عالم الحياة الزوجية - منتدى

بــطــة · 05-06-2009, 04:05

السلام عليكم ورحمة الله وبركاته

أخواني وأخواتي ......
عندي مشكله وبصراحه ودي أسمع رأيكم ....

أنا انخطبت من فترة ... المهم وملكت لي أسبوعين تقريبا ..
المهم في ايام اللي تقدم لي خطيبي ولما جا عندنا البيت وجلس مع بابا طبعا
المهم الكل كان يمدحه من ناحية اسلوب وشخصيه ومعامله وكل شي
وهو ولد خالة صديقتي (يعني من طرفها تم التعارف ) وهي كانت تقولي عنه كلام مررره خياااال
المهم بعد الملكه اكتشفت أشياء غير اللي سمعت عنها مو كل شي
الشي اللي ماعجبني فيه أسلوبه ...
بصراحه هو ماخذ الدنيا كلها مزح ونكت وبس ماعنده للجديه مكان الا بسيط
ومايعرف يناقش ولا يفتح موضوع حوار وأحس عقله صغير
للمعلوميه ( أنا وياه نفس العمر )عمري 23 وهو نفس الشي
الموووهم ... ولما افتح معه مواضيع فيها نقاش مايقولي رايه ياخذ بكلامي وبس ولما اقوله ابي اسمع رايك يقول ماعندي ... كلامك صح ..

ولما اناقشه بأي موضوع يجلس يستهبل ويستعبط ...
بصراحه عجزت افهمه ... أحيانا اقول يمكن لان تونا بالبدايه واحيانا اقول لاااا هذا تفكيره
احس ان يبي له تغيييييييييييير بالشخصيه كثيييير

وبصراحه أبي ادخل معه بموضوع اناقشه فيه بس ما اعرف اختلق حتى سالفه خياليه أبي أشوف مستوى تفكيره ...

ياليت اللي عنده فكره يقولها لي

انتوا شنو رأيكم .... ياربي وش كثر أعاني لما أتكلم معه ......

أنتظر ردكم

أنا مو بطه انا أخت بطه

unnamed · 05-06-2009, 04:21

والله اختي الكريمه

الامر جدا جدا جدا عااااااااااااااااادي

ليه مايجي هو ويقول ياناس خطيبتي جديه جدا ودايم تحب تدخل نقاشات في امور تافهه

احس اني غبي بلطافتي وفرفشتي قدامها

شفتي ياختي لو زوجك يحب ينتقد وش بيقول

صدقيني عيشي حياتك ولاتحاولي تنتقديه

اذا الناس كلهم مدحوه صدقيني اختي مافيه شي تخافين منه

ومع الايام انا اثبت انتي راح تتغيرين وبتكون نكتيه وتحبي الفله مثله

الله يوفقك ويبعد عنك ابليس ووساويسه

التسجيل · 05-06-2009, 05:57

مع احترامي للرد السابق

لكن الأمر غير عادي .. هو صحيح طبيعي ... ولكن يحتاج اهتمام

زوجك لم يسبق وتحمل مسؤولية ولا يعرف ماذا تعني الحياة الزوجية ومسؤولية اسرة

عاش فترة طويلة في اللهو والمرح ... طائش بحياته لفترة طويلة

لم يُفكر يتزوج .. ربما أهله من رغبوا في ذلك ..
وهو بدافع استكمال استمتاعه بحياته وافق على الفكرة

ما بأعيب فيه بأن ذلك مستحيل للتغير .. كلا

بل سوف يتغيير ولكن إن لم تساعديه على ذلك الآن سوف يصعب بعد ذلك السيطرة عليه

ربما بعد الزواج والأولاد ستغيره طبيعة الحياة .. ولكن لا مانع من التجربة حالياً

افهميه .. واعرفي ماذا يحب .. وجاريه فيه لفترة
أحبي ما يُحب وشاركيه فيه .. سوف يلتفت لك ويبدأ بالاستمتاع معك وسماعك بوضوح

أسأل الله له الهداية ولك التوفيق والسعادة

الدنيا فرص · 05-06-2009, 07:16

يا هلاوين والله وغلا . .
الف الف مبروك على الملكه وعقبال ما تفرحون بزواجكم ..
شوفي وانا اخوتس ..

يكفيك ان الرجال خلوق وطيوب وحبوب(ولو ان صديقتك بالغت بزياده ..طبيعي لانها شاريتك وما مدحت الرجال لك الا لانه فيه خير وتبي لك الخير.)
وطبيعي الرجال في بدايه العلاقه ... يبي يخلي الوضع فري بينك وبينه ..
وده يكسر الحواجز الي بينكم.. .
ما وده يكون الكلام كله رسمي رسمي ..
وبعدين لو كان الرجال ثقل بزياده ورسمي وما يمزح الا شوي ... كان قلتي يووووووووووه كيف بقدر اعيش معه .!!
كونه مرح اكثر.. ... افضل من انه يكون ثقيل وما يمزح الا بطلعة الروح .
كثير من البنات يتمنون مثل شخصية زوجك ..
وباين عليك ماشالله رزينه .... بس لازم نخلي للفسحه مكان في حياتنا .
ومع الوقت صدقيني راح يتغير ..

لا تستعجلين ... بعدكم في بداية حياتكم .. المشوار قدامكم طوييييل . .. اللله يهنيكم ويسعدكم
وحطي في بالك انه ما فيه انسان كامل.
ويكفي شهادة ابوك له ان الرجال طيب وشخصيته حلوه وتعامله مع الناس روعه ..

بالتوفيق

العمده · 05-06-2009, 07:31

هلا فيك اختي
خوذي الامور ببساطه واحمدي ربك ماجاك واحد معقد
صدقيني هذا اريح لك من غيره
واتمنى لك السعاده والتوفيق

التايف · 05-06-2009, 13:19

يمكن عشانه ما تحمل مسؤوليه في حياته توه صغير
انتي حسسيه بالمسؤوليه و قولي له انت الان صرت مسؤول عن زوجه و عن بيت ناقشيه بهدوء
و لا تضغطين عليه بالحيل و استمري معه و لا تتراخين
حسسيه بالمسؤوليه
وفقكم الله

عادل العشي · 05-06-2009, 19:44

لا تشتري بأذنيك إشترى بعينيك
وراء كل رجل عظيم إمرأة .. حل الموضوع في يديك أختى الفاضلة
والله يوفقك
تقبلي مرورى

بــطــة · 06-06-2009, 05:30

يسلمووو أخواتي واخواني على الردود
بس في بعضكم فهم الموضوع غلط ...
أنا ماعندي أي معارضه على خفة دمه .. بالعكس حتى قلت له حلو أ،ك تغير جو وتعيش يومك زتستانس

بس اللي انا ابيه ان يفكر بعد بنفسه وبحياتنا ويخطط شلون نبي نعيش يعني من هالاشياء

أبي أحس أنه كبير وشخصيه وصاحب عقليه لا يعلى عليها لما أتكلم معه
الحياه مو كلها سوالف ضحك ووناسه .. اذا هو بس هذي حياته كيف راح يتعامل مع الناس لما يختلط فيهم
وكل واحد يختلف عن الثاني ...بأسلوبه وشخصيته

نورالتقى · 06-06-2009, 06:17

اختي بطة او اخت بطة
صبحك الله بالخير والسرور
ركزي على رد الأخت او الاخ تسجيل انا اوافقه الرأي تماما
أعتقد من كلامك عن خطيبك انه ماخذ الأمور ببساطة وبدون اي تعقيدات يعني عامل بالمقولة اللي تقول عش حياتك فالدنيا لا تأتينا الامرة واحدة عشان كدة تشوفي منه المزح والنكت ومن هذا القبيل وهذا شيء جميل جدا فيه ونادرا لما تلاقيه في احد ثاني
سبحان الله فعلا ربك مقسم حتى الطباع في الأشخاص
يعني كل واحد على حسب شخصيته وتركيبته النفسيه
انا لاارى في خطيبك شيء مزعج بالعكس انتم الان لسة في مقتبل العمر يعني شيء طبيعي يكون ماخذ الأمور ببساطة لأنه انسان بسيط وزي مايقولوا بالبلدي فرفوش وبالنسبة للمواضيع والنقاشات
ممكن انك تحاوريه في شيء هأقولك كيف
مثلا لو كان من اهتماماته النت ابحثي معه وارسلي له عن مواضيع تطوير الذات وكيف تجادل الاخرين ومن هالمواضيع اللي لاحصر لها في النت
حاولي معاه شوي شوي وبالصبر والحكمة منك راح توصلين للهدف المنشود ان شاء الله
حلوة الهدف المنشود ههههههههههه
المهم ياعزيزتي بطة
ركزي على اخلاقه ودينه وهذا اهم شيء وصدقيني دوام الحال من المحال يعني بكرة راح يتغير وينضج اكثر ويستوعبك اكثر
موفقة ان شاء الله والله يتمم امركم على خير
تحياتي لك
نورالتقى

THE SKY COLORS · 06-06-2009, 06:24

معليش بس الصراحه اللحين البنات يبون واحد مفصل تفصيل
يعني لو انه شديد ومن النوع اللي يفرض رايه واذا جيتي تناقشين يقولك لا مافي كذا كلامي يمشي بتجين هنا تشتكين
وهوكذا طيب وحبيب جايه هنا تشتكين وبعدين معكم يابنات
انا لو اني شاب انتحرت ولا قعدت بدون زواج اصرف لي
معليـــــــــــــــــــــش معليــــــــــــــــــــــــش
الولد شاريك وياخذ رايك ولا يسمع الا كلمتك وش تبين اكثر من كذا
احمدي ربك شباب الايام هذي تبين تمشين على مزاجي ولا اقضبي الباب
اسمعي وانا اختك اذا ماتبينه حوليه علي انا موافقه عليه

قمرة الدانه · 06-06-2009, 06:40

ان شاءالله بحوله عليك
والاخت اللي تقول اذا كان النت من اهتمامه ارسلي لي مواضيع ...
للأسف أن النت مايفكر أبد فيه ولا يبي يتصفح مواضيع ...
أرجع واقول أنتوا مافهمتوا أنا وش أقصد ...
لكن أخوي اللي نكه التسجيل هو فهم قصدي ...
انا ماعندي مانع على خفة دمه أستوعبوااااا ياااناااااس
انا اقول انه ماعنده اهتمام غير الضحك حتى على اتفهه الامور
يعني احيانا اكون اتنافش معه بموضوع مررره مهم يجلس يستهبل ومادري شنو
يعني الاستهبال بعييييد كل البعد عن الموضوع اللي نتكلم فيه

نسيت اقولكم أنا اخت بطه وسجلت عندكم بأسم قمرة الدانه

وجـــدان غـــاليتك · 06-06-2009, 07:09

الله يصلح حالك أنتي توك بسم الله وقررتي انه يبي له تغير شخصيه ويستهبل ويستعبط ,, مافي شخص يجيك على القد,, شكله فرحان فيك ,,أو انه عفوي مايحب التعقيد ,,لا تستعجلين حاولي معه ,,
يــــارب أصلح شأنهم وجمعهم على خير وبركه اللهم امين..الأعضاء ماراح يقصرون معك تقبلي مروري

بــطــة · 08-06-2009, 06:26

اخواني واخواتي الاعضاء ,,,

جميع من تجاوب مع اختي قمر الدانة ,,,

باسمها اوجة لكم اطيب التحايا ,,,

والشكر موصووول لشخصم الكريم ’’’

لتكرمكم وابداء رأيكم والمشورة لها في مشكلتها ,,,

لكم امنياتي بالتوفيق ,,,

اختكم :

بطة

حياويهـ · 08-06-2009, 07:00

ياعمري والله وطبوا ببطنك الاعضاء ههههه .
حبيبتي أنا فاهمه وش تقصدين يمكن لأنه ماتحمل مسؤوليه من قبل وماخذ الحياة عنده لعب وضحك وفرفشه وماخذها ببساطه .
فيه الشيء الحلو وفيه الشيء الشين .
بس خلاص ياقلبي هدي بالك وأرضي باللي ربي كتبه لك وتراه أحسن من الشديد والله ، أنبسطي وفليها معه .
وتذكرين وش قال الرسول عليه الصلاة والسلام أن المفروض الزوجه تتزوج رجل يكبرها بثلاث سنوات ، لأن المرأءه بتفكيرها أكبر من الرجل .
ولحد يطب ببطني يقول النساء ناقصات عقل لأن المقصود فيها انها تنسى بسرعه بحكم تربيتها لأبنائها والى أخره .
الله يوفقك يارب وصخركم لبعض ويسهلها عليكم .
بالتوفيق .

لذه حب :$ · 08-06-2009, 11:01

لاحظت اكثر المواضيع بهالقسم يشكون من رجالهم انهم غير جديين وعقولهم صغيرهـ ؟! مادري هذا شي ينحسب ضد في شباب هالوقت والا ايش؟

المهم .. استخيرري والله يقدم اللي فيه الخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي رأيكم وشوركم