عالم الحياة الزوجية - منتدى

حــــــــيرانه · 08-06-2009, 19:14

بسم الله الرحمن الرحيم
السلام عليكم ورحمة الله وبركاته ..
مرحبا ياغالين ..الكم يوم اللي فاتت كان في زحف على قسمنا الغالي على قلوبنا نحن حزب المطلقات
من فئات بريئه منها كل مسميات الادب والمروءه ..

والحقيقه انه الحمدلله ربي قدرنا واوقفنا الزحف على اراضينا وانتصرنا ولله الحمد والمنه .
لكن ، اليوم وهنا لازم نناقش اسباب الهجوم اللي تعرضنا له .. انا عن نفسي مانمت من امس والله
تعبت وزعلت .. وانتبهت بعد طول تفكير اننا ماتكلمنا هنا الا عن المطلقه المظلومه .. وكثر ماتكلمنا
نسينا انه في مطلقه ظالمه .. انا طول عمري مع الحق .. ويمكن وجودها بالمجتمع هو سبب الزحف
علينا نحن المظلومات .. الحمدلله على كل حال
لكن ليش احنا المطلقات اللي نظلمنا ليش نأخذ بذنب المطلقه الظالمه او اللي تطلقت رغبه بالحريه لا
اكثر .. وفي ناس هنا تكلمت وقالت انه بعض المشاكل ممكن تكون خياليه .. طيب اسمعوا .
اللي فجر الموضوع بذهني .. البــــــارح سمعت من زوجة اخوي الغراب اللي ماتجيب الا الاخبار
الشينه انه وحده انا اعرفها تطلقت للمره السادسه ..

اعوذ بالله ياربي لاتبلانا
كل مافي الموضوع انها خلعت زوجها برغبه واراده منها عشان مارضي يجهزلها سفره للندن زي
ماطلبت بعد الأختبارات والجدير بالذكر انها تجاوزت الحد الأتماني لعدد الأزواج . ومبسوطه
هذي المطلقه الظالمه .. عندها فلوس ماتدري وين توديها وعقل صغير وتعالوا شوفوا :..

مافي شي بنفسها الا سوته ولاعادات ولا تقاليد ولادين :
ولا ابن امه يقول كلمه .. الواسطات بكل مكان .. والفلوس على قفا من يشيل .. ولا احد معترف فيها
كمان .. والله ياناس هذه الانسانه انا اعرفها معرفه شخصيه ويوم تطلقت اتصلت عليا رغم انه مابيننا
علاقه وانا ماعطيها وجه تبارك وتهني تقول انه اللي جاتني شهادة دكتوراه

.. يامال الشين
وفي وحده من اهل طليقي زمان تطلقت من زوجها عشان ماخلاها تروح كوافير بفرح اخوه
شالت عفشها وراحت ياحرام المظلومه ..

((هذا مو سبب للطلاق ،ومستحيل يكون سبب للطلاق)
الأخت المذكوره اعلاه طلعت من بيتها بناءا على طلب امها اللي عقلها يوزن بلد ..

والمشكله اللي تقهر انهم يسوون مابدالهم واحنا اللي ننظلم فوق ظلمنا .. ليش ياربي ..
طيب اللي صبرت عالأهمال والأهانه .. وقدام الله وخلقه ايش ذنبها ؟؟؟؟
طيب اللي طلعت من بيت ابوها عمرها ماشافت سيجاره ولاتعرف من بلاوي الدنيا شي وتدخل على
واحد يالطيف موسوعه كبيره بكل البلاوي اللي عرفوها الناس واللي ماعرفوها ..
وحرام اصلا مايدخل موسوعة غينيس للأرقام القياسيه .. مسكين مواهب الانحراف عنده متعدده
يعني الخير يخص والشر يعم .. ربي حرْم الظلم على نفسه جل وعلا واحنا نظلم وننسى !!!!!!!
استنوا استنوا نسيت اقوووووووول ..

ايش لأمهم شغل بخصوصيات المطلقه .. ولا لاتزوجت ايش بتسوي او ايش راح يصير .. يالطيف
يعني حتى لوالموضوع يستحق النقاش وحساس بنفس الوقت .. على الأقل بأحترام وأدب وحدود
اللباقه .. ولاهم لادين ولاحيا ولاضمير .. وين الأنصاف ووين الحق . قولوا لي ؟؟؟
طيب المطلقه مو بكر .. بس من حقها انها تعيش حياه مستقره ..
المطلقه مرة بتجربه واللي يتزوجها مو اول واحد .. بس ممكن يكون اول واحد بقلبها
ممكن يكون هو الشخص اللي تمنت يكون جنبها دايما .. سندها وظهرها ..
شخص يكملها .. حساس وصادق وحنون تكمل معاه باقي عمرها ..
الجنس مو شي اهم من الحب .. ولايكتمل الا بالحـــب .
ربي ميز الأنسان بالعقل والأحساس .. والمشاعرالحيواينه هذي مجرد اعتاب يقف عليها البائسين
ليش يفكروا ان المطلقه تحتاج جنس .. ليش ماتحتاج رعايه وحنيه واهتمام .. ليش الفكر الرديء
حتى الرجل المطلق ظلمناه بسبب الظالم اللي طلق بظلم واهانه وقهر ..
ظلمناه بسبب اشخاص مايخافون الله ..
طيب في مثلنا رجال مطلقين وهو فعلا زي حالتنا من يوم تزوج وجه السعد زوجته وهو ماشاف يوم
حلو وغرابيل اشكال والوان اسمع واتفرج .

. والمشكله انه المرأه مصدقه .. يعني الغالبيه يقول :
لالالالالالالالالالالالا البنت ماراح تتبلا على زوجها اكيد هو فيه بلا .. حرام والله .
والمشكله من الرجال والحقيقه ان المسؤليه على قفاهم هم الأثنين الا من رحم ربي ..
يعني في حريم وربي القصاص تعزير شويه عليهم .. اقولكم قصة وحده اعرفها ..
هذي ياجماعة الخير ساكنه عندنا بالحجاز واهلها بالرياض ولا بغت تروح لأهلها زي الشغالات
تضف شناطها وودوني الحين .. زوجها تعبان . طفران .. مشغول .. تروح يعني تروح
او تتشنج وتصيح ويدق سلف واحد من اخوانها طبلون سيارته وهو هنا بساعتين وياخذها ويروحون
ولا في اي سبب تقعد عن اهلها بالشهور يعني انا زعلانه .. وبالأخير اخوانها يتصلون على زوجها
ويستسمحونه ويجيبونها وعلى هالحال 4 سنوات .. واللي فجر الموضوع كمان انه قبل يومين
رجعوها اهلها مره ثانيه ..

يعني مو كل مين رص الصواني صار حلواني .. اللي مايعرف يناقش لايتكلم !!!!!!!

اسفه عالأطاله واتمنى اشوف ارائكم ...

strawberry23 · 08-06-2009, 19:22

أختي حيرانه وربي يضيق صدري لما اشوف ظلم المجتمع للمطلقه واقول في نفسي الحمدلله ان الله موجود ويشوف وعالم بالحال. أختي المؤمن مبتلى وطوبى لمن صبر.
صحيح في عقول تافه وسطحيه لكن بعد في عقول ناضجه والي يتكلم عن المطلقه بغباء مثل ماصار في احدى المواضيع ليه مافكر ان المطلقه هي ممكن تكوت اخته او بينته او حتى امه !!!
بس ماقول غير رحمه رب العالمين واسعه.

المررتفع · 08-06-2009, 20:02

وسعي صدرك اختي حيرانه واللي بيدقق على كل كلمة يسمعها او يقراها صدقيني راح يتعب كثييييييييييييير

افضل شي بالحالات هذي شي واحد وهو
" التطنيييييييييييش " طنش تعش تنتعش
صدقيني اللي يتكلم ويصف المطلقة باي صفة ذميمة هذا انسان ربما قد مر بمرحلة تعيسة وفيه مثل يقول
" كل يرى الناس بعين طبعه "
فلا تهتمي بكل كلمة تقال او تؤثر عليك واعتبريها راي للشخص ان تقبلتيها والا لن تؤثر عليك بشي
الانسان يجب ان يكون واثق من نفسه والثقة بالنفس صدقيني اذا وجدت عند الشخص فان الكل يحترمه ويقدره
فنصيحتي لك ولك مطلقة ان لاتلتفت لما يقال ويذكر في حقهن ولتكن الردود بثقة نفس كبيرة حتى تحترم

وفقكن الله وعوضكن الخير يارب

غلاااوي · 08-06-2009, 20:31

أختي حيرانه المطلقة إنسانة لها مشاعر مثل باقي النساء ...
لكن كما قلتي هناك مطلقات ظالمات لأنفسهن ولغيرهن
والله اعرف وحدة تطلقت لأنه تزوجت على وحده ثانيه لكن زوجها لم يكن يعدل بينهن بشكل كبير وواضح ..
إذن من المظلوم في هذه القضيه طبعآ هي
الله يوفقكن لما يحبه ويرضاه

حــــــــيرانه · 08-06-2009, 20:32

اقتباس:

المشاركة الأصلية كتبت بواسطة strawberry23

أختي حيرانه وربي يضيق صدري لما اشوف ظلم المجتمع للمطلقه واقول في نفسي الحمدلله ان الله موجود ويشوف وعالم بالحال. أختي المؤمن مبتلى وطوبى لمن صبر.
صحيح في عقول تافه وسطحيه لكن بعد في عقول ناضجه والي يتكلم عن المطلقه بغباء مثل ماصار في احدى المواضيع ليه مافكر ان المطلقه هي ممكن تكوت اخته او بينته او حتى امه !!!
بس ماقول غير رحمه رب العالمين واسعه.

شكرا لك اخوي .. الظلم بكل مكان وعلى مر الأزمان .. الله كريم

حــــــــيرانه · 08-06-2009, 20:37

اقتباس:

المشاركة الأصلية كتبت بواسطة المررتفع

وسعي صدرك اختي حيرانه واللي بيدقق على كل كلمة يسمعها او يقراها صدقيني راح يتعب كثييييييييييييير

افضل شي بالحالات هذي شي واحد وهو
" التطنيييييييييييش " طنش تعش تنتعش
صدقيني اللي يتكلم ويصف المطلقة باي صفة ذميمة هذا انسان ربما قد مر بمرحلة تعيسة وفيه مثل يقول
" كل يرى الناس بعين طبعه "
فلا تهتمي بكل كلمة تقال او تؤثر عليك واعتبريها راي للشخص ان تقبلتيها والا لن تؤثر عليك بشي
الانسان يجب ان يكون واثق من نفسه والثقة بالنفس صدقيني اذا وجدت عند الشخص فان الكل يحترمه ويقدره
فنصيحتي لك ولك مطلقة ان لاتلتفت لما يقال ويذكر في حقهن ولتكن الردود بثقة نفس كبيرة حتى تحترم

وفقكن الله وعوضكن الخير يارب

اخوي المررتفع ..
شكرا لمرورك الكريم .. الله يسعدك يارب
لكن انا مهما سمعت اكيد لازم على الاقل اقول كلمة الحق ..

strawberry23 · 08-06-2009, 20:40

اقتباس:

المشاركة الأصلية كتبت بواسطة حــــــــيرانه

شكرا لك اخوي .. الظلم بكل مكان وعلى مر الأزمان .. الله كريم

حيرااانه يبليك ضرب انا بنت

حــــــــيرانه · 08-06-2009, 20:42

اقتباس:

المشاركة الأصلية كتبت بواسطة غلاااوي

أختي حيرانه المطلقة إنسانة لها مشاعر مثل باقي النساء ...
لكن كما قلتي هناك مطلقات ظالمات لأنفسهن ولغيرهن
والله اعرف وحدة تطلقت لأنه تزوجت على وحده ثانيه لكن زوجها لم يكن يعدل بينهن بشكل كبير وواضح ..
إذن من المظلوم في هذه القضيه طبعآ هي
الله يوفقكن لما يحبه ويرضاه

اهلين غلاااوي ..
حبيبتي انا تكلمت عن الظالمه .. واللي نظلمت الله جل وعلا ماينسى عباده

حــــــــيرانه · 08-06-2009, 20:46

اقتباس:

المشاركة الأصلية كتبت بواسطة strawberry23

حيرااانه يبليك ضرب انا بنت

يووووووووووووووووووووووه انا اسفه حبيبتي

سامحيني بالله .. سامحيني تكفيني سقطت سهوا يالغاليه ..

مانتبهت .. سامحيني وشكرا ياعمري لحضورك نورتيني

انسانةبهاالزمان · 08-06-2009, 20:46

حيرانه يعطيك مليوووون عافيه 00بس اقولك لو ناخذ كل كلمه ونزعل منها يجي يوم ونقفل علينا الباب ونحبس ونمنع انفسنا من متعة الحياة اللي الله وهبنا اياها وليه من اجل عقول ناقصه مالها وياليت بيسكتوا هايتكلمو عن سبب غلق بابك عليك عشان كذا طنشييييييييييييييييييي وعيشي حياتك وبكل ثقه مادمتي على صح وبالسبه للظلم في كل فئه الطيب والخبيث بس مشكلتنا زي مايقولوامن كنا صغااااااار الشربيعم 0000وتحياتي لك

حــــــــيرانه · 08-06-2009, 20:51

أنساانه بهالزمان ..

نورتيني ياغاليه . انا اول وحده تمشي بثقه ..

لكن انا اناقش الاسباب المهمه عشان اقتنع وبنفس الوقت انا اللي عني لازم اوصله للي قدامي او

اموت .. احس انه وجهة نظري لازم توصل او يطق في عرق ..حتى لو ماقتنع
بس اهم شي توصل ..

يسلمو ياعسل

سيده من نجد · 08-06-2009, 21:27

يعطيك العاااااااااااااااافيه

حــــــــيرانه · 08-06-2009, 21:48

هلا بك سيده .. نورتي ياغاليه

الله يعافيك ولايحرمني منك يارب

miss sad · 08-06-2009, 21:57

الله يشرح لك صدرك وييسر لك امرك

حــــــــيرانه · 08-06-2009, 22:08

هلابك حبيبتي ..يسلمو عالدعوه ولك مثلها ان شالله يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا مع الحق .. واللي معايا يدخل !!!