عالم الحياة الزوجية - منتدى

][هناادي][ · 08-06-2009, 15:25

السلام عليكم ..

بدخل في المشكلة على طول وابيكم تعطوني رايكم ..
انا رفيجتي الي تدرس وياي كان لها علاقة مع شخص وانا كنت كل يوم انصحها ..
وتمت تكلمة لمدة 6 شهور تقريبا ..
وامس اتصلت علي تبجي .!!
.تقول ان رفيجها تركها لانة اكتشف ان اخوها يصير صديقة في العمل ..!!
ويقول ان ضميرة يئنبة.. حسب كلامة (( يقول : انا ما يجيني قلب اكلم اخت رفيجي الي اقابلة كل يوم
بالدوام واسلم واسولف وياة وبالنهاية اكلم اختة او حتى تقرب لة ...!! هاي اسمها نذالة وخيانة حق رفيجي.... ولو انتي
تصير حق شخص انا ما اعرفة كان كملت معاج بالعلاقة))
المهم انا قلتها قبل ما انهي كلامي معها (( شفتي شلون الريال يسوي نسة جدامج ان عندة ضمير
وشريف ومايبي يخون رفيجة وانتي تخونين اهلج ..!! تتوقعين شلون كانت نظرتج لج وانتي
تكلمينة ..!!))

وقبل ما ارقد فكرت وفكرت وقلت لا يمكن اهو قالها انة يبي وحدة ما تصير حق رفيجة علشان اذا نوى
يسوى فيها حركة نذالة او شي وخبرت اهلها بيصيدونة عطول .. او عشان ما تقولة دامك تعرف اخوي
او ابوي ليش ما تجي تتقدم لي وتخطبني من عندهم ..!!
لان الي عندة ضمير وما يرضى ع خوات ربعة بعد ما يرضى ع خوات الناس ..!!

وانتوا شرايكم . بكلامي

محتاجه له · 08-06-2009, 15:43

أول شي الحمد لله اللي نجا صديقتك من هذا الشر
والحمد لله ان الامور جت بس على كذا وماحصل اللي ينخاف منه.
وكلامه كان واضح ( لو ماكنتي أخت صديقي كان كملت علاقتي معك )
وربي العالم العلاقه كانت بتوصل لأيش.
ومثل ماقلتي اللي مايرضى على خوات اصدقائه مايرضى على خوات الناس
مااعتقد ان السبب هو تأنيب ضمير اعتقد السبب خوف من انه ينكشف.

لوولوو · 08-06-2009, 15:48

كلامك عين العقل وربنا يهدي صديقتك

قلبي كله حنان · 08-06-2009, 15:49

اعتقد لو كانو يحبوا بعض يتقدم لها وانتهت القصه بالزواج
والله يكتب اللي فيه الخير لهم

][هناادي][ · 08-06-2009, 15:54

محتاجة له ..

يعطيك الف عافية عالمرور.. والرد
بس انا الي ابي اعرفة هل كل المغازلجية واشكالة تفكيرهم كذا ..!!
طيب دامة يقول ان عندة ذمة وضمير ....
ليش هالضمير ما يطلع الا عند فئة معينة من الناس ( الي هم اصدقائة ومعارفة )
وباقي الناس يتعامل معاهم بنذالة ..!! ويروح يرقم خواتهم ويغازلهم ..!!

لا ويضحكون لما يعترفون اذا الشي هذا مب عدل

صفحات لم تقرأ · 08-06-2009, 15:59

وعليكم السلام

واضح من كلامه إنه مو ناوي يتزوجها

شي طيب إنه قطع العلاقة معها ..

][هناادي][ · 08-06-2009, 16:56

^
^
^

يعني الشخص تنكشف نيتة اذا قال (( مابي هالعلاقة لانج اخت رفيجي ))

وانصح البنات الي يكلمون ..يجربون يقولون لة اخوي يصير رفيجك ..!!
وساعتها بنكشف الي تحت راسة اذا بيتسلى بيهدها .. واذا ناويها زواج بيقولها انة يبي يتقدم لها

صفحات لم تقرأ · 08-06-2009, 17:02

أكيد ..

لو كانت نيته طيبه من الأساس كان تقدم لها ..

والله يهدي ويستر بنات المسلمين ..

دلوعة نايف · 08-06-2009, 17:04

لو كان يحبها وناوي يتزوجها ..
كان لقاها فرصة انة يعرف أخوها ...يتقدم لها ويتزوجها ..
بس اهو جالس يتسلى ..وشئ طيب منة انة تركها ..

نوافــــ · 08-06-2009, 17:05

انا لو بمكانه واكتشفت هالاكتشاف الشنيع
علاطووووووول باروح اخطبها من صاحبي
باستغل فرصه انه صاحبي ويعزني واكيد ماراح يردني
وبالعكسسس ماراح اتركها عشان هالشي .......!!!

][هناادي][ · 08-06-2009, 17:29

صفحات لم تقرى ودلوعة نايف ونواف ..

اسعدني مروركم وارئكم ..

وعندي استفسار ..يا اخ نواف
هذا يعتمد علشخص نفسة .. بس اذا كان شخص من البداية ناوي يتسلى .. وشايل فكرة الزواج منها من راسة ..
ممكن اذا اكتشف ان اخوها يصير صديقة بيروح يخطبها ..!!

ملكه بلا تاج · 08-06-2009, 17:44

متابعه

ام عــــلاوي · 08-06-2009, 17:50

نادرا في هالزمن اذا شفتي واحد يتزوج وحده يكلمها .. لان الشي الطبيعي اللي راح يقوله ..
مثل مااعطتني مجال راح تعطي غيري
الحمد لله انها قطعت علاقتها .. والله يهديها ويستر عليها

خيركم لأهله · 08-06-2009, 19:39

ليه المغازلجي وش ناقصه ما يصير عنده ضمير ؟؟؟

][هناادي][ · 08-06-2009, 19:57

^
^
اشوفك تدافع عنهم *_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معقولة ..!!! مغازلجي وعندة ضمير ..!!