عالم الحياة الزوجية - منتدى

نرجوسه · 07-06-2009, 18:19

كح كح
ياناس مشكلتي وابغى لها حل
اولا انا فتاه هههههه في مقتبل العمر مسميني لولد خالتي والمشكله
انه عاطل ويلعب وتوظف في ارامكوا وطلع وتوظف في سابك وطلع
المهم ماعلينا .....
حبيت واحد تعارفنا من منتدى وكل كلامي معه على الرسايل الخاصه وهو
طبعا منتدى قبيلتي شمران ولنا ضوابط واسس المهم هوقدر يوصلني
عن طريق المنتدى وعرف اهلي وكلمهم الحين المشكله
انه كلم بابا وبدون مايشوفني ولايعرفني لكن الحمدالله انا حلوه بشهادة الجميع
المشكله انه كلم بابا وبابا رحب فيه وهو دكتور بس عمره 31 سنه
يعني اكبر مني ب7 سنوات يمكن لكن الله واعلم هو وش اخلاقه حنا بنسال
عنه وكل شي لكنه في ابها وانا في الدمام ولما كلم بابا اول تعليق كان
من وين جاء وكيف عرفنا وهو ساله قاله انت من وين جيت يقول اهل الخير
كثير وبابا يقول مابزوجه الا لما يقولي هو من وين جاء ....
وش الحل برايكم
هو يقول خليني اقوله اني اقرب لوحده من خوياتك في المعهد وخلاص
وبقوله اني انا جيت من اخر الدنيا لاني اعجبتني مواصفاتك وانتي البنت اللي
احلم فيها وخايفيين انه يقوم يدقق بالموضوع ......
ولا يقول انها جاء عن طريق اهل الخير وخلاص المشكله بابا راح يشك
اكثر من كذا ..
لان صعبه انه يقوله انه عرفنا عن طريق النت صح ولالا؟
مهما كانت نيته صافيه والله بابا مايوافق وبالذات انه قبيلي وانا بعد ..
تكفون عطوني الحل بسرعه هو المفروض يجي بس انه ماجاء ولاقال حتى هو
وش يشتغل ولا كم عمره ولاشي بس بابا ختم كلامه معاه انه اذا
فيه نصيب بنكلمك تجون وبس
وقال اذا ماقالي هو من وين جاء راح اقوله مافيه نصيب وخلاص
وربي اني اتقطع قولوا لي وش الحل
هو صراحه مااجبرني على شي وهو كان يلحق وراي ولاقالي ابغى اشوفك ولا اكلمك
ولاشي قال فيه نظره شرعيه مابشوفك بالحرام ولاشي بس عجبني اسلوبك
وكذا .. وانا والله حبيته حتى مسن مانتكلم بس خاص ...
انتوا قولوا لي الحين وش يسوي يرجع يكلم بابا ويقوله انه يقرب لصديقتي
وعرفنا عن طريقها ولاكيف ؟؟؟ امانه قولوا لي وش الحل ووش الصحيح لاني خايفه مره

اياااام · 07-06-2009, 18:28

الله يوفقك عزيزتي ويكتب لك اللي فيه الخير يارب..مدري الصراحة ممكن تقولي عن طريق صديقتك.. لكن الله يستر من الوالد وعساه يقتنع..الله يسخر لك الوالد يارب امين..الله يسهل امرك ويفك ضيقك.. بانتظار اراء الاخوة والاخوات الخبرة..بالتوفيق..

حزين حدي · 07-06-2009, 18:39

مرحبا اختي كيف حاش انشالله بخير اسمعي اول شيء اسئلي عنه ناس واجد ادا طلع زين بعدين شوفي لش صديقه لو من خطابه من قريتكم وام شيئ استخيري الله وانشالله في كل خير وشكرا

العمده · 07-06-2009, 18:39

قولي عن طريق وحده تدرس معك او وحده من قريباتك

& دلع جوري & · 07-06-2009, 19:00

ايـوووه
قولي عن طريق من خوياتك تدرس معك
وان شاء الله ربي يكتب لك اللي فيه الخير والصلاح

نرجوسه · 07-06-2009, 19:04

ايووه انا قلت كذا
لان ياكثر خوياتي اللي من نفس قبيلته
ولاماراح يقتنع لو قلت له كلام غير كذا اعرفه
زين..
احنا بنسال طبعا لانه راح لديرتنا وسال وحلل كل شي
حتى اشياء دقيقه ماتوقعتها سال عنها ..
بس ابي اشوف ارائكم اكثر بعد

لوعة الخاطر · 07-06-2009, 19:12

مبروك مقدما أختي العزيزه وبالنسبه لسؤالك عن طريقه معرفته بك صعبه لانه من منطقه بعيده عنك لو قريب لمنطقتك كنت بقولك ان والدته شافتك بعرس مثلا وعادي اذا قلتيله هالشيء اقصد ان امه شافتك بمكان او عرس مثلا وعجبتيها وخطبتك لولدها ناس تجي من بلدان خليجيه بعيده عنكم وتجي عندكم بالافراح يعني بتمشي هالكذبه البيضا عليهم هههههههه لكن اهم شيء هو سؤال اهلك عنه وعن اخلاقه وكل شيء والله يسهل امورك ان شالله ...

حبـ(بندر)ـيبت · 07-06-2009, 19:13

افضل شي بصراحة انو وحده من اقربااائه هنا وهي خطبتني ما اتوقع ابوكي بيقول او بيحقق من هي وايش تقرب لهم
انا اشوووف عادي ممكن ابوكي يشك بس يمشي الموضوووع لو الولد طيب وماينعاب
بس مو يرفض عشان يقول من وين جانا او حتى عرفنا

الله يكتب لك الخير يارب

نورالتقى · 07-06-2009, 19:14

مساءك سعيد يانرجوسة العسوووووووووووولة هههههههه
شر البلية مايضحك
بس صراحة
طول ما انا اقرأ حروفك خليتني ابتسم شوي بعد معاناتي من هالمشاكل والهموم اللي كثرت في هالمنتدى والله يفرج هم الجميع
شوفي عسولة قصدي نرجوسة
الشيء الغريب انه ابوكي مصمم ومعزم يعرف كيف هو جا؟ والشيء اللي انا ممكن اني اخاف واقلق عليكي منه انه يكون عنده شك في امر النت!!!!!!!! انتي ادرى
المهم بما انه الشاب نيته صافيه ولله الحمد والله يكثر منهم طبعا خليه يجي ويتقدم رسمي ويجيب اهله طبعا
وشيء اكيد يقول انه من اهل الخير يعني صديقتك قريبتك جارتك احد شافك في المسجد او مكان معين
طبعا حريم يعني اللي اقصده
اي حجة تقنع الوالد,,,,,فهماني؟
وصدقيني مافي اب يكره لبنته الستر بس هو يبغى يتأكد من فين هو جا
الشيء الثاني لما يجي ولما يرتاح له ابوكي من طريقة كلامه اكيد راح شوي شوي يطيح الحطب!!!!
اكيد تقولي لي اي حطب ههههههههه قصدي تصميم ابوكي على معرفة هو من فين جا
وبالنسبة للعمر انا اشوف انكم مناسبين لبعض وبالعكس كل ما يكون الشاب اكبر في السن من الزوجة كل ما كان اكثر نضجا ومسؤليه
وفقك الله وبشرينا بعدين بالخير السعيد ياعسولة قصدي يانرجوسة
الله يتمم امرك على خير
نورالتقى

نرجوسه · 07-06-2009, 20:14

تدررون من المغرب الى الان
صليت ودعيت الله يفرج همي وارتحت
وقالي الحل انه اخته بتكلمني وعلى انها تعرفني من اول
وخلاص لانه رافض يكون بيننا اي كلام وان شاء الله تنحل
نور التقى هههههههههه
هودايم يقولي ملقوفه وشكلك بتودي نفسك في داهيه بس لو شك
في هذا الموضوع كان اكلني ههههه ولاناقش حتى
هو قال اسالوا وخذوا راحتكم .. بس طبعا ماهو لما نقنعه وانا خشيت على المنتدى
ولقيته مالف لي اسم يقول خلينا نقول هي عرفتك وجابت رقمك من وحده
من صاحباتكم وخلاص ....
وراح يكلم بابا بعد العشاء ان شاء الله ادعوولي بسس
شوفوا هو طبيب جراح وانا فاشله ههههههه وحياتي كلها لقطوطتي وبزره
وانا من النوع اتدلع كثير ومايرفض لي طلب بابا الا هذا الشي ماقدرت اواجهه فيه
لاني اعرف انه غلط ومابيه يفقد ثقته فيه كيف راح نفهم على بعض والله
هو واضح انه عقله كبير وتفكيره غير عني اوف

كلي ملح ودمي سكر · 07-06-2009, 23:19

قوليلة انة صاحبتك دلتهم عليك واعترفت لك وخلوا كلمتكم وحدة

حياتي انتا · 08-06-2009, 07:34

قولى انهم شافوكى فى فرح (اهلة يعنى )وعجبتيهم,,,
او عن طريق خطابة,,,
والله يوفقك انشاء الله ويكتبلك الخير يا رب.

قحطاااني ماااركه · 08-06-2009, 08:28

الله يوفقك ويقدر لك الخيرررررر

قلبي كله حنان · 08-06-2009, 09:04

الله يكتب اللي فيه الخير لكم

بحر وغروب · 08-06-2009, 09:20

الله يقدم لك اللي فيه الخير ,,,,
استخيري الف مره قبل ماتخطي اي خطوه ,,,
هذا قرار عمر بأكمله ,,, مو تتخذينه بشور قلبك بس
لا فكري بعقلك كمان ,,,
هذا زواج ,, مسؤوليه ,, بيت وزوج وعيال
يعني ادرسي الموضوع من كل النواحي ,,,
ترى المسأله اكبر من انك تفكري مين اللي دله عليكم وكيف تقنعي الوالد !!
تأكدي مليون بالميه انه مابيصير شي الا ربي كاتبه من قبل ماتنولدي
يعني انتي استهدي بالله ,,, واستخيري قبل كل شي ,,
وهي الامور راح تسير بالطريقه اللي ربي كاتبها ,,,,
وبتكوني مسيره للخير ,,,,
ان كان خير ربي بيفرجه وييسره لك ,,
وان كان شر ربي راح يصرفه عنك ,,, وكل شي يجي من ربنا يامحلاه ,,
بالتوفيق حبيبتي ,,,, بشرينا عنك ,,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الحقـوني ياقمـورين