عالم الحياة الزوجية - منتدى

أمنيات السماء · 06-06-2009, 07:15

بسم الله الرحمن الرحيم
أحب أنوه انو هذي أول مشاركة لي في المنتدى .. طبعا أنا كنت فقط قارئة بس في شي دفعني أني أكتب وما أصير أنسانة سلبية بس أستفيد وما أفيد ..
المهم قبل ما أبدأ أحب أوضح أن اللي راح ينذكر مواقف ولحظات مريت فيها وتعلمت منها "وما زلت أتعلم " لأني كل ما أقرأ موضوع ألاقي صحبته عارضة مشكلة أنا واجهتها من قبل فحبيت انكم تستفيدوا ..
بسم الله أبدأ ..
هههه خاشة حرب أنا
من البداية :
بعد الرؤية الشرعية ((والموقف الغبي اللي صار فيه هههههههههه بس ماراح أقولو لأنو فشلة ))استخرت الله كثييييييييييييير وما أبالغ لوقلت بعد كل صلاة لأنو الإستخارة في صلاة السنة مو في الفرض ،، وأحمد ربي أنو كان وقتها رمضان فاستخرت ربي والحمد لله ما قصرت وكنت أعلم يقيناً انو ربي راح يختار لي اللي في الخير
طبعا ملكت في شهر شوال وههههههههههه المحروس الله يحفظه ماأخذ رقم جوالي
قعدت تقريباً شهر على هالحال وكنت أعتقد انو هذي عاداتهم لأنو من قبيلة ثانية
بعد شهر اتكرم وصار يدق على أمي ههههههههه اتخيلوا يدق على أمي ويسألها عن أخبارها ويقفل
بس بيني وبينكم أنا كنت مرتاحة من الوضع لأني ماكنت مستوعبة إني خلاص صرت متزوجة
هههههه بعدها صار يكلمني بس تدرون أنو أول مكالمة كانت في جوال ماما ههههههههههه
طبعا كان في بننا زيارات بس كانت أول زيارة بوجود العائلة الكريمة (( ماما ، بابا، أخوي )) وهذا كان بطلب مني ورجاء شديد ،، لأنو في نظري مو حلو رجال غريب عني حتى لو كان زوجي أجلس معاه لحالي أول مرة على العموم هذي كانت أول زيارة
تكررت الزيارات منه وبعد تقريباً خمسة شهووور صارت الشبكة والحمد لله بعد ما أتأجلت لعدة مرات (( الشبكة حفلة تشبه الزواج بس الفرق فيها أنو البنت ما تكون فيها خايفة عشانها عارفة أنها بترجع بعد هذي الحفلة لبيت أهلها ))
كان المقرر أنو زواجنا يكون في الصيف بس ربي ما أراد لأنه يشتغل في مدينة وأنا ساكنة في مدينة ثانية وعشاني أدرس ماأقدر أتزوج لأنه راح يكون بعيد عني فالأحسن أخلص دراستي وبعدها وين ما يبغى يسكن أروح معاه
والحمد لله على كل حال اتأجل الزواج إلى الصيف القادم بإذن الله سواء خلصت دراستي أو لا
((هذي مقدمة فقط ههههههههههه........
************************************************** *********
أحب أقول انو بسبب هذي الفترة الطويلة طبعا صارت مواقف
وحبيت أحط تجاربي للإستفادة فقط لأني لاحظت كثير من المخطوبات يسألون و معظمها أسألة مشتركة يعني غالبيتنا بيمروا في ذي الظروف ..
أول حاجة في بداية مكالماتنا والزيارات كنت أشوفه زي أخوي مررررررررة واللي زاد هذا الشعور نفس التفكير والتصرفات وبصراحة طلع هو وأخوي لهم أصدقاء مشتركين عشان كذا في البداية ما كنت أحس بأية مشاعر تجاهه سوى المشاعر الأخوية ههههههههههه بس أتذكر ذيك الأيام .. لدرجة كنت أشتكي لأختي اللي أكبر مني وطبعا هي متزوجة وقالت لي حاولي انك تشركينه في حياتك مثلا في الدعاء
في البداية حسيتها مررررررررة صعبة علية لأني كنت دايما أنساه وإذا أتذكرت كان في آخر دعائي ""طبعا ذاك أول مو ذحين ،، ذحين هو أول واحد فدييييييته ""
وشوية شوية حسيت انو مختلف عن أخوية طبعا هذي الحالة يمكن مسكت معايا تقريبا شهر وشوية .. فيعني اللي تمر بهذي التجربة طبيعي
************************************************** *********
ثاني حاجة ابداً في أول مكالماتك لاتكوني عجولة وتتكلمي كثير يعني كثري من الضحك الخفيف ههههههههههههههههه عن تجربه ""شوفو مين اللي يتكلم
لا تقولين كلام غزل وحب وخراااااااابيط خليه هو اللي يبدأ وبعدين أنتي بس أول خليها مسجات بس خفيفة مو من العيار الثقيل
************************************************** *********
الزيارااااااات وما أدراك مالزياراااااااااااااات بصراحة يا بنات لما يقولي انو بيجيني .. البيت كله يكون في حالة استنفار عشان كذا أكون مرهقة ذهنياً وبدنياً بسبب الزيارات وصرت ما أحب انو يجيني
طبعا هو لاحظ هذا الشي وصار يطالبني اني ما أتكلف .. وبصراحة أشوف انو مالها داعي بس ما أقدر من متى وانا أعرفه عشان تطيح الميانة بيننا
الموهم ..
أنا ما عندي حلول وسط يا أطخه ياأكسر مخه .. يوم جاني وأنا بالبجامة ويوم بلبس البيت بس طبعا مرتب شكلي .. مأبغا أخوف ولد الناس
اللي أقصده من هذي الحركة لازم تعوديه على شكلك بكل حالاتك
يعني انتي مستحيل تكوني اربعة وعشرين ساعة بفل ميكب وملابس أوفر لما تكوني عندو
************************************************** *********
صارت لنا مشكلة زي أي اثنين متملكين وهذا شيء طبيعي لأنها فترة تعارف ودراسة الشخصيات ..
المشكلة تافهة جدا جدا جدا وهي
طلب انو يجيني وأنا كان عندي اختبارات نصفية طوال الأسبوع وما عندي فترة أذاكر فيها إلا الويك اند " هذي المشكلة صارت أيام حرب غزة "
طبعا انا استحيت أقول له لا تجي وما عرفت ايش اسوي ايش اللي صار ،، قلت لا تجيني ذحين عشان تشتاقلي أكثر
قال أنا أبغى أجي عشان أهلي " أهله ساكنين في نفس المدينة اللي أنا ساكنة فيها "
يوم جا أرسلت له رسالة أبيات شعر وبصراحة أنا أشوف أنها عادية جدا
أنا أرسلتها في الليل وفي الصباح ألاقي رسالتين طوييييييييييييييييييييييلة منه
ملخصها :
انا ماني على كيفك وهرج الحريم خليك منه "عشان تشتاقلي أكثر " أنا ما أجي بذي الطريقة .... ويعني كلام زيه
طبعا بكيت وصحت وما قدرت أذاكر ، ولما كنت أروح لماما كانت تقولي تستاهلي ليش ترسلين له رسالة " ماما قصدها ليش تشوقينه أكثر لك دام ما تبغينه يجيك"
بس أختي الله يجزاها بالخير قالت لي لا تبكين ولا تتوقعين اننا راح نحل مشاكلك واجهيها بنفسك
بعد ما هديت أرسلت رسالة عتب وتوضيح في العصر وخليت الجوال على السايلنت " ما أحب أقفل لأني أبغى أرفع ظغطه ههههههههههههه عندي حركااااااااات الله المستعان بس
بعدها صار يرسلي ويدق وانا مطنشششششششششششة على الأخير وفي النهاية طلع هو الغلطان
كان زعلان ماأدري من مين وفش غله فيني أنا المسكينة
تصدقون أنا من النوع اللي يزعل بسرعة وما يرضى بسهولة بس لما فكرت بعقلي مو بقلبي لقيت ان الموضوع جداً تافه باستثناء انو لما يكون معصب من أحد ما يفش غله فيني "من حقي أبغا أضمن مستقبليييي " وقلت في نفسي قد أيش اننا تافهين الناس تتذبح في غزة وأنا وهو متزاعلين على شي ما يسوا
والساعة وحدة في الليل حنيت عليه ورديت والحمدلله ما كبرت المشكلة ولا شي بس عاقبته لمدة أسبوع ما يسمع صوتي هههههههههههه يموت لو ما سمعه وهذي نقطة ضعفه بس بيني وبينكم كنت ما أبغا أنشغل لأنو عندي اختبارات
اللي حبيت أوضحه من هذي التجربة اللي حصلت لي أننا احنا البنات لازم نكبر عقلنا شوي لما هم يصغرووووووووه ههههههههههه لأننا دايما نفكر بعاطفتنا قبل أي شي ثاني وهذي صح طبيعة فينا بس بالدعاء ربي يصلح الأحوال ان شاء الله
************************************************** *****
الحاجة الأخيرة اللي حابة أضيفها هي صح خااااصة بس ما راح أتكلم فيها
اللي هي الحركات اللي تصير بين كل زوجين فترة الملكة بس أبغى أوضح نقطة أحسها مررررررة مهمة
بصراحة يابنات تعبت تعبت قد ما أقول إني تعبت قليلة بسبب هذي التوجيهات تلاقين كل وحدة في العايلة حاطة لك دستة تحذيرات ونصايح وماني عارفة ايش وكمان النت ما بقى على حاجة
بس نصيحة مني لاتعبون أنفسكم خليكم على طبيعتكم أحلى بس الحدود حدود والكل عارف وما لازم يتخطاها أي واحد فيكم
طبعا المناطق اللي فوق" المنطقة المحظورة من السرة إلى الركبة " حسب كل ناس وفي النهاية انتي حلاله وهو حلالك
بس حبيت ااكد على انو كلام الناس لاتشيليه لأنك راح تتعبي زيي والله أحس نفسي محنطة وحتى هو لاحظ وصار يشك ويسألني هل أهلي غصبوني على الزواج منو بسبب اني صرت أجلس بعيدة عنه لأني صرت أخاف وأفسر كل حركة تصدر منه بحاجة غلط..
*************************************************
وبالأخير عليكم بالدعاء والإستخارة أيضا ً لا تظنين انك بعد ما ملكتي خلاص مافي استخارة إلا في اتستخارة لين يوم الزواج ..
ونصيحتي للي عندها أم حكيمة " كل بنت تعرف طبع أمها "إنها تسمع كلامها مو في أمورك ااخاصة اللي بينك وبين زوجك .. قصدي الأمور العامة الي تخص الزواج نفسه لأنو حيجي يوم وراح تندمي انك ما سمعتي كلامها
ماما تقولي انها للآن ندمانه إنها ما سمعت كلام أمها من أول وتقول ليتني سمعت كلامها .. لأنو مافي أم ما تبغا مصلحة بنتها .. عشان كذا انا خليت ماما المستشار الخاص ليه لأني ما أبغى بعدين أقول لبناتي ليتني سمعت كلام أمي ...
***********************************************
أتمنى اني ما طولت والله يوفق الجميع وسلامتكم ،،[/SIZE]

وجـــدان غـــاليتك · 06-06-2009, 07:24

سلمت يدك ..ويعطيك ربي العافيه على جهدك ونصايحك ..يارب تفيد البنات..ولا يحرمك ربي من الأجر..تقبلي مروري..

نورالتقى · 06-06-2009, 07:41

ياصباح الخير وصباح العطر المنثور والعسل والشهد على اختي الجديدة التي انضمت لنا بموضوعها الخاص والجميل
والرائع
صراحة صراحة صراحة والله فتحتي نفسي على هالصباح الجميل هذا
لأني فعلا محتاجة أقرأ شيء يفرح الخاطر بعد كل هالمشاكل والهموم اللي كثرت هنا للأسف والله يفرج هم الجميع يارب
اختي الحبيبة
اولا الله يحييكي في هذا المنتدى الطيب ووالله اني صفقت لك من قلبي على تجربتك الجميلة والرائعه وماشاء الله عليكي وعلى اسلوبك المرح الجميل والشيق في نفس الوقت
وان شاء الله كل البنات يستفيدوا من كلامك ونصائحك وانا عن نفسي والله اني استفدت وان شاء الله راح اطبقها مع خطيبي
اتمنى لكي من القلب حياة سعيدة طيبة مطيبة هنية وموفقة بأذن الله
والله يخلي لك المستشار الخاص فيكي اقصد والدتك العزيزة وطبعا خطيبك المصون
وتعيشوا في تبات ونبات وتخلفوا صبيان وبنات ويكونوا زي السكر النبات
تحياتي لك
وشكرا لأنك فتحتي نفسي اللي كانت جدا جدا حزينة على المواضيع اللي كثرت هنا والله المستعان
اختك
نورالتقى

شـ(م)ــاليه · 06-06-2009, 07:46

يسلمووووووووووووووووووو
يعطيك العافيه00

THE SKY COLORS · 06-06-2009, 07:51

الله يوفقك يارب

أمنيات السماء · 06-06-2009, 13:29

وجدان غاليتك ..
نور التقى ..

شمـــــــــــــــالية ..
The Sky Colors ..
أشكركم على المرور .. وسعيدة جداً على الردود ،،

التايف · 06-06-2009, 13:30

ماشالله عليك واعيه و تعرفين تتصرفين
خطيبتي الى الان خااااااااايفه و مااسمع منها كلام حلو
و انا مو مستعجل مخليها على راحتها لاني مقدر الوضع
بس احسها خجوله بزياده مررررررره
سنه مملكين و مكالمات و الى الان ما سمعت منها كلام حلو
زواجي في الصيف و الله المستعان
وفقك الله اختي على طرحك الرائع

أمنيات السماء · 06-06-2009, 13:42

أخوي التايف ،،

ترى الوضع اللي وصلت له ترى أولا وأخيرا يرجع الفضل له إلى الله

وما أنكر هنا دور أبو الشباب ^_^ الله يجزاه الخير ..

كان متفهم وخلاني على راحتي ، بس أحب أوضح بعض البنات ما يتفاعلون بسرعة بسبب البيئة والوسط اللي عايشة فيه ..

يعني أنا لو ما سويت اللي يبغاه في حدود المعقول ،، ألاقي ماما وأختي قاعدين ليا الين أسوي اللي يبغاه

عشان كذا الأخ مررررررررررررررة مبسووووووووووط من حماته هع هع ..

بس والله العظيم أبو عمر يستاهل لأنو إذا وعدني بشي كان قد كلمته عشان كذا أنا اسوي اللي يبغاه مني """ طبعا في الشي اللي أشوف يرضيني والمعقول كمان ^_^

أن شاء الله الأوضاع تتحسن بينك أنت وخطيبتك ،،
وحاول انك ما تدرعم زي أبو الشباب كل شي عنده بسرعة ..

الله يوفقك والمسلمين أجمعين .. أكثر من الدعاء ،،

التايف · 06-06-2009, 13:52

اقتباس:

المشاركة الأصلية كتبت بواسطة أمنيات السماء

أخوي التايف ،،
ترى الوضع اللي وصلت له ترى أولا وأخيرا يرجع الفضل له إلى الله
وما أنكر هنا دور أبو الشباب ^_^ الله يجزاه الخير ..
كان متفهم وخلاني على راحتي ، بس أحب أوضح بعض البنات ما يتفاعلون بسرعة بسبب البيئة والوسط اللي عايشة فيه ..
يعني أنا لو ما سويت اللي يبغاه في حدود المعقول ،، ألاقي ماما وأختي قاعدين ليا الين أسوي اللي يبغاه
عشان كذا الأخ مررررررررررررررة مبسووووووووووط من حماته هع هع ..
بس والله العظيم أبو عمر يستاهل لأنو إذا وعدني بشي كان قد كلمته عشان كذا أنا اسوي اللي يبغاه مني """ طبعا في الشي اللي أشوف يرضيني والمعقول كمان ^_^
أن شاء الله الأوضاع تتحسن بينك أنت وخطيبتك ،،
وحاول انك ما تدرعم زي أبو الشباب كل شي عنده بسرعة ..
الله يوفقك والمسلمين أجمعين .. أكثر من الدعاء ،،

هههههه حلوه تدرعم

صح البيئه لها دور هي اول وحده تتزوج يعني هي البكر
امها متفهمه مررررره و هي بعمر بنتها تقريبا الفرق بينهم حوالي 16 سنه
الله يوفقكي انتي و ابو عمر
ما ينلام فيك نقزتي عينه
الله يوفقكم و ييسر اموركم

TERYKOAZ · 06-06-2009, 14:11

جزآك\ الله خير اختي : أمنية السمـآء ..

كلامك حلو ونصايحك تدخل القلب بسررررعة

ربي يوفق الجميع ..

مدري احبه ؟؟ · 06-06-2009, 15:24

مشكوره يالغلا ""لكن ملاجظه وسؤال .....

كيف قدرتي تقابليه بالبجامه ....احس انها صعععععععععععبه ,,,,

هو يجي كااااااااااشخ ويلق من الكشخه و مرسم الشماغ والثوب اللي ماتلقين فيه نقطه من النظافه ""

حتى انا لازم اتكشخ ...لكن اكون بدون مكياج بطبيعتي ...لكن اللبس صعبه ..

تسلمي نصايحك حلوه لكن حبيت ابين لك اللي استصعبته منها ...يعطيك العافيه والله يسعدك يارب

أمنيات السماء · 06-06-2009, 15:54

أخوي التايف ،،

آمين آمين ولك مثلها ان شاء الله وزيادة ..

سعدت بمشاركتك ..

أمنيات السماء · 06-06-2009, 15:55

TERYKOAZ ..

شكرا شكرا أخجلتيني والله ..

واحنا بالخدمة ^_^..

أمنيات السماء · 06-06-2009, 16:08

حبيبتي .. مدري أحبه؟؟

يمكن أنا زيك في البداية اسصعبتها بعدين صار الوضع أوكي ..

هههههههه ياقلبي البسي لو بجامة بس مو أي بجامة كمان .. يعني أنا أول مرة لبستها ما كانت بجامة بمعنى الكلمة

كانت ترنق من نعومي وكان أيامها بررررررررد

بس ياماما ماقابلته إلا من عند الباب لأن السيد أتأخر عليا وما جاب المذكرة وبكرة عندي دوام ..

المرة الثانية نفس الحكاية طلبت منه حاجة وكان قريب من بيتنا وما لو داعي ألبس لأني من جد كنت أبغى أنام بس كان شكلي مرتب لأنو بعدين راح يشوف شكلي الطبيعي من دون إضافات ..

طبعا ما لبست في هذي الفترة إلا ثلاث مرات بس متباعدة ،، وكان مررررررررررررة مبسوط ..

بس لازم تعوديه وهذي من تجربة ،، بنت خالتي كانت تقول لازم تعوديه على كذا لأنها تعاني ذحين مع زوجها

لما كان يجيها ما كنت تخرج لو إلا كأنها رايحة سهرة وبعد الزواج صارت ما تقدر تحط يوميا لأنو يرهق بشرتها وزوجها يقول

إنتي تغيرتي عليا وما سرت زي من أول والسبب لأنها ما كانت تبان طبيعية عنده ،، خلاص حفظ شكلها بالميكب عشان كذا حاولي

يعني مو زيارة كاملة يعني في بعض الزيارات تجي خفافي البسي وشوفي كيف ..

اتمنى لك التوفيق ،،

مسؤول غررررررررررررم · 06-06-2009, 16:23

مميزة انتي شكرا على الموضوع
P.S. Peole ,You should see it! windows screen savers saver free at secreen-saver4u.info

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خااااااااااااص فقط للبنات المخطوبات .. ""من تجربتي الشخصية ""