عالم الحياة الزوجية - منتدى

حــــــــيرانه · 05-06-2009, 05:56

بسم الله الرحمن الرحيم
مرحـــــبا ياغالــــــــــين ..

ابكي اليوم واشكي من حزني علينا كأمه مســـلمه .. ومن حزني

على احفاد المهاجرين والانصار

نعم .. نحن احفاد المهاجرين والانصار الذين تقاسموا المال

والثمرات والزوجات ايضا ..

كعادتي احكي لكم من قلبي لقلووبكم ..

:frashafwa (41):

تخيلوا .. لا لاتتخيلوا هذا الشي اكيد يعني اتركوه يمر قدام عيونكم

بشكل مباشر .. المهم

بعضكم او ممكن الاكثريه منكم عارفين قصتي مع زوجة اخويه ..

اللي يقهر

أنا مظــــــــلومه ... والله العظيم

انها انسانه تكذب على نفسها وتصدق الكذبه يالطيف .. وقبل

كم يوم جاتني ورقتي الرسميه << عقبالك ياأنــــاناسه

وكل مظلومه ومعلقه يارب << ماعــــــــلينا

يوم انتشر الخبر وصرت مطلقه بكل ماتعني هالكلمه من معنى

بعد كم يوم سمعت انها تقول الهـــــانم :

انا اصلا دعيت عليها ان الله يفرق شملها هي وعيالها

<< سلامــــات يا ام المؤمنين

المشكله انها حتى صلاتها مو محافظه عليها .. ولاعمري شفتها

تقول دعاء او اذكار ودايما اخوي

يتهاوش معها لهالسبب وانا اللي اوقف معاها وربي عالم ..

وانصحها وانصح اخوي يستحملها

وتكرهني مادري ليش ؟؟؟

ومانتبهت الا خالتي تكلمني وتقول انها تمشي بين الناس وتقول كذا
؟؟
وهي عارفه انه طليقي كان متمسك في ورافض يطلق لاخر

نفس .. وهذا اللي قاهرني انها وحده

مني وفي وعمري ماقصرت معاها والله العظيم .

الرحمه انتزعت من قلوب الناس والله . وصارمافي ايمان

ولاخوف من الله . احنا احفاد المهاجرين

والانصار نسوي كذا ببعض .

الحين وش اللي حادها علي انا تدورعلي الهرج (( هذا غير اللي

ماقلته لكم )) حسبي الله ونعم الوكيل

والله العظيم اخواتي مايسكتوا لها وانا الوحيده اللي اراعي حق الله

فيها واخذها على قد عقلها ..وانقهر

منها واعصب بس ارجع اقول حرام مسكينه هذا اللي ربي اعطاها

من عقل .
وزوجها اخويه الغالي على قلبي وماحب تصير مشاكل بسببي

استحي منه وحتى ماقلت له انه تقول كذا

مادري ايش اسوي ؟؟؟

اكره الظلم ؟؟؟

واعرف اخويه لو بقوله شي بياخذ لي حقي اكيد مهما كان الثمن

وهي انسانه قدرتها على الله . يالطيف

واهـــــــلها من زين التربيه بعد ينصرونها حتى لو كانت غلطانه

يعني ماتشوف اني محرومه من عيالي وحالتي بالهم ؟؟؟

ليش تزيد علي ؟؟؟ دلوني عالحل ؟؟

تعبت من اني اكون انا المضحيه دايما .. قولوي هذي الانسانه

ايش الرادع لها ؟؟

انا اتعوذ منها زيها زي ابليس ؟؟ اعوذ بالله من شرها

قولولي بس هذي الادميه انا كيف اخلص منها ؟؟

:frashafwa (41):
تحـــــــــــــيه من قلبي لقلوبكم الرائعه .. شكرا لكــم

م-سيف · 05-06-2009, 06:06

الله يعينك
طنشي
انتي عارفتها ... وعارفه اخلاقها ... وحتى اهلك عارفينها وعارفين تصرفاتها
خلاص
طنشيها .... ولا تلتفتي لها ... وعامليها بالمعروف حسب الحدود ....
وماعليك منها ....
عيشي حياتك .... المشاكل ألي انتي فيها من طلاقك ومن فراق اطفالك تكفيك ... وانتي مو محتاجه مشاكل اكثر ...
احمدي الله على كل شي
وعيشي حياتك وأبحثي عن السعادة ....حسب ما يتوفر لك من امكانيات

الله يوفقك

حــــــــيرانه · 05-06-2009, 06:17

هلا بك اخوي .

انا والله اطنشها قد ماقدر .. بس تقول انه هي اللي دعت علي وطلقتني ..

والله لو اني اكله حلال ابوها

او قاتله لها قتيل ماتدعي علي ..
لاحول ولا قوة الا بالله

شكرا اخوي .. من القلب

..هــــــــــــدب.. · 05-06-2009, 06:56

الله يعينك اختي ويفرج كربك ويعوضك العوض الصالح
دائما كرري اللهم من ارادني بسؤفاشغله في نفسه واجعل تدبيره تدميره امين
وحاولي تذكريها بالله وعاقبة الظلم والله يكون بعونك

وجـــدان غـــاليتك · 05-06-2009, 09:17

حبيبتي هدي نفسك الأنسان الفاضي هذي سواته,,هي الي دعت عليك وطلقك صار الأخت صاحبت دعوه مستجابه تدعيلي على كذا الحمد الله وشكر ,, الله من صغر العقل بس أسفيها خليها تعيش منتصره بتخيلتها الوهميه ,,تحسب أنها قادره على الناس ترى الله أقدر عليها من نفسها,, تعوذي بالله منها ومن شرها وجعلي الله في نحرها يكفيك شرها,,أسأل الله الكريم رب العرش العظيم أن يشرح صدرك ويفرج كربك ويسر أمرك ويكفيك شر أهل الفتن ويأجرك في مصيبتك ويبدلك خيرآ منها اللهم أمين..أتمنى الأعضاء يفيدونك اكثر تقبلي مروري..

رومنسية صامتة · 05-06-2009, 09:34

بالعفو والسماح والاجر من عند الله فالاخرة

ابو الغالية · 05-06-2009, 10:30

اختي الكريمة
انا من خلال حديثك عنها ومن خلال طريقة كلامك .. عرفت انها اقل منك ...ومن خلال ذلك عرفت ايضا ً انها تحس انك شايفه نفسك عليها .. سواء قصدتي هذا الشي او لم تقصديه فهي تشعر وتفهم ذلك .. ومن هذه الاشياء لما تصلحين بينها وبين اخوك .. فهي تشعر بانك الافضل وبانك صاحبة فضل عليها .. وتشعر بالغيرة وتحاول تثبت نفسها بانها الافضل او على الاقل ليست اقل منك بشي ... حتى وان تصرفت بشكل خاطئ .
فلذا اختي الكريمة : حاولي قدر المستطاع ان لا تشعريها بذلك .. وان شاء الله تتحسن الامور

اخوك
ابو الغالية .

حــــــــيرانه · 05-06-2009, 14:35

طليقة تيفا ..

يسلمو ياغاليه .. الله يسعدك يارب

وجدان غاليتك ..
الله لايحرمني منك يابعد عمري .. يسلمو حبيبتي

رومنسيه صامته ..

الله يجزاك خير

ابو الغاليــــــه ..

انا مادري كيف انت حسيت اني شايفه نفسي .. الحمدلله انا ماشوف نفسي

على احد لانه كلنا فينا عيوب واخطاء

وماحد كامل . انا كبرت عقلي وطنشتها عشان اخويه .. وعشان امي وابويه

وعشان انا ماحب ابدأ بالمشاكل وهي تعرضتني وماهي اول مره .. وبعدين

كيف تكون اقل مني .. زوجة اخويه .. يعني حسب ونسب وجمال

وماناقصها شي . بس ربي ماعطاها عقل راجح وفوق كذا فيها سبعمية

مليون عقدة نقص (هــــــذا اللي انا قصدته ) . تكره وتغير وتحقد حتى على
نفسها .
وانا ماسويتلها شي هنا مربط الفرس . انا زعلانه لهذا السبب وادور حل

لهالمشكله

أربعيني حنون · 05-06-2009, 16:09

اختي الفاضله مشاركاتكــــ من الاعماق ومعاناتكــــ واضحه من كتاباتكــــ

أختي من الضروري أيجاد حل سريع لهاذة المعانات

التغيير هو الحل الاسرع الاختيار المناسب وقبل هاذا التوكل على الله

قحطاااني ماااركه · 05-06-2009, 20:46

يبدو لي ان زوجت اخيك صاحبة عقلية بسيطه
وتفكير سطحي سخيف فأظن ان الحوار والنقاش
معها لا يجدي والأفضل هو تجنبها والصبر عليها
ومحاولة كسبها وديا من خلال التعامل الطيب
والهدايا وإن شاء الله إنك مأجورة بالمقابل لو حاولتي
تعاملينها بنفس معاملتها لك الخلاف يكبر ويصير عائلي
وإذا شفتي الكيل طفح ياروح ما بعدك روح تدخلي بعينها
واللي يصير يصير ما يطيح شيء من السماء إلا ينزل على الأرض
الله يعينك وينصرك ويفرج مصيبتك ويعطيك على قد نيتك

حــــــــيرانه · 05-06-2009, 21:08

اربعيني حنون ..
مشكووووور

قحطاني مااركه ..
يشرفني مرورك اخوي .. وشورك وهداية الله
الله يعطيك الف عافيه ويرزقك كل اللي تتمنى يارب

كلي ملح ودمي سكر · 05-06-2009, 22:12

اختي حيرااااااااااانة حاولي تتجنبيها وتعامليها رسمي في ناس احترامهم لايفيد للاسف

وهالشي يخليهم يزيدون

ويعتبرونة ضعف الحل انك ماتجادلينها وتجنبيها والباب الي يجيك منة الريح سدة واستريح
وكونها تتشمت فيك فالله تكفل بدعوة للمظلوم ليس بينها وبين الله حجاب
لاتضحك على اخيك فيرحمة الله ويبتليك والجزاء من جنس العمل اللي يروح بالدنيا مايروح بالاخرة
الله يعوضك خير ويهدي مرت اخوك
تحياتي ودعواتي لك بالتوفيق وتوديع تلك الاحزان التي اشعر بها بكتاباتك
ااسأل الله ان يعوضك خير
انة على كل شي قديرررررررر

نورالتقى · 05-06-2009, 22:56

كان الله في عونك ياعزيزتي وفرج عنك الهم والغم وشر كل ذي شر
اللهم اني اعوذ بك من سوء القضاء وشماتة الأعداء ومن شر البلاء ,,,رددي هذا الدعاء يأختي العزيزة وسامحيني لأنه لا يحضرني الان
المهم ان تكوني احسن منها بأخلاقك وفرض احترامك لها وإذا مو عشانها اكيد عشان اخوكي
انا رأأي انك تتجاهليها تماما وفقط تكلميها رسمي يعني سلام عليكم وعليكم السلام
حرااااااااااام تدعي عليكي وانتي ما سويتي لها اي شيء
ليش ياويلها من حساب ربي تشمت في موضوعك وانتي مالك ذنب فيه
الله المستعان
اصبري يأختي وخليكي انتي الأحسن
في ناس مليان مثلها والله يهديها لنفسها
المهم انك لا تحزني وخليكي قويه صامدة امام اي مشكلة تواجهك
الله يسعدك يارب ويريح مافي قلبك
قولي امييييييييييييييين
تقبلي تحياتي
نورالتقى

حــــــــيرانه · 05-06-2009, 23:04

امين يارب العالمين ..
حبيبتي نور التقى ..الله يسعدك يارب وشرفني مرورك يالغاليه والله يجزاك بكل حرف مليون حسنه
الله يريح قلبك وخاطرك ويسعدك.. شكرا لك

حــــــــيرانه · 05-06-2009, 23:06

نانسي ..
الله لايحرمني من هالطله يالغاليه ..يسلمو حبيبتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بكل الاسى احكي ..