عالم الحياة الزوجية - منتدى

miss bahrain · 06-06-2009, 08:33

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

اليوم راح اكتب لكم شي انا لمتسه وشفته بعيوني شي من تجربتي الشخصيه مع زوجي

وهذا اول مره اكتب شي عن تجاربي بس ما اكتبه إلا للاستفاده

مر على زواجنا سنه واسبوع ولله الحمد
زوجي مثل اي زوج او شاب بالدنيا عنده يوم خاص حق ربعه ومايرجع إلا الفجر وساعات مع طلوع الشمس
وانا زوجه وبنت في نهايه تزعجني هذي الاشياء وخصوص إذا ماكان في احد يسليني او يلهيني لا عيال عندي ولا شي وساكنه ابروحي يمكن لو كنت مع اهله راح اتخف الملل

المهم انا استحملت كل ليله جمعه يطلع من ساعة 9 لين ساعة 3 او 4 وساعات ساعة 6 يرجع
انا اثق فيه واعرف بالضبط وين يروح واهو يتصل فيني يطمني
بس بعد كل الناس يوم خميس تطلع إلا انا قاعده في البيت مجابله التلفزيون
وطول الايام الاسبوع شغل و جامعه . هم سكت واستحملت ولا قعت انكد عليه و يوم خميس اسوي له سالفه او اتهاوش معا او اقوله كله ربعك كله ربعك عارفين سوالف الحريم
حتى ساعات يوم في التزامات او زيارات تصير اجلها عشانه اقوله لا انت اليوم ماتقدر نسيت اليوم خميس بتروح تسهر مع ربعك.

اانا مو مثاليه ولا شي بس انا كنت ابي اوصل لهدف وانا زوجي اعرفه إذا سويت له سالفه راح يعاند
ومرت 9 اشهر او اكثر وانا هذي حالتي
عاد يه يوم وسالني انتي ليش ماطلعين ماتسوي حق روحج يوم خميس برنامج انا ماحب اشوفج قاعده تنظريني متى ارجع قلت اهلي يوم جمعه يتجمعون وصديقاتي يوم خميس يطلعون يرحون مجمعات و سينمات او كافي شوب وانت قلت تجنبي هذي الاماكن ايام الاجازه . وانا احب اقعد في البيت انطرك
خميس الي بعده قالي قوم لبسي قلت له وين قالي راح نطلع قلت وين اليوم خميس وانت راح تطلع مع ربعك
قالي خلج بارزه بعد صلاة باروح مسيد وبرجع
اقولكم والله ما اكذب قام دورني من كافي شوب وسينما ومطعم حلو وبحر اخر السهره و هديه
وقالي انا احس اني ظلمتج من يوم ورايح اسبوع حق ربعي واسبوع لج و يوم الي لج اختاري الي تبينه وين تبين اتروحين انا انهبلت ماصدقت .

المهم خواتي إذا مرتو بمشكله او ظرف اتسحملو وصبروا ان الله كان مع الصابرين
وانا صبرت واستحملت والحمدالله ان جازاني بشي ماكنت متوقعته بصير وبخرب جدول 20 سنه عشاني

... لك مني أجمل تحية .

حنون رومنسي · 06-06-2009, 08:44

الله يوفقك ويسخره لك
ودائما الزوج المتفهم يجب ان يراعي شعور زوجته ويجمع بينها وبين قلبه ومايخصص يوم لها بالعكس يخصص كل الايام لها ويوم لاصحابه مايمنع انه يغير جو مع شلته لكن المهم والاهم من هذا كله ان يكون متيقن مايفعل
وان يكون مرتب اموره ويستغل الاوقات الي تكون فيها الزوجه خارج المنزل ويقدر يطلع
جربوها ياشباب الوحده ترا شينه

طيب لكن عصبي · 06-06-2009, 10:40

فعلا اختي ...اهم شيء المراة تكون صبورة
الله يسعدك ويهنيك

مانع2009 · 06-06-2009, 10:45

موفقه .........والصبر مفتاح الفرج

حـــــــــلا · 06-06-2009, 10:45

الله يوفقك ويخليكم لبعض بس انتي لازم تجازينه يعني تصير ردة فعلك فرحانة وشاكرة

06-06-2009, 11:03

مشكورة غاليتي نصيحة حلوة ....
تحياتي ......

realylive · 06-06-2009, 12:38

ياسلام ... الله يكملك بعقلك ويسعدك بحياتك مع زوجك
فعلاً الزوجة الذكية التي تعرف كيف تتعامل مع زوجها بطريقة غير مباشرة وتتحمل كل شيء هي التي سوف تنتصر بإرادتها بلا مشاكل
اسمحيلي المرور

ليش لا 1 · 06-06-2009, 13:14

الله يجمع بينكم
لكن لووو كان يوووم يرووووح الاسترااحات الظاهر بتمووووتين وترووووح المتالية عندك
شكرا لك

قيثآرت حب · 06-06-2009, 13:39

الله يوفقج اختي وان شاء الله عقبال ماتصير كل الاسابيع لج هههههههه

مرررره حنوووونه · 07-06-2009, 00:36

الله يوفقك ويسخر زوجك لك اميين يارب
زين صحى ضميره احمدي ربك
وانا بعد اضم صوتي لاختي قيثارت حب وعقبال ماتصير الاسابيع كلها لك لوحدك محد يشاركك فيها<<صدق من قال بنات حواء طماعات ههههههههه

miss bahrain · 09-06-2009, 18:25

شاكره لكم مروركم نورتو صفحتي

والله يوفقكم ويعطيكم على قد نيتكم

wlid · 09-06-2009, 21:02

الله يهنيكي بزوجك

bentalbaher · 09-06-2009, 22:10

عزيزتى وفقك الله ...لقد صبرتى ونولتى...ولكن اسمحى لى ات اقول لك.انك لم تعانى كثيرا...فانا عزيزتى زوجى كان يسهر كل ليلة...واستمر الحال 5سنوات..اغلب المناسبات لاادهب اليها...ودائما تحدث مناوشات...وبعدها اصبحت 3ايام فى الاسبوع...سعدت كثيرا بهدا التغير..وكنت اقول..يلا..هدا هو المكان.الدىيجد فيه راحته كما يقول...واحيانا ...كنت انتهز فرصة الجو الملائم للحديث ...فا اوضح له بانى متضايقة.. لانى لا اخرج..ولا اتواصل كثيرا مع صحباتى واقاربى...ومثل ما هو يشعر بالوناسة مع اصحابه.انا احتاج الى الخروج..للتخلص من حمل البيت والاولااد ودراستهم...لااطيل عليك اخير...اصبح السهر يومين فى الاسبوع...خميس...وجمعة...اللى كل المناسبات تحدث فيهم....ومع هدا رضيت...عندما يكون لى مناسبة الخميس او الجمعة....كنت ادهب متأخرة بعد 9....حتى التقى بكل اقاربى واصحابى...وامكث لمدة ساعة واخرج...اجده ينتظر..وارجع وانا متضايقة..ولاكن لا استطيع ان انكد عليه تلك الليلة....والزم الصمت واقول الحمد الله...مسكت العصى من النصف
ويدهب ويرجع وهو سعيد....ولما ارى سعادته...انسى ما بى من ضيق

أم لأحلى بنت · 09-06-2009, 22:28

ما شاء الله الله يهنيك ويزيدك
عاد الي زوجها كل يوم يطلع لاصحابه وش تسوي مشكله وهي بالبيت ولا تعرف احد با المنطقه تروح له او يجيها

وعندهم اقتناع خاص ان الحرمه مكانها البيت وبس مع عيالها

مو لازم تطلع ولا تروح كل شوي مره بالشهر مثلا تكفي تطلع مع باب البيت ؟؟

مجرد أنثى · 10-06-2009, 00:32

حلو الله يسعدكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تجربه شخصيه