عالم الحياة الزوجية - منتدى

(( رامي )) · 07-06-2009, 16:15

السلام عليكم ورحمة الله وبركاته

الى جميع اعضاء منتدى المقبلين على الزواج وخاصه البنات
انا ملكتي ان شاء الله بعد شهر من الأن
سؤالي مالمواضيع التي يجب ان افتحها في البدايه (أول لقاء & أول مكالمه) بعد عقد القران
صراحه عندي شعور اني رايح أجيب العيد وألخبط في الكلام ,, قرأت كلام في المنتديات انه لازم تقولها كلام حب وغزل.. احسها قويه من أول مكالمه حب وغزل

واحنا ماتعرفنا على بعض أصلاً راح تقول في نفسها كذاب يحبني ومايعرفني
لازم بالتدريج حبه حبه . ولا ايش رايكم..

ارجو من جميع المخطوبات أن يخبرننا بأول مكالمه من خطيبها ماذا اخبرها وايش المواضيع التي ناقشتوها. حتى نستفيد من تجاربكم
والكل يعلم أنه في البدايه الرجل هو راح يستلم زمام الأمور يعني كل شي يعتمد عليه والبنت راح تكون مستمع فقط

لايجي أحد يقول خلك طبيعي ولاتشغل بالك
والموضوع كله دردشه يعني الى مايرد عادي
وشكراااا

التايف · 07-06-2009, 16:26

هلا اخوي رامي
اول شي الف مبروك و اللع يتمم لكم على خير
اللقاء الاول لازم يكون رسمي و فيه احراج شوي لانه اول لقاء كون هادي لانها بتكون مرتبكه شوي حاول تسولف معاها
و ترمي شوية نكت و تعليقات و الله انا جربتها و فادت لا تطالع فيها كثير و ماتنزل عينك من عليها ترى تزيد توترها و احراجها
خلك واثق من نفسك و سولف عادي و حاول قبل ما تطلع تكون ماخذه عنك انطباع حلو
اما المكالمات في البدايه بطبيعة الحال بتكون رسميه و بعدين اذا اخذتو على بعض كلمها باللي تبي
اللع يوفقك اخوي و تحت امرك بأي وقت
تقبل تحياتي

أطياف العمر* · 07-06-2009, 16:30

اولا مبرووووك مقدما

اخوية ممكن تقولها في البدايه ليش انت تقدمت لها و خطبتها : يعني ممكن تقول لها لان امي مدحت اخلاقج و جمالج و اهلج ناس طيبين و اجاوييد
كلمها عن نفسك و شغلك و دوامك منوه ربعك و انت في المقابل اسألها اهي اكيد تنتظر منك تسألها عن نفسها
و بعدها الحب بيي بروحه ... يمكن تطلع بينكم اشياء مشتركه ... عودها انها تقولك وين تطلع وين اتروح و انت نفس الشي مب عشان المراقبه لا بس من باب انك خايف عليها ...
حسسها بكلامك بحبك و خوفك عليها و ارتباطك بها و عقب لا شعوريا بيكون بينكم كلام حلووووو بس انت في البدايه اللي لازم اتكون مبادر عشان تفتح لها المجال
لازم تخليها توثق بك و تخبرك اي شي يخطر بالها لازم اتكون متفهم معاها و تسمع وجهت نظرها و تحترمها و اهي بالمقابل لازم تحترم وجهت نظرك
هذا اللي عندي و من واقع تجربه

saad@ · 07-06-2009, 16:31

البداية تعارف

ومايمنع انك تقول لها من اول ماشفتك حبيتك ومن هالكلام

وصدقني كله حسب شخصية البنت هي خجولة ولالا؟؟

وحتى مستوى تفكيرها والاشياء اللي تحبها تفرق

(انا اعتقد ان كل انسانه حالة بذاته يعني تجاربنا ماحتفيدك لانك انت بوسط الحدث)

موفق

يارب احفظ لي زوجتي · 07-06-2009, 16:31

اول شي مبروك مقدماً اخوي
الله يوفقك ويتمم لك على خير
وبالنسبة لسؤالك فغالباً ماتكون اول مكالمة تعارف بينكم وتتكلمون عن الاشياء اللي انت تحبها واللي هي كمان تحبها
والاشياء اللي ماتحبونها وصدقني الكلام راح يجي بعدها من نفسه تلاقي نفسك داخل من موضوع في موضوع
اما انك من اول مكالمة تقول لها كلام غزل فهذا غير منطقي لانك بعد ماعرفت البنت زين ولاهي عرفتك
والله يوفق بينكم اتمنى اكون افدتك ولو بشي بسيط وباقي الاعضاء ماراح يقصرون معك

(( رامي )) · 07-06-2009, 17:25

شكرا لجميع الأعضاء
واسف خانني التعبير في أخر جمله فى موضوعي
أتمنى من الجميع الرد

مدري احبه ؟؟ · 07-06-2009, 17:59

مبروك والله يسعدكم يارب ""

انا عندي وجهة نظر في حاجه وحده ...اللي هي كلام الغزل ,,,,

انا خطيبي قال لي يوم الملكه انتي حبيبة قلبي...!!

وماقلت انه كذاب ولا شي بالعكس استانست ,,,حسيت انه ذاك اللي يقولون عنه (حب من اول نظره ))خخخ

بس دام تقول ماينفع تقول من اول مره احبك وتتتغزل فيها ,,, براحتك لكن مو معناه انك تكون جامد مره

الكلمه الحلوه لها تأثير ...يعني في المكالمه ,,,, لا تخليها كلها كلام جد يعني اذا ضحكت قول تسلم لي هالضحكه

واذا تكلمتو عن حفلة الملكه قول صراحه طلتك كانت تهبل ,,,, ارتحت لك من اول ماشفتك ,,,

يعني حسسها بانوثتها ....وانك مرتاح لها وفرحان فيها ..الله يوفقك

قطرات من السحب · 07-06-2009, 20:29

الف مبرووك والله يسعدك بحياتك ان شاء الله

بالنسبه للكلام انا بداية ملكتي كان يكلمني بمواضيع عامه يعني عن اهله عن طبيعته عن وش يحب وش يكره
يعني بالتدريج ^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال شاغلني الى المقبلات على الزواج