عالم الحياة الزوجية - منتدى

miss sad · 07-06-2009, 03:26

صباح الخير جميعا

الله لا يشغلنا الا بطاعته
ماهو راضي يجينى النوم قاعده افكر كيف راح اخلع
وهل راح يرضى ويطلقنى من نفسه وارتاح

مين يعرف كيف يكون الخلع
يعنى بدايه هل انا أروح للمحكمه واطلب الخلع ------> يرفعوا خطاب إستدعاء وهوا يجي------> يستمع لي الشيخ ويستمع له ((هل هنا نكون مع بعض :S )) ما ودي والله اشوفه مره ثانيه

وبعدين
يعنى لازم يقتنع القاضي بكلامي والسبب
ولا أيش المهم في الموضوع
وربي ضايعه
طيب أيش الحقوق الي لازم ارجعها
بس المهر والهدايا ولا حتى التكاليف انا ملزمه فيها

ولو سألنى الشيخ هل حصلت خلوة شرعيه ((يعنى نفرين في غرفه من غير ثالث)) هل هذا معناه ولا الخلوة يقصد فيها الخلوه -----
أسئله قارفتني
وخصوصا مع الأختبارات
يزيد الشيطان في الوسوسه
مع إني أجلت الموضوع بكبره علشان انتهي من الفاينلز وارتاح

دخيييييييلكم الله يريح بالكم جاوبوا على أسئلتي

حــــــــيرانه · 07-06-2009, 03:59

شوفي حبيبتي ..

القاضي ماراح يطالبك بأذن الله بالمهر وعلى فكره مايطلب غيره ابدا حتى لو قال هاتي مايجيب سيرة شي غير

المهر .. وأذا كان معاكي حق بالخلع مايقول هاتي شي ان شالله ..

وبالنسبه الخلوه اكيد قصده ياحبيبتي الدخله الشرعيه او مهما كانت ظروفها بس اهم شي صارت او لا

ولازم طبعا يقتنع القاضي وراح يطلبك شهود من اهلك ..

انا راح اقولك اللي سألت عنه يوم كنت معلقه .. قالولي لوسببك مقنع يطلقك القاضي من غير كثر
كلام
والله يستخيرلك الاصلح يارب ويوفقك ويسعدك ويرزقك بالعوض اللي يسر خاطرك وقلبك ..

وبالنسبه للنوم مشي حالك انا 10 مرات حاولت انام وعجزت . ارجع مره ثانيه عالجهاز الحمدلله بس

صلي وادعي الحين لان هذا وقت استجابه وربي مايخيبك ان شالله .

miss sad · 07-06-2009, 04:10

مافهمت قصدك على الشهود
لأني أنا بس مملكه؟؟
والله يسعدك وييسر لك امرك

حــــــــيرانه · 07-06-2009, 04:23

ياحلوه .. شهود على سبب الطلاق

اخوانك .. ابوكي عمك ..اي احد بس اهم شي يكون محرم لك

سيده من نجد · 07-06-2009, 04:42

لا إله الا الله مجمدرسول الله

حـــــــــلا · 07-06-2009, 06:21

اختي العزيزة -----عليك بالدعاء ------وباذن الله ستنتهي المشكلة بسهولة------ثقي بالله--الله يسهل امورك

kh1sh · 07-06-2009, 10:40

فأسألوا اهل العلم
الاخت العزيزة بالنسبة للمرأة المطلقة قبل الدخول لها نصف المهر شرعاً لكن مسألة المخالعة وما الى ذلك اجليها دام لسى ما دخلتوا حاولوا بالمعقول انكم توصلون لنقطة وسط تتفقون فيها ويتم الافتراق بدون محاكم وطول اجراء واذا حكمت الظروف فالله يعينك وييسر لك اللي فيه الخير
ومن رأى مصيبة غيره هانت عليه مصيبته

miss sad · 07-06-2009, 12:10

ياربي يهديك وتطلقتنى زي العالم والناس
يارب ويبرد على قلبك من غير حقد وأنتقام
ويعوضني خير

جزاكم الله الف خير أخواني
والله لا يوريكم مكروه
بس محد هنا خلع
؟؟؟؟

بكرى أحلى · 07-06-2009, 20:44

لا تفكرين بأي شي الا بدراستك وبس
واذا خلصت الامتحانات تكونين فكرتي زين وقررتي

ليش ماتكونين قوية ؟

قولي للقاضي انه اعترف لوالدي بأنه مسحور وأعترف لك بأنه ناوي يتزوجك شهر وبعدين يطلقك

رومنسية صامتة · 10-06-2009, 13:23

الله يسهل أمرك

miss sad · 10-06-2009, 23:57

يعنى هل ممكن القاضي يحكم بالمبالغ الي دفعها من اجل الفرش والأثاث و الفندق ومن ذالك
حتى لو انه افترى علي بها يعنى وقت ما طلبت الطلاق ما كان فيه شقه ولا فرش ولا شئ
يعنى هل لازم ادفع هذي المبالغ علشان اخلص نفسي
الله يسعدكم والله ضروري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الخلع أ- ب - ت