يا هلاوين والله وغلا .

يسعد صباحك اخوي طارق ..

اسمع وانا ااخوك ..
ماشالله رابتك 3500 خير ونعمه طالما انك بتسكن مع اهلك .
فيه ناس رواتبهم 2500 و2000 وساكنين سكن مستقل لحالهم .

براتب هذا بتقدر تتزوج وانت مرتاح البال .
وسبحان الله ترا الزوجه تجي ورزقها معها . .
يكفي ان اللله سبحانه وتعالى يقول : وانكحو الايامى منكم والصالحين من عبادكم وايمائكم ان يكونو فقراء يغنهم الله من فضله .
اما سالفه ان هل البنت بتقبل براتب 3500 !! اقول لك ايه وبقوة بعد .
الناس معاد تناظر للمرتب ولا تناظر المنصب ..
الناس تبي تستر على بناتها .
والعوائل الي يتفشخرون ...مانبي الا موظف حكومي والا براتب ما يقل عن 15000 ومدري وش !!! هذولي ابعد عنهم وانا اخوك ..
واللله يرزقهم
والحمد لله ما عليك قاصر .. السكن موجود بتسكن مع اهلك في جناح خاص .
والسياره طبعا موجوده .
الاكل من اكل البيت .
والفواتير المويه والكهرب على البيت .
وايجار البيت مافيه ..
ما عليك الا مصروفها ومصروفك الشخصي وجزء تتدخره لبعدن
وكم قرش للطوارئ ..
والباقي وسعو صدوركم فيه ..


واذا وقفت على المهر .
لا يردك الا بنك التسليف .. قرض ميسر 40 الف بدون فوائد .. (بس حاول تقدم بدري)
وما تسدد الا 400 ريال شهريا او 700 ريال ..

ولو قلنا ان راتبك 3500 بيكون بعد القرض 2700 + 750(بدل السكن)= 3550 ريال .

اقول طارق .. توكل على اللله ولا يردك الا اميمتك والا وحده من خواتك قل لهم يدورون لك .
اللله يوفقك..
والف مبروك مقدما .
تحياتي