني اكيد حقبل بس طبعا بعد محاولات لمعرفة اذا كان هو راغب في ذا الشي ام لا

اقتباس:

وهل هذا الشي موجود في عائلتكم ؟؟ وماموقفكم منه ؟؟

لا الحمد لله مو موجود بعايلتنا موقفي اني ضد هالشي مرررره

to0ota · 06-06-2009, 15:48

عادي انا محجوزه لولد خالتي مااشوف فيهاا مشكله والموضوع بدأ من امي وخالتي من كثر مايحبون بعض قالو بزوجونه والولد ماادري اذا يحبني ولا بس اكيد مواااافق لان امه تكلمه بالموضوع قدام خالاتي الباقيات ومايعارض بالعكس مبسوووط والله يوفقني ياااااارب ويكفيني شر الحسااااد

الموضوع مابه تخلف بس الاهم انه مايكون بالغصب

بو أسوم · 06-06-2009, 17:10

السلام عليكم ورحمة الله وبركاته
بصراحه ذكرتوني بأيام زمااااااااااااان لما كانت بنت عمي محجوزه لي وآنا محجوز لها
مع الأيام صارت خلافات بين أبوي وعمي وصار اللي صار وتفرجنا آنا وبنت عمي
عمي عايش بقطر قطري وزوجت عمي إماراتيه ونحن عايشين بدوله خليجيه آخرى
هي الحين عايشه حياتها وآنا عايش حياتي ,,,,

أ .د. ابو عبدالله · 09-06-2009, 18:45

مشكوووورين اخوني اخوتي
صحيح لو كل الطرفين موافقين ومقتنعين عادي مانقول شي بس او مافيه موافق ويفرض عليها الزواج من القبيله سوء عجبه ولا لا
الحمد لله على كل حال
حنى عندنا لا بس حنى شرط واحد انك ياولد الجنوب ماتتزوج من غير الجنوبيه هذا عند ابو
لان مره كنت ابي صديقت اختي وهي من اهل الشمال وانا جنوبي وواهل البنت موافقين وكل حتى البنت وجاء الشياب حقنا ورفض بقوه
مانقول الا الله يصبرنا وهذي انا الحين بتزوج وحده من اهل الدير صحيح اني مابيها ولا عمري تخليت اني اكون معها بس الله يجيب العواقب سليمه يارب
واشكر الجميع

*pain* · 12-06-2009, 14:20

هذا الامر فيه ظلم كبير ... لكلا الطرفين...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياولدي انت محجوز لبنت فلان..